|
كتب الكاتب الفاتح جبرا المتوفرة بمعرض الدوحة
|
|
 Re: عودة التيّــــــــــــــار.. عودة النكهة لقهوة الصباح (Re: صلاح حمد مضوي)
|
شكرا لكم جميعا
وبكم تستمد التيار روحها
وان شاء الله تكون التيار كما كانت او اكثر
والتيار هي حرية التعبير المسؤولة
لا نهادن ولا نبيع .. شعارنا كما تحمله صفحتنا الأولى
ماك هوين سهل قيادك ... سيـــــد نفسك ميـــن أسيـــادك
وقناعتنا في هذه الدنيا
ان كلما يمكن شراؤه بالقروش فهو رخيص
للجميع مودتي
ـــــــــــــ
دكتور طه كروم
لكل كل التحايا والاحترام
| |
 
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: على ميرغني)
|
سلام اخ على ميرغني
ومبروك عودة الصحيفة للصدور
| Quote: عودة التيّــــــــــــــار.. عودة النكهة لقهوة الصباح |
صحيح جريدة التيار جريدتي الاولى اللي ببدأ بيها صباحا
بس ياريت تخلي الناس هي اللي تقيم صحيفة التيار ... وليس أنتم أهلها
وياريت بدأ من عثمان ميرغني وانت نازل
ما يضخمو الحدث وكانه انجاز للجريدة
لانو ايقاف الجريدة وعودتها أقوى من اول
يرجع الفضل فيها لجهاز الامن اللي اوقفت الصحيفة
لان القراء سيتعاموا مع الصحيفة بفهم (الممنوع مرغوب)
ورسالة عبركم احب اوجهها لجهاز الامن والمخابرات
أقترح بدل إيقاف الصحف الجرائد ومصادرة اعدادها
ليوم وايام عديدة
انو فقط تاخروا صدور الصحيفة لثلاثة اربع سااعات
وتفكوها ليهم بعد موعد ذهاب الصحف عادة للتوزيع
وبالتالي جريدتهم ما حتتوزع... ولمن تبور وما يشتريها زول
ناس الجرايد يامنوا زاااااااتو
وعشان ما تتسببوا يا ناس الجهاز في الترويج للصحف بمصادرتها
وكمان المعارضين يلقوا ليهم جنازة يشبعوا فيها لطم
اقترح بدل مصادرة الصحيفة انو ياخروا صدورها كم ساعة ويفكوها ليهم بعد داك
حتى تكفو الحكومة ايضا حرج اتهامها بمصادرة الحريات ووووو باقي الحنك البنسمع دائما
أرجع واؤكد تظل صحيفة التيار جريدتي الاولى والمفضلة
| |
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: على ميرغني)
|
الأخ علي ميرغني
تحياتي وعبرك نزجي التهنئة للتيار إدارة وصحفيون وعمال بالعودة لساحة السلطة الرابعة التي غادرتها بفعل فاعل دون أن يكون لها الخيار وأراد الله أن تعود وأتمنى الا يمنعها ذلك من السير في ذات النهج المنحاز لقضايا الوطن والمواطن. ورغم أن بعض الزملاء وضعوها في خانة تصفية الحسابات السلطوية لكننا نشهد أنها إرتادت في نفوس القراء موقعاً متقدماً بتبنيها المنهجية والمهنية في وقوفها جانب الوطن والمواطن. وما ذاك إلا ثمن رابح باق وما دون ذلك إمتحانات يسقط فيها أصحاب السلطة متى ما ضاقوا زرعاً بالقلم الذي ينحاز دوماً للوطن والمواطن.
بحيراوي
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: نبيلة عبد المطلب)
|
مبروك العودة ...
كتب البروف في خاتمة مقاله عن فساد البشير واسرته وزمرته كتب ونواصل ...
هل سيواصل البروف في التيار ؟
اتمنى ان تواصل الصحيفة في كشف الفساد والمفسدين من راس النظام وحتى اخر لص ومفسد فيهم
كلهم كذلك ...
وايضاً مبروك عودة الشقيق البروف محمد زين العابدين ...الذي قال كلمة حق في وجهة سلطان جائر وفاسد .
