|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
40 سنة للرجال و30 سنة للنساء
عكس الشعوب العربية السودانيين الواحد/ة يلدوه معولق ومجلفط (ما عدا أولاد العز) لكن رويدا رويدا تبدأ تظهر عليه علامات الوسامة مع تقدم العمر وخصوصا لو لقى ليهو شوية راحة وإنجمامة
الشعوب الثانية الواحد لما يلدوه تقول تبلعو بس يحصل سن 30 تلقاه بقى شايب أو عجوزة
السبب شنو ؟
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: خالد عبد الله محمود)
|
Quote: حرام عليكـ يا هدير أحبطت الزول ياخ ..
|
يا خالد أنا جيت جارية أثبت ليهو حقيقة متعارفة بشأننا قبل حمد ما يواصل ويطبظها .. وأهو صدق حدسي! شوف حمد كتب شنو؟
Quote: 40 سنة للرجال و30 سنة للنساء
|
__ ود البشرى هارون أخي أتفق معاك بث لكن دا بحصل للرجل بعد سن الخمسين لمن يبدأ يصبح مراهق من جديد
لووولات كتار ..!
_
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: خالد عبد الله محمود)
|
مراحب يا خالد محمود
Quote: حرام عليكـ يا هدير أحبطت الزول ياخ ..
حمد يا أخوي أنت بتطمن في نفسكـ و لا شنو ؟ |
يا اخوي أحمد الله لا كرش ولا شيء وجلحات ما عليك منهن
عليك قول لأي واحد جيب لي صورتك قبل المراهقة وهسة تشوف فرق كبير
خصوصا لو هسة عايش بره السودان وجاهة ما تخلص
واحد معانا حكى لي هسة قال لي يوم جبت المرة هنا(السعودية) بعد شهر جيت داخل البيت قلت ليها والله لو ما بعرفك حق المعرفة أقول انت لا مرتي ولا حاجة
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
Quote: 40 سنة للرجال و30 سنة للنساء
عكس الشعوب العربية السودانيين الواحد/ة يلدوه معولق ومجلفط (ما عدا أولاد العز) لكن رويدا رويدا تبدأ تظهر عليه علامات الوسامة مع تقدم العمر وخصوصا لو لقى ليهو شوية راحة وإنجمامة
الشعوب الثانية الواحد لما يلدوه تقول تبلعو بس يحصل سن 30 تلقاه بقى شايب أو عجوزة
السبب شنو ؟ |
الاسباب كثيرة
البنية الافريقية غير عن العربية
احلى سن فى البنات من 18- 30 بعد ال30 حاجات كتيرة فى البت بتتغير وبتكبر بسرعة بعد الزواج والولادة
الرجل فى سن الاربعيين بكون ناضج عقليا بس جسديا بكون نص نص بكون زول واجبات
الرجل من 30 لى 40 بكون اكثر حيوية واناقة
تحياتى حمد
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: وضاحة)
|
وضاحة يا وضاحة
Quote: البنية الافريقية غير عن العربية |
هسة نحن أفارقة؟
هسة لو قالوا ليك العباس ما جدك بتموتي من الزعل
Quote: احلى سن فى البنات من 18- 30 بعد ال30 حاجات كتيرة فى البت بتتغير وبتكبر بسرعة بعد الزواج والولادة |
يا زولة في بنات في سن 18 دي بيكونن معشكبات وما ليهن أي طعم بس الواحدة يعرسوها تعالي شوفي بعد داك الولعة وأقرب مثال من المشاهير حرم النور وندى القلعة، كااااك
الرجل فى سن الاربعيين بكون ناضج عقليا بس جسديا بكون نص نص بكون زول واجبات
وطيب مراهقة الخمسين بتاعة هدير ديك تكون شنو ؟
مشكورة عل الايضاحات دي
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
