|
|
|
 Re: ظاهرة فتح الرحمن خلف الله ...(قيقراوي) (Re: قاسم المهداوى)
|
نظام حفلة شاي دي ول كيف!؟
--------
يا اخوانا القمم مستهدفة
انا زول عندي اعداء كتار هنا ..
المنبر دا كلو اعداء نجاح
اسي يجي البروف و بقية الرهط يحولوها لي حفل شواء
لا بالجد ما عارف اقول شنو والله
لكن لخير كدي ممكن اجي ابل ليكم بشاشا
هو بالضبط زي ما قلت يا بحر ..
بس مشكلتو بكتب بالدهب .. وبشكل بالطين!!
بالمناسبة رؤاه لو عرف طرحا وسوقا بشكل جيد .. انا اول زول بكون من حيرانو
والله صحي
| |
 
|
|
|
|
|
|
|
 Re: ظاهرة فتح الرحمن خلف الله ...(قيقراوي) (Re: قيقراوي)
|
تسلم عزيزي خالد بحر
فما قلت الا الحق
فليشحذ قيقاتيرا قلمه
ونحن معك من المنتظرين ,,
فالتنميط والصراعات الغير عقلانية سرقة كثير من اقلام سودانيزاون لاين
1/ صلاح البندر
2/ بشاشا
3/ حيدر الزين
غير من كسروا اقلامهم وهجرونا ,,
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: عمار عبدالله عبدالرحمن)
|
عزيزنا/ عمار عبد الله
تسلم يا مان....
Quote: فالتنميط والصراعات الغير عقلانية سرقة كثير من اقلام سودانيزاون لاين
1/ صلاح البندر
2/ بشاشا
3/ حيدر الزين |
طبعا كنت ناوي اضيف حيدر الزين والبندر في القائمة لكنك سبقتني والله
انت عارف عمك البندر ده برضو (بارا الجداد) وبقى يشتغل بردود الافعال
الغريبة عندى ليهو كتاب عن السودان صراع الموارد والهوية بتاع محمد سليمان
ياخ كل ما اشوف المقدمة بتاعة صلاح البندر واجى اشوف البوستات بتاعتو وحجم الهجوم عليهو
بتحسر ، الزول رغم الاختلاف الكتير بينو وبين بعض البورداب برضو زول ما ساهل، وعارف في ناس ما برضو
تشكر ليهم صلاح البندر....
| |
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: قيقراوي)
|
| Quote: نظام حفلة شاي دي ول كيف!؟ |
......ولا كيف!؟ هههههههههههه
Quote: يا اخوانا القمم مستهدفة
|
وقيل في الاثر القمم مستهدفة من الرمم ولا كيف!؟
عزيزنا/ قيقا
ما تقول حاجة بس (نطط )عيونك يا مان وشوف الناس حتقول شنو
اها بعد داك اعمل تقييم ودشن (الموجة التانية من قيقراوي) تسلم يالحبيب
وبخصوص كلامك عن بشاشا ياخ والله كلامك في محلو الزول ده ما عادي عديل كده
بالماء والالف والعين والالف والدال والياء....ما تنقطع من البوست ده.........ز
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: حيدر حسن ميرغني)
|
| Quote: ونتيجة لى ده بقى الناس يتعاملوا معاهو كأحد (ظرفاء المنبر)، وتنميطه في الاطار ده الحاجة دى حسب وجهه نظرى كانت خصمآ على قيقراوي الزول الكتاب صاحب التحليلات العميقة وصاحب اللغة الجميلة |
للاسف يا خالد قيقرا في مجاراته للظرفاء ما انضم ليهن كما فقد مقعده وسط المثقفين بالإضافة لأنو مكتبة ما عندو - الأخيرة دي اضافة ساي لزوم رفع الكثافه هههههههه -
أما بالنسبة لبشاشا فزي ما قلت نتيجة لصراعاته و لغته العنيفة واسلوبه القاسي كثيرا ما اتجنب القراءة له , لكن تبقى كتاباته عن الاصل الكوشي للاديان وكتابات اخرى شبيهة من امتع وافيد ما قرأت
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: حافظ انقابو)
|
أصصصصلك ما تبرد ليهم بطونم يا فتحي يا حبيب...
واصل إبداعاتك ورؤاك العميقة...وتحليلاتك أبو لستك...
وبرضو خليك ملتزم أسلوبك "الظريف" دا....
هو صحي الظرافة مالها؟؟؟
يعني بقت الظرافة حاجة كعبة الزمن دا؟؟
الأمة دي مالها بتحب النكد كدا؟؟
.......
عوداً لموضوعك يا بحر...
إنت صاااااااح...
وفي نفس الوكت... غلط في نص الزلط...
قيقراوي كاتب ومبدع ومحلل سياسي...وسياسي نشط..وناشط في مجال الحريات وفنان زاتو
وقبل هذا كله زول ظريف و"مهضوم"...والله صحي..
دا طبعاً بمناسبة افتتاح مصنعي بتاع التلج المكسر خلقة...
..
شكراً..
..
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: Mahmoud Mustafa Mahmoud)
|
Mahmoud Mustafa Mahmoud
تسلم ياخ....
