|
|
 بالامس السودانيين باريزونا على قلب رجل واحد بالبيت السودانى بفنكس
|
بالامس كان يوما جميلا بالبيت السودانى بمدينة فنكس بولاية اريزونا حيث
التقى السودانيون ببيتهم من اجل تكوين المكتب التنفيذى .
وقد تم تكوين المكتب برئاسة الاخ سامى طلب و عضوية عشرة اخرين بما فيهم
ثلاثة نساء و بذلك يكون البيت السودانى قد قطع شوطا كبيرا ,
و ما عليه الا العمل من اجل السودانيين اللذين قـطعوا اميالا لحضور هذا
العرس الجميل من اجل سودان عزة الذى تغنى له خليل فرح بعزة فى هواك
و ابراهيم العبادى بعزة الفراق بى طال و مصطفى بطران بعزة وصالك فلهم جميعا الود و الاحترام.
|
|
 
|
|
|
|
|
|
|
 Re: بالامس السودانيين باريزونا على قلب رجل واحد بالبيت السودانى بفنكس (Re: صديق مهدى على)
|
يا سلام يا صديق ياعمدة .. بالرغم من أن الأحد هذا كان مليئآ بالأحداث الهامة في أميركا والتي ننتظرها بشغف سنوي وهي السيربر إستارز game الخاصة بنجوم السلة في إتحاد ال NBA والثاني هو توزيع جوائز الأوسكار رقم 84 لأفلام عام 2011 .. حدثان إجتمعا في يوم واحد هذا العام درج الكثيرون على متابعتهما كل عام وأنا منهم.. خفت أن يؤثر هذان الحدثان في نسبة الحضور لفعاليات الجمعية العمومية للبيت السوداني ولقد كذبت توقعاتي إذ فاق الحضور كل التوقعات حتى ضاقت الدار بالحضور الذي بلغ 284 فردآ هذا عدا الأطفال والصبية الأمر الذي حدا بإستئجار قاعة زواج أخرى تسع لثلاثمائة شخص جرت فيها فعاليات الجمعية العمومية الأولى للبيت السوداني . أواصل
| |
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: عادل نجيلة)
|
كنت سعيدآ وأنا أرى الحضور يشكل سودان مصغر إفتقدناه كثيرا كان فيه الطيف عال الألوان والنبرة .. كان أبناء دارفور والجنوب حضورا وقيادة بقيادة الريسين مبارك محمدين والطاهر أنقابو .. والجنوب بقيادة الريس جونسون منقو وأبناء جبال النوبة بقيادة الريس كمال وزوجته نجاة والتي حضرت على كرسي متحرك جراء حادث حركة تعرضت له أدى لكسر ساقيها الإثنتين
وجاء أهل الشرق كسلا الحنونة كأم رؤوم تحضن أبنائها جميعآ ممثلين في سمية قسم وعبدالمنعم أبراهيم الحاج وعصام قسم السيد وأبناءهم..وأهل القضارف ممثلين في عبدالعزيز يوسف .. وجاء أهل النيل الأزرق من سنجة والمزموم والسوكي والدمازين وسنار بأسرهم وأطفالهم .. وجاء أبناء الجزيرة بقيادة سامي طلب ومحمد الوسيلة تصحبهم عائلاتهم وأطفالهم وأبناء مدني بقيادة الأستاذ حيدر عثمان والذي حضر على كرسي متحرك وتوجته الجمعية العمومية في لجنة صياغة الدستور وجاء أبناء النيل الأبيض من النعيمة والدويم والشوال و كوستي بقيادة العمدة صديق مهدي على والبارون حسن ماهر .. وحضر أبناء الشمال النوبي حلفا وسكوت ومحس ودناقلة وحضر أبناء الشمال النيلي من دار جعل ودار شايق وركابية وبديرية وحضر أبناء أمدرمان والخرطوم وبحري بإختصار كان السودان هناك في دار البيت السوداني فالتحية للجنة التمهيدية التي وعدت وأوفت وكفت لتخرج لنا هذا العمل العظيم والذي جاء منزهآ لا إقصاء فيه لأحد أو لجهة ما لذا كان هذا اليوم التاريخي للسودانيين بولاية أريزونا والذي إمتدت فعالياته لسبع ساعات متواصلة توجته اللجنة التمهيدية بغداء فاخر ومرطبات وحلويات كفى حتى الطيور أواصل
| |
|
|
|
|
|
|
|
|
 Re: بالامس السودانيين باريزونا على قلب رجل واحد بالبيت السودانى بفنكس (Re: عادل نجيلة)
|
الشكر اجزله لابن السودان البار دينق لمداخلته الممتازة و هذا ان دل على شئ انما يدل على اصله و راجحت عقله فله منا كل التقدير
و الاحترام . و لا يفوتنى ان اشكر الريس بكرى ابوبكر الذى سجل حضورا اعلاميا ووطنيا و الشكر للاخ عادل نجيلة الذى سجل حضورا مع انه
عائد لتوه من السودان وهذا ان دل على شئ انما يدل على حبه لاهل السودان . و بالمناسبة الاخ عادل نجيلة تراس اللجنة المصغرة التى
كونت للاشراف على الانتخابات للجنة الجديدة حيث ادى واجبه على اكمل وجه بمساعدة عضوين اخرين . طبعا الاخ عادل نجيلة بخبرته النقابية
لقد كان امينا و دقيقا فى حصر الاصوات لذا تم التصويط بطريقة مرضية حيث الكل طلع راض عن الطريقة التى تمت بها التصويت .
