|
|
|
 Re: أجمل عدس .. وقلت ليك ما تجيب لي الرز دا .. (Re: tmbis)
|
| Quote: بيد ان الفرق واضح ما بين الكوز .. والمعارض .. |
فالكوز :
في هذا الوطـن .. أو وطن من لا وطن لــه .. قادر على الثبات على موقفه .. اي كان
بي صورة أوضح:
الكوز الواحد ممكن يساوي ليك مية من حركة واحدة .. ومية من حزب واحد .. ومية من خرطمية واحد قاعد يكضب ..
على اقل تقدير .. عندما يكضب الكوز .. فانه يثبت على المبدا بتاع الكضب ..
لكن عندما يكضب من يسمي نفسه او ينسبها للمعارضة فسرعان ما يعمل فيها رايح .. ويلزم اقرب ملف .
| |
  
|
|
|
|
|
|
|
 Re: أجمل عدس .. وقلت ليك ما تجيب لي الرز دا .. (Re: tmbis)
|
تبريرا لما هو اعـلاه من الحتة بتاعت الكذب الكوزي دي ..
فإنه:
لما يكتشف الجماعة اياهم اصحاب من ليس لهم وطن خلاف وطن بكري دا .. عندما يتوهمون انهم تمكنو من كوز ..
فسرعان ما تجدهم .. العميان شايل المكسر ..
بلاي كوز واحد بس يوقفم على رجل واحده .. يمسكو ليهم كوز واحد .. تلقاهم شهرين بتكلمو والبوستات تتطاقش وما تديك الدرب ..
تصل بهم الحالة إلى اصدار بيانات من جهاتهم المختلفة .. ممهورة بتواقيع منظمات حقوق الانسان .. وحقوق الحيوان واصلاح البيئة
ومنظمات درء الكوارث .. ومنظمات المجتمع المدني ..
والفيفا ..
والليغــا ..
دا كلو في حال انهم عثروا ليهم على كوز ..
من ناحية أخرى عندما لا يعثرو ليهم على كوز .. فمن الأرجح انهم يستخدمون بدل كوز ..
على شاكلة ان ياتيك واحد منهم ويقوليك انا شايفك ووين ..؟ كلامك دا ما غريب علي .. إنت بتاكل رز الوابل يا عندك علاقة بي العدس ..؟
لو حاولت ان تنكر معرفت بكل ما تم (طبخــه) اعلاه .. ستجد نفسك محاط من كل الجوانب .. والله ما يفكوك إلا يجيك (حيرقـان) من العدس المطبوخ اعــلاه .. ومن غير ( قدحــه) .. ولا بهارات ..
| |
|
|
|
|
|
|
|
|
|
Re: أجمل عدس .. وقلت ليك ما تجيب لي الرز دا .. (Re: tmbis)
|
خــذ مثلا ما يسمى تبرير ونفي واثبات حالة:
والتبرير هو ايجاد العذر للفعل .. كــأن يأتيك .. محمد سليمان الشهير بي استيف .. أو أي من الكيزان الزعلانين ويبرر لي فعل بإنو الانقاذ هي السبب..
استيف كان لستك عربيتو طرشق .. يقوليك الانقاذ ..
وقيس على ذلك ..
هذيمة الريال بالثلاثية الأخيرة صرح أحدهم في الساعات المتأخرة من الليل أن للانقاذ نصيب الاسد في ذلك حيث انها اي الانقاذ قامت بتعيين مورينهو واضعا التشكيلة اياها .. بالطريقة التي تتيح لي ميسي غسيل .. بيبي ، وإلخ
| |
|
|
|
|
|
|
|
|
 Re: أجمل عدس .. وقلت ليك ما تجيب لي الرز دا .. (Re: tmbis)
|
المقدرة على نفي الفعل لدى ما يسمون انفسهم معارضة .. مقدرة ضعيفة..
ضعيفة جدا وحالتم تحنن .. وليست لهم مقدرات ..
وكلما حاولو جاهدين نفي ما هو مثبت .. اتورطو لي اضنيم والباقي تموهو شتيمة وطولة لسان ..
بيد أن
اقل كوز ممكن ينفي ليك المسالة في رمشة عين بتعود يا حبيبي ..
أخونـا جنابو عمر عثمان الله يطراهو بالخير كان بجيك يوم السبت من الصباح يلم ليك في اخبار الاسبوع كلها ينفيها بي ضربة معلم ..
عادي جدا يكون اليوم سبت .. يقوليك الليلة يوم الاحد .. وتصدق غصبا عنك .. ما كمان مؤمن
مسكين جنابو عمر .. والله حسع دي ما ينفي اي حاجة 
بالمقابل:
يأتيك (قريمان الكسـلان) بي مقالة عن البنقو في الجامعات .. تعصرو في البوست تطلع ليك بي (ترتار) وكان كسرته رقبتك ما بيزيدك ..
