|
|
|
 Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
الحركة تطالب بشروط تعجيزية مثل إصدار قرار سوداني بتبعية المناطق الخمسة للجنوب
الوسطاء طالبو بالتوقيع على فترة وثيقة إنتقالية ووافقنا وسلفا قال مابوقع
جه ملس زيناوي وقال الجماعة ديل دايرين ضمان
وقالوا اطلقوا سراح السفن وانا اديت امر باطلاق سراح السفن وفعلا تم اطلاق السفن
ورئيس الوزراء الاثيوبي قال سلفا بقبل وبرجع يرفض
الان حكومة الجنوب ليس لها التزامات تجاه المواطن والاسعار مرتفعة جدا
قيادات الجنوب كدست حسابات ومامهتمة بالمواطن
| |
  
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
كيف التعامل مع الازمة الاقتصادية مع فقد موارد كبيرة .؟؟
دخول البترول ادي لاسترخاء في القطاعات الاقتصادية
ونحن استغلينا موارد النفط في بنيات تحتية كثيرة
حتى المشروعات الزراعية وسد مروي وسيتيت وتعلية الروصيرص
وتعلية الروصيرص وبقية السدود حيوفورا مشروعات زراعية
كنانة والرهد بتوفر 2 مليون فدان صالحة للزراعة
الارزاق بيد الله وتتنزل بتوقيتات
الدهب في السودان ظهر في كل السودان هذه الايام وخلق مصدر دخل لعدد كبير ولوظائف لعدد كبير
انتاج الدهب في ديسمبر العام الماضي ويناير نحن حننتج 50 طن دهب وبتجيب 2.5 مليار دولار
2012 حتكون اصعب سنة في البرنامج الثلاثي وهو قائم على زيادة الصادرات وتقليل الواردات
وده حصل في 8 سلع وفي السنة دي حنزيد انتاج البترول لحوالي 75 الف برميل يومي
عشان كدة نحن رجعنا عوض الجاز للنفط
الشئ التاني القطن الاسعار العالمية ارتفعت والمزارعين رجعوا للزراعة وادخلنا انواع جديدة مقاومة للافات
القطن كصادر بجيب عملة حرة وبدينا زيت طعام وبدينا امباز
السلعة التانية الحبوب النباتية
السلعة التالتة هي السكر ب150 الف طن والجاية 250 الف طن وحنحقق الاكتفاء
السلعة الرابعة هي القمح في الشمالية وهر النيل وفي مشروعات كتيرة بنحتاحج نعالجها
وقررنا دخول الحكومة الاتحادية لمساعدة الولايات وادخال الكهرباء واعطاء اسعار مجزية مع تقليل التكلفة بكهربة المشروعات وجبنا قرض لذلك
وهي ما حتحقق اكتفاء ذاتي لكن حتساعد واحتياجاتنا لهذا العام مغطية باتفاقيات
وعندنا الصمغ العربي وايضا هناك مصانع لقيمة مضافة للصمغ
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
2013 حنوفر عملة حرة ... وعندنا ترتيبات في نهاية العام يستقر الدولار في سعر 3 جنيه
الدولار فيه مضاربة زي ازمة السكر السنة الفاتت موش ماكان في سكر لكن كان في شراء وتخزين وبيع
والمضاربة انتقلت للدولار
...
...
...
في كتير من الكلام بطلع في الاعلام وعن الحصار والربيع العربي فالناس بتحول مدخراتهم لدولار
وده برضه بيؤثر
...
...
...
عن الفساد الكلام كتير ونحن لو قريت الجرايد مافي جريدة تخلوا عن الفساد وحتى كتاب الاعمدة لازم يجيبوا فقرة عن الفساد
نحن عندنا قانون نيابة المال العام وقانون الثراء الحرام وقانون الاجراءات مالية والمحاسبية والمراجعة الداخلية
وده كله لوقف التجاوزات ونحن مكنا المراجع العام عن المراجعة وقبل الانقاذ خمسة سنوات لم يتم مراجعة للحسابات الحكومية
ونحن ثقتنا قلنا يقدم التقرير للبرلمان ولم نحجب الحديث عن الفساد وهسع اغلب الكلام مرجعه تقرير المراجع العام
واخر تقرير مراجع عام حالة العاتداء على المال العام 39 حالة بمبلغ 5مليون و208
8حالات حكمت قضائيا و7 حالات قيد النظر بمبلغ مليون وسبعمائة و11 حالة استرداد امام النيابة و3 حالات عدم كفاية البينة
لاكلام ده اتقال لكن الناس مابتحب تسمعه
اين محاسبة الكبار ؟
مافي كبير على المحاسبة لكن ما ممكن نحاكم ناس عشان نعملهم كبش فداء ... تقرير المراجع العام لم يفرق بين كبير وصغير
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
كل المسئولين عندهم اقرار ذمة حتى انا عندي اقرار ذمة
في صحفي كتب مقال قوي جدا وبارقام وقال عنده وثائق
لمن سالناه ماجابها
عملنا مفوضية للفساد لمراجعة مايكتب والتحقيق فيه لمعرفة القضايا الجادة
اخر حاجة التيار قدمت وثائق وقبل اربعة يوم من نشر الوثائق كانو مقبوضين في الامن الاقتصادي
مثلا شركة الاقطان الوثائق دي جاتني وانا حولتها الامن الاقتاصادي ووقف كل المعاملات المالية وبدا يتاكد
واوال ما اتاكد طوالي قبض الناس المسئولين
وبعد 4 يوم التيار كتبت
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
مافي ستر في الانقاذ وفي بداية الانقاذ نحن حاكمنا زول مقرب جدا لينا وصاحب فضل لمن عرفنا تجاوزه
...