Quote: عكس الشعوب العربية السودانيين الواحد/ة يلدوه معولق ومجلفط (ما عدا أولاد العز) لكن رويدا رويدا تبدأ تظهر عليه علامات الوسامة مع تقدم العمر وخصوصا لو لقى ليهو شوية راحة وإنجمامة
الشعوب الثانية الواحد لما يلدوه تقول تبلعو بس يحصل سن 30 تلقاه بقى شايب أو عجوزة
|
الأخ حمـد،، من الواضح أن سِـر الوسامة مرتبط بالعٌمر. فالملاحظ أن المظهـر الخارجي وتقاطيـع الوجـه لمعظم السـودانيين تعطيهـم عُمُـر أقل من العمر الحقيقي أمام الآخـرين،، والحكايـة دي واضحـة في دول (الخليـج) وعمـوم الدول العربيــة (طبعـاً الصفة دي مفيـدة أمام أرباب العمل، وأمام النصف الآخر أيضاً). ولا أدري السبب في ذلك؟؟ هل (البنيـة الإفريقية) كما ذكر أحد الأخوة المتداخلين لها دور في موضوع (الوسامة) المتأخرة دي، وفي موضوع (تقدير العُمر) أيضـاً؟ يعنـي، طـالما أن المظهر الخارجي للزول السـوداني يعكس عُمراً أصغر (يمكن بعشر سنوات) عن العُمر الحقيقي، فإنه سيبـدو أكثر وسامة وشباباً وحيوية من نظرائه من الشعـوب الأخري.... موضوع جـدير بالتحليل والنقاش.
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: محمد يوسف الزين)
|
الحاصل يا ابوحميد ان ازمة منتصف العمر تظهر عند السوداني بعد الاربعين دايما فحينها يبدا يهتم بصبغة الشعر وحلاقة الدقن المشعفة و تهذيبها و يبدا يهتم بحشي القميص ف البنطلون ويختار الاحذية و ألوان الجوارب بعناية و يفارق لبس الشبشب ما أمكن وفي جانب آخر بعد الاربعين اغلب السودانيين بجيهن السكري و من اهم تعليمات الاطباء هي انقاص الوزن و المشي فبتلقى الراجل السوداني من غير ما يقصد بدا يمشي و يراقب اكله و بالتالي وزنه ينقص و جسمه يتصلح
هذا و الله اعلم
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: محمد البشرى الخضر)
|
صاحبنا حمد... كيفك... يعنى حمد العرفناه فناااان وأنيق فى التمانينات داك كان ود عز؟؟؟؟
بعدين ياخى الكلام دا قدر ما حاولت تطبيقه على أصحابنا كلهم النتيجة كانت العكس تماما... وعليك بالشمباتة اعضاء المنبر...
أنا غايتو زى ما عارف حالة أستثنائية....مش زى صورتك الغاشى بيها الناس.... أنت بقييت.... خليها ساكت!!!!!
تحياتى للأسرة
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: SAIF MUstafa)
|
محمد يوسف الزين
مرحبا
Quote: انا غايتو وسيم من ما ولدوني |
المصدر يا ناس المصادر
بعدين انت حصلت سنة المعيار بتاعنا دا وله لسعة لأنو مرات الحكاية بتقلب خصوصا لو ما كنت ود عز زي خالد محمود
لو أي زول علق لينا صورتو من الولادة لحد سن 15 ومعاها صورة حديثة بيكون أحسن عشان نتحقق من صحة النظرية
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: SAIF MUstafa)
|
سيف يا طويل
اخبارك
يا زول انت ذاتك تصلح تكون Subject matter للبوست دا
ياخي انت لحدي ما اتخرجت من الجامعة كنت مسلول ومروكب ولو ما طولك دا ما تنفع بتعربفة
هسة شايفك اتملست واتلمعت وبقيت حاجة تانية وبرضو تقول لي بعدين ناسنا الشمباتة والله لي هسة كويسين آخر مرة شفت فيها د. عوض الله ود أبوبكر ابراهيم كانوا في أفضل حالاتهم ونور الجليل ونبهاني كويس في وشو بس الكرش بقتو زي S
