|
Re: ليك كل الود.. (Re: محمد عبدالرحمن محمد)
|
اعيشها معاك لو تعرف دموع البهجة والافراح اعيشها معاك واتاسف علي الماضي اللي ولي وراح علي الفرقة الزمانا طويل علي الصبراللي عشناهو مع طول الالم والليل زمان كنا بنشيل الود في عينينا كان يكبر حنانا زاد وفات الحد زمان ما عشنا في غربة ولا قاسينا نتوحد وهسع رحنا نتوجع نعيش بالحسرة ونتاسف علي الماضي اللي ما برجع احبك لا الزمن حولني عن حبك ولا الحسرة وخوفي عليك يمنعني وطول الالفة والعشرة وشوقي اليك من طول لسة معاي ولي بكرة - الدوش
| |
|
|
|
|
|
|
Re: ليك كل الود.. (Re: محمد عبدالرحمن محمد)
|
يا سلام عليك يا المطرطش أخوي .. حقيقة لقد أسعدت صباحي بهذا اللحن الباذخ .. فالتحية للدوش ووردي رحمهما الله وأسكنهما فسيح جناته ... ولك أخي خالص الحب وعاطر الأمنيات ....
بعدين تعال النقول ليك آلمطرطش آخوي الحته بتاعة (صحيح إنو الزمن غلاب) مالك لحستها من النص المكتوب آلشقي ...
* وينك يا ود جبرين من القيامه الرابطه بي جاي دي ياخ.؟!!! النبي كان ما جيت جوعرت ليك شويه يا حبيب ... أصلي عارفك بكاي بالحيل ...
شكراً مرة أخرى أخي الحبيب محمد عبد الرحمن .... و ... (شوقي الليكا طوّل لسه معاي ... ولي بكره لسه معاي ...) ...
مع خالص حبي الذي تعرف ؛؛؛؛
| |
|
|
|
|
|
|
Re: ليك كل الود.. (Re: إدريس محمد إبراهيم)
|
الحبيب محمد سلام ومحبة الاغنية دى عندى معاها ذكريات سمحة مرة الشاعر الجميل كل الرحمة له عمر الطيب الدوش ايامها كان المعهد فى قصر الشباب والاطفال جاء عمر ضاحكا وحكى لنا ماحدث له وسائق التاكسى كان فى ذلك الصباح فى طريقه للمعهد رفقة سائق التاكسى ذاك قال عمر "السواق كان عنده راديو فى التكسى والاغنية الشغالة كانت الود سالنى السواق بتعرف شاعر الاغنية دا ؟ ياخ انا بحب شعره جدا قال عمر ضحكت وقلت ليهو ـ انا شاعرها اسمى عمر الطيب الدوش السواق اخد ليهو "صنه " وقلدنى فى المقعد لمن حسيت انى حاموت من القلدة وبدا يحكى لى كيف انه منذ اول مرة يسمع فيها الاغنية ـ الود ـ احبها لمن وصلت قصر الشباب ومديت ايدى عشان ادفع حق الاجرة السواق حلف ما يشيل منى مليم تلك ايام يا محمد لن تعود فى مرة كنت اكلم الدوش عن الكتابة للاذاعة ، ايامها كنت ياداب بديت الشغل فى الاذاعة ضحك الدوش ضحكته الحلوة تلك وقال ـ فى الاول ناس الاذاعة ديل خليهم يدونى حقى فى الحزن القديم وبناديها بعدين بكتب ليك دراما رحمة الله على الدوش ومحمد وردى رحمة تتسع
| |
|
|
|
|
|
|
Re: ليك كل الود.. (Re: إدريس محمد إبراهيم)
|
Quote: بعدين تعال النقول ليك آلمطرطش آخوي الحته بتاعة (صحيح إنو الزمن غلاب) مالك لحستها من النص المكتوب آلشقي ...
|
والله يا ادريس، علي الطرطشه العلي، وانت خابرا، الليام ديل انا موهدب ضمه وكايس الوراريق.. قتّ اللجيب نص الود فسراع من النت ولقيتو، وما خالجني شك [عايني بقيت ختر كيفن، خالجني قال!] طوالي كوبي بيست دون أدنى تورع إنو متلك هِنِي! الزمن غلاب ياخ! وقد هرمت هرمت هرمت! و; ليك كل الود يا صاحبي..
| |
|
|
|
|
|
|
Re: ليك كل الود.. (Re: محمد المرتضى حامد)
|
Quote: سلام يا سلمى.. ومثله يا محمد..
|
مليون سلاام يا; المُرتضَى، المُرْتضى، المُرْضي; الراضي انا عنك دنيا وآخره..
و
الزمن غلااااااب يا مولانا..
- بجيك آسلمى، قعد الوكلي في مداخله فيها الدوش، عفراء قالتا لي برااااي..
| |
|
|
|
|
|
|
Re: ليك كل الود.. (Re: محمد عبدالرحمن محمد)
|
Quote: ياخى ماتخلينا نهدى الغنية الرايعة دى للشاعرة الرقيقة الاستاذة رقية وراق
|
مِنْعِم، البوامه الطاقاك دي جاي تخليها متين؟ البيستأذن منو فينا فشان نهدي سَمْح الكلام ده لي رقيه؟ ياخي ليها وبت الحويرص.. ويا دار ما دخلك إللي الخير كلو..
| |
|
|
|
|
|
|
|