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: gamal elsadig)
|
اخونا علي
لك و للتيار التحيه
اخشي ان لا بكون ضمن شروط العوده تقليم الاظافر
استخدمت اجنحة السلطة المتحاربه التيار ميدانا لبيادنها فاندفعت دون ان تتخذ من الدشم و السواتر ما يقيها نيرانا تحسبها صديقه
احمد للتيار جرئتها و لعثمان شجاعته و لكتابها صبرهم علي مكاره رجال الرئيس و لمتعاونيها علي حسن ظنهم بها و لنا نحن معشر القراء علو حسنا في تمييز الخبيث من الطيب
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: على ميرغني)
|
الأخ علي ميرغني
لك التحيّة و الإحترام و للأُستاذ القامة الباشمهندس عُثمان ميرغني
وللتيّار وكُل منسوبيها
و حمد لله على سلامة العودة
فقط لدي استفسار بسيط
كُنّا قد أجرينا في "سوداني نت" حوار بالفيديو قبل أسابيع قليلة مع سعادة العقيد الصوارمي خالد سعد
صنع هذا الحوار مانشيتات عدد من الصُّحف التي أوردت الخبر مُشيرة لمصدره "سوداني نت"
جُملة الصُّحف التي أرودت الخبر و أحصيناها وقتها كانت حوالي 18 صحيفة
فقط صحيفتان أوردتا الخبر دون ذِكر المصدر
صحيفتكم الغرّاء "التيّار" و صحيفة "الخُرطوم"
بل و نسبتموه للصوارمي كتصريحات صُحُفيّة
فهل من تفسير؟
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: علاء الدين يوسف علي محمد)
|
Quote: كُنّا قد أجرينا في "سوداني نت" حوار بالفيديو قبل أسابيع قليلة مع سعادة العقيد الصوارمي خالد سعد
صنع هذا الحوار مانشيتات عدد من الصُّحف التي أوردت الخبر مُشيرة لمصدره "سوداني نت"
جُملة الصُّحف التي أرودت الخبر و أحصيناها وقتها كانت حوالي 18 صحيفة
فقط صحيفتان أوردتا الخبر دون ذِكر المصدر
صحيفتكم الغرّاء "التيّار" و صحيفة "الخُرطوم"
بل و نسبتموه للصوارمي كتصريحات صُحُفيّة
فهل من تفسير؟ |
ما تنتظر تفسير يا علاء الدين يوسف
لان صحيفة التيار لها سابقة اخرى شبيهة مع واقعتك هذه
وهي انو الكاتب الكبير امام محمد امام عمل حوار مع والي القضارف لصالح صحيفته اللندنية اللي بيعمل ليديها
لكن جاءت صحيفة التيار وعدلت في الحوار ونشرته في ا لتيار على انه الحوار معمول لصالحها
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: mayada kamal)
|
| Quote: ما تنتظر تفسير يا علاء الدين يوسف |
ميادة.. لماذا سؤ الظن دا
Quote: لان صحيفة التيار لها سابقة اخرى شبيهة مع واقعتك هذه
وهي انو الكاتب الكبير امام محمد امام عمل حوار مع والي القضارف لصالح صحيفته اللندنية اللي بيعمل ليديها
لكن جاءت صحيفة التيار وعدلت في الحوار ونشرته في ا لتيار على انه الحوار معمول لصالحها |
ميادة.. الما عارف يقول عدس.. ولو قلتي مثال تاني كان احسن
بالمناسبة حتى لمن نشيل صورة من سودانيز اونلاين بنذكر المصدر خليك من مادة كاملة
الحقيقة اننا في ادارة تحرير الصحيفة رفضنا بشدة نشر الحوار بالتزامن مع الشرق الاوسط
ناهيك عن نشروا بعد الشرق الأوسط
وصراحة انا شخصيا ما كنت شايف اي فائدة للقارئ من نشر حوار مع الدقير
ومع احترامي له فهو ليس رئيس حزب بالمعني المعروف.. انما مجرد أمين أمانة بالمؤتمر الوطني
وأمانة غير مهمة كمان
يعني يا ميادة التيار ترفعت عن نشر الحوار مع الدقير
مش شافت فيهو ضربة صحفية
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: علاء الدين يوسف علي محمد)
|
الاخ علاء الدين لك طيب التحايا
سألت الاخ رئيس قسم الاخبار عن ماذكرته
اكد انهم لم يأخذوا التصريحات اي تصريحات للصوارمي نقلاً
عن موقع سوداني نت. رئيس قسم الاخبار قال انه عادة يأخذ التصريحات
بالاتصال مباشرة بالعقيد الصوارمي. بالمناسبة اسع هو اجرى حوار مع الصوارمي
تنشره التيار غداً
ـــــــــــــ
علاء نحن في التيار وبحمد الله لا نظلم الناس اشياءهم
ونشير بكل صراحة للجهة التي نأخذ منها المادة.. ان لم يكن من باب
المهنية والامانة الصحفية فمن باب حماية نفسنا من اي مسألة قانونية
لك ولموقع سوداني نت كل الاحترام
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: على ميرغني)
|
الأخ الكريم الأُستاذ علي ميرغني
تحِيّاتي
يا عزيز فلتعلم أنا من أكثر من يحترمون التيّار و المُهندِس عُثمان ميرغني