؟؟؟؟Quote: يعنى حمد العرفناه فناااان وأنيق فى التمانينات داك كان ود عز؟؟؟؟ |
يمين هسة البناطلين والقمصان بقينا ما بنعرف نشتريهم تشتريه وتقول اتقطعت فيهو تجيبو البيت يقولو ليك دي شتارة شنو دي؟
تعرف قبل كم يوم مشيت لحلاق نيبالي بعرفو بعد حلق الشعر عاين فيني كدا قال نعمل ليك صبغة وحنة للشعر وصنفرة للوش ؟
قلت ليهو انت معفن ولا شنو شايف علي شنو عشان تقول لي الكلام دا ؟ ومن ديك العقدة حصلت كان شربت لي شاي بخت الكباية وبمشي المرايا
اخيرا الصورة دي ليها سنة بس
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: محمد البشرى الخضر)
|
محمد البشرى
مراحب
Quote: الحاصل يا ابوحميد ان ازمة منتصف العمر تظهر عند السوداني بعد الاربعين دايما فحينها يبدا يهتم بصبغة الشعر وحلاقة الدقن المشعفة و تهذيبها و يبدا يهتم بحشي القميص ف البنطلون ويختار الاحذية و ألوان الجوارب بعناية و يفارق لبس الشبشب ما أمكن وفي جانب آخر بعد الاربعين اغلب السودانيين بجيهن السكري و من اهم تعليمات الاطباء هي انقاص الوزن و المشي فبتلقى الراجل السوداني من غير ما يقصد بدا يمشي و يراقب اكله و بالتالي وزنه ينقص و جسمه يتصلح |
فككتها فكيك صاح
بس يا محمد في الأحوال الطبيعية في غبشة كدا ما بتروح إلا بعد سن الأربعين الواحد يكون شربان
فجأة كدا يقلب تلقاه نور وبدأ يلمع خصوصا بعد العرس وكمان لو لقى ليهو حبة راحة.
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: Asim Fageary)
|
Quote: الوسامة السودانية بتظهر بعد سن ال 40 ليه ؟ |
Quote: بتظهر في النساء فقط بعد سن ال 40 |
في السؤال المطروح وكذلك هذه الإجابة الأنموذج لمعظم مداخلات الإخوة والأخوات المقصود ضمناً وعلناً المرأة المتزوجة...
إبقى ليه ومن هي الربعينية، فتفسيرها في تقديري واحد لا غير: سر الزواج
بسم الله الرحمن الرحيم (وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ) صدق الله العظيم.
فالمودة والرحمة تاليهم الهدوء والسكينة والاستقرار النفسي فراحة البال وما يترتب علي ذلك من تأثير إيجابي على الجسد..
كما للبيئة دور كبير في التفريق بين هذه الإنسانة وتلك..
تحياتي حمد ولضيوفك..
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: الطيب عبد الرحيم خلف الله)
|
الاخ حمد ... سلامات ياخ
ملاحظة قوية بس من خلالها بنلاحظ برضو انو البلاحظ دا الا زول وصل الاربعين مش لانو بقي سوداني وسيم.. لانو بسمع كتير لايقاع:
مرة الراجل حلوة حلا !
اما ايقاع: ان شاء الله راجل مرة يا اب شرا دا شئ تاني بدخل فيهو العنوسة وكترة الحريم على الرجال و .... و ..الخ
فعلا السودانيات بعد سنة الاربعين وحتى ما قبل الخمسين انا بسميها فترة النضج الانثوى فيهن ... وتقدر تقول مرة سوبـــر يعنى ...
اما الراجل بالنسبة ليهو العشرة سنوات دي هي سنوات قالتا اختنا الفوق سنوات الاضمحلال العضلى والبروز البطنى وتساقط الرأس وبروز الانوف ...
تحياتي يا حبيب ...
