|
|
|
 Re: الطباخين... (Re: مُحَمَّدٍ عِوَضٌ احْمَدُ)
|
يعتقد البعض ان هذه المهنة فى طريقها الى الانقراض..واننا سنرجع
الى عهد الفتة مرة اخرى قريباً..نسبة لسوء الاحوال..ويعتقد البعض ايضاً انها مهنة من المفترض
ان تكون خاصة بالنساء..بالرغم من الرجال هم دائماً الأكثر مهارة فى الطبخ..
| |
 
|
|
|
|
|
|
|
 Re: الطباخين... (Re: الامين موسى البشاري)
|
Quote: صحيح.....
لكن كلهم يدهم (طرشا) ....... والله صحي |
حبابك الف يا البشارى
ايدهم طرشا مع الخدار بس..العجور والبطاطس وما بينهما..
قبل ايام كنت بساعد فى جوز طباخين تحفة..النصيحة ناس حلوين..والمفروض
نحاول نطلع من حكاية التنميط العجيبة ديك للكثير من المهن المحترمة
| |
|
|
|
|
|
|
|
|
 Re: الطباخين... (Re: مُحَمَّدٍ عِوَضٌ احْمَدُ)
|
ماشي كويس
بكرة تكتب بوست (ركوب العجلات) وتتكلم فيه عن سباقات العجلات لمن كنا صغار وكيف إنه الركشة أعدمت العجلة
وبعد بكرة تكتب بوست (الضرس بيتاور) وتتكلم فيه كلام علمي عن وجع الضرس
| |
|
|
|
|
|
|
|
|
 Re: الطباخين... (Re: أحمد محمد عمر)
|
Quote: يعني الوش الضاحك الفي عنوان المداخلة دة ما شفتو ؟
ولا إلا أكتب ليك تقرأ بالتزامن مع بوست الـــشــرمـوط
يا زول هوي ما تقوم فيني بي نمرة خمسة .. لسة عضمنا الاسفيري طري |
العفو يا ابوحيمد ياخى الواحد بعد مرات بتسرع فى الرد وما بفهم كويس
و واضح انو الاتصال هنا مهما كان عندو عيوبو..وفيهو تشويش شوية كده..
فـ شنو امسحها لى فى وشى..
كويس انك لميتنى بى حلة الشرموط من جديد..من كم يوم رايح ليا البوست ده
| |
|
|
|
|
|
|
|
|
|
Re: الطباخين... (Re: مُحَمَّدٍ عِوَضٌ احْمَدُ)
|
الاخ العزيز محمد عوض
تحياتى
كنت احد الطالبات اللاتى درسن فى نظام "الداخليات "
فى كلية معلمات الابيض
من ابرز ما يميز تلك الفترة
اننا كنا ناكل فى السفرة
يتوفر عليها طباخون وطباخات
نسميهم "الاعمام والخالات "
يسافرون معنا فى كل رحلاتنا المدرسية بين المدن والقرى
يسهرون على راحتنا كانهم اولياء لنا
نحبهم وما نزال لغاية الان
لم يحدث ابدا ان تعالينا على طبخهم الذى كان مثل طبخ اهلنا فى البيت
على وجه الدقة كان عم كوكاب وهو شخصية نادرة
يحب الضحك والنكات فلنتف حوله خاصة فى ايام الخميس حيث "الخروج " محدد للبعض "كل اسبوعين "
تجدنا ملفتا حوله يحكى لنا عن موطنه وكانه يحكى عن "الواق واق "
لفرط حبه لتلك الامكان وشوقه الذى لا يخفيه
لا اعرف اين هو الان ؟ لكنه فى قلب كل واحدة من الخريجات باق
حين تزوج غير خطيبته التى كان يشهدنا على صورتها
سالته زينب كرداوى صديقتنا
ـ يخسى عليك يا كوكاب تعرس زولة غير خطيبتك ؟
فاجاب وهو يضحك
ـ نعرس ، هو قال لى منو يتاخر فى "خرطوم" ؟
ولن انسى عم جعفر وذلك طباخ اشتهر فى حى العباسية
كان صديقا لخالى هو واسرته حيث كانت بناته واولاده يصحبونه الى بيوت المناسبات
متآلفين مع كل سكان الحى
ولن انسى عم الجاك وهو طباخ كان يجئ الى مناسباتنا
يتحدث "كما النساء "
وتضحكنا طريقته لكنه كان دائما ينادى كل واحدة باسم امها
ويعرف كل واحدة من هى امها
شكرا لك لانك اعدت الى ذكريات الصبا والطفولة
ايام كانت المناسبات محكومة بالاسابيع نسافر لها ويجئ الينا من كان مسافرا
| |
|
|
|
|
|
| |
مُحَمَّدٍ عِوَضٌ احْمَدُ
الامين موسى البشاري
سلمى الشيخ سلامة
فيس بوك
تويتر
انستقرام
يوتيوب
بنتيريست