يأتيك مرة أخرى بي .. خبر انو الجماعة مرقو خلو امدرمان والخرطوم أو حسع دي قاعدين ينشفو في المارتديلا .. والبيبروني لانو الثوار ح يستلمو العاصمة ..
نزار أوهـام بتاع الحركة الشعبية يقوليك ... نحن قاعدين نطارد في الجماعة على مشارف خور ابوضلوع .. في طريقهم نحو ليبيا بي رجلينم .. ويجيك مرتضى جعفر الشهير بي مرتضى قنـاة يقوليهو ياسر عرمـان ويياي .. ومعا علشان نعمل لينا قناة فضائية
(عايز يعمل ليهو قناة فضائية زي قناة الشروق .. هو واستيف وتراجي ) تامل
تقرا كل الكلام دا هنـا .. وإنت قاعد في نص الشارع أو قل تلعب في دافوريك .. ويصر الفلاسفة ديل انو الكلام دا حاصل حسع دي ..
ولا يرمش لاحد فيهم طرف .. ولا يستطع احدهم نفي أو اثبات حالة ..
| |
|
|
|
|
|
|
|
|
 Re: أجمل عدس .. وقلت ليك ما تجيب لي الرز دا .. (Re: محمد البشرى الخضر)
|
Quote: أخونـا جنابو عمر عثمان الله يطراهو بالخير كان بجيك يوم السبت من الصباح يلم ليك في اخبار الاسبوع كلها ينفيها بي ضربة معلم ..
عادي جدا يكون اليوم سبت .. يقوليك الليلة يوم الاحد .. وتصدق غصبا عنك .. ما كمان مؤمن
مسكين جنابو عمر .. والله حسع دي ما ينفي اي حاجة |
هههههههههههههههه يمن لمن عيوني دمعت .......
وزي مابقول المثل ( كنت فين ياخشب لما كنا نجارين)
| |
|
|
|
|
|
|
|
|
 Re: أجمل عدس .. وقلت ليك ما تجيب لي الرز دا .. (Re: omer osman)
|
| Quote: وزي مابقول المثل ( كنت فين ياخشب لما كنا نجارين) |
خشب ووين مع الرز دا يا جنابووو ..؟
هي ما بتدي حريف ولا اي حاجة .. بلاي زمان كنت براك تنفي ، وتجيب منشارك .. حسع دي الموقع كلوو بقى نجارين .. ونجارات .. اي واحد داخل اليومين دي شايل ليهو متر وخاتي قلمو في اضانو
| |
|
|
|
|
|
|
|
|
|
Re: أجمل عدس .. وقلت ليك ما تجيب لي الرز دا .. (Re: محمد البشرى الخضر)
|
| Quote: بيد انك اكلتنا حنك بالعنوان و ما ادراك ما الـنيولوك |
مش احسن الرز والعدس من البوهيات يا ود البشرى ؟؟
يعني اجيب ليكم (لبــن) عشان اتماشى مع سياسات المرحلة وكدا ..
والله الشوق حاصل ..
بيد ان
الواحد بقى قاعد في البورد دا كيبل ... كييييييبل بس .. ما قاعدين توروهو عناوين البوستات المثبتة ولا جايب للدنيا خبر ..
ـــــــــــ
عليك الله كان مثبتين شنو وانا مافيش ..؟
أرجو الرد العاجل .. يا كمان خلينا نتصرف بي طريقتنا
البلد دي ما فيها اخوان واللا شنــو ؟؟
| |
|
|
|
|
|
|
|
|
 Re: أجمل عدس .. وقلت ليك ما تجيب لي الرز دا .. (Re: تولوس)
|
حبيبنا تولوس .. الله يسلمك يا صديقي .. وليك وحشة والله ..
الجماعة حصروها في شيوعي وكوز .. اصلو منطقة وسطية ما عندهم .. اكان ما اتفقت معاهم .. كوز وابن ستين كوز .. ما تصدق الكذبة وتقول بغم .. تطلع كوز
وكلمة السر عند حركات الهامش .. تمشي اوروبا يدقوك تمشي لندن يدقوك ... يلقوك حايم في رومـا يرجعوك لندن عشان يدقوك ..
المهم يخلصو حقهم منك ايديه وحمرة عين ..
وتسكت ساكت وتسمع الكلام .. يا اما تكضب وتصدق الكضبة بتاعتك وتجي داخل شايل قفتك ..
وهكذا ..
....