Quote: يعني بقت الظرافة حاجة كعبة الزمن دا؟؟
الأمة دي مالها بتحب النكد كدا؟؟ |
انت عارف هو في النهاية الموضوع زوايا بتاعة شوف وكده، وقرايات بتحتمل الاختلاف
يعني مثلا انت شايف انو قيقراوى مية مية في الاستايل بتاعو ده، انا عكسك تمام وشايف انو قيقا عندو حاجات ممكن يقدما
للناس في التحليل والكتابة، خاصة انو قيقا ماعندو عداوات كتيرة في المنبر وزول مقبول شديد لناس المعارضة والموالة يعني مهضوم على حسب كلامك، يعني كلمتو مسموعة
طيب زول زى ده يتخيل لى ممكن يشكل الراى العام تجاه قضايا كتيرة في البلد دى ولا شنو....؟ لانو الموقوع رغم ماقيل عنه وما يقال قاعد يلعب دور كبير في الواقع السوداني
وفى النهاية الاختلاف في زوايا الشوف لا يفسد للود قضية ، والامر في الخواتيم لقيقراوى نحن(محض) نقاد ومتأملين في المشهد ده هههههههه
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: محمد البشرى الخضر)
|
محمد البشرى....كيفنك....؟
| Quote: للاسف يا خالد قيقرا في مجاراته للظرفاء ما انضم ليهن كما فقد مقعده وسط المثقفين بالإضافة لأنو مكتبة ما عندو - الأخيرة دي اضافة ساي لزوم رفع الكثافه هههههههه |
ههههههههههه المافي شنو ...نعمل لينا بوست تضامني ووقفه إحتجاجية قدام مكتبة بكري ابو بكر،،، تضامنا مع قيقا،،،
| Quote: أما بالنسبة لبشاشا فزي ما قلت نتيجة لصراعاته و لغته العنيفة واسلوبه القاسي كثيرا ما اتجنب القراءة له , لكن تبقى كتاباته عن الاصل الكوشي للاديان وكتابات اخرى شبيهة من امتع وافيد ما قرأت |
ده الموضوع بتاع الحفر القاصدو عن بشاشا، لمن يتكلم في الحتة دى بمتع الناس للدين،
تشكر يا محمد
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: خالد خليل محمد بحر)
|
القول ما قال انقابو ..
Quote: انت صاح
وصاح الصاح كمان
على الاخ قيقا
مراجعة نفسه قليلاً
وعمل جرد حساب
ومقارنة بين عطائه السابق
وادائه الابداعي الان |
راجع قبل أن تراجع ..
وقارن قبل ان تقارن ..
ثم سانيا مثقفين شنو يا قيقراوى ..
هو نحنا ناقصين مثقفين ..
عد فان مكانك مازال شاغرا كضحكنجى صاحب وجوه خضراء وحزب اخضر وقلب أخضر يا صاحب ..
كن كما أنت و .. اتذكر قول الشاعر
خدعوها بقولهم حسناء .. الخ
واسمع كلام انقابو ..
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: محمد عبد الماجد الصايم)
|
الملك المتوج/ محمد ع الماجد....سلام ياصاح
Quote: بوست غير (موفّق) .. ومحاولة
تكسير تلج في غير موضعها!! |
التلج مالو عيبو لى في السخانة دى، اللوح بقا أغلا من الجداد المشوى
تسلم يا مان
ـــــــــــــــــــــــــــــــ
طبعا محمد ع الماجد،هيثم مصطفى بتاع التيار ده
وبقدم السهل المفيد في المضمار ده، لكن بعض الاقاويل بتقول إنو خلاص
مفروض تتمعل ليهو مبارة بتاعة إعتزال وهو داقى جرس، موش قلت ليكم زى هيثم مصطفى ههههههه
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: Abutalib Elgorashi)
|
قلت لى خلف الله بقا يعملها ظااااهرة ؟؟
يااااا خلف الله ما عذبتنا !
اثنى
قيقا مثقف .. وواعى .. وما بجامل فى الحقيقة
وزول لطيف وقلبو ابيااااض ممكن تشوفو فى الشاشة .
لكن وفى اطار نفيو لى مثقف دى او
(بحاول ينفي عن نفسو تمهة إنو زول مثقف) ذى
ما قال خالد وبرضو خالد قال انو لابس كعب عالى ..
مرات الحركة بتضييع افكار ثمينة وراقية
وعجيبة ... بتروح فى تطويل مقصود من قيقا
و قراء كتيرين بفقدو ملامسة العبقرية
فى كلامه انا نموذجا وود الصايم وبقية الرهط
ف شنوووو اعمل حسابنا ياخ
نظرة يا خلف الله ..
بالجد قيقا رجل متفرد
والله شاف لينا .. لو ما قعدة السعودية دى ..
هىىىىىىىىى !
ـــــــــــــــــــــ
الكلام دا مجرد ملاحظات .. وببقى قيقا
هو قيقا .. بنفس الطعم والنكهة والرائحة !
ما تدخل فى طريقتو .. ولن تكون !
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: دينا خالد)
|
اما بخصوص الكائن الاستثنائى بشاشا ...
