|
|
 ما هي أنواع السيارات المعروضة (للبيع) في الخرطوم,, وما هي أسعارها ؟؟؟
|
أطمع في مساعدة الإخوة في الخرطوم لمعرفة أنواع وأسعار السيارات (مستعملة وجديدة)- (يابانية وكورية)
وهل توجد سيارات مثل الماردسدس بينز (وأي موديل) أوالبي أم دبليو,, جديدة أو بحالة جيدة,, وكم هي أسعارها؟
وهل يمكن شراء سيارة من الخارج وإدخالها إلى السودان,, أم أنني ربما أطلع فقط بلستك أو إتنين والباقي يتم جمركته؟؟
مع خالص الشكر والتقدير لكل المساهمين في البوست...
ملحوظة
أكون شاكر كذلك في معرفة أسعار الإيجارات
|
|
  
|
|
|
|
|
|
|
|
Re: ما هي أنواع السيارات المعروضة (للبيع) في الخرطوم,, وما هي أسعارها (Re: محمد الامين محمد)
|
سلام يا أشرف :
هناك بعض المواقع الإلكترونية السودانية تعطيك فكرة عامة عن العربات المعروضة والأسعار , وميزة هذه المواقع انك تتفاوض مع المالك مباشرة وتكفي نفسك شرور السمسرة , في رأي المتواضع تشل قروشك وتمشي السودان وتشتري أحسن عربية وتستلم مفتاحك معاك وترجع البيت , بدل جهجة الجمارك واللف والدوران وفي النهاية ممكن عربيتك براااحة تتصادر تحت تبريرات مضحكة وواهية , وما تستبعد لو عربيك عجبت ناس الجمارك ممكن يصدر قانون تاني يوم يمنع تصدير العربات التي تحمل لون عربيتك ويطبق هذا القانون بأثر رجعي , ولو قررت تشحن عربية من الخارج فأنصحك قبل تشتري العربية تفتش زول يده واصله من هسه في السودان يتولى أمر الجمارك
شوف الموقع ده , هو موقع مبسط لكنه بديك فكرة :
http://dilala.alhadag.com/
بالنسبة للسكن برضو في جريدة إسمها إنتشار فيها شقق كثيرة جداً وبأسعار معلنة ومن المالك مباشرة , وعلى فكرة برضو فيها عربات للبيع وكثيرة جداً
بالتوفيق يا حبيب.
http://www.entishar-sd.com/
| |
|
|
|
|
|
|
|
|
|
Re: ما هي أنواع السيارات المعروضة (للبيع) في الخرطوم,, وما هي أسعارها (Re: Mohamed Abdelmotalib Hassan)
|
حبيبنا محمد عبد المطلب
عاش من شافك ياخ
Quote: سلام يا أشرف :
هناك بعض المواقع الإلكترونية السودانية تعطيك فكرة عامة عن العربات المعروضة والأسعار , وميزة هذه المواقع انك تتفاوض
مع المالك مباشرة وتكفي نفسك شرور السمسرة , في رأي المتواضع تشل قروشك وتمشي السودان وتشتري أحسن عربية وتستلم
مفتاحك معاك وترجع البيت , بدل جهجة الجمارك واللف والدوران وفي النهاية ممكن عربيتك براااحة تتصادر تحت تبريرات
مضحكة وواهية , وما تستبعد لو عربيك عجبت ناس الجمارك ممكن يصدر قانون تاني يوم يمنع تصدير العربات التي تحمل لون
عربيتك ويطبق هذا القانون بأثر رجعي , ولو قررت تشحن عربية من الخارج فأنصحك قبل تشتري العربية تفتش زول يده
واصله من هسه في السودان يتولى أمر الجمارك
شوف الموقع ده , هو موقع مبسط لكنه بديك فكرة :
بالنسبة للسكن برضو في جريدة إسمها إنتشار فيها شقق كثيرة جداً وبأسعار معلنة ومن المالك مباشرة ,
وعلى فكرة برضو فيها عربات للبيع وكثيرة جداً
بالتوفيق يا حبيب. |
شكرآ كتير على الروابط فتحتهم الان لكن الظاهر عايزات تفتيش وتعمق وسأحرص على قرائتهم
اذا ما وجدت بائعين مباشرين فهو افضل بكثير لي
وبالنسبة للشراء من السودان فكلامك في محله وشكرآ على النصيحة وسيكون هذا خياري الاول
حتى اتجنب حقارة ناس الجمارك وتضيع نقودي هباء وكده
مرات كمان بلقى مغتربين بجيبوا عربات من السعودية او غيرها ويعرضوها للبيع
لكن بسمع انه الترخيص والتخليص من الجمرك بيكلف كتير..هل هذا صحيح؟
يعني يكون ادوه فترة محدودة يرجع بسيارته ويحاول يبيعها بدل يرجعها
سنتابع كذلك اخبار السكن في الموقع ولك الشكر حتى تستغيث
| |
|
|
|
|
|
|
|
|
|
Re: ما هي أنواع السيارات المعروضة (للبيع) في الخرطوم,, وما هي أسعارها (Re: بلدى يا حبوب)