الشكر مرة اخرى لكل سودانى و سودانية حضروا من اجل اعمار البيت السودانى و انشاء الله يكون بيت خير و بركة و دام السودان وطنا للجميع.
| |
|
|
|
|
|
|
|
|
 Re: بالامس السودانيين باريزونا على قلب رجل واحد بالبيت السودانى بفنكس (Re: بكرى ابوبكر)
|
يوم مختلف عن كل الايام في تاريخ السودانيين في اريزونا
وكاننا نبحث في ذلك البيت الصغير عن وطن كبير نشتاقه ان يضمنا يوما نعم كان يوما مشهودا بحق
لم اكن اتوقع ذلك الحضور ذلك التوحد ذلك الحب شكرا للجميع
حتي الذين لم يحضروا لظروف قاهره اليوم نعلن وجودنا نتشكل
في ابهي الالوان لنكون قدر قامة هذا الشامخ دوما في الدواخل
شكرا صديق ......شكرا بكري .....شكرا عادل
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: somia gassim)
|
شكرا لهذا الحضور الجميل لكل الوان الطيف السوداني
بالبيت السوداني باريزونا بالامس ولاول مرة باريزونا يجتمع هذا العدد من اجل عمل عام
ويرجع الفضل للمجهود الجبار الذي قامت به اللجنة التمهيدية للتحضير لهذه اللوحة
البديعة والتي اشعرت كل من حضر بالفخر فلهم منا كل التقدير والاحترام وقد كافاتهم الجمعية العمومية
باعادة انتخاب ستة من اللجنة التمهيدية لمواصلة المسيرة وانتخاب خمسة اخرين لتكملة اللجنة
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: Mohamed Yassin Khalifa)
|
شكرآ للعزيزين دينق و محمد يس خليفة لمداخلتيهما..
توالت أحداث يوم إنعقاد الجمعية العمومية بأن إنهالت التبرعات المادية و العينية من أجهزة كمبيوتر و أثاثات .. وبلغ الحماس ببعض الأعضاء أن طالبوا بشراء دار أكثر إتساعآ من الدار الحالي على نظام الأسهم وتوزيعها على الأعضاء حسب الإستطاعة .. وبالرغم من الصعوبات المالية وعجز الإقتصاد الذي تواجهه حكومة ولاية أريزونا إلا أن التفاءل يسود الجميع في أن التمويل الذاتي للمنظمة والمشروعات التي ستنبثق من منظمتنا كفيلة بتغطية النفقات وتمويل البرامج المختلفة التي تهم الأعضاء.