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: هيثم التوم)
|
البروف الحبيب
Quote: حمد يا حبيبنا .... أنا زي محمد يوسف ده ... وسيم مما ولدوني... و العجب بعد الأربعين لمن توهطت الصلعة و انتشر الشيب و عملت عملية الركب ... مهند بس !! |
ما يحتاج يا بروف بس عملية الركب دي ما عندنا بيها شغلة وما بتأثر لأنو نحن حدنا من الشعر لحدي الكرش بس بعدين أنا ملاحظ أنو عنكم بذرة وسامة واضحة ودي اتضحت عند حمور بعد ما علف نفسه كويس في مصر على طول ظهر الفرق
بس انت أهتم لنفسك قبل القطر يصفر وتصل مرحلة اللاعودة
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: أمير عثمان)
|
يا محمد الجيلي
Quote: لسّة بدري علينا لمّا نوصل بنشوف
مع إنو ما مُحتاجين بتاتن البتة |
بتزاوغوا كدا لمتين؟
Quote: في سن الـ 40 الواحد بكون لا إرادياً مع الجري وتلتلة العيال
عمل ريجيم (بس مابقى وسيم)
بس أنا بعيب حتة الكروش دي وعدم المُحافظة على اللياقة البدنية |
تعرف الكروش والصلعة والجلحات دي مرات بتكون جزء من الشغلانية استنادا على بنية الجسم وشكل الوش والرأس وأبعادها عشان كدا ما بتكون معيبة أحيانا
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
عاصم فقيري اهلا بيك
Quote: يا أخوانا إنتوا جادين ولا بتهظروا
وسامة شنو العاوز تنافسوا فيها
________________ غايتو يا حمد إلا تبقى قصة المثل البيقول الطشاش في بلد العمي شوف قال زاوية قال ! |
يا جماعة ما تستهينوا بينا أنا قلت أنو نحن بعد عمر الأربعين في كثير من الحالات نبتفوق على غيرنا بتقدم ملحوظ في ملامح الشكل نحو الأفضل أو المحافظة على الموجود (قدر الفي ) بينما بتتراجع شعوب كثيرة بصورة مريعة وبفقدوا شكلهم تماما بعد عمر الأربعين.
أقول ليك حاجة مرة مشيت لسعودي يتوسط لي في شغلانةالزول دل لو شفتو بتقول عمرو 65 سنة لأنو شكلو زول كبير تعرف الزول دا عمرو طلع 39 سنة بس.
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
أدريس البدري
Quote: مااااااااا ظنيت يا حمد |
ظنيييييت ياخ وهرب مني الأمل جنيت
انتو راقدين رز كدا مالكم وفاقدين الثقة انتو قايلين التانيين ديل فايتننا بشنو
يا هو اللون دا ؟
ياخي شوف شخصيات زنجية عالمية بتشوف فيها جمال ووسامة ما عادية
أقرب حاجة الفنانة بوينسي وكلاي وغيرهم
كل ما في الأمر شوية ثقة وإهتمام ونضافةبس
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: أمير عثمان)
|
مرحبا الطيب عبد الرحيم
..Quote: فالمودة والرحمة تاليهم الهدوء والسكينة والاستقرار النفسي فراحة البال وما يترتب علي ذلك من تأثير إيجابي على الجسد.. |
طبعا دا واحد من الاسباب
بس يا الطيب انت لو لاحظت انا في الاول قارنت بين السودانيين وباقي الشعوب وأنا ملاحظ أنو الشعوب الأخرى (في الغالب الأعم) ما بصمدوا كتير بعد سن 30 سنة وتبدأ ملامحهم في التراجع عكس السودانيين مع الراحة بتظهر عليهم شيئ من الوجاهة
مشكور على الإضافة
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
هيثم التوم مرحبا ف
Quote: فعلا السودانيات بعد سنة الاربعين وحتى ما قبل الخمسين انا بسميها فترة النضج الانثوى فيهن ... وتقدر تقول مرة سوبـــر يعنى |
دا الكلام النجيض انت تعرف هسة العرب ديل يقول ليك ياخوي انا عايز أعرس تقول ليهو ليه يقول المرة صارت عجوز تسألو عمرها كم يقول ليك أربعين
تعرف ديل أنا بحتار فيهو لأننو نحن الثلاثينات والأربعينات يا دوب بنستعدل شكرا
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
