|
|
 الاخت نجلاء سيد أحمد ..
|
اولا احييك تحية ما بعدها تحية لكل ما تقدميه لنا موثقا نحن من على البعد
من النادر جدا ان لا انقر على بوستاتك لمليون سبب كده
مافي بوست اتفتح عن معتقل الا وعلقنا فيهو، لاننا نعلم اليوم ان الضغط الاعلامي الالكتروني اصبح
يشكل هاجسا للحكومات الامنية الاستبدادية، يبقى بكلمة اب ساكت انت بتكون بتدفع ببوست عاليا ليرفع عاليا
ضغط المجرمين ديل والزول ممكن يطلع لا ناقص ايد لا كراع
واعذريني ان توجهت باسمك في عنوان البوست، لكن اعتقد لا احد افضل منك في الاجابة على اسئلة تدور في راسي
ولا املك لها اجابة
لماذا انت؟؟ لانك دائما في مقدمة الحدث وقلبه، آخر زول بتقابلي المعتقل واول زول بتقابليهو لمن يطلع (دي للمزاح فقط)
في الصورة التي اوردتيها بعد اطلاق سراح تاج السر والفيديو لاحظت حاجة عجيبة
الناس دي مبسوطة وفرحانة وقربو يجيبو ليهم ساوند سيستم وفنان عديييل؟؟؟؟
امكن احنا طولنا شديد من البلد الله اعلم، امكن فهم الاعتقال اتغير او الاعتقال زاتو ما بقى اعتقال ناس زمان داك
وللا الكيزان ديل ما كيزان زمان وللا الحاصل شنو بالضبط كده
يا ستي زمان الكيزان لمن يفكو زول من المعتقل، ياخي حلتهم زاتا بتدخلها بالمسارقة
دا من ناحية
من ناحية تانية
الاحتفال الكبير لزومو شنو؟؟ وجمهور المهنئين (مع احترامنا لهم) بهنوهو على شنو بالضبط كده
اضيفي الى ذلك انك شخصيا اختبرت الهجمة الامنية، والحصار الامني فانت اصدق انسان ممكن يفسر ويشرح
لينا الحالة النفسية الجديدة علينا لمن يفكو زول من المعتقل
تحياتي ليك يا صامدة
|
|
 
|
|
|
|
أحمد ابن عوف
ابوعبيدة النعمان
فيس بوك
تويتر
انستقرام
يوتيوب
بنتيريست