|
بلدي يا حبوب
سلام وما تبخل علينا بإسمك ياخ
Quote: حسب علمى ما زال قرار منع استيراد السيارات المستعملة عدا موديل 2012
هى التى تدخل السودان وقبل يومين اضيفت لها اسبيرات السيارات المستعملة
بالنسبة للسيارات المعروضة كل الانواع متوفرة بس الاسعار نار وعلى سبيل المثال المرسيرس بنز موديل
يتراوح سعرها مابين 20 الى 25 عشرين مليون جنيه بالقديم
واكيد اهل الخبرة سيتداخلون معكم |
بالفعل وقد قرأت ذلك في هذا الرابط
http://www.rayaam.info/News_view.aspx?pid=1262&id=104613
هل فعلآ كل أنواع السيارات موجودة؟
وهل تتوافر سيارات جديدة حتى لو موديلات قديمة؟؟
بعدين كيف المارسدس بينز 25 مليون؟؟
هل هي جديدة؟ وما هو موديلها؟
نطرح هذه الأسئلة لكل من لديه اجابات ويا ريت ناس الخرطوم ينورونا
ولو في سماسرة في المنبر ويا ريت نشوف صور
| |
|
|
|
|
|
|
|
|
|
Re: ما هي أنواع السيارات المعروضة (للبيع) في الخرطوم,, وما هي أسعارها (Re: ندى صالح الطيب)
|
Quote: الاخ اشرف مصطفى لك التحية
معليش لو سمحت لى أضيف اسعار توسان 2011 وكيا سبورتج 2011
ايهما افضل الشراء من السودان او السعودية
وجمارك كل منهم كم.
شكرًا ليك اخ اشرف
ومنتظرين الأخوة للمعلومات |
سلامات أختنا ندى
الصحة ولعلك بخير
وكمان أسعار اللاندكروزر
عندي صديق نصحني اشتري من بلجيكا
الدركسون بالشمال والعربات حلوة ورخيصة
لكن لو لقيت طريقة اشتري من السودان احسن لي
عشان ما بحب الدوشة ووجع الراس
| |
|
|
|
|
|
|
|
|
|
Re: ما هي أنواع السيارات المعروضة (للبيع) في الخرطوم,, وما هي أسعارها (Re: وضاحة)
|
Quote: مرات كمان بلقى مغتربين بجيبوا عربات من السعودية او غيرها ويعرضوها للبيع
لكن بسمع انه الترخيص والتخليص من الجمرك بيكلف كتير..هل هذا صحيح؟ |
هلا يا أشرف :
والله يا أشرف عندي تجارب كتيرة في العربات البتجي بالطريقة دي , وهي كخلاصة مليانة مشاكل وقنبلة موقوته , غالباً بيكون التخليص تم عن طريق واسطة أو بأي (طريق) آخر , وأول ما تشتري والمشتري يستلم قروشه تلقى نفسك في دوامة لا أول لها ولا آخر , ويمكن برضو فجأة وإنت سايق يوقفك زول يقول ليك أنا من شعبة مكافحة سرقة السيارات والتهريب , وعربيتك دي مطلوبة في الشعبة لأنه كل الموديلات دي دخلت (مثلاً) بإعفاء جمركي للبرلمانيين وإنه الشخص المشتري تم فصله من البرلمان وقام ببيعها وبالتالي لم تعد معفية جمركياً.
الخلاصة يا أشرف :
الكرين , الدلالة , شخص تعرفه في السودان حريص عليك , شيل قروشك وأقع السوق ووثق ورقك عند محامي وسجل عربيتك وأركب الشارع , وما حنتدم!!!
في قصص كتيرة يا أشرف مرت علي لا يسع المجال لذكرها الآن.
موفق يا حبيب.
| |
|
|
|
|
|
|
|
|
|
Re: ما هي أنواع السيارات المعروضة (للبيع) في الخرطوم,, وما هي أسعارها (Re: Mohamed Abdelmotalib Hassan)
|
هلا بمحمد عبد المطلب
Quote: هلا يا أشرف :
والله يا أشرف عندي تجارب كتيرة في العربات البتجي بالطريقة دي , وهي كخلاصة مليانة مشاكل وقنبلة موقوته , غالباً بيكون التخليص
تم عن طريق واسطة أو بأي (طريق) آخر , وأول ما تشتري والمشتري يستلم قروشه تلقى نفسك في دوامة لا أول لها ولا آخر , ويمكن برضو
فجأة وإنت سايق يوقفك زول يقول ليك أنا من شعبة مكافحة سرقة السيارات والتهريب , وعربيتك دي مطلوبة في الشعبة لأنه كل الموديلات
دي دخلت (مثلاً) بإعفاء جمركي للبرلمانيين وإنه الشخص المشتري تم فصله من البرلمان وقام ببيعها وبالتالي لم تعد معفية جمركياً.
الخلاصة يا أشرف :
الكرين , الدلالة , شخص تعرفه في السودان حريص عليك , شيل قروشك وأقع السوق ووثق ورقك عند محامي وسجل عربيتك وأركب الشارع , وما حنتدم!!!