فمحاولات الجميع هنا لادخاله وعصرو عصر فى القالب
السائد .. عشان بعد داك الناس يقدروا يشوفوا
افكاره كما يزعمون المحاولات دى كلها باءت وستبوء
ومبأبأة بالفشل ... هيهات
بشاشا تكمن بشاشيته بالتفرد بالطريقة
والعلاج بالصدمة .. كما اختار
نحن ما قادرين نحل مشاكلنا بطريقة وعى وتفكير
جديدة لاننا بنركن للسائد والمألوف
ودا عنده حراس بى مسدسات وكلاشات وكلو
عادى ممكن يطخوك عشان يمنعوا البعدك من الورود
من هدا المورد ..
فى ناس بفتكروا انو التماهى مع الموجود بكل قبحه
مع حمل افكار خجوله تتوارى هنا وهناك وسط المجاملة
والمالوف ممكن تعمل تغيير احسن ..
اى بطريقة اكل النطيحة بالقشة ,, ولكننا فشلنا
اتابع عن كثب وبشغف تجربة بشاشا
بشاشا مدرسة متفردة وفريده
المدرسة دى لما يبقا عندها اتباع كتيرين ستجبر
بقية المدارس والتيارات بالرد عليها بالحجة
والمنطق والافكار ...
لكن الان وذى ما شايفين انو طريقة حربها ساهلة
شديد ليس بمقارعته الحجة ولا بالافكار بل بالحرب
عليك لارجاعك لحظيرة التفكير السايد
بان ارجع ارجع فقد دوست على كذا وعلى كذا
هدمت المسلمات ووطئت على اسماء منا مقدسه ..
ودا كفيل بعدم الرد عليك ... لاحجج ولا براهين
فى مواجهة افكارك لانك صبأت ...
لازم تتطرح اى افكار وانت مربوط بتلك الترلة
المثقلة من كلام جميل مغتغت فاضى وخمج ,,,
ـــــــــــ
الحديث حتما سيكون دو اشجان حول مدرسة بشاشا
على فكرة اى بوست فيه صفحتين ما بفتح عندى
ما عرفتو لى السر شنو ؟؟
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: دينا خالد)
|
Quote: يا بحرنا يا خالد سلامات،
كما تعرف يا خالد، قيقراوي مثقّف حقيقي، وظريف لا يتكلف الظرافة، ولا يفرِط ولا يجامل فيما لايقبل التفريط والمجاملة، تجده في الجد جاد دون قسوة (وهنا تكمن قوته)..
__
لكما المحبة.. |
أشك فى أن ياسر طيفور مهكر...
ــــــــــــــــــــــــــــــــــــــــــــــــــــــــــــ
إنت ذاتك ليك المحبة
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: دينا خالد)
|
دينا خالد ....سلام....وتحية......
Quote:
اثنى
قيقا مثقف .. وواعى .. وما بجامل فى الحقيقة
وزول لطيف وقلبو ابيااااض ممكن تشوفو فى الشاشة .
لكن وفى اطار نفيو لى مثقف دى او
(بحاول ينفي عن نفسو تمهة إنو زول مثقف) ذى
ما قال خالد وبرضو خالد قال انو لابس كعب عالى ..
|
ده الكلام ومتفقين يعني في الكلام الفوق ده يا دينا
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: Yassir Tayfour)
|
ياسر طيفور ...هاك التحية دى......
| Quote: كما تعرف يا خالد، قيقراوي مثقّف حقيقي، وظريف لا يتكلف الظرافة، ولا يفرِط ولا يجامل فيما لايقبل التفريط والمجاملة، تجده في الجد جاد دون قسوة (وهنا تكمن قوته).. |
تسلم ياخ والله...وابقى اظهر في المولد ده
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: محمد حيدر المشرف)
|
عزيزنا/ محمد حيدر المشرف
....كيفنك ياخ....؟
Quote: ثم سانيا مثقفين شنو يا قيقراوى ..
هو نحنا ناقصين مثقفين .. |
أنت عارف يا محمد هو ده جوهر الموضوع، الهروب من لفظةمثقف ، اللى بقت فيها حمولة سلبية غير مبررة
يعني الواحد لمن تقول ليهو أنت زول مثقف، طوالى تلقاهو( صرا وشو وبقى كيف كيف) ....؟ يعنى لمن تقول لى إكس من الناس انت زول مثقف
زى التقول قلت ليهو أنت عندك(جَرب)، هل يعقل أن تكتسى العبارة دى بكل الحمولات السالبة دى....؟ ياخ المثقف ده موش فى التعريف البسيط هو الزول المطلع
واللى على درجة ما من الوعي ولا شنو...؟وعبارة نحن ناقصين مثقفين دى زاتها بتدخل في إطار الهزيمة النفسية للمثقف زاتو،،،انت هسى يا محمد حيدر واحد من المثقفين القلائل فى المنبر ده
على حسب وجهه نظرى، وبفتكر انك قاعد تكتب كلام هو بعبر عن سعتك المعرفية، اها انت زول مثقف ولو كره الكارهون ههههههه
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: خالد خليل محمد بحر)
|
| Quote: لكن بتملكني أحساس إنو قيقراوي تضرر كثيرآ من خلال تدني مستوى الحوارات الجادة في المنبر، وده خلاه يجاري الموجة دى، ونتيجة لى ده بقى الناس يتعاملوا معاهو كأحد (ظرفاء المنبر) |
وهل ( الظرافة ) بتتعارض مع الكتابة الإبداعية والتحليلات العميقة وشنو كده ماعارف ؟؟
وهل رص الكلام والتنطع بالمفردات الغريبة في مكان وأي زمان بلا داع
تمنح صاحبها مقعد في مسطبة الأدباء والمتثاقفين ؟؟
متى كانت روح المرح والدعابة خصماً على صاحبها؟؟
ومتى كان التعالي والصرامة والمساخة والقطامة واللؤم ميزة يتفاخر بها ؟؟
رب مداخلة ( ظريفة ) من سطرين تعادل بوست كامل وآخرى من سطرين
تنسف فكرة بوست كامل أهرق صاحبه مداداً كثيراً لكتابة متنطعة بلا منفعة ولا فائدة
ثم سؤال ( شمشرة ) :
ظرفاء المنبر ديل منو الذين ( تستبري )لي قيقراوي أن يكون منهم ؟؟
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: السيد أحمد إبراهيم)
|
Quote: عوداً لموضوعك يا بحر...
