|
|
|
 Re: طارق ابو عبيدة .. الحفل الأخير بمنطقة واشنطن الكبرى (Re: عبدالعزيز حسن على)
|
الحفل الاخير ده بديك احساس بي انو تاني طارق ماشي يجاهد في الرد لاين دستركت...
نامل تعديل الاسم ليكون (الحفل الاخير لزيارته الحالية).. لاننا اتفقنا نتلاقى في شتاء العام المقبل في مطعم جادين مع كواكب كتشينة الفرينجاب المستمتعين بانفسهم الضاحكين كما يجب..
نتلاقى ونبرمج بي نفس الزول البرمجنا بيهو تلك الامسية..
---------
ايامك طحنية يابو خالد..
كملتا المتعة في الارض الجديدة.. سلم لي على البوتوماك ..وتعال لنغني سوياً::
كرومي قام جهجة النسوان.. تم تومي تام ترم ترم ترم ترررام..
| |
  
|
|
|
|
|
|
|
 Re: طارق ابو عبيدة .. الحفل الأخير بمنطقة واشنطن الكبرى (Re: DKEEN)
|
دكين يا عزيز
حسن جادين و رواده كانوا من اجمل اكتشافاتنا في فرجينا يا صديقي, تتذكر ؟ شباب سوداني زي الورد لا يحمل غل ولا احقاد .. يعيش في الواقع لا في العوالم الافتراضية, يشاركون الناس افراحهم و اتراحهم.. يأكلون الطعام و يلعبوا الكتشينة و يودعوك بطيبة سودانية في العيون .. شكرا ليهم للاحتفاء بنا و ما عافيين ليهم غلبهم لينا في اليد الاخيرة . 
انت القيم داك شلتوا انت ولا قلعوهو مننا بعد ما انا حرقت ؟
عندي ليك اخبار ما بتسر عن البوتامك يا عزيز, صادفت حفنة من الواشنطوناب بتعاملوا معاهو كما يفعل الكثر منا مع النيل , و شوف عيني كان البوتامك يبكي " توجد صور بالمناسبة"
| |
|
|
|
|
|
|
|
|
|
Re: طارق ابو عبيدة .. الحفل الأخير بمنطقة واشنطن الكبرى (Re: عبدالعزيز حسن على)
|
عبدالرحمن عزاز ..
تحياتي لأهل دنفر المضيافين .. غنيت عندكم في التور الفاتت بعد تنسيق ممتاز من
حبيبنا التشكيلي انس عمر و غمروني بحفاوتهم
شكرًا يا فنان
عزيز حسن يا فنان ..
فيما يخص السلطات بأنواعها يحول الطلب لعناية عفراء " دينمو " الفعالية :)
اما صاحبك ابوالسرة فأبدع فعلا و قيل العهدة علي وجاهة الفنانين :)
| |
|
|
|
|
|
|
|
|
|
Re: طارق ابو عبيدة .. الحفل الأخير بمنطقة واشنطن الكبرى (Re: Mohamed Foto7li)
|
سلامات عزيزنا تاج السر
ده كلام تمام
قالوا صاحبك خدر شغال في البروفة النهائية لحبيبنا الراحل وردي
.. كلام كجراي
مافي داعي .. تقولي مافي
يا الربيع .. في عطرو دافي
لهفة الشوق
في سلامك
..
أرتعاشاتك بتحكي
قصة أحلامك معاي
وكل خفقة في قلبي نغمة .
..
مالك يا خدر ياخ ؟؟؟
بس برضو دي طريقة بديعة لضرب الحزن التقيل .
..
عليه الرحمة
| |
|
|
|
|
|
|
|
|
|
Re: طارق ابو عبيدة .. الحفل الأخير بمنطقة واشنطن الكبرى (Re: Osman Musa)
|
غايتو بتأدب الغنا دا أدب...
وبتقعد كل كلمة في علبتا..
لامن الزول شعرة جلدو (تكلّب)
أنا لو مكانك أمسك الغنا دا غنية غنية
من دجاجي يلقط الحب لغاية آخر غنية اتلحنت
في الفضا الواسع دا...وأغنيها وأبقيها حقتي
وناس المصنفات..وناس المهن الموسيقية أخليهم
راكبين أعلي ما في خيلهم...
هسي ناس قراب منك دي أتلقي (ربع) ناس المنبر دا
قايلنا حقة فرفور...
في الأول كتبتها تلاتة أرباع ناس المنبر
طوال ود الموج اتعارض لي في كيبوردي
| |
|
|
|
|
|
|
|
|
|
Re: طارق ابو عبيدة .. الحفل الأخير بمنطقة واشنطن الكبرى (Re: Rawia)
|
Quote: يا فِرَد شنو الحاصل؟
تحية من الخرطوم.
أها غايتو لولا الحب كان قت الموضوع دا فيهو قصد عديل كدا.
نزوغ منكم اسبوعين بس وتجو تعملو ديل الإتنين في ليلة واحدة؟
تُسحب تذكرة سفر طارق ويُؤجل تقديم الدغمسة وإلا هَجَوْتُكما! |
مروح يا فنان
هههههههههههههههه ضحكتني فكرة الهجاء دي علي جمال فكرتها
يا سيدي دي احوال الصالات "و اتوقع مقال قادم لتاج عن احوال الصالات عند البني كجة"
و برضو اتفقنا انا و اخوي الكاشف انو نفرح لمده تمانية ساعات One go من حقنا ياخ لكن غيابك نقص الفرحة يا فنان والله
عليه نرجوا من معاليكم تعديل الاتفاق اعلاه للتالي .. موسي مروح طالب تاج و طارق تسجيل فيديو الحفلتين و الا هجاهما
اها .. تصدق ام ينظر و يفاد ؟
| |
|
|
|
|
|
|
| |
Tagelsir Elmelik
خدر
دبس
Marouf Sanad
Salah Idris
Elmosley
عبدالرحمن عزّاز
موسى أحمد مروح
Rawia
Mohamed Foto7li
Osman Musa
nazar hussien
Badr elhaj
فيس بوك
تويتر
انستقرام
يوتيوب
بنتيريست