|
|
|
 Re: ينعى وردي... ويصلح الساعات. (Re: محمد عبدالرحمن محمد)
|
لووووووووب يا عوض الله !
تيبكال النكتة بتاعت اليهودى التى ظلت ترووى
لعقود من الزمان ...
ضياء بلال ... تعال تانى قول لى دى ما ثقافة
سوق العيش 
ـــــــــــــ
ياخ الراجل بكون سامع بمصادرة الصحف دى
بقول وردى براه كدا بصادرو الجريدة ,, احسن
يضيف الكاشف اخووه !
| |
  
|
|
|
|
|
|
|
|
Re: ينعى وردي... ويصلح الساعات. (Re: دينا خالد)
|
والله محن. دي والله فاتت نكتة الراجل البصلح الساعات. أكتر الكلام كان كسير تلج و النكتة كدا بتكون يصلح الساعات و ينعي وردي مش ينعي وردي و يصلح الساعات.
سؤال بليد شوية الزول دا اسمه المجاهد و أبوه عماد ولا دي رتبة جديدة ولا المجاهد - عماد دا اسم شركة؟
| |
|
|
|
|
|
|
|
|
|
Re: ينعى وردي... ويصلح الساعات. (Re: خدر)
|
اليهودي نعى أبوهو وصلح الساعات ..
يعني نظام وهمتين في شكل إعلان لكن شوفوا دا عمل شنو :
1 نعى وردي
2 نقل عزاء من اسرة (تانية غير اسرتو) لي أسرة وردي عبرو هو ..!!
3 شكر معتمد محلية المناقل وحكومتو في حاجة ما عندها علاقة بي تعزية وردي
4 شكر والي الجزيرة وحكومتو
5 شكر سعادة الصوارمي على مجهودات القوات المسلحة في دحر أعضاء الوطن ..
6 شكر خاص لرئيس الغرفة التجارية (لاحظو لي شكر خاص وسط كمية من التشكيرات والتعازي من نعي لوردي لي صمود القوات المسلحة) ...!
يعني ستة بتاعات ..! اليهودي زاتو ما فكر فيها ياخ ..!
بعدين أنا شااكي أنهم أكتر من ستة لأنو يا عوض الله في حتة مبتورة تحت ..
يا ربي ما بيوصلو عشرة ؟!!
| |
|
|
|
|
|
|
|
|
|
Re: ينعى وردي... ويصلح الساعات. (Re: ناذر محمد الخليفة)
|
اوع تكون دى صحيفة وعندها رئيس تحرير...لو عندها قاعد يعمل شنو وكلام زى دا ينشر فى صحيفته ..
والمربع الفاضى بالشمال دا اوع يكون فيها صورة المجاهد دا
بعدين ناس المناقل رايهم شنو ؟
ولا موضوع مشروع الجزيرة ما خلى ليهم راى..
للاسف السودان بعد مائة سنة فى مجال الصحافة والسياسة تكون فيه صحافة مثل هذه وسياسيين كمان مثل هؤلاء تخلف فى كل شىء الاقتصاد والسياسة والصحافة كمان يا كافى البلا ..وتدمير فى كل شىء ..يا حليل السودان
انت عارف نكتة اليهودى كانت اذكى لانه اراد استغلال مساحة فاضية لكن صاحبنا دا ما عنده هدف وكل المساحة فاضية له ليملاها بقليل من النفاق لعله ياهم بسهم فى الكثير منه وسائد للاسف .. لياكل عيش ابوها عيشة دى ..
اشكرك لملاحظتك اللماحة
| |
|
|
|
|
|
|
|
|
 Re: ينعى وردي... ويصلح الساعات. (Re: الكيك)
|
Quote:
للاسف السودان بعد مائة سنة فى مجال الصحافة والسياسة تكون فيه صحافة مثل هذه وسياسيين كمان مثل هؤلاء
تخلف فى كل شىء الاقتصاد والسياسة والصحافة كمان يا كافى البلا ..وتدمير فى كل شىء ..يا حليل السودان
|
سلام يا الكيك ,, عارف المية سنة الفاتت دي الناس ماشين لي قدام حتى لو مية خطوة برضو لي قدام
نحن يا كافي البلا البنوه الإنجليز الكانوا مستعمرننا والحررونا منهم
جونا ناس بنو جكة , جككوا الناس لي ورا مية سنة ضوئية
تقول لي صحافة ولا إعلام ؟؟؟
كدي فرغ روحك واقعد صاقر قناة التلفزيون لي ربع ساعة بس
في اي وقت تختاره , بس ؤبع ساعة
شوف كمية الأخطاء وعدم الموضوعية واللامبالاة البتشوفها ’ تحس إنك محبط وتعرف بالجد الوضع الما بتوصف الوصلنا ليه للأسف الشديد
عوض الله سلامات وأريتك طيب إنت والوليدات ,
الزول ده بكون مخنوق من الضرائب والجبايات وداير يتفش في اي حاجة إن شاء الله إعلان ما بخصه
ده ذكرني حصص الإنشاء زمان , الجماعة البكونوا ساقطين عربي , بجروا مواضيع الإنشاء جررررررررررر بدون اي نقطة ولا شولة ولا ملف
لامن تووووووشك يصلوا نهاية القصة , بكونوا خموا قدامهم كم حدث غير مربوط بالتاني في النهاية دايرين يملوا الورقة عشان الأستاذ يقول شاطرين
هسه الزول ده قام بالواجب يا جماعة ، كتر خيره , المهم إنه نعى وشكر وقام بالواجب , وفي النهاية ضحك الناس فيه
عصرت عليهو شديد يا عوض الله ياخ
| |
|
|
|
|
|
|
|
|
|
Re: ينعى وردي... ويصلح الساعات. (Re: اسماء الجنيد)
|
الفنان عوض الله بشير.. يشكر كل من شارك في هذا البوست .. ويخص بالشكر السيد مديرأ راضي جبرة على حملات محاربة البعوض
ويذكر الجميع بحفلة عقد الجلاد اليوم ببورسودان ..كما يشكر معتمد عطبرة على السماح للفرقة بعبور اراضيه ...
ويشهد امام الله ان الحيكومة كلها داخلة الجنة داخلة نسبة لاهتمامها بحياة المواطن بالدار الآخرة ...
ولا ينسى ان يلفت نظر المحافظ الكريم بضرورة صرف كوتة السكر بسرعة حسب التصديق الممنوح لنا من اللجنة الشعبية ...
| |
|
|
|
|
|
|
| |
Awadallah Bashir
محمد عبدالرحمن محمد
دينا خالد
Elawad
ناذر محمد الخليفة
خدر
الكيك
اسماء الجنيد
فيس بوك
تويتر
انستقرام
يوتيوب
بنتيريست