|
|
|
 Re: يا جماعة الخير .. ايا الفُقرا .. المجاهديي .. نبكي وَرْدْيْ !! كي (Re: khatab)
|
نبكيه ,
احتفاءاً
وأكرر ..
,
ليس تأبينأ
كما نفعل عادةً , فى مثل هذه ,
او هكذا احوال
.
كيف ننظِم,
احتفاء .. يليق بك
سيدى
الذاهب
الى الرب
.. تجلى وعلا علوا ..
سيد الكون ..
( الكون ده كُلو .. يا... )
اين
نهرُب من موسيقاك !!
يامن غنيتنا نحن
السوادنه ..
فاكرمتنا.. بسبايط
لا قِبل لنا بها,
من ,,
تمر الغناء
واقفاً.. غنيتنا
كما الاشجار العصيه ..
وحدك , تختبر الرياح ,
كما ذهب صديقنا محمد حسن سالِم
وجالساً .. لم تضِن لنا به.. الغناء
اورثتنا اكثرمن نصف قرن
من الحِداء الشافي
ترياق
واق
كما الاحزمة العظيمه
.
.
ديمقراطيه
حُريه..
سلام
.
.
ويا شعباً
لهبَك
ثوريتَك
..
.
| |
  
|
|
|
|
|
|
|
|
Re: يا جماعة الخير .. ايا الفُقرا .. المجاهديي .. نبكي وَرْدْيْ !! كي (Re: khatab)
|
و,,
هَتَف
الشعب من اعماقو
,,
التغيير
واجِب وطني
.
.
ياثوار اكتوبَر
ياصُناع المَجد
و
انتَ ياليل المُغنين ,
فى صباحات اليتامى
والبِشيل فوق كتفو
يمشي
لما ترخى الخيل
لِجاما
.
.
وكيف فى هذا الثامِن من مارس
و
عوضيه عَجبنا
لا يدرى دمها أ .. يتفرق
بين العُنصريه ,
ام عنجهية من بيده السلاح ..
..
كيف ننظم احتفاءا يليق بك سيدى ,
وكل هذه
الفوضى
!!
كيف
!
| |
|
|
|
|
|
|
|
|
|
Re: يا جماعة الخير .. ايا الفُقرا .. المجاهديي .. نبكي وَرْدْيْ !! كي (Re: Osman Musa)
|
- 1 -
الوطن آلَـفْـتُـو..
الكم ألّـفْـتُُـو ..
و يوم الـفُـتُـو.. جَرحك لاقا
بيك مَدمُوم
مَحمُوم
مَسْمُوم
مشلول
مشغول بالفَاقَه
يا جابِر أي كُسُور
في وردي حفيد تِرهاقا
أجبُرنا آآآآآرب
خَتِينا الهَمْ ..
خَتِينَا العَاقَه..
- 2 -
إنكَسَر مِرْق الغُنَا
وإنفَرَطْ عِقْد الشَجَن
إتيَتّم اللحن المُنَي
و إترَمّلتْ أرض الوطن
وردي يا راحة العَنَا
نبض اللُحُون البيكْ صِحَنْ
وردي يا كُل السَنَا
إتوحّدَت بيك السِحَنْ
كل المِلَلْ و الألْسِنَه
يات مِن عَرَب
يات مِن رَطَنْ
يا صَبَابه..
يا مَهَابه ..
و يا صَلابه علي المِحَنْ
كم أماني إتْرَنَحَت
تاهَت سُداً !
و كم فراشه اتجَنَّحَت
صاده الوهن !
عِطر الصندل المُسْتّنِي
كيف حا يغنِّي ؟!
و نور العين مغرِّب وين؟!
وبلداً زين في سَكْرَة يَنِّي!
توب السُنبلايه حليل
طواهُ الليله أحلَك ليل
عَصَف ساق الشِتيل النَي
هبوب في جوده حاتم طي
تلك الكان جميله حليل
جميله ومستحيله و نيل
شِرِق حَلْق الوطن عَبْرَات
بلد راقِد علي الوجعات
وزِدتُو الليله كم جمرات
وطن بالفن معاك بَتّـق
و منك عافيه إتعَتّـق
توبك كان كمال سُتره
غُتَا لا قلَّ لا اتفَتّـق
قديم حزنك كما مُزنك
قالَك يلا عن إذنك
كفاك يا نيل كفاكَ شجن
كم غنيت ،
كم أشجيت
كم أوفيت
بحسن الظن ..
لا كليت
ولا مليت
و لاك مُمْتَـن.
- 3 -
وردي مات ؟؟
معقوله ياخ ؟؟
النيل التالت جَفَّ؟؟
قُولَكْ كلام تاني..
أكيد بِتْهزِر قاصد اللهفه.
إمكن إشاعه
أو ،
دقسة إذاعه
إمكن (غلطه) ،
وجات بالـ (صُدفه) ،
الزي وردي
فينا ،
بموت كيفِن؟!
هو الموت بس موت أجساد؟!
وين العشق الصادِق عَاد ؟!
برضو هو مات؟!