إنت صاااااااح...
وفي نفس الوكت... غلط في نص الزلط...
قيقراوي كاتب ومبدع ومحلل سياسي...وسياسي نشط..وناشط في مجال الحريات وفنان زاتو
وقبل هذا كله زول ظريف و"مهضوم"...والله صحي..
|
اخونا خالد بحر سلامات
ياخ مافى شى يمنع قيقا وغيرو انو يكون ظريف ومثقف حتى وان رأى المتقف الظريف الاخر ود البشرى غير ذلك
حيث طلع ود البشرى قيقا من الملتين (ظرفاء ومثقفين)
ثم احيلك لبوست عمران حسن صالح عن بوستات الدردشة وحتلقى هناك اظرف ظرفاء المنبر ومثقفيه مجتمعين فى نشوة وغبطة وحبور
http://www.sudaneseonline.com/cgi-bin/sdb/2b...d=380&msg=1330113652
امثلة بس بدون حصر يا خالد :
بروف امين همسلف (معلوفة من قيقا) اللى هو نجم نجوم البورد فى القرن الحالى (ببوستات العليفة بس) ظريف شديد وبعمل وشوش خدر كمان لكنو من العمق بمكان..
دينا خالد بى لووووووباتا الكتيرة دى وباستصحاب رشاد نميرى زاتو مثقفة وواعية ومستنيرة ..وذات كتابات خفيفة وعميقة فى نفس الوقت ولا تخلو من الطرفة والظرافة ..
تمبس حتى بعد ماكورتو فكت 
عمر الفاروق ,,دا كمان لامن طبع ديوانو الاول فى حين انو قيقا لا مكتبة لا ديوان ويسألنى الله ظريف ظرافة تحير وبتاع كورة كمان
محمد المرتضى ,ابو جهينة بى عنكوليبو , طارق جبريل بى النخجى بتاعو , حبيب نورة بى صمغو وشجرو الكبار والصغار,
ووو.....
خالد بحر ياخ البوست دا ممكن تستثمروا فى تدشين مشروع المثقف الاديب قيقا
بدون ماتعزلو عن فئة الظرفاء اللى هو متحكر فى نصهم شاءت الثقافة المالية دماغو دى ام أبت ..
وكمان ممكن عادى يكون مظاهرة للمطالبة بمكتبة لقيقراوى ..
وبعداك حقو نعيد تعريف المثقف لانو بجد فى خلط فى الامور
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: احمد الأمين على إدريس)
|
قيقا زول كتاب وذهنه حاضر ويمتلك خاصة التمسك بفكرته والتعريج هنا وهناك والعودة الي نقطة البداية وهذه ميزة لا يملكها الكثير من المحاورين , مشكلة قيقا الرئيسية هي ارضاء الجمهور وكترة الغلاط والنقة بغير هدف جمع المتناقضات الواقع فيهو دا بخلي حضوره المركز في المنبر بدون زبدة ولا عصارة تفيد , مشكلتة التكنكية في البورد انه اختار الجانب الخطا للانضمام اليه وهي كما اسلف الناس الفوق ديل محاولته اللحاق بركب ظرفاء المنبر ودا راجع لشخصية قيقا في انه زول مجامل وما بيحب يزعل زول لكن الكلام دا ضيع عليه فرصة تاريخية اعتقد انها كانت ستلائمه اكثر لو اختار جانب ثقلاء المنبر امثال ملاسي وغيره في انه كان سيخلق شخصية مهابة ومحترمة من الجميع ويُضع لها الف اعتبار اوان النقاش في انه يملك ادوات الافحام كاملة الا انه ضيعها خلف المجاملات والمعطاط البسوي فيها دي
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: اساسي)
|
| Quote: قيقا زول كتاب وذهنه حاضر ويمتلك خاصة التمسك بفكرته والتعريج هنا وهناك والعودة الي نقطة البداية وهذه ميزة لا يملكها الكثير من المحاورين , مشكلة قيقا الرئيسية هي ارضاء الجمهور وكترة الغلاط والنقة بغير هدف جمع المتناقضات الواقع فيهو دا بخلي حضوره المركز في المنبر بدون زبدة ولا عصارة تفيد , مشكلتة التكنكية في البورد انه اختار الجانب الخطا للانضمام اليه وهي كما اسلف الناس الفوق ديل محاولته اللحاق بركب ظرفاء المنبر ودا راجع لشخصية قيقا في انه زول مجامل وما بيحب يزعل زول لكن الكلام دا ضيع عليه فرصة تاريخية اعتقد انها كانت ستلائمه اكثر لو اختار جانب ثقلاء المنبر امثال ملاسي وغيره في انه كان سيخلق شخصية مهابة ومحترمة من الجميع ويُضع لها الف اعتبار اوان النقاش في انه يملك ادوات الافحام كاملة الا انه ضيعها خلف المجاملات والمعطاط البسوي فيها دي |
كلام يا عوض دكــــام....ده زكرتنى المحللين بتاعين الجزيرة الرياضية في التحليل الدقيق المكثقف الكافي الشافي
