|
|
 اشهد الله أني أُحبُ هذا الرجل لوجه الله ,,,
|
والوطن الذي انجب هؤلاء المبدعين , جيل خلاق مبدع وكريم خصال , جيل من اي الاجيال صاغ السودناوية التي تكتسيه ويكتسي اخي محمد السني دفع الله لك المودة من على البعد والقرب معاً ,,,,,,,
..................................................................................................................حجر.
|
|
  
|
|
|
|
|
|
|
|
Re: اشهد الله أني أُحبُ هذا الرجل لوجه الله ,,, (Re: طارق جبريل)
|
والله يا الرفاعي لا تعقيب على مقالك ..
محمد سني مريح ..
لما يسلِّم عليك بأحضان طوالي تتذكر ( والله أحضانك بلد) ..
حقيقة يا الرفاعي،
التواجد في مجاله المغناطيسي يمنحك سكينة لايحلم بها الدالاي لاما ولا دهاقنة اليوجا،
أبو السهروردي ربنا يحفظو..
ويحفظك يا حجـــــــــــــــــــــر..
| |
|
|
|
|
|
|
|
|
|
Re: اشهد الله أني أُحبُ هذا الرجل لوجه الله ,,, (Re: حمزاوي)
|
Quote: لما يسلِّم عليك بأحضان طوالي تتذكر ( والله أحضانك بلد) ..
حقيقة يا الرفاعي،
التواجد في مجاله المغناطيسي يمنحك سكينة لايحلم بها الدالاي لاما ولا دهاقنة |
اجمل و اعمق ما قيل في الادب العربي عن الغزل و الهوي العذري !!!
---
للسني المحبة و لك يا حجر السلام و لمرتضي الارض و المجد
| |
|
|
|
|
|
|
|
|
|
Re: اشهد الله أني أُحبُ هذا الرجل لوجه الله ,,, (Re: الفاضل يسن عثمان)
|
من زمن المحطة الاهلية وانا صغير ذلك الوقت وانا شايف محمد السني ومحمد نعيم من العباقرة الذين سيقلبون طاولة فن التمثيل السوداني , حضرت كامل الاعمال المسجلة في تلفزيون السودان لمحمد السني وكنت كل مرة استمتع بادائه , لكن النصيحة شميتو وزعلت منه لما مثل دور كمساري في مسلسل سوداني , الدور ما كان لائق عليه شكلا ولا مضمونا وما عجبني النصيحة لله اتذكر انه المسلسل تم نقده بواسطة هاشم صديق لما كان يقدم برنامجه في التلفيزون في التزعينات وقد قال شيئا مقاربا لوجهة نظري , ظهوره في فيلم عادل امام برضو ما لامس وجداني بصورة شخصية , غير هذا هو من الممثلين السودانين المقنعين , وبصورة انسانية عندما قاربته في هذا المنبر وجدته رجلا حفي بالتقدير ويستحق الاحترام
| |
|
|
|
|
|
|
|
|
|
Re: اشهد الله أني أُحبُ هذا الرجل لوجه الله ,,, (Re: محمد فرح)
|
محمد السني دفع الله رجل جميل ..متواضع ..سوداني اصيل ..
تحبه من اول نظرة او لقطة ..
وطني غيور ...
لم اشهد له طيلة فترة وجودي في المنبر اساءة لاحد
ورغم علاقتنا الاسفيرية لكن ماتتخيل انا فرحت قدر شنو للسهروردي ..
عيبه هلالابي والحلو مايكملش ..
كن بخير يامحمد انت اسرتك الجميلة ..
شكرا يارفاعي ياانسان ياجميل ..
| |
|
|
|
|
|
|
|
|
|
Re: اشهد الله أني أُحبُ هذا الرجل لوجه الله ,,, (Re: احمد محمد احمد عتيق)
|
الواحد يتألم يرى محمد السنى وغيره من المبدعين
فى المنافى بعد أن ضُيق عليهم الخناق وكبل إبداعهم
فى الداخل بقوانين وجبايات ما أنزل الله بها من سلطان
فجُففت البلاد إبداعيا مما أدى الى الهجرات الجماعية
وتوقف من هم بالداخل بعد الخسائر الكبيرة التى تكبدوها.