...
...
المؤتمر الوطني عنده عنده 20 وزير اتحادي منهم وزير الري اول مرة يخش الحكومة
وتلاتة وزراء دولة اترفعوا لوزراء اتحاديين
و11 وزير اقدم وزير فيهم ليه سنة ونص وخمسة وزراء قدام
وما ممكن كل سنة اغير الوزراء ونحن بنغير لو تناقص اداءه او لوجود من هو اكثر قدرة
نحن في فترة حرجة ومحتاجين لوزراء قدر التحدي
في الوزارات الخدمية جبنا وزراء عندهم قوة دفع زي الجاز والمتعافي وكمال عبداللطيف
الحكومة تحتاج لاستقرار
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
في بداية الانقاذ كان في خمسة وزراء من دارفور
لكن هسع حصل توسع في الوظائف
تلقى واحد في الحكومة اول ماينزل يركب موجة التهميش
عموما مفروض الحكومة الاتحادية تمثل مكونات الشعب السوداني
لمنهج بيؤدي لاشكاليات ؟؟
طبعا في ضعف بشري وفي منهجنا مافي كبير
نعم الولايات عندها صلاحيات والوالي منتخب لكن رشحه الحزب
ومافي والي مارشحه الحزب الا النيل الازرق
كاشا مثلاً نحن عملنا كلية انتخابية ترفع 5 اسماء
جنوب دارفور رفعت خمسة وكاشا كان نمرة 4
وكان مفروض يكون مرشح الولاية علي محمود
والداير يعمل نفسه مستقل فعندنا ادواتنا هنا ومافي زول ممكن يستغني عن المركز
ودي ظاهرة محدودة ومافي زول حيستند عليها ماحيلقي شئ
كاشا اصلا من شرق دارفور فالوالي في ج دارفور مفروض يكون من جنوب دارفور كونه اعتذر فالقضية انتهت
الجماهير الجابته هي جماهير المؤتمر لوطني
كاشا لمن استلم كاشا عنده مجموعة علي محمود كان الوالي المكلف
الكلية جابت على نمرة 1 وكاشا نمرة 4
كاشا كنس كل القيادات وعين 70 دستوري في جنوب دارفور داخل نيالا مصالحهم مربوطة بكاشا وديل العملوا التعبئة
بعض المعارضين استغلوها وفي شماسة ركبوا الموجة
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
القضايا في الدولة ليست اقتصادية فقط وهنالك قضايا سياسية وامنية مفروض مراعاتها
وتقسيم الولايات زي دارفور والبعرف مكونات دارفور بعرف ليه قسمنا غرب دارفور لولايتين
وجنوب دارفور كذلك
غرب دارفور عاصمتها الجنينة والفور ما راضين وهي عاصمة دار مسايات انضمت للسودان باتفاقية
وكان في معتمد دار مساليت تابعة زمان للخرطوم
ووجود والي من الفور كان فيه غبن للمساليت
عشان كدة جه التقسيم
في الاطار ده محاولة خلق رضاءسياسي واجتماعي مطلوبة
الرسول ص بعد حنين بعد قسم غنائم خوازم واغدق على قريش واغضب ذلك الانصار
والرسول ص سالهم وقالوا ليه اي وقال ليهم ده شئ دنيوي بالف بيه قلوب
ونحن بنحاول نقلل من عدم الرضاء وازالة الغبن
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
المذكرات ؟؟؟
المؤتمر الوطني الحزب الوحيد الاجهزته كلها بتعمل اخر حاجة في السنة الفاتت عملنا مؤتمر عام
والمذكرة كتبوا سيتم توقيع 1000 شخص وحتى لو وقعوا الف شخص نحن عندنا خمسة مليون عضو
المؤتمر التنشيطي قدموا ليه اداء الحزب بل سنتين محاولة البعض يعمل وصي فنقول لاوصاية على الحزب
والوصي هو المؤتمر العام والمؤتمرات الجاية مؤتمرات بناء من القاعدة للقمة
وحينتخب رئيس جديد ومكتب قيادي جديد فلا وصاية على الحزب ولا اهل حل وربط لا افراد ولا جماعات ولا كيانات
ومذكرة العشرة؟
قدمت لمجلس الشورى ... ومجلس الشورى باغلبية قال ينظروها والعنده راي يقدمه عبر الحزب
...