وأحرص في أي لقاء أراه فيه أن أسعى إليه للسّلام و باحترام يليق به
لكن ما تقوله عن نقلكم للخبر من مصدر آخر فهذا قد يُجافي حقيقة الأمر و ما قاله من سألته في الصّحيفة
إذ أن الخبر نزل في صحيفتكم مُتزامناً في نفس اليوم مع 17 عشر صحيفة محليّة أُخرى
و بذات الصّياغة
فرق بقيّة الصُّحُف عن التيّار
أنّها أشارت للمصدر
و إليك صُور للخبر في بعض الصُّحُف
ومن التيّار أيضاً للمُقارنة
الخبر ورد أيضاً في عدد من الصُّحُف العربية والمواقع الإخباريّة
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: ابراهيم عدلان)
|
| Quote: تخوفنا في مداخله اعلاه من عودة التيار المشروطة ...... اخونا علي جا في المداخله رافع القزاز .... فوصلت الرساله |
يا اخ ابراهيم عدلان
انتو قايلين القبة تحتها فكي
غايتو المهندس عثمان ميرغني مصداقيته على المحك
ولو تخلى عن رفقاء دربه في التيار وهما الظافر والمراة الحديدة المسماة هويدا سر الختم
يكون باااااااااااالغ
مع اني اشك في رواية انو جهاز الامن اشترط ابعاد المذكورين كشرط لعودة الصحيفة للصدور
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: ابراهيم عدلان)
|
الأخ اراهيم.. سلامات كتير
عندي مشكلة في الانترنت لانها شبكة الجريدة كلها وعادة بتكون تقيلة
واكتر من مرة كتبت مداخلة وعملت لها اوكي بس شكلها بتكون ما مشت
ومرة كمان كتبت مداخلة في البوست غير المعني
ـــــــــــــــ
عموماً يا ابراهومة
المعلومة صحيحة مية مية
الجهات الرسمية اشترطت وقف هويدا من الكتابة ومن منصب مدير التحرير
وطلبت في نفس الوقت حرمان الظافر من منصب نائب رئيس تحرير مع السماح له بمواصلة عموده
بالطبع وبغض النظر عن وجهة نظري في القرار.. لكن قطعا ارفض دخول الجهات الرسمية في الامور الداخلية للصحيفة
وهناك روايتان عن السبب وراء القرار ..
الأولى ان اجراءات قبول مجلس الصحافة لتسنم الظافر لمنصب نائب رئيس تحرير لم تكتمل بعد
والرواية الثانية برسلها ليك في الخاص..
اعتبرها صلاة الظهر او الركعة الثالثة في المغرب
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: على ميرغني)
|
Quote: ولو تخلى عن رفقاء دربه في التيار وهما الظافر والمراة الحديدة المسماة هويدا سر الختم
يكون باااااااااااالغ
مع اني اشك في رواية انو جهاز الامن اشترط ابعاد المذكورين كشرط لعودة الصحيفة للصدور |
بالمداخلة دي تاكد لي وجود علاقة ما بين الزميلة ميادة وبين جهاز الامن.. يعني ممكن تكون متعاونة او مصدر
او على اقل شئ مجس
نعم الشرط الذي وضعته الجهات الرسمية وضع عثمان في المحك بين صدور التيار بدون زملائه
او عدم صدورها
والخبث ظاهر هنا.. اذا رفض عثمان الشرط (ارتحنا من التيار ومن التيار ليكس)
واذا قبلعثمان الشرط وضع نفسه في النيران الصديقة (ميادة خير مثال) والنيران العدوة
لكن يا ميادة عثمان ميرغني مهندس كمبيوتر ومبرج شاطر جدا
يدرك كيف يضع البرامج الدقيقة لسلخ جلد النملة وهي ماشة
وتمكرون واله خير الماكرين
نعم ستصدر التيار باذن الله بدون الظافر وهويدا
وستكون اكثر مضا في الحرب على الفساد
بالمناسبة.. اذا صدرت التيار ترقبوا وقوع تور كبير كبير
دائم الابتسام واهر صوره وهو يأكل اللحوم البيضاء
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: على ميرغني)
|
معليش يا اخ علي ميرغني
أنا نقاااااااقة وخلي روحك رياضية
Quote: الجهات الرسمية اشترطت وقف هويدا من الكتابة ومن منصب مدير التحرير
وطلبت في نفس الوقت حرمان الظافر من منصب نائب رئيس تحرير مع السماح له بمواصلة عموده |
التبرير دا غير مقنع
لو كان السلطات الامنية قالت ليكم حرمان الظافر من مواصلة عمودة اليومي مع السماح ليه بالمواصلة في منصبة كنائب رئيس تحرير
كانت مبلوووووووووووووعة شوية
بس حقيقي التبريرات الانت اوردتها دي غير مقنعة
وورونا الحاصل شنو بالظبط في جريدة التيار
خاصة واننا قراءنا وعلمنا انو عثمان ميرغني في محاكم وقضايا مع ملاك وشركاءه في الصحيفة
وانو الظافر هو صمام استمرار علاقاتهم كشراء واستمرا الصحيفة في الصدور
فكيف يجي الباشمهندس عثمان ميرغني ويرضى بابعاد وقبول استقالة الظافر
وبالتالي معاودة الصحييفة الصدور بدونه!!!!!