وهنالك الكثير من البرامج التي تنتظر المكتب التنفيذي الجديد. فاتني أن أشكر وأهنئ الصديق سامي طلب على الثقة التي نالها من الجمعية العمومية وأحيي مبادرة الأخ الطاهر أنقابو والذي تم ترشيحه للرئاسة إيضآ ولكنه تنازل لسامي بروح طيبة تنبأ عن أصالة وفهم عميق للعمل العام فالتحية له
يا بكري الرجاء المزيد من الصور
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: عادل نجيلة)
|
تم بحمد الله تكوين اللجنه التنفذية للبيت السوداني الامريكي بولاية اريزونا
من الاتي اسماءهم
1- سامي طلب رئيسا
2- الطاهر محمد ابو سكرتيرا عاما
3- الصادق علي سكرتيرا ماليا
4- خالد جباره سكرتيرا للثقافه والاعلام والرياضة
5- ناديه محمد سكرتيرا للمره والطفل
6- سميه قسم سكرتير للشئون الاجتماعيه والدار
7- عصام قسم السيد سكرتيرا للعلاقات الخارجيه
8- سحر بشاره نائب للرئيسي
9- محمد الوسيله نائب للسكرتير المالي
10- عبد الجبار محمديين عضوا
11- الطاهر جلجال عضواُ
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: عادل نجيلة)
|
الاخ محمد يس الخليفة لك و د و احترام كل سودانى و سودانية باريزونا لمداخلتك التى تدل على اصلك فشكرا لك مرة اخرى و ربنا يحفظك .
فعلا هذا العمل يستحق الاشادة من كل سودانى حادب على مصلحة السودان لانه عمل من اجل التواصل الاجتماعى لا من اجل السياسة بل عمل تكليف
و ليس تشريف لذا كان هذا الحضور المشرف من كل الوان الطيف السودانى فلهم التقدير و الاحترام .
اخوتى و اخواتى نحن اليوم فى اشد الحوجة للعمل الجماعى الخالى من الخبث و المكر لذلك نحن التقينا من اجل ن ننقذ اطفالنا و انفسنا
من الوقوع فى حفرة الغربة التى سلبت منا حب الوطن و ثقافته التى كنا نفخر بها لذا وجب علينا ان نلتقى كبارا و صغارا داخل هذا
البيت الذى حضننا باسم السودان الكبير حيث لا شرق و لا غرب و لا شمال و لا وسط بل سودان نحمله فى حدقات اعيننا.
فالتحية مرة اخرى لكل سودانى دخل علينا فى هذا البيت عبر الانترنت و نقول ليهم انشاءالله ما نخيب ظنكم والكل سيعمل من داخل هذا البيت
بكل تجرد حيث لا شيعة و لا طوائف و لا احزاب ديننا الاسلام ووطننا السودان فعشتم اخوة احبابا من اجل سودان الام و الاب و الجد و الجدة .
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: صديق مهدى على)
|
بسم الله الرحمن الرحيم
الأخوة والأخوات بفينكس الكبري
سعدت كثيرا للاقبال الكبير من قبل الأسرة السودانية
Phoenix, Peoria, Glendale, Tempe, Mesa, Laveen, Chandler and more
روح الإجتماع كانت ودية وعبارة عن رحلة رغم تحفظي علي ادارة الإجتماع
الأخ عادل نجيلة كان واضحا مقدرته علي ادارة الإجتماع وخبرته
تم تكوين اللجنة بقيادة الأخ سامي طلب فله التحية BUT ولكن لااتفق علي
تكوين اللجنة كان من المتوقع والأقرب للحكمة ان يستمر عبد الجبار رئيسا
والطاهر جلجال امين المال لضمان استمرارية العمل تفادي اي تعطيل فيما
يتعلق بقية اجرآت التأسيس
اتمني ان يتم تدارك الموفف واعادة تشكيل اللجنة حفاظا علي وحدة الأسرة
السودانية ومواصلة الروح الودية اللتي سادت الإجتماع
التحية للجميع وللاخ ىالحبيب صديق مهدي علي وجاري في بيورياPeoria
الأخ بكري ابو بكر
عادل نجيلة سمية محمد يس
Quote: تم بحمد الله تكوين اللجنه التنفذية للبيت السوداني الامريكي بولاية اريزونا
من الاتي اسماءهم
1- سامي طلب رئيسا
2- الطاهر محمد ابو سكرتيرا عاما
3- الصادق علي سكرتيرا ماليا
4- خالد جباره سكرتيرا للثقافه والاعلام والرياضة
5- ناديه محمد سكرتيرا للمره والطفل
6- سميه قسم سكرتير للشئون الاجتماعيه والدار
7- عصام قسم السيد سكرتيرا للعلاقات الخارجيه
8- سحر بشاره نائب للرئيسي
9- محمد الوسيله نائب للسكرتير المالي
10- عبد الجبار محمديين عضوا