وين الناس الكان لها زاد
في الأفراح و في الأتراح
في الأعياد و في الميلاد ،
في أحزان عيون الناس
وفي الضُل الوقف ما زاد
أنا ،
شُفتُو قبيل ،
لافِح توبو زي النيل
التوب البلدي وحَبّوب
جِبّه ، صديري ، وعَرّاقي
سكينو وأيضاً مركوب
حيموت كيفن ،
الفينا و حي
وأنا شايفو الضي
نابِت يا دوب؟!
الزول الطيِّب و إنساني
الدُغرِي و مُلهِم وحَقاني
الوطن الشامِخ ومحبوب
أنا شُفتُو قبيل
في صوتو كمنجه و لحن
منضوم زي سِبحة لالوب
هدّاي الوطن المُلتاع
غنايو في كُل الأوضَاع
العارِف قَدْرُو ومِقدارو
لا خانو وحاتَك لا باع
الحافِظ عهدو و أسرارو
لا باح لي غيرو ولا ذاع
الهذّب لينا قوافينا
الرجّع فينا ما ضاع
جوانا بموت كيفن؟؟!!
الفينا أكيييييد
ما أظِن ،،
هبّار أشرَاك المهووسين
صبّار الوطن الما باعو
غناي النَخَله ، الأبنوسه
شاشايو في أصعب أوضاعو
الزيو بعيش ما بموت
جُوّانا وجُملَة سُمّاعُو
بي فَنو بعيش الفرعون
الواسِع بالو زي كون
أطربنا و ياما أشجانا
أوجاعنا شالِن وغنّانا
ضَلاَّنا غَمامه و عَلاَّنا
وصّلنا لحدي الأوزون
الفُقَرا الواقِف حالُن
بِقْتَاتُو غناهو إن جاعو
الوجع اللابِد في بالُن
إياهُ العارِف إرجاعو
طرّاب أفريقيا يا حزنو
كيفِن حا تقدَر إخضاعو؟
معروف بالدهشه و موصوف
بالحِنْكَه ، الدُرْبَه
وطول باعو
الصوتو برَحْمِن للمفجوع
الشَجَنُو بخَفِّف للموجوع
جُوانا بموت كيفِن ،،
الريحو بتملا شراعو؟!
جُوَّانا بموت كيفن ،،
البَرّ الوطن وأطاعو؟!
جُوَّانا بموت كيفن ،،
هَبّاد الحزنِ وصاراعو؟!
جُوَّانا بموت كيفِن ،،
الموت حين إلْوِّي ضراعو؟!
الزكري الزكري يا حَبوب
اليَاهَا عصِّيه علي النسيان
في القلب في الروح مصبوب
يا أجمل و أشرف إنسان
نعم إنو حق هو الموت
هو الطايل أيّاً مِن كان
إلاّها حروفك هي الباقيه
في بالنا تدِّور زي ساقيه
جوانا لحونك يا فنان ،
بتموت
كيفن
؟!
بتموت؟؟
.
ما اظن.
.
أكيد
ما
أظن.
-------------
فاروق أبوحوه
| |
|
|
|
|
|
|
|
|
|
Re: يا جماعة الخير .. ايا الفُقرا .. المجاهديي .. نبكي وَرْدْيْ !! كي (Re: maia)
|
Quote:
صعب ان نبكي وردي ، لانه وردي جزء من تاريخنا وجزء من نسيج الوطن المهما كان بعيد برضو بيكون موجود فينا
مهما ولينا وجوهنا صوب المشرق او المغرب فهو باقي في وجدانا
فلنغني اجمل الحانه واغنياته مع نغمة بتدق وبنسمعها
|
صدقت يامايا فى كُل ماذهبت اليه
فلقد جُمل ايامنابحضوره الرائع
وطبع تاريخنا.. كاُمه ووطَن ,
وهو يمضى الى لقاء ربه
راضياً مرضيا ..
لك المعزه والسلام
.
.
| |
|
|
|
|
|
|
|
|
|
Re: يا جماعة الخير .. ايا الفُقرا .. المجاهديي .. نبكي وَرْدْيْ !! كي (Re: فاروق أبوحوه)
|
ياسلام.. ياابوحوه يافنان ,
ده شعر جميل, نفَس طويل واحساس صادق
وياريت كلما تقع فى ايدَك حاجه من الاخوات والاخوان
تجدعها بي جاي فلنا فى وردي منابع للتفكُرِ لاتنضَب
وتحايا من تانى يافاروق
.
.
أنا شُفتُو قبيل
في صوتو كمنجه و لحن
منضوم زي سِبحة لالوب
هدّاي الوطن المُلتاع
غنايو في كُل الأوضَاع
العارِف قَدْرُو ومِقدارو
لا خانو وحاتَك لا باع
الحافِظ عهدو و أسرارو
لا باح لي غيرو ولا ذاع
الهذّب لينا قوافينا
الرجّع فينا ما ضاع
جوانا بموت كيفن؟؟!!
الفينا أكيييييد
ما أظِن ،،
..
.
.
| |
|
|
|
|
|
|
| |
khatab
adil amin
Osman Musa
فاروق أبوحوه
فيس بوك
تويتر
انستقرام
يوتيوب
بنتيريست