...
...
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
انا جبت عثمان خليفة رئيس اللجنة وقلنا ليه السنة الجاية حيحصل غرق وهم قالوا ماحيحصل غرق واقنعوا ناسهم بكدة واقنعوا ابراهيم احمد عمر
وجه الخيار المحلي وقالوا حتظهر اراضي حول البحيرة وحتكون خصبة وانو الشايقية حيشيلوا الاراضي
وطلعنا قرار بالخيار المحلي وانو اي ارض تظهر الاولوية للسكان
وكان في دراسات انو مافي طريقة لمشروعات زراعية
انا جبت تقرير كاتبه يحي عبدالمجيد وبتكلم عن تغيير نمط الحياة وقال التقرير انه ضد اي مشروع ياخد موية من السد
الخيار المحلي قالوا دايرين حقهم كاش والخيار المحلي
والتعويض عن المباني والمغروسات والاراضي وده التزام دولة وده شغل حكومة اتحادية
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
الصراع بين الصوفية انصار السنة ؟
قبل الاحداث خفـ حدة الصراع والتنافس وبنتذكر زمان مسجد الخرطوم
ونحن جمعناهم في هيئات كثيرة
ولمن تم تعيين شيخ اسماعيل عثمان جو الصوفية وهنوه
وحريق الضريح واحداث المولد احداث
لكن هم قعدوا مع بعض وهم مقتنعين انهم في ايادي وراء القصة
التكفير ؟؟؟
في تكفيريين موجودين في شباب بمشوا العراق والصومال وجاتهم توجيهات لتنظيم نفسهم كتنظيم قاعدة لبلاد النيلين
وهم زي خمسين او سبعين وبدوا يصنعوا صواريخ للنصارى والمنافقين زي البشير وعلى عثمان وقوش وسلفاكير لعنة الله عليهم
وقلنا نخس معاهم في حوار وعلى راس المتحاورين معهم عبدالحي يوسف واقنعنا اعداد كبيرة منهم
واغلبهم اقتنع وهي مجموعات مايتشكل تهديد لكن مفروض يتراقبوا بس القانون مابحل القضية
وهي ظاهرة مفروض ما نهملها وقد يكون حريق الضريخ للشيخ الارباب جزء منهم
ونضرب مثل بالعراق الغزاة وجودا مقاومة كبيرة من الشيعة
بعد داك حصلت فتنة بين الشيغة والسنة والسنة بقوا يجو للامريكان يشيلوا سلاح لضرب العراق
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
المؤتمر الوطني حزب متجدد والمثال فوز الحزب بالجامعات
قضية المناصير ملخصها وفد جه من المناصير للخرطوم ومطالبين بقيام السد
وبعتبروا منطقتهم مابتتطور ولازم يقوم السد
المطلب الوحيد نقلهم لمنطقة الري مضمون
والراي كان توطينهم في ترعة الر هد
وجه راي يوطنوا في المشالية ونهر النيل وكان في لجنة مهجرين
وكان الكلام عن التعويض
فهم كلجنة رفضوا التقدير الاولي وجوني ورفعت وماقبلوا ومشوا المجلس الوطني اداهم تعويض هم قبوله ونحن كمان قبلناه
بعده اتقسموا لحمداب مشو قتني والمتلقي وواحدين مشو امري ومجموعة في المكابراب
بعدها الحكومة بدات الشغل في المناطق
بعد هاجرت مجموعة للحمداب وبدات تظهر اصوات في امري بتعترض على لجان الاحصاء واصتدموا بالشرطة وقتلوا تلاتة اشخاص
انا لاقيت واحد من امري وسالته وقال لي المشكلة طمع الناس وغلط في التقديرات ساوت بين المنقة والجوافة والناس ديل دايرين يعطلوا الاحصاء لحدي ما الجوافة تنور
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: Ahmed musa)
|
| Quote: انا لاقيت واحد من امري وسالته وقال لي المشكلة طمع الناس وغلط في التقديرات ساوت بين المنقة والجوافة والناس ديل دايرين يعطلوا الاحصاء لحدي ما الجوافة تنور |
ثم رجعنا ثانياً عن المعلومات الامنية .....ياخي مصير المناصير كلهم يكون بلسان واحد سر للبشير بهذا الكلام؟
ده يشبه كلام المسؤلين الانقاذين عندما يقولون لك عندنا معلومات اكيدة عن كذا وكذا ، يعني الاولاد مقددين ليك الامن خالص .......