ده اسمو (فرش متاع لقيقا) ...بس مختلف معاك في موضوع انو قيقا لو (ركز في كورتو) ممكن يبقى زى ملاسى، ياخ ملاسي ده حالة خاصة تانية
جديرة برضو بالاهتمام لانو من مدرسة تانية ماعندها علاقة بي مدرسة (قيقا كما ينبغى ان يكون) ههههههه، تاني حاجة الحتة بتاعة قيقا المعاط دى هههههه
طبعا قيقا برضو زى ما قلتا زول(حكاك للدين ولمن يركز معا زول قيامتو قامت) يعني ممكن يبطل مشاغلو ويومو كلو يقضيهو تركيز مع إكس من الناس لحدى ما يوصل الحاجات لنهاياتها
المهم ،،،،وبمناسبة المهم دى ياخ تبــــارك شيـــخ الدين ده برضو مالو (عيبو لى) زول كتاب للدين ، ولاماح واى حاجة، بس واقع في في نفس المأزق بتاع التنميط والمكاوة بتاعة الناس،لو طلع بره الاطار ده
ياخ حيبقى (ميسي) بتاع سودانيز اون لاين...
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: اساسي)
|
لا دي قوية يا اسئس و الله
و(النقة) إتسلف، ما هدف لذاتها!؟
------
يا خالد طلع دينا..
دندنة برضو اطلقت النار على قدم مداخلتا ..
اباحت لبشاشا ما حرّمت علي
لي ما تأخدو البكتش كلو بي خدرتو وجرجيرو (زي ما قال حبيب ألبي المشرف) كمدرسة مفارقة للمألوف و المعروف؟
المافي شنو!؟
بالمناسبة انا "برج العذراء" .. واعتقد -ما عارف انتو بتعتقدوا في الابراج ول لأ؟- غايتو انا اعتقد انو دا مفتاح جيد .. الراحت عليو الاحالة يقوقلها ويتوكل.
كأشهر زول مولود يوم 29 اغسطس - بعد موتة مايكل جاكسون طبعاً- ما بكون محتاج لي مشروع ادبي ولا تقنت ذاتو .. ولا بقلقي الوجودي العلي دا، و السعي المستحيل لكمال مافي، بقدر التزم في أي مشروع لمدة طويلة ذاتو!
مع الشكر للجميع بدون فرز
حتى الحاقدين و اعداء النجاح زي ود البشرى (نعمل شنو دا قدرنا كمبدعين نخيل و اشجار صندل ساااي)
واعتذاري على خرق البروتوكول ..
المحتفى به مفروض يكون في وضع الهزاز
ويوزع البسمات على الجميع .. مش؟
لكن اهو رواشة ساي من اخوكم
(ودي مدرسة تانية يا دندنة "البداوة المعاصرة" ودا تفريق ليها من البدو الساي، و الناس الما بدو كلو كلو لسة!)
تحياتي و محبة للجميع
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: قيقراوي)
|
للامانه ومن باب الاعتراف ساعة جات المناسبة بي بوست خالد ده،في البدايه تخاشنت مع قيقراوي ربما تعاملت بي حساسيه زايده مع مداخلته لي في بوست يخص بريمه وحسبته نوع من الاستهزاء هذا الشئ جعلني اترصد فيقا في بوست مشاركة احدي البوردابيات وللامانه برضو كان نتيجه لردة فعل نفسي الامارة بالسوء .بعدها حاولت ان انظر اليه بمنظور اخر بعيد عن تلك الحادثة فوجدت فيه مزيج من الخصال النادرة فهو شاب مثقف ذو سند معرفي كبير ورؤية عميقه بطبيعة الصراع في هذا البلد،يمتلك شخصيه مرحه وداواخل نقيه وروح صافيه لا تعرف الترصد ولا تضمر حقدا'في تقديري تجربته او لنقل تاريخه الماركسي جعل قدرته التحليله كبيره وأخذ من هذه التجربة محاسنها وتجاوز سلبياتها بشكل يحسد عليه.يبقي قيقراوي احد المؤثرين جداً في هذا البورد والراجح عندي ان أسلوبه يتم بوعي منه اي يستقصد هذا الشي فهو يخلط أفكاره المتماسكة بنوع من الفكاهه الطاعمه ربما لان المتلقي هنا يمل من الطرح الجامد والجاف وهي نقطه تحسب لصالح قيقراوي وقدرته علي توصيل أفكاره مستصحبا مزاج المتلقي.قيقا شخصيه مرحه وجميله ومثقفه.له كل الحب والتقدير وان يصفح عنا عن تلك السخافات الماسخه.شكرا خالد ولقيقا الود
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: فاروق عثمان)
|
Quote: على الاخ قيقا
مراجعة نفسه قليلاً
وعمل جرد حساب
ومقارنة بين عطائه السابق
وادائه الابداعي الان |
المافي شنو؟
يا حافظ ياولدي مادام الأداء إبداعي الوصيه في شنو؟
قيقا قارئ نهم..
