|
Re: THE NILE CROCODILES أم صقور ( الجديان ! ) أيهما الأكثر سودانيةَ !! (Re: ABDELMAGID ABDELMAGID)
|
سلام يا ماجد وهارد لك لخروج السودان ...
معانا مصري عامل فيها دمو خفيف وعندو مزحه سخيفه كلومره بحكيها لي ...
يقول لي... المصري يقول للسوداني ايه .. يا ابن النيل عشان نحن عندنا نهر النيل ..
طيب نقول للبناني ايه يا ابن ال ك ل ب عشان هما عندهم نهر ال ك ل ب حنعمل ايه يعني ..هم عندهم نهر ال ك ل ب ولا ايه .. اقول صاح
.........................
النيل والتماسيح اكثر رمزيه للفريق السوداني ..
التماسيح افضل من الصقور ... ولا ايه ؟
| |
|
|
|
|
|
|
Re: THE NILE CROCODILES أم صقور ( الجديان ! ) أيهما الأكثر سودانيةَ !! (Re: ABDELMAGID ABDELMAGID)
|
كنت أتابع مباراة منتخبنا ضد زامبيا مساء هذا اليوم على القناة الإنجليزية و كان المعلق يصر على لقب منتخبنا : THE NILE CROCODILES !!!!!!!!!!! فى قلبى قلت الخواجه ده جنا و لا شنو ؟؟؟ و لا ما بعرف ( إنقليزى ! ) ؟؟؟ حتى ترجمة ( صقور الجديان ! ) الحرفية هى : THE HAWKS OF GOATS شنو يعن ( إستفزنا ! ) و إقول لينا ( تماسيح ! ) دى ( مؤامره ! ) غربيه ( صهيونيه ! ) !! ...... بينى و بينكم ( تحت !تحت ! ) شعرت بالراحه للقب : تماسيح النيل ... فالتمساح على الأقل شفناو و خوّفونا منو و عايشناو و عمنا معاو و حتى أكلنا لحمو ... .... يتبع ...
| |
|
|
|
|
|
|
Re: THE NILE CROCODILES أم صقور ( الجديان ! ) أيهما الأكثر سودانيةَ !! (Re: ABDELMAGID ABDELMAGID)
|
ما لاقانى زول بعرف و لا شاف ( صقر الجديان ! ) إلا ناس ( الحيكومه ! ) و التلفزيون !!! ..... لكن بنعرف : اب كريق فى اللجج .. الحجّر حبس الفجج .. ..... دابى السار الرسا... ..... لدر الدرارى الشايل البديقه بكوس ,,, و ما إلى ذلك !!! ..... كلنا نعلم : أن إنقلاب العقيد جعفر نميرى عامى 1969 كان قوامه اليساريون و القوميون العرب ... فغيروا علم السودان الأصلى , ثم إختاروا الصقر الجديانى ( الذى لا وجود له لا فى فى بيئتنا أو فى واقعنا أو حتى تراثنا ! ) ليكون شعارا بديلاً تدفعهم فى ذلك عقدة ( العروبيةً ! ) المشلّخة ... فأتوا بذلك المسخ ... و هكذا الأنظمة الشمولية كما اليوم و ( المشروع الحضارى ! ) ... .... يتبع
| |
|
|
|
|
|
|
Re: THE NILE CROCODILES أم صقور ( الجديان ! ) أيهما الأكثر سودانيةَ !! (Re: ABDELMAGID ABDELMAGID)
|
تحياتي يا عبدالماجد
أنا بحضر الكوره بتعليق إنجليزي برضو، وفي مباراة بوركينا فاسو ذكر المعلق معلومة غريبة (أعتقد إنه نجرها كيفما إتفق) وهي أن لقب منتخب السودان كان تماسيح النيل وتغير إلى صقور الجديان بعد إنفصال الجنوب!
أنا شخصياً شايف إنو لقب تماسيح النيل أكثر قوة وجمال، والمرادف الإنجليزي له Nile Crocodiles به موسيقى وسجع.. هذا مع التذكير بالإيحاءات غير الجميلة التي تحلمها كلمة صقور في الدارجية السودانية!
| |
|
|
|
|
|
|
Re: THE NILE CROCODILES أم صقور ( الجديان ! ) أيهما الأكثر سودانيةَ !! (Re: حاتم محمد حاج المهدي)
|
Quote: أنا شخصياً شايف إنو لقب تماسيح النيل أكثر قوة وجمال، والمرادف الإنجليزي له Nile Crocodiles به موسيقى وسجع.. هذا مع التذكير بالإيحاءات غير الجميلة التي تحلمها كلمة صقور في الدارجية السودانية! |
شكراً حاتم ... و إخيل لى ده اللقب الشالو بيو الكاس فى مارس 1970 قبّال حكاية ( صقور الجديان ! ) دى الجاتنا فى مايو 1970 مع العلم أن شعار جمهورية السودان قبلها هو الخرتيت أو و حيد القرن , و ليس من المفترض أن يكون شعار علم الدولة مرادف للقب منتخبها ... ..... قدُر ما سألت و إستفسرت ما لاقانى زولاً كدى بعرف شىتاً إسمو ( صقر الجديان ! ) فى السودان ...
| |
|
|
|
|
|
|
Re: THE NILE CROCODILES أم صقور ( الجديان ! ) أيهما الأكثر سودانيةَ !! (Re: ABDELMAGID ABDELMAGID)
|
لقب جميل تماسيح النيل , اشدت به ايضا اول ما ظهر في بطولة 2008 الافريقية , و الجديان رايتها زمان في حديقة الحيوان لوول :)
مع استمرار الاثنين و ان يصبح تماسيح النيل الاساسي , وفيه اثبات لحقنا الاعلامي الثقافي في النيل ..
فكثرة الالقاب تدل على عظمة المسمى او كما قيل ..
ABDELMAGID هاردلك يا غالي وللامام امل ..
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
| |
|
|
|
|
|
|
Re: THE NILE CROCODILES أم صقور ( الجديان ! ) أيهما الأكثر سودانيةَ !! (Re: hassan bashir)
|
سلامات عبد الماجد وضيوفه
Quote: ما لاقانى زول بعرف و لا شاف ( صقر الجديان ! ) إلا ناس ( الحيكومه ! ) و التلفزيون !!!
|
شاهدته في حديقة الحيوان (برج الفاتح) قبل ما يشلعوها وللحقيقة إختياره كشعار لم يأتي عبطا فذلك الكاسر له هيبة ونظرات حادة ويمنحه التاج على رأسه وقار وعظمة ... عدد من الدول إتخذت النسور شعارا لها بإختلاف مسمياتها وأنواعها
المشكلة ما في التسمية .. المشكلة في المسمى .. هل يستحق هذه التسمية أو يحمل أي صفة من صفاتها ؟ ...
| |
|
|
|
|
|
|
|