ياجماعة والله بهزر بعتبر خيلاني من أوسم السودانيين صورهم في الخمسينيات والستينات من القرن الماضي وأثناء دراستهم بديعة..قمة الوسامة وبعدين نصيحة لله لو عاوز وسامة في السودان عليك بالصن بلوك ياخ الشمس دي بتحرق البشرة حريقة نفسي أعمل توعية بكريمات الصن بلوك وأروج لسوقها في السودان -حتمنع مشاكل كتيرة-
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
اهلا راوية Quote: ياجماعة والله بهزر بعتبر خيلاني من أوسم السودانيين صورهم في الخمسينيات والستينات من القرن الماضي وأثناء دراستهم بديعة..قمة الوسامة وبعدين نصيحة لله لو عاوز وسامة في السودان عليك بالصن بلوك ياخ الشمس دي بتحرق البشرة حريقة نفسي أعمل توعية بكريمات الصن بلوك وأروج لسوقها في السودان -حتمنع مشاكل كتيرة- |
تعرفي فكرة الصن بلوك دي لو نفذتيها بصورة تجارية بعد سنة حتكوني مليونيرة (طبعا لو عايزة)
رغم أنو السودانيين رايحة منهم حاجات كثيرة فيما يخص الصحة الجسدية والمظهر العام وبخاصة الرجال
يعني عادي ممكن تلقي ليك زول ساكن في بيت يكلف 500 ألف دولار ويكون هو نفسو أغباااااش وما مستعد إدفع ليهو عشرة دولار عشان يقي نفسو من لفح الشمس (طبعا الحمشنة والمرجلة هنا ليها دور كبير) ولكن مع ذلك البنات في سعي حثيث لتحسين المظهر عشان كدا الحاجة القلتي عليها دي صدقيني بتمشي شديد لأنو البنات تعبانات شديد مع الشمس والكتاحة الواحد تجلبط بالليل وتصبح منورة تطلع مشوار لما تجي راجعة البيت تكون رجعت لنقطة البداية تاني.
فكري فيه كويس تكوني خدمتي بنات بلدك ومعاها قرشين حلوين
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: عبدالله كع)
|
أهلا طه داؤود
Quote: من الواضح أن سِـر الوسامة مرتبط بالعٌمر. فالملاحظ أن المظهـر الخارجي وتقاطيـع الوجـه لمعظم السـودانيين تعطيهـم عُمُـر أقل من العمر الحقيقي أمام الآخـرين،، والحكايـة دي واضحـة في دول (الخليـج) وعمـوم الدول العربيــة (طبعـاً الصفة دي مفيـدة أمام أرباب العمل، وأمام النصف الآخر أيضاً). ولا أدري السبب في ذلك؟؟ هل (البنيـة الإفريقية) كما ذكر أحد الأخوة المتداخلين لها دور في موضوع (الوسامة) المتأخرة دي، وفي موضوع (تقدير العُمر) أيضـاً؟ |
القول المتداول أنو مرحلة الشباب تنتهي عند عمر 40 دا معناه انو بعد الأربعين ما حيكون في تقدم في الملامح بل تراجع
لكن الحاصل عندنا العكس في أحيان ونماذج كثيرة ممكن البنية الأفريقية والتعرض للشمس الصباحية يكون ليهم دور كبير والراحة النسبية البتحص للزول بعد عمر أربعين بعد جهد كبير ببذلو في شبابه
لكن لا يزال السر خفي شكرا
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: عبدالله كع)
|
أهلا طه داؤود
Quote: من الواضح أن سِـر الوسامة مرتبط بالعٌمر. فالملاحظ أن المظهـر الخارجي وتقاطيـع الوجـه لمعظم السـودانيين تعطيهـم عُمُـر أقل من العمر الحقيقي أمام الآخـرين،، والحكايـة دي واضحـة في دول (الخليـج) وعمـوم الدول العربيــة (طبعـاً الصفة دي مفيـدة أمام أرباب العمل، وأمام النصف الآخر أيضاً). ولا أدري السبب في ذلك؟؟ هل (البنيـة الإفريقية) كما ذكر أحد الأخوة المتداخلين لها دور في موضوع (الوسامة) المتأخرة دي، وفي موضوع (تقدير العُمر) أيضـاً؟ |
القول المتداول أنو مرحلة الشباب تنتهي عند عمر 40 دا معناه انو بعد الأربعين ما حيكون في تقدم في الملامح بل تراجع
لكن الحاصل عندنا العكس في أحيان ونماذج كثيرة ممكن البنية الأفريقية والتعرض للشمس الصباحية يكون ليهم دور كبير والراحة النسبية البتحص للزول بعد عمر أربعين بعد جهد كبير ببذلو في شبابه
لكن لا يزال السر خفي شكرا
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
عبد الله كع
وينك يا رجل مختفي أوع تقول لي اتعديت ال 45 سنة
Quote: موش بقول ليك الخيل الاصيله بتجي في اللفه .. !!