في قصص كتيرة يا أشرف مرت علي لا يسع المجال لذكرها الآن.
موفق يا حبيب. |
كده ريحتني كتير ووفرت علي متاعب لست في حوجة لها كما ان الوقت لدي ليس كافي في الجري وراء اجراءات معقدة ومتشابكة
بعدين ياخ بالجد ناس الجمارك ديل ببالغوا..والواحد احسن حاجة ما يدي فرصة لزول ليسرقه
انا قبل حوالي 20 سنة رسلت 25 جنيه استرليني لصديق طلبها مني..فقمت بإرسالها بالبريد الجوي..تخيل حتى الان لم تصله؟؟
بالنسبة للكرين يا ريت ناس الكرين يجوا هنا ويورونا عندهم شنو ونكون شاكرين
تسلم يا حبيب وخالص الود
| |
|
|
|
|
|
|
|
|
 Re: ما هي أنواع السيارات المعروضة (للبيع) في الخرطوم,, وما هي أسعارها (Re: وضاحة)
|
هلا والله بوضاحة
Quote: غايتوا يا اشرف
لقيت عندك طموح عالى جدا
ياخى بي ام شنو فى السودان وينى الشوارع البتستاهل سيارة زى دى
بالكتير تشوف ليك كارو تهئ تهئ تهئ |
لكن يا وضاحة ما شايفة الصورة الفوق دي.. ولا دي ما في السودان؟
انا بصراحة في مشياتي الفاتت للسودان ما شفت لي بي ام دبليو او مارسيدس جديدة
لكن انشاء الله يتلقوا وحتى لو وقعوا في حفرة ما مشكلة..بنرفعم هههههههه
بعدين أخوكي حا يمشي قاشر ومتجنصص عايزاني أركب كارو؟
ياخ السودان ده انا بنتظر بفارغ الصبر عشان اتجدع فيه
| |
|
|
|
|
|
|
|
|
|
Re: ما هي أنواع السيارات المعروضة (للبيع) في الخرطوم,, وما هي أسعارها (Re: ASHRAF MUSTAFA)
|
Quote: لكن يا وضاحة ما شايفة الصورة الفوق دي.. ولا دي ما في السودان؟
انا بصراحة في مشياتي الفاتت للسودان ما شفت لي بي ام دبليو او مارسيدس جديدة
لكن انشاء الله يتلقوا وحتى لو وقعوا في حفرة ما مشكلة..بنرفعم هههههههه
بعدين أخوكي حا يمشي قاشر ومتجنصص عايزاني أركب كارو؟
ياخ السودان ده انا بنتظر بفارغ الصبر عشان اتجدع فيه |
غايتوا ما بنصحك
غايتوا نحن عندنا سيارات كروزر لما نكون ماشين بنكلم السواقين بتاعن جدو ينزلوها لينا ولما نرجع بنكلم يرفعوها
والملابس البلبسها هناك ما بتبارينى ولا بترجع معاى
بديها الشغالات طوالى لانوا قدر ما اشمها اشمح ريحتها ما تمام مع انوا بستخدم عطور باريسية نفسها البستخدمها لما اكون برة السودان
لكن حكمة ربنا الملابس ما بتكون زى ما جيت بيها شكلها ولونها وريحتها بتتغير السبب شنو ؟؟؟؟؟؟
| |
|
|
|
|
|
|
|
|
|
Re: ما هي أنواع السيارات المعروضة (للبيع) في الخرطوم,, وما هي أسعارها (Re: وضاحة)
|
Quote: غايتوا ما بنصحك
غايتوا نحن عندنا سيارات كروزر لما نكون ماشين بنكلم السواقين بتاعن جدو ينزلوها لينا ولما نرجع بنكلم يرفعوها
والملابس البلبسها هناك ما بتبارينى ولا بترجع معاى
بديها الشغالات طوالى لانوا قدر ما اشمها اشمح ريحتها ما تمام مع انوا بستخدم عطور باريسية نفسها البستخدمها لما اكون برة السودان
لكن حكمة ربنا الملابس ما بتكون زى ما جيت بيها شكلها ولونها وريحتها بتتغير السبب شنو ؟؟؟؟؟؟ |
جدو ده مش الكان معتقل وفاتحين ليه كم بوست هنا ده يا وضاحة؟
ههههههههه حلوة قصة الجديع دي .. قلت لي أرياح باريسية ها؟؟؟
السبب يا وضاحة في تغير شكل ولون ورائحة الملابس هو السودان
welcome to sudan
حيث الأتربة والبعوض والناس الطف والشمس الحارقة
ـــــــــــــــــــــــــــــــــــــــــــــــــــــــــــــــــــــــ
بعدين يا وضاحة ما ترتوا علينا شوية وأجدعونا بكروزاية انشاء الله سغمبوتة قدر النملة
| |
|
|
|
|
|
|
| |
ASHRAF MUSTAFA
ندى صالح الطيب
بلدى يا حبوب
محمد الامين محمد
Mohamed Abdelmotalib Hassan
وضاحة
فيس بوك
تويتر
انستقرام
يوتيوب
بنتيريست