متابع نشط..
لا يستنكف ولا يبخل برأيه ولا يتقيد بظاهرة الشللية..
يكتب بلغة محكية واسلوب جزل ممزوج بلطف غير مفتعل..
ناقد لماح لا يجامل ..
بس كمان مرات يفتعل العكلتة ..
ملكاتو تتجاوز مهنيته بمراحل..
حاسة شمه قوية لموطن الخلل في أي نص..
الزول دا لوكان قانوني ما كنا اكلنا معاه عيش..
وفوق هذا وقبل ذلك لا يسيء الظن بالناس..
ويؤلمه أن يساء فهمه.
..
أما بشاشا فهو بشاشة اتجاه مقارنتة مع الآخرين معدومة..
يسعى بأظافره لسودنة وتسويق فكر نبيه Cheikh Anta Diop ..
من أخطائه أنه يحاور الكل وكأنهم اطلعوا مثله على افكار شيخ ديوب ..
استسهاله في اختيار الالفاظ الصادمة تغطي على طبيعة نفسه المسالمة.
شكرا بحر.
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: فاروق عثمان)
|
كأحد اعداء النجاح الشرفاء لا أملك إلاّ أن اعترف بان قيقرا بتكراره لمقتطفات من اشعار د.تاج السر جعفر بمناسبة وبدون واصراره على حشرها كما الوجوه الخضراء في مداخلاته, هداني لكنز عظيم من الإمتاع إذ بحثت عن اشعار الدكتور تاج السر, عليه الشكر لقيقرا رغم القد الفي الموضوع وكدا ههههههههههههه
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: قيقراوي)
|
بسم الله الرحمن الرحيم ..
قيقتنا..
جميل أن يثير تناولك للأشياء كل هذا الحراك .
وجميل جداً أن تحتفظ لنفسك ببضعة أسطر تفصل بينك وبين التوصيف ..
وليكن مرد ذلك إكتفاء ذاتى تحسه فى حرفك وطرحك ..
إيما تعديل فى أسلوب الكتابة يتبعه بالضرورة تعديل واسع فى متعلقاتها ..
وللفكرة ألف درب للوصول ..
بالرغم من ذلك فجرعات ( الظرافة ) المكثفة ترهق المواضيع الجادة ..
ثم إنا مشتاقين ياخ
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: النور يوسف محمد)
|
عزيزي القارئ ..
وقع ليك كلامنا؟
ما شجرة صندل تعطر فأس قاطعها ساي اسي؟
Quote:
هداني لكنز عظيم من الإمتاع إذ بحثت عن اشعار الدكتور تاج السر
|
وكفى بذلك فائدة معاصرة
او كما قال الحبشي
-------
كدا انت انجزت نص المقرر.. كمل ..
وفتش عن خالد عباس الطاهر (خالد مونيكا)
بعدا بنعتقكم من المقرر الاخدر كلو
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: Yassir Tayfour)
|
سلامات خالد بحر
تحياتي لك و للمحتفى به "قيقأ" ولكل الصحاب هنا.
تقبل فائق معاني الود والإحترام
محمد جمال
----------
أيوة يا قيقاراوي... أنا موجود منذ الأزل في "مطعم الباشا" وسعيد وفخور : ) ..... ((دا بالإحالة إلى شيل حال قيقرواي قديم و "مكرور" وممل )) : ). .... لك الود كله والمحبة يا صديق
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: محمد جمال الدين)
|
سلامات حبيبنا
Quote:
أيوة يا قيقاراوي... أنا موجود منذ الأزل في "مطعم الباشا" وسعيد وفخور : ) ..... ((دا بالإحالة إلى شيل حال قيقرواي قديم و "مكرور" وممل )) : ). .... لك الود كله والمحبة يا صديق
|
البباري حسين ملاسي بوردو موارد بلادة الحس الانساني
(حديس) صحيح .. اخرجه ؤ رواه قيقاراوي من دقنوسو المكودس دا
والله براي ضحكت في نفسي لمن لبست قفطان الواعظ لمحمد عثماننا ..
ونسيت نفسي من المعروف و المعلوف!
فتأمل
تقبل صادق اعتذاري يا صديقتاذنا
ومثله للكائن الاستثنائي د.فاروق عثمان
صدق انا ما كنت قاصدك انت .. ما كنت بعرف بريمة كويس بس!
وشكراً جزيلاً يا بحر ان جعلت هذا ممكناً
الموت من الحياة ما معروفة ..
احسن نتخلص من الذنوب القاعدين نكتبا في مطعم الباشا سمبلا ساي دي!
في ذمتكم قاعدين نكتب شنو غير ذنوب اسي هنا!؟
الحمد الله- المتفرد بالثناء على المكاره- انو ما عندنا مكتبة ذاتو ..
غثاء ساي، تذرؤه الرياح
ما حصل ادعيت اني كاتب، او صاحب مشروع ادبي
انا (محاسب) وصراحة كاتب دي بترجعني لبداية السلم المهني ..
