|
|
 وزير يقلد بقرة وشاح ملكة جمال الأبقار .. حدث في الخرطوم امس
|
الخرطوم - هالة شقيلة
{ تنافست (9) بقرات على لقب ملكة جمال البقر خلال منافسة أقامتها الشركة المختصة لصناعة الأعلاف ومنتجات الألبان والمعدات والمستلزمات البيطرية، برعاية شركة كنانة ووزارة الثروة الحيوانية.. وفازت باللقب البقرة «الفلوجة» لصاحبها «طلحة حاج الصادق»، وجاءت في المرتبة الثانية البقرة «زحل» لنفس الملك، فيما حلت ثالثةً البقرة «جربوعة».
ملكة الجمال مُنحت مبلغ (10) آلاف جنيه ووشاح قلده إياها وزير الثروة الحيوانية والسمكية د. «فيصل حسن إبراهيم».
{ مقاييس الاختيار
عضو اللجنة المنظمة للدورة الخاصة لمهرجان الأبقار د. معاذ عبد الله قال إن التنافس تمّ بالشكل الظاهري وكمية اللبن المنتج في اليوم والصحة الجيدة، وأن تكون البقرة ولوفة وهادئة و(راقية).. موضحاً أن «الفلوجة» انطبقت عليها المواصفات، إذ تحلب (89) رطلاً في اليوم.. و«زحل» لها ذات المواصفات الشكلية وتحلب (86) رطلاً في اليوم، أما «جربوعة» فتحلب (78) رطلاً.
{ مسابقة عالميَّة
د. معاذ قال إن المنافسة عالمية، واشتركت فيها اليابان والبرازيل بصورة من المنتج، وكانت المنافسة بين ولايات: الخرطوم، سنار، النيل الأبيض، والبحر الأحمر.. وذلك في منافسة (البقرات).. فيما جرت منافسات (الآنسات) وهي أبقار (الفريزيان) الشابة التي فازت ملكةً لجمالها بقرة سميت باسم الطبيبة التي ولَّدتها.. أما في الذكور (الثيران) فقد فاز ثور مُنح جائزة قدرها (5) آلاف جنيه.
{ تأمين وإسعاف..!
المهرجان برنامج ترفيهي الهدف منه الربط بين المنتج والمستثمرين وخلق معرفة بينهما، وإزكاء روح التنافس، كما قال اللواء حسن محمد حسن رئيس اللجنة التنفيذية، وأضاف: تم التأمين على الأبقار المنافسة وخصص لها إسعاف.
المصدر
http://www.alahramsd.com/ah_news/29077.html
|
|
  
|
|
|
|
|
|
|
|
Re: وزير يقلد بقرة وشاح ملكة جمال الأبقار .. حدث في الخرطوم امس (Re: عاطف مكاوى)
|
معتصم
سلامات
انا كزول بتاع انتاج حيواني اعتقد ان هناك فوائد كثيرة تجنى من هذه المسابقات و فعلا هناك بقرات جميلات ولو عينك مدربة ممكن تحس انوثة البقرة و جمالها.
و الشكل الخارجي للبقرة ممكن يعطيك فكرة عن المستوى المتوقع من انتاج اللبن, و الشكل دا بنسميه الودج شيب wedge shape و هو تلاتة مثلثات ترسمهاحول جسم البقرة, و كلما اتسعت قاعدة المثلث كلما كان ذلك دليل على علو انتاجية اللبن.
مرة, بعد ما اتخرجنا, مشينا جامعة اسكندرية في زيارة لكلية الزراعة و الانتاج الحيواني, و طبعا المصريين عندهم الجاموس اكثر من البقر, فسألنا احد الباحثين لديهم كيف يمكنهم الحكم على الجاموسة من الخارج, فقال لينا "لا لا ديت حقت ربنا" و طبعا نحنا بروفيسور بيومي الله يرحمه حفظنا حكاية الودج شيب حفظ, فقعدنا نضحك من قلة علم اخوانا في الشمال ههههههه
من الفوائد التي تجنى من المسابقات:
*نشر الارشاد الزراعي و الحيواني.
*تحفييز ترقية السلالات. و لو بتتذكر ان شارلز داروين كان من هواة تربية الحمام و كان لا يفوت معرض او مسابقة و عشان كدة تلقاه استخدم الحمام بكثرة في كتابه المشهور اصل الانواع..
*المنافسة و نشر المعلومات. يعني هسع لما تعرف ان هناك بقرة تنتج تمانين رطل و انت عندك بقرة بتحلب عشرة اكيد حتبغر و تحاول تحسن سلالة ابقارك و تحسن تربيتها.
و هناك فوائد تانية كتيرة.
| |
|
|
|
|
|
|
|
|
|
Re: وزير يقلد بقرة وشاح ملكة جمال الأبقار .. حدث في الخرطوم امس (Re: بدر الدين احمد موسى)
|
سلام ابو نون ..
معيار اختيار ملكة جمال البقر وعرفناهو
| Quote: أما في الذكور (الثيران) فقد فاز ثور مُنح جائزة قدرها (5) آلاف جنيه. |
التور دا ادوهو جائزة في شنو ؟!