11- الطاهر جلجال عضواُ |
Deng
GET THE HE?? OUTA HEYA (OUT OF HERE) LOL
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: اسامة سعد)
|
الاح اسامة سعد الجار المحترم لك التحية ولاسرتك الفاضلة و لك الشكر الجزيل على مداخلتك المشرفة التى اظهرت مدى حبك لوطنك الكبير
السودان ووطنك الصغير البيت السودانى بفنكس الذى جمع السودانيين باريزونا و الف بين قلوبهم بحبهم للوطن الكبير الذى تربوا فيه من
زمن الصغر فلكم التحية جميعا . اخى و حبيبى اسامة انك تعلم ان اللحنة المصغرة التى فوضت من الجمعية العمومية و انت كنت حاضرا
باسرتك انذاك حيث تعلم جيدا ان مهمة هذه اللجنة هو الاشراف على الانتحابات لاختيار خمسة اعضاء بالاضافة للستة اعضاء من بينهم ثلاثة
رجال و هم عبدالجبار و الطاهر جلجال و عصام لقد تمت الموافقة عليهم من قبل الجمعية العمومية لمواصلة المشوار كاعضاء فى اللجنة
الجديدة لانهم كانوا من ضمن اللجنة التمهيدية التى قدمت لنا هذا العمل الجميل تحت مظلة السودان الكبير اما الاخوات الثلاثة سحر
و نادية و سمية لقد تمت تسميتهم من قبل الاخ حسن ماهر و تمت الموافقة عليهن من قبل الجمعية العمومية وكل الناس كانت مرتاحة لادارة
لادارة هذا العمل من قبل اللجنة المصغرة المكونة من الاخ صلاح و شخصى و عادل رئيسا و انتهت مهمتها بفرز الاصوات .
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: صديق مهدى على)
|
شكرا تراجى يا رابحة الكنانية و مهيرة بت عبود و بنونة بت المك شكرا تراجى يا عزة خليل فرح وابراهيم العبادى و مصطفى بطران شكرا
تراجى يا امل السودان . الشكر كتير ليك يا تراجى من اهلك باريزونا على هذه المداخلة المعبرة و هذا ان دل على شئ انما يدل على حب
اهلنا فى الشرق لسودانهم الكبير فلهم منا كل احترام و انشاءالله ربنا يفكنا من العكاليت ديل يا تراجى و نرجع اخوة و احباب زى ما كنا
و نرقص جميعا بفرحة العودة لسوداننا الحبيب و دمت عزة للسودان يا تراجى لانك اصيلة .
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: Haytham Mansour)
|
بسم الله الرحمن الرحيم
يعلن البيت السوداني الامريكي عن بدء نشاطاته المختلفة
حيث بدا بالامس برنامج التلاوة وسوف تكون بعد صلاة المغرب كل خميس انشاء الله
سوف يتم فتح فصل لتدريس القران للاطفال يوم السبت الموافق 10 مارس من الساعة الحادية عشر صباحا الي الواحدة ظهرا (الشيخ حسنين) وسوف يكون كل يوم سبت
سوف يتم فتح فصل لتدريس اللغة العربية للاطفال يوم الاحد 11مارس وكل احد من الساعة الحادية عشر صباحا الي الواحدة ظهرا (الاستاذ الشيخ امين)
كما يهيب السكرتير الثقافي من كل المهتمين بالفن والثقافة لحضور الجلسة التفاكرية بالبيت السوداني يوم الاحد القادم الساعة الخامسة مساء للتفاكر حول البرامج
المقبلة والاستماع لارائهم ومقترحاتهم
والله الموفق
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: عادل نجيلة)
|
أما بخصوص تدريس اللغة العربية فأي منهج نختار لتدريسه وما هو المنهج الأقرب لواقع بيئة الطفل السوداني الأمريكي ولقد أثبتت التجارب الحالية فشلا زريعآ في أن يتعلم أطفالنا اللغة العربية ومن أهم الإخفاقات هي غربة المنهج ومدلولاته الحرفية عن واقع البيئة والثاني يتعلق بالأستاذ و مدى مؤهلاته في إجادته اللغتين العربية والإنجليزية كلغة وسيطة .. ويبدو بأن المكتب التنفيذي قد عثر على كل هذه الحلول بضربة لازب بدليل أنه حدد المنهج و الأستاذ معآ .. كان الأحرى بالمكتب التنفيذي أن يعقد إجتماعآ مع الأعضاء المهتمين بهذا الجانب ويصل للنتائج المرجوة وليبني أساسآ سليمآ يتمكن من خلاله أطفالنا من تعلم اللغة العربية بطريقة سهلة و مبسطة وسريعة. إن البدايات الخاطئة لن تجد سوى نتائج خاطئة.