عادي ممكن واحد يقول الكلام للبشير ويكون كمان من المناصير ، هل هذا يعتبر مصدر معلومات موثوقة؟
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: ibrahim alnimma)
|
Quote: ثم رجعنا ثانياً عن المعلومات الامنية .....ياخي مصير المناصير كلهم يكون بلسان واحد سر للبشير بهذا الكلام؟
ده يشبه كلام المسؤلين الانقاذين عندما يقولون لك عندنا معلومات اكيدة عن كذا وكذا ، يعني الاولاد مقددين ليك الامن خالص .......
عادي ممكن واحد يقول الكلام للبشير ويكون كمان من المناصير ، هل هذا يعتبر مصدر معلومات موثوقة؟ |
مثلك تماما استغريت اخي ابراهيم لهذا المنطق البائس العجيب...
سلام يا استاذ احمد وشكراً لايراد محاور اللقاء
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: عصام دهب)
|
عصام دهب
يا خي خلي نوع الكلام دا لي ناس ود الباوقة، إنتا زول قانوني، المشكلة مش حاكموا منو ولا ما حاكموا منو، ما يا هو دا نائب الرئيس الحالي الحاج آدم كانوا ناشرين صورتوا ومطلوب القبض عليه لأنو مع الترابي ولمن بقى معاهم البلاغ اتشطب زي الما حصل شئ.
والشئ التاني في زول مقرب اكتر من عبد الرحيم حسين ما ياها القضية راحت ساكت وعبد الرحيم اتكافأ بترقية.
يا زول دا فساد أهلوا ما قادرين يدافعوا عنو، خليك من المؤلفة قلوبهم.
| |
|
|
|
|
|
|
|
|
|
Re: الآن : الرئيس السوداني على الهواء مباشرة بقناة النيل الأزرق (Re: HAYDER GASIM)
|
الصادق إسماعيل ..
Quote: يا خي خلي نوع الكلام دا لي ناس ود الباوقة، إنتا زول قانوني، المشكلة مش حاكموا منو ولا ما حاكموا منو، ما يا هو دا نائب الرئيس الحالي الحاج آدم كانوا ناشرين صورتوا ومطلوب القبض عليه لأنو مع الترابي ولمن بقى معاهم البلاغ اتشطب زي الما حصل شئ.
والشئ التاني في زول مقرب اكتر من عبد الرحيم حسين ما ياها القضية راحت ساكت وعبد الرحيم اتكافأ بترقية.
يا زول دا فساد أهلوا ما قادرين يدافعوا عنو، خليك من المؤلفة قلوبهم. |
الفساد موجود في كل زمان و مكان و الإنقاذ ليست مجتمعاً ملائكياأو مدينة فاضلة تخلو من المفسدين ، كما أن المعارضة التي تنتمي إليها لم يضعفها إلا الفاسدين و أصحاب المصالح و دونك ما أظهرته إنقسامات الأحزاب وخلافات جيوشها و غير بعيد ما ينشره د. صلاح البندر بشأن بعض منظمات المجتمع المدني المعارضة .. فإذا كنت تعترض على الفساد بصفة مبدئية فلا تنسى أن تتحدث عن فساد تنظيماتكم المعارضة التي تاجرت في كل شيئ حتى تأشيرات اللجوء و الإقامات..
لم أتداخل هنا مبرراً للفساد أو مدافعاً عنه بل أكدت صحة واقعة معينة أشار إليها الرئيس في حديثه لأني كنت على علم وثيق بها و كتبت عنها حينما كنت معارضاً للإنقاذ ..
حديثك عن نائب الرئيس الحالي ينم عن سذاجة بائنة و لا يستحق تعليقا عليه .. أما عن إتهامك للسيد / عبد الرحيم محمد حسين ، فهو مجرد ترديد ببغائي لما يطلقه غيرك من الكيبورديين الذين أمنوا المساءلة و فأستمرأوا إطلاق الإتهامات بغير بينة من باب الكيد السياسي و الفجور في الخصومة ليس إلا و لو طالبتك بأن تثبت ما تردده فسندخل في فواصل من اللف و الدوران و وهمة المتهم مدان حتى تثبت براءته و ذاك تضييع للزمن في الفارغة و المقدودة .. لذلك سوف أكسب زمني معك مستكفياً بمقولة من قال .. فيلم دة خشيناهو في قدارف ..
| |
|
|
|
|
|
|
| |
Ahmed musa
ثروت سوار الدهب
ibrahim alnimma
الامين محمد علي
عماد الشبلي
الصادق اسماعيل
HAYDER GASIM
فيس بوك
تويتر
انستقرام
يوتيوب
بنتيريست