ؤ دي بقدر ادعيها بجدارة، ومن اراد ان يثكله (كيسو) فليطالعني في خلاها عشان نفتش كيسو فيو شنو!؟
ما يطلع زي البروف جرابو فاااضي ساي كمان!
لكن دا ما بمنع انو عندي (مشروع) حياتي
خلوني اختار ملامحو .. واستمتع بيهو بمزااااج
المافي شنو؟
--------
يا دندنة جابت ليها كعب اخيل، ؤ عالي كمان!؟
طلع دينا يا خالد
انقري منو اكتب من مشى على كعب عالي .. في رأيّ!؟
نديك (هنت): ما بعيدة من د.تاج السر جعفر .. و في اسمها برضو في جعفر
باقي ليك تلاتة حروف بس .. قصرت معاك؟
يقصر الملح
[تلخيص اللحظة]
بكعب عالي او بدون ..
البكتش الاخدر كلو .. او خلّو
لا توجد منطقتن وسطى ما بين الجنة و النار
السلام الاخضر .. الوش الاخضر .. القلب الاخضر ..
والسجار ذاتو اخدر
المافي شنو!؟
الما عندو القرش ما يركب مارسيدس .. فليلحقنى وراء بوست (الحلو)
حبوب هلوسة مجانا على قدر الجماعة .. جماعة واحد
لكل الديش
ثم انو ياخي الشوربة للجميع في مطعم الباشا دا .. برضو مجاناً
اساسي جايي يطلع لينا (النقة) ما اجندة في ذاتها و لذاتها
و سعادتو النور قال "الضحكة" بتخرب المواضيع الجادة!
يا للهول!!
هول شنو؟
شملة كنيزة دي رباعية و قدها خماسي!!
في ذمتك دي يا سعادتك وريني زول واااحد جادي من نص الاربعين مليون ميل ومزاج AKA (شعوب سودانية) دي!؟
وريني الجدية في الـ30 سنة الاخيرة دي كانت وين
صراحة كزول مولود في مايو .. وشاب وأصلع في الانكاص ما عارف "جاد" دي يعني شنو!؟
والله صحي
الا كان معنى قاموسي ساي .. لكن في واقع مسرح العبث العلينا دا ما شفناها!
يعمينا و يطرش الجيران!!
ثم ياخي و الله مشتاقين بما لا قبل لسعادتكم به .. كلو كلو
ومسكين الشوق
تحياتي للبهناك نفر نفر
واحضان على قدر الجماعة .. جماعة وحد .. آتنين
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: خالد خليل محمد بحر)
|
لا حولة و لا قوة إلا بالله العلي العظيم !!!
البوست ده يا خالد رجعنا ملايين السنين الضوئية و مسح جهود خرافية من العمل اليومي ... ياخي ما ممكن أكون شبه متفرغ لعلاج فتح الرحمن من ال delusion بتاع إنو كاتب و في اللحظة البدأ يستجيب للعلاج تجي إنت تقول عليهو ظاهرة !!
-----------
بوستيك ده لو كنت عملتو ( لماذا يكرهون فتح الرحمن قيقراوي .. ؟! ) كان ساعدنا في العلاج !!
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: الصادق اسماعيل)
|
قيقا الكلام دا معقد شوية، والله قدرت ما حاولت غلبني أفهم حاجة بس عرفتك قاصد خير : )
قصدي الكلام دا:
Quote: يا دندنة جابت ليها كعب اخيل، ؤ عالي كمان!؟
طلع دينا يا خالد
انقري منو اكتب من مشى على كعب عالي .. في رأيّ!؟
نديك (هنت): ما بعيدة من د.تاج السر جعفر .. و في اسمها برضو في جعفر
باقي ليك تلاتة حروف بس .. قصرت معاك؟
يقصر الملح
[تلخيص اللحظة]
بكعب عالي او بدون ..
البكتش الاخدر كلو .. او خلّو
لا توجد منطقتن وسطى ما بين الجنة و النار
السلام الاخضر .. الوش الاخضر .. القلب الاخضر ..
والسجار ذاتو اخدر
المافي شنو!؟
الما عندو القرش ما يركب مارسيدس .. فليلحقنى وراء بوست (الحلو)
حبوب هلوسة مجانا على قدر الجماعة .. جماعة واحد
لكل الديش
ثم انو ياخي الشوربة للجميع في مطعم الباشا دا .. برضو مجاناً
اساسي جايي يطلع لينا (النقة) ما اجندة في ذاتها و لذاتها
و سعادتو النور قال "الضحكة" بتخرب المواضيع الجادة!
يا للهول!!
هول شنو؟
شملة كنيزة دي رباعية و قدها خماسي!!
في ذمتك دي يا سعادتك وريني زول واااحد جادي من نص الاربعين مليون ميل ومزاج AKA (شعوب سودانية) دي!؟
وريني الجدية في الـ30 سنة الاخيرة دي كانت وين
صراحة كزول مولود في مايو .. وشاب وأصلع في الانكاص ما عارف "جاد" دي يعني شنو!؟
والله صحي
الا كان معنى قاموسي ساي .. لكن في واقع مسرح العبث العلينا دا ما شفناها!
يعمينا و يطرش الجيران!!