ـــــــــــــــــ لكن يا سيدي مدة الواجه عندنا 5 سنه بس - يعني بعد الـ 45 سنه ببداء الخرف والقرف ! |
مرات بتستمر لحدي السبعين كدي ركز في بعض الناس المشاهير
هسة الترابي دا ما ياهو الترابي بتاع جبهة الميثاق بس غير الشعر الابيض بأسود
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: حمد عبد الغفار عمر)
|
العزيز حمد دايما لمن تكون قاعد فى قنطار شنا لازم يكون فى رطل تفاؤل .. وبما انو السودانيين ديل الشنا بتمسكهم من لحظة صرخة الميلاد وما بتفكهم كلو كلو .. بنلقى دايما امثال وتطمينات من شاكلة هكذا كلام ... وافتكر كلامك دا كلو مصدره المثل السودانى الشهير البقول (الكبران حسنان) ف شنووو بطمنو الصغير انو عنده فرصة قدام ذى قصة (الحور العين) كلو قدام اها وبما انو فى السودان فيها تحصل الاربعين وفيها ما تحصل !! فاحتمال تكذيب الحنك دا فى الواقع ضعيف .. بعدين اساسا كدا كترة الشنا وتجميعها بتراكم السنين بخليك شين لما حلو !!! والله صحى .. عشان كدا مع بداية الاربعين ببدا الق الشنا ياخد ابعاده ... ذى لما تتعود على الريحة الكريهه ما بتكون شاميها .. فنفس المنطق .. تتعود تتعود لحد ما ,, ما تبقى شايف ..
بعدين عموما كدا ومن قبل الاربعين ... الكلام على الاخلاق ...
ـــــــــــــ خلاص يقا ايدى وجعتنى !
| |
|
|
|
|
|
|
Re: الوسامة السودانية بتظهر بعد سن ال 40 ليه ؟ (Re: دينا خالد)
|
دينا دنيتنا الجميلة
Quote: دايما لمن تكون قاعد فى قنطار شنا لازم يكون فى رطل تفاؤل .. وبما انو السودانيين ديل الشنا بتمسكهم من لحظة صرخة الميلاد وما بتفكهم كلو كلو .. بنلقى دايما امثال وتطمينات من شاكلة هكذا كلام ...
وافتكر كلامك دا كلو مصدره المثل السودانى الشهير البقول (الكبران حسنان) ف شنووو بطمنو الصغير انو عنده فرصة قدام ذى قصة (الحور العين) كلو قدام
اها وبما انو فى السودان فيها تحصل الاربعين وفيها ما تحصل !! فاحتمال تكذيب الحنك دا فى الواقع ضعيف .. بعدين اساسا كدا كترة الشنا وتجميعها بتراكم السنين بخليك شين لما حلو !!! والله صحى ..
عشان كدا مع بداية الاربعين ببدا الق الشنا ياخد ابعاده ... ذى لما تتعود على الريحة الكريهه ما بتكون شاميها .. فنفس المنطق .. تتعود تتعود لحد ما ,, ما تبقى شايف ..
بعدين عموما كدا ومن قبل الاربعين ... الكلام على الاخلاق ...
|
حقو كلامك دا الواحد يرسلوا هسة في SMS لمولانا محمد عبد الكريم يلحّقك خطبة الجمعة دي ويطلعك كافرة
كويس معاك كدا يا أمير عثمان؟
| |
|
|
|
|
|
|
| |