|
|
 # ريان بت الجيران !الراهبه العصرية!
|
#
ريان بيت الجيران هي بالجد أنسأنه لطيفه جدا وبتحب الضحك ما حصل ما في يدها ما حاجة بيأكلوها والشنطة كلها شكولاتات ولبان غير النبق والتمر ومرات عجوه عديل كدا بتعرف كل مطاعم البلد أكلت فيهم بالتاكيد كلهم وكمان أي مره طباخة وحريفه في الطبيخ ريان عندها حس فريد جدا في أكتشاف النوعيه دي من المواهب هي اللي أكتشفت أم عامر الماهرة جدا في الخبيز وخاصة الكعك وكمان سكينه الطويله بتاعت الكنافه وكمان عمتنا تحيه اللي بتعمل أحسن قرصه وغيرا من التايه بتاعت الكوراع ومحالات أيسكريم وسمك الخرطوم الرهيب وشية سوق الناقة اللي عند بت المسرية و سالات أدروب في بحري موقف شندي وأقاشي سوق ليبيا الرهيب وحتي باسطة الطيب سيدمكي بتعرف تشتري متين ومن أي صينه عندها وذوق وحس في قصة الاكل يعادل ثقافة نسوان المدنية عن بكرة أبوهن المهم مسألة الطعام عطلت مواهب أخري زي أنها أنثي كاملة تتملك كل معايير الجمال لكين السلوك دا قتل عندها الاحساس بأنها أنثي ممكن تحب وتحبا وكمان اللبس علي الدوام فضافض جدا يلبس بقرة فريزان والشعر لو خلتو ممكن يطول ويبقي شعرطويل ما عند واحدة في عمرها طبعا ح تسألوأ ليه أنا بكتب عن ريان أن قلت يا ولد زي ريان دي ما عندها أي أحساس بقصة أنو يكون عندها جكس ولا كدا ولا طموحات زواج لانو الشغل ذاتو ما عندو أي أهميه عندها قلت يا ود رفقة طعام ولا الجري ورا النعام اللي في البلد وقررت نكون أناو ريان أصدقاء في الماء والعلف وفعلا أستجابة بسرعة وكانت صديقة صدوقه جدا لأبوالزهراء وكمان بقيت مخلص جدا مع أنو لالافي قصة غيرة ولا مشاعر ولا يحزنون موضوعنا وجبه دسمة وكل واحد قزازة بيبسي الحجم العائلي وأخر تشرد في البلد من مطعم لست توكول ومن توكول لمحل أيسكريم , ست شهور أستمرت التجربه دي لقيت أنو وزني زاد عشرين كيلو وقصة هوس الارتباط من مخي ما غابت أبدا وريان شغاله تأكل الاخضر واليابس من البرقير للنبق وأنا بحاول أروض عشان ترجع لعالم الانسان الجميل لكين ما في أي فايدة زولكم عندها خيالي جدا وقصة الزواج أخير منها بطيخ حمرأ وحلوة باردة في في صيف السودان كلامك ما ما عندو طعم أنت عميان ديناينا فيها متع أبهج من العرس يا وهم!!! حسب كلاما أمكن أكون وهم بجد ؟
وأنسحبت من حياة ريان بت الجيران بخيبه جديدة بحسرة وزيادة وزن ألله ليك الله يا حبيبنا أبوألزهراء وأنت شعارك الزواج أو تهلك دونه والله لا ريان أتغيرت ولا ودها الصافي حفظتو منحوس أنا مش كدا.!!! لا ما أمكن ريان تكون راهبه عصرية
|
|
  
|
|
|
|
زهير عثمان حمد
حسبو عكاشة
فيس بوك
تويتر
انستقرام
يوتيوب
بنتيريست