غايتو يا جرائد الخرطوم حيرتونا ..!! ليه باترين الخبر دا ؟ ليس في العلم حياء ..!
قلتو البقرة جات الأولى عشان كدي وكدي وكدي وادوها جائزة .. تقوموا تكتبوا التور أدوهو جائزة بدون ما تورونا في شنو ؟!
نسأل الله السلامة ...! بعد الجائزة دي إنشالله بس ما يكون زي تيس ناس عوض الجيد الجابوهو للغنم ووقع الرضاعة ..!!
| |
|
|
|
|
|
|
|
|
|
Re: وزير يقلد بقرة وشاح ملكة جمال الأبقار .. حدث في الخرطوم امس (Re: ناذر محمد الخليفة)
|
يا نازر
سلااامات ياخ الصحة والحاجات
Quote: التور دا ادوهو جائزة في شنو ؟!
غايتو يا جرائد الخرطوم حيرتونا ..!! ليه باترين الخبر دا ؟ ليس في العلم حياء ..!
قلتو البقرة جات الأولى عشان كدي وكدي وكدي وادوها جائزة .. تقوموا تكتبوا التور أدوهو جائزة بدون ما تورونا في شنو ؟!
نسأل الله السلامة ...! بعد الجائزة دي إنشالله بس ما يكون زي تيس ناس عوض الجيد الجابوهو للغنم ووقع الرضاعة ..!! |
ياخ اعمل رايح من الموضوع دا
وقول لينا انت جاااى متين ؟؟
خلينا فى المهم ياخ
خارج النص وليس( النُص )
كدا وزير ملكات جمال البقر دا اسمو منو ؟؟؟
قاسم المهداوى
| |
|
|
|
|
|
|
|
|
|
Re: وزير يقلد بقرة وشاح ملكة جمال الأبقار .. حدث في الخرطوم امس (Re: دينا خالد)
|
تحية طيبة للجميع
يا ناذر ، شكلو زولك الكان بيكلم البقر ده كان مفهوم الموضوع صح و نحن المجنترين !
Quote:
ملكة الجمال مُنحت مبلغ (10) آلاف جنيه ووشاح قلده إياها وزير الثروة الحيوانية والسمكية د. «فيصل حسن إبراهيم».
|
مع كل الاحترام، و لكن هذا نفس المبلغ الذى حصلت عليه لجنة (حكماء) نجوم الغد من رجل الاعمال (ودالجبل) ! مفارقة مش كده
| |
|
|
|
|
|
|
|
|
|
Re: وزير يقلد بقرة وشاح ملكة جمال الأبقار .. حدث في الخرطوم امس (Re: نادر الفضلى)
|
سلام محمد الأمين ..
Quote: يا ناذر ، شكلو زولك الكان بيكلم البقر ده كان مفهوم الموضوع صح و نحن المجنترين !
|
والله أنا بقيت شاكي في روحي ..!!
الليلة من الصباح المنبر فيهو تلاتة يوستات عن البقر والتيران .. بتاعي داك وبتاع ابو نون دا وبتاع التور العمل أزمة مع السفير العراقي ..!!!
هل دا كلو صدفة (يا قول بشاشا) ..!
| Quote: مع كل الاحترام، و لكن هذا نفس المبلغ الذى حصلت عليه لجنة (حكماء) نجوم الغد من رجل الاعمال (ودالجبل) ! مفارقة مش كده |
هههههههههههههههههههههه
لكن ديلاك بيحلبوا كم رطل ..!!!
| |
|
|
|
|
|
|
|
|
|
Re: وزير يقلد بقرة وشاح ملكة جمال الأبقار .. حدث في الخرطوم امس (Re: ناذر محمد الخليفة)
|
نادر الفضلي
تحياتي
"من مقاييس ملكة الجمال عند البشر النحافة،
عند البقر البدانة زز إختلاف مقدار بإختلاف النوع "
سيم سيم بالكربون!
برضو يا نادر, من مقاييس الانتاجية العالية لدى ابقار, و بالتالي, جمالهن ظهور ضلوع البقر يعني ان لا يكن بدينات. و للبدانة اثار سالبة جدا على الانتاجية. و دي كانت من نتائج دراسة ماجستير عملتها في الخرطوم و موجودة في مكتبة الجامعة.
يعني لما تكون البقرة في حالة جسمية مقبولة و ضلوعها ظاهرة, دا يدل على انها تحول العلف للبن, بدل ما تحوله لشحم. و البقرة السمينة تحول الغذاء لشحم و انتاجها يكون قليل. و امكانية رجوعها للحمل تكون اقل و امكانية مرض عجولها اكبر و امكانية تعرضها للمرض ايضا اكبر.
| |
|
|
|
|
|
|
| |
معتصم محمد صالح
محمد جلال عبدالله
Zomrawi Alweli
عاطف مكاوى
بدر الدين احمد موسى
Hisham Ibrahim
فايزودالقاضي
ناذر محمد الخليفة
قاسم المهداوى
Abureesh
البحيراوي
محمد عبد الماجد الصايم
دينا خالد
محمد الامين احمد
معاوية عوض الكريم
نادر الفضلى
فيس بوك
تويتر
انستقرام
يوتيوب
بنتيريست