حفل خيري بالنادي السوداني – Hayward, CA لدعم السودانيين بالمعسكرات والتكايا
|
|
 كتبت ليك.لا بينى بينك ريدة لا قصة غرام إخترت ليك أجمل حروف وأصدق فواصل
|
قمر الزمان
كلمات الشاعر صلاح حاج سعيد
***********
كتبت ليك ...
لا بينى بينك ريدة ..
لا قصة غرام
إخترت ليك ....
أجمل حروف وأصدق فواصل
نادرة فى لغة الكلام..
لا قصدى ألهو معاكى
بى كلمات غنا
لا شعرى ليك مرجيحة
من شعر الغمام
كتبت ليك والله يا قمر الزمان
شان جيتى بى زمن المحنة
وشفت فى عينيكى ..
حس أهلى القُدام
*************
كتبت ليك وأنا جايى
فى زمن الشقا
المرسوم على وش
الثوانى .. مظللا
تتمدد الساعات سنين
تتفتح الأحزان غريبة .. ومذهلة
وأشتاق أفتش نسمة ..
فى الزمن العذاب
وأيامى من كتر الأسى
وكتر العزوف .. والإغتراب
صارت حروف مترهلة
لحظات أسيفة .. ومهملة
*****************
كتبت ليك .. ووقفت ليك ..
لامن لقيتك جايه
من قلب الطريق
ولمحت فيك
راحة المشاوير البعيدة
ولفحة النسمة الحنينة
الجاية من جوف المضيق
حسيت عجايب الدنيا إتلمـت
بقت جايـّانى من عصراً سحيق
عينيكى حس أطفال بنادوا
القمرة لى الغايب .. يعود
وجبينك الضوّاى
حجا الحبـّوبة فى الزمن السعيد
يا قمرة اقلبى السنسنة الحمرة
وشوفى ليه ما جا
***********
وأنا فى قساوة الموحش
الزمن المكهرب .. بى الحريق
أنا حيلتى أيه
قولي لى يا قمر الزمان
غير أتـّكى .. وأحلم معاك
وأحضن أماسى الصحو ..
والأمل البريق
|
|
 
|
|
|
|
|
|
|
 Re: إخترت ليك أجمل حروف وأصدق فواصل (Re: المسافر)
|
حسن إختيار يانجمة للكلمات رهيب!!
كلمات صادقة ورائعة إلا أن اللحن واداء الراحل
مصطفى أدخلني في تشويش وتداخل كأنه جمع كل
إلحان أغانيه في هذه اللحن فمرات كتيرة أتخيل
أني بسمع في أغنية الطيور والمرافي (ماعارف أسمها)،،
يمكن أكون أول مرة أسمع الغنوة ، أو حتى إذا سمعتها
فلم يلفت اللحن إنتباهي بأنه جديد،،
===
طبعاً يانجمة كلامي دا كلو قد مايكون عندو علاقة بمناسبة
جيبتك للقصيدة والاغنية في هذا المكان،،
لكن كل زول بي فكرة بتاعو،،
تحياتي للناس الزمان،،
| |
|
|
|
|
|
|
|
|
|
Re: إخترت ليك أجمل حروف وأصدق فواصل (Re: عبد اللطيف بكري أحمد)
|
كتمل البدر واستدار ومعه إستدرنا ... حينها إرتفع الموج قليلاً .. وقفت .. مددت إلى يدك .. لم أشعر إلا أنى أقف بجانبك .. نظرنا إلى ذلك المكان وكأننا نودعه ... إحساس عميق .. بدأت الطيور فى إصدار بعض الأصوات الخافتة .. خيم الليل على المكان .. عم الصمت ..
بدأنا نجرجر خطانا .. إبتعدنا رويداً رويداً .. تفارقنا على أمل اللقاء
| |
|
|
|
|
|
| |
المسافر
أحلام إسماعيل حسن
فيس بوك
تويتر
انستقرام
يوتيوب
بنتيريست