ثم ياخي و الله مشتاقين بما لا قبل لسعادتكم به .. كلو كلو
ومسكين الشوق
تحياتي للبهناك نفر نفر
واحضان على قدر الجماعة .. جماعة وحد .. آتنين |
بالمناسة المدعو "محمد عثماننا" دا مالو معاي؟. عندك فكرة يا قيقا؟... جاني خبر قالوا هبشني في غيابي و "صمة خشمي"!. يا خ دي قصة غريبة!.... بس أنسانا... أنا عافي ليه مقدمآ... إمكن إكون ما قاصد حاجة كعبة جدآ... وحتى لو برضو أنا عافي... أنسى... وخلينا في إحتفالنا دا. وأتمنى من خالد إسمح لي بالإضافة إلى المحتفى به قيقا أحي البروف المخضرم أمين نوتة (زميل كلية سابق) والمقاتل الصادق إسماعيل (زميل قتال سابق) وتحياتي الحرى للجميع.
------
والتحية لرمانا... رمانا دي منو؟. : ) شفت كيف أنا الشمارات بتجيني يا قيقا : )
أنا رجل كل المطاعم "الشعبية والسبعة نجوم" ... المافي شنو : )
-----
حاولت أدخل كلمة "رعاع" في جملة مفيدة "في السطر الأخير السابق" بس قلت ما هسه، نشوف الخيرة أول : )
| |
|
|
|
|
|
|
|
|
|
Re: ظاهرة فتح الرحمن خلف الله ...(قيقراوي) (Re: حبيب نورة)
|
سلام فور اوول (معلوفة .. لكن عا########ي الاحالة الفيها لمطعم حبيب على ألبي)
يا جمال انت مالك سآل كدي!؟
لا شئ شخصي فيما دار محور سؤالكم عنه ..
انما هو ملل الهنا من المداخلة الطويلة، و المصطلحات الثقافية الغميسة ..
وزي ما عارف قالوا حب الناس مذاهب .. و الناس ملل و نِحل
المهم فيما ليني انا ..
ضارب الهم بالفرح
هوو كيرز!؟
دا قدرنا كمبدعين و انبياء نحترق في مذبح الانوار لنير طريق (اليتامى، و ابناء السبيل .. ؤشماشة الاسافير) الهنا ديل .. او كما قال آية الله الحسن الموسوي .. تقدس سره
انت فارقة معاك!؟
كم مرة قلتها لملاسي (برا فايدة! .. ودون تأمل من جانبه زي ما صدّع بينا هنا!):
اذا كنت لا تقرا الا ما يعجبك (فغط)، فتأكد انك لن تتعلم ابداً!
من يومها، (المعرفة) حفت بالمشاق، ومكابدة شهوات النفس للساهل، العادي، الرتيب .. الما ممل ..
لبراحات المفارق .. المتمرد .. المحرر للذات -في ابراهيمية مجيدة- و محطم للاصنام و الانساق المعروفة
او كما قال شيخ شيخي ود البتولا "اسرى يلهون بالمعلوم!"
--------
فالإلهام بأوجز حكمة له، أن لا تتفق مع أحد على تعريفٍ للجنون. وبذلك تستبدل عقلك وكل شيء بالإلهام. إن اتفقوا جميعاً.. على نظرياتهم الجماعية فالزم إلهامك. الذي هو عقلك، كما انكتب قَدَرُك. ولا تهتم، أبداً لا تهتم إن وقعت في دائرة توصيفهم للجنون، ما دمتَ تُريدُ إلهامك. فما ابنُ فرناس سوى إلهامه؟ وما قيمتُه لدى ذويه ومعاصريه غير مجنون؟ يا زول تطير فوووق في السماء مع الباز والشاهين، أأنت مجنون؟ "لا حول ولا قوة إلا بالله"، شِدُّوا الحبال فوق النار، خلوهوا يفطر قيوداً. فالمجموع لن يسكت على الإلهام، ويدِّخر الطبز لكل بصيرة نبي. إلا أنَّ طبيعة الإلهام هي "المروق" القسري نحو الأمام، بالطاقة الدافعة للتجاوز. الجسم إن لم يحتوِ على طاقة دافعة أكثر من الأجسام التي تقف معه في الحِذْية، لن يتجاوز. والمجموع دائماً يُريد حذيته غير ناقصة ولا طايوق أو كراع، لذلك سيشرع في طبخ المكائد فوراً. ...
جحيم الاكسسوار - انانيا صفر في الثقافة السودانية 2
http://www.muhsinkhalid.org/index.php/2011-04...-2011-04-02-19-18-43
| |
|
|
|
|
|
|
| |
خالد خليل محمد بحر
قاسم المهداوى
قيقراوي
عمار عبدالله عبدالرحمن
حيدر حسن ميرغني
محمد البشرى الخضر
حافظ انقابو
Mahmoud Mustafa Mahmoud
محمد حيدر المشرف
Yassir Tayfour
Ashraf el-Halabi
محمد عبد الماجد الصايم
دينا خالد
السيد أحمد إبراهيم
ود الخليفه
احمد الأمين على إدريس
MOHAMMED ELSHEIKH
محمد على طه الملك
حمد عبد الغفار عمر
محمد جمال الدين
طارق جبريل
أمين محمد سليمان
Balla Musa
الصادق اسماعيل
حبيب نورة
فيس بوك
تويتر
انستقرام
يوتيوب
بنتيريست