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: عادل نجيلة)
|
بسم الله الرحمن الرحيم
الأخ الكريم عادل نجيلة
التحية لشخصكم الكريم
أخي عادل
اي عمل لايتعارض مع اهداف المنظمة مرحب به
اذا كان هناك عمل لتدريس التربية الأسلامية واللغة العربية فمرحبا به
هذا لايعنى ان العمل ينحصر في ذالك التوجه
الخيار للأسرة في قبول الدعوة لتسجيل اطفاله
اتفق معك تماما في ان تربية اطفالنا هنا يحتاج لاكثر من الشيخين الجليلين
انا عندي تجربة العمل التطوعي في ولاية وسكنسن Wisconsin مع المجموعة الأفريقية African community
من مهاجرين ولاجئين واستعنا بأشخاص من الهاجرين الأفاريقة من الأكاديمين لوضع تصور لمعالجة الأمر وتم مخاطبة ادارة التعليم فى المدينة. ونسبة لرحولي من الولاية لا ادري ماذا كانت النتائج.
اتمني من شخصكم الكريم ان يطول بالك شوية ونحن ناس متعبين ياخي طول بالك معانا شوية الجمعية بحاجة ماسة للرأي الآخر ولأفراد مثل شخصكم
دمتم في رعاية الله وحفظه
أخوك اسامة سعد
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: Kostawi)
|
شكرا الاخ هيثم منصور و الاخ كوستاى و الاخ اسامة سعد على التوضيح .
وانا بدورى اقول للاخ عادل دا عمل لجنة تنفيذية مش جمعية عمومية يعنى هى التى تقوم باختيار ما تراه مناسبا من الانشطة لان عمل من هذا
يحسب من ضمن نشاط اللجنة لا الجمعية العمومية عشان كدى سميت لحنة تنفيذية . و زى ما عارف انت رجل نقابى كيف تفوت عليك الحاجات دى .
المهم يا عادل نحنا لا عايزين مقررات دراسية و لا شئ نحن عايزين الاطفال يكتبوا و يقروا لغة عربية و بس و دا عمل ما بحتاج لكلام قدر
دا و كلام الاخ اسامة و اضح . اما بالنسبة للقاء اليوم على حسب ما عرفت من داخل البيت السودانى بالامس ان لقاء اليوم هو مفتوح لكل
سودانى و سودانية عنده موهبة فى الفن و الثقافة لان لقاء اليوم تفاكرى و بس لذا انت يجب عليك ان تكون متابعا و ما زول بعزموه على
بيته حيث البيت يحتاج كل اعضائه ان يكونوا نشطين .
| |
|
|
|
|
|
|
|
|
|
Re: بالامس السودانيين باريزونا على قلب رجل واحد بالبيت السودانى بفنكس (Re: عادل نجيلة)
|
الأخ عادل
ادعوك مرة اخري ان تتبني خطوة تصحيحية ومعاونة اللجنة في وضع البرامج السليمة
اللجنة متحمسة للعمل ويمكن توجيه الطاقات لخدمة اهداف الجمعية
لابد للجميع ان يقدم كل حسب طاقاته وامكاناته المادية والفكرية والمهنية
ندعو الي التعاون البناء مع كل الأفراد الجهات ذات الصلة والأخوة في الجانب
الآخر من المدينة
كما ادعو الأخ الكريم عبد الجبار والأخ الكريم الطاهر جلجال ان يضعا ايديهم
مع الجميع لتعم الفائدة
| |
|
|
|
|
|
|
| |
صديق مهدى على
بكرى ابوبكر
Deng
somia gassim
Mohamed Yassin Khalifa
البيت السوداني الامريكي بAZ
Tragie Mustafa
Haytham Mansour
Kostawi
Nasr
فيس بوك
تويتر
انستقرام
يوتيوب
بنتيريست