التحية للمبدع محمد السنى دفع الله
شكرا حجر
| |
|
|
|
|
|
|
|
|
 Re: اشهد الله أني أُحبُ هذا الرجل لوجه الله ,,, (Re: مجدي عبدالرحيم فضل)
|
من البوستات القليلة جدا في البورض الح يكون
فيها إجماع كاااامل من جميع الاتجاهات!!
والسني همسلف من الشخصيات القليلة جدا
البتحظى بقبول كلّ الناس .. ومن جميع الاتجاهات!!
هو الزول دا (ما يحبوهو) كيفن؟؟
النجيضة: أي كلمة اتقالت في البوست دا: شرحو
شكرا يا حجر .. شكرا بـ (حجم) السني وود الصايم مجتمعين!!
ولو إنت ذاتكـ خشيت معانا يكون كويس .. بس شايفكـ ضعفان اليومين ديل!!
_
غايتو الله يعين أحلام
_
والله يعينا على مولانا مرتضى وكلامو في العضم دايما!!
| |
|
|
|
|
|
|
|
|
|
Re: اشهد الله أني أُحبُ هذا الرجل لوجه الله ,,, (Re: محمد عبد الماجد الصايم)
|
شكرا رفاعي
وشكرا لجميع الاخوة المتداخلين
وطبعا انا شهادتي حتكون مجروحة في السني
دينا الحبوبة ... لك كل الود
السهر وردي هو احد المتصوفين ... الباقي يجي السني يتمو ليك
شكرا يا فايز بفرحك للسهر وردي ولكن اليومين ديل جاب ليهو شيطنة وتدمير واي حاجة بيشلا لازم يكسرا
ونحنا كل يومين بنشتري ريموت واصلا الموبايلات ادمرت ... وبعدين يااخي انتوا اصلا بي دعواتكم تم فرحتي شكرا
سودانيز يا كل الصحاب والاهل
ايو ضحكة جنان (( ود الصايم )) صحبك في البيت بشتون (( من البشتنة )) يعني ما عندو اي علاقة بالنظام والترتيب
محمد المرتضي . السني منتظر جيتك
ولكم جميعا احتراماتي
| |
|
|
|
|
|
|
|
|
 Re: اشهد الله أني أُحبُ هذا الرجل لوجه الله ,,, (Re: صديق الموج)
|
محمد السني ود دفع الله زول حنيــــــــــــــــن ساااااي لي الله سيدو
والله اداهو زول حنووووووووووووونة لامن بي هناك
كريمين الأتنين وحبوبين ومسالمين وطيبين
وضحكهم وتعايقاتهم في رقبتهم دي
عجبني وسر بالي يعلم الله ولي العهد السهروردي
طبعا انا يا دينا كنت بكتب إسم السهروردي غلط كل مره ، إلا اقعد اشف فيها حرف حرف
لكن الليلة إنتي قسمتيها لي إتنين سهلتي لي المهمة ، وشفيتها منك
والله صحي
السني وحلوم شوقكم حماني النوم , يا رب نتلاقى في الخرتوم ونفرح معانا القوم
كل القوم من طرف جت عليهم
ولسه طالباكم سهرة ظريفة في سوق واقف
يا ربي لسة سوقكم ده واقف طولو ؟
أجمل سهرة حضرتها في زيارتي الأخيرة للدوحة ضمن دعوة البورداب الأحباب
كانت بلإضافة للمشاركات الجميلة مع المبدعين العمالقة الشاعر حميد والشاعر الصديق الصادق الرضي
كانت دعوة جميلة من السني وحلوم لحضور مسرحية من إنتاج وإخراج السني في مسرح الدوحة
المسرحية كلها قدمتها بنوتة واحدة
لكن كانت قمة في الروووووووووعة
تجلى فيها السني بي إمكانياته الفنية الرائعة
صفق الحضور حتى اهتزت جنبات المسرح
الحضور معظمه من اهل البلد وبعض العرب وجمهرة غفيرة من شعبنا الحنين
الكلام عن ود السني لا يكمل ابدااااااااااا
الطيبون للطيبات
هنيئا لك يا السني بي حلوم الخاتية اللوم
وهنيئا لكي يا حلوم بالسني الحنين من البداية وأصيل للنهاية
ربنا يخليكم ويجعل البركة في ذريتكم الصالحة ويحفظ ليكم السهروردي
الشكر مطبوق لك اخي حجر وإنت زاتك زول ما ساهل
لا يعرف الفضل إلا اهله
دمتم جميعا
| |
|
|
|
|
|
|
|
|
|
Re: اشهد الله أني أُحبُ هذا الرجل لوجه الله ,,, (Re: فيصل محمد خليل)
|
Quote: ما دام قلت هى لله هى لله (القديمة) ....