فهمونا لانو برضو تظل صحيفة التيار صحيفتنا والمقروءة لدينا
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: mayada kamal)
|
| Quote: لو كان السلطات الامنية قالت ليكم حرمان الظافر من مواصلة عمودة اليومي مع السماح ليه بالمواصلة في منصبة كنائب رئيس تحرير |
ميادة .. معليش عسكري عشرين سنة وكدا
اربطي الاحداث تلقي انو في علاقة سببية ما بين القرار وبعض الظروف السابقة
بالمناسبة نائب رئيس التحرير هو رئيس التحرير لمن الاخير دا يكون مافي
ودا الحدث ليلة الجمعة القبل السبت داااااااااااااااااااااااااااااااااااااااااااااااااااااااااااااااااااااااااااااااااااااااااك
كدا كيف ؟؟؟؟؟؟!!!!!!!!!
اكيد بطل العجب
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: Asim Fageary)
|
| Quote: يعني تعبي الفوق دة كُلُّو راح شمار في مرقة يا أخ علي؟ |
ياعلاء ياخ ماتحكا شديد انت كمان :)
انا مجرد مداخلة صغيرونة كدا ومافيها ايو تعب والله ..قلت فيها ان شاء الله ماتكون العودة مشروطة ...اخونا على عمل رايح شديد
ودا طبعا قبل ظهور حكاية ابعاد الظافر والمرأة الحديدية على قول ملاسى
فعلا الليلة بقروش بكرة مجان ..
| |
|
|
|
|
|
|
|
|
|
Re: عودة التيّــــــــــــــار.. عودة النكهة لقهوة الصباح (Re: علاء الدين يوسف علي محمد)
|
علاء.. طاب يومك
والله ما عامل رايح لكن بحاول اتأكد من الحكاية اصلا
بس اقول ليك بحسب (تعبك التعبو دا) اعترف اننا شلنا الخبر من سوداني نت بدون ايرادها كمصدر للخبر
لكن قطعا خطاء غير مقصود.. لكن عني شخصيا بشير للمصدر مهما كان هو
طبعا بعد ما الاخ واصل دقا جرس قبل سنتين تقريبا لمن ترجمة خبر نقلا عن سودان تربيون دون الاشارة لها
عموما يا علاء الدين في الجايات ح نشير للمصدر
تقبل اعتذاري عن الخطاء بوصفي المحرر العام للتيار
وليك علي جبنة حبشية لمن ترجع السودان
ولو كنت في البلد طل علينا في اي وقت
| |
|
|
|
|
|
|
| |
Ahmed musa
عبد اللطيف السيدح
عبدالفتاح أبوشيمة
حافظ انقابو
سجيمان
مزمل خيرى
قلقو
طلحة عبدالله
بدر الدين اسحاق احمد
صلاح حمد مضوي
mayada kamal
انور التكينة
البحيراوي
احمد الأمين على إدريس
نبيلة عبد المطلب
gamal elsadig
ابراهيم عدلان
محمد عبد الماجد الصايم
المكاشفي الخضر الطاهر
Asim Fageary
فيس بوك
تويتر
انستقرام
يوتيوب
بنتيريست