خلى معاك الحب بتاعنا وصلحووو ...
وواحد حب براهو لى احلام ..
بس اكون طالباهم يورونى معناهو شنو
اسم ولدهم دا (سهر وردى) ؟؟؟ اكيد بكونوا
شرحوا كتير لكن فاتنى والله .. |
احلام ازيك ولكم المودة والسعادة
اشكر مرورك اللطيف عبر التحية
لجميع المرور عبر هذا البوست
والتحية للزول الجميل محمد السني
دفع الله والسهروردي الصوفي الجميل
حفظه الله وإياكم .
..........................................................حجر.
| |
|
|
|
|
|
|
|
|
|
Re: اشهد الله أني أُحبُ هذا الرجل لوجه الله ,,, (Re: سلمى الشيخ سلامة)
|
اخوي
الرفاعي عبد العاطي حجر
تسلم وليك المحبة الخالصة
عارف المواقع الاسفيرية بتقرب بين الناس
وبتخليك عارف الزول زي القريت معاهو الأولية
خليها الابتدائية ..
من تقرا للزول تعرفوا ده بكون صاحبك او هو صاحبك من زمن تاني
زي تناسخ ارواح وحكمة ربنا بتلاقيهو عديل طال الزمن ولا قصر بتلاقيهو
وفعلا تحس انو زولك . بعدين السودان ده وطن مافي شبيه ليهو الناس فيهو بتعرف بعض لامن تظهر او تعلن عكس ذالك .. اي زول تقعد جنبو تلقى عندو علاقة بيك يا قريبك واهلوا زمان سافروا لي بلد تناية او ساكن جنب ناس عمتك او اخوه معرس بت جيرانكم يعني لازم من تعرفوا وبعدين العرفة ما ليها علاقة قرابة
ماشرط في السودان الزول لازم يكون قريبك ما مهم المهم تكون بتعرفوا . وده البحصل سمعتا بي عرفة القطر وصحبة ناس اللوري في السفر الفين صحبة تتم لي باقي العمر بس ركها على القطر يعطل ولا اللوري ينكسر وتعال يا عرفة وصحبة ودافوري وونسة وليالي سمر
يا اخوي نحن محبتنا لوجه الله لانو نحن ناس محبة وناس واصلين بنحب النبي ومتسامحين ماعارف من وين ظهرت فينا العداوة والعنصرية واللؤم والغتاتةوالضرب تحت الحزام وفوق القانون وقدام الخلق والقوانين؟؟
احبك لوجه الله
بجي يوم نتونس بي محبة
| |
|
|
|
|
|
|
| |
الرفاعي عبدالعاطي حجر
محمد علي البصير
طارق جبريل
محمد المرتضى حامد
نادر النور آدم
هيثم طه
الفاضل يسن عثمان
اساسي
دينا خالد
محمد فرح
فايزودالقاضي
محمد حيدر المشرف
جمال خضر
مجدي عبدالرحيم فضل
محمد عبد الماجد الصايم
احلام وهبي
صديق الموج
اسماء الجنيد
عمار عبدالله عبدالرحمن
ساميه حامد
munswor almophtah
تبارك شيخ الدين جبريل
شهاب الفاتح عثمان
الفاتح ميرغني
ولياب
فيصل محمد خليل
Zomrawi Alweli
سلمى الشيخ سلامة
محمد سنى دفع الله
فيس بوك
تويتر
انستقرام
يوتيوب
بنتيريست