تقبل تحياتي والاسرة .. والحشاش يملى شبكتو يا تولوس
| |
|
|
|
|
|
|
|
|
|
Re: أجمل عدس .. وقلت ليك ما تجيب لي الرز دا .. (Re: tmbis)
|
من ناحية إجراءات ..:
..
اصغر كوز .. ممكن يجهجه ليك مية قيقابايت مما يدعون انفسهم معارضة وهم ليسو بمعارضة ..
اجعص واحد فيهم تلقاهـو عبارة عن فــار تجارب تسيل لعابه قدام جبنـة لافاش كيري يجدعه ليهو اي واحد حتى ما ليهو علاقة بي الكيزان ولا بي السياسة ولا يكون ناشط ولا حاجـة ..
عادي ممكن تصحى الصباح تلقى البوست فيهو خمسة واربعين بوست .. وكل واحد فيهم جاري بيسابق في التاني ..
أن مات فلانـا متاثرا بي جراحـه وسوف يتم الهتاف به بعد الحفلة بتاعت طـه سليمان الح يغني فيها اغنيتو الجديدة حرامي القلوب تلب ..
سيتم التجمع في المشرحـة يا كمان الناس تطلع مباشرة على عفراء مول .. في تخفيضات موسمية وفي خواجه ح يكون سايق ليهو بطـة..
قبلما تصحى كويس .. تكتشف انو لا في عفراء مول .. ولا في شهيد .. تقوم تشتبك ليك في اجعص وهم كاتب ليهو بوست عن الشهادة والعمل الطيب .. تقوليهو دا شنو يا زول ..؟
يقوليك عندي مصدر .. عندو شهادة لندن وهكذا تلقى نفسك لافي صينية ما فاهم اي حاجة ..
تكون قاعد في امان الهل تجيك قفـه طايره شايلنها تلاتة اربعة انفار .. قفه مليانة حنك عاضي .. عن احدهم وجد مقتولا في خور كتلو ناس الانقاذ ورموهو وتجيك الصور مجلوبة من الايميل .. يلتف الملتفون ويهللون .. وتراجي تجي تقوليك والله انا امبارح الليل كلو ببكي .. مكي تربيع يقوليك والله قلبي يتقطع على هذا الموت ..
تقعد شوية تكتشف انو الميت دا ... مات في بوركينا فاسو يا في جزيرة سرنديب .. والكلام دا زماااان ..
| |
|
|
|
|
|
|
|
|
|
Re: أجمل عدس .. وقلت ليك ما تجيب لي الرز دا .. (Re: tmbis)
|
Quote:
عليك الله كان مثبتين شنو وانا مافيش ..؟ |
ما عليك يا تامبا
وما تسمح للمحرفين ينحرفوا ببوستيك لهوامش الأمور ..
الظاهر الباشمهندس دقس دقسة خفيفة كدا لكنه رجع وأعاد الأمور إلى نصابها الصحيح
حتى قبل أن يرتد طرف المهضربين *
* المدعو جرجير الملقب بود البشرى دا ليهو يومين مهضرب زاعما أن بكري علق ليهو بوست
ودا كلو بسبب أنو تاج السر الملك شخصيا دخل بوست يخصني وأبدى اعجابو .
| |
|
|
|
|
|
|
|
|
|
Re: أجمل عدس .. وقلت ليك ما تجيب لي الرز دا .. (Re: tmbis)
|
يا ولدنا ، عوداً حميداً مستطاب..
نيو لوك مُريح مع كبسور، يضحكني في كل الأحوال.
قلت لي يا معانا واللا مع الخيانة
طيب نحن هسي موقفنا شنو من الإعراب !!
والله يا ابن خالتي (الكِدب خيبة) الواحد بقى قبلما
يشتري (الرز) يضرب (للحكومة) ويسجل المكالمة
بيت أبوي في الصقط ده كيف يعني؟
--------
الأخوان في يا أخو: الربيع العربي شال ود البشري
وختاه فووووق مع السر الملك في سرج واحد، ولا عزاء لطلوح.
| |
|
|
|
|
|
|
|
|
|
Re: أجمل عدس .. وقلت ليك ما تجيب لي الرز دا .. (Re: طلحة عبدالله)
|
تمبس
يا مرحباً كويس يا خي أنك جيت مع جيتي أصلي كنت مقفول ستة شهور بي تهمة الترويج لأعمال فاضحة في المنبر بحكيها ليك إن شاء الله
لكن يا تمبس دا شنو البتسوي فيه دا
النعمه وقريمان ودينق وتراجي ومعاوية الصايم وبرقو الخ ديل بقو حمام ميت ساي لمن تضيع وكتك في قراية الخرمجة البسوو فيها وما يستحقو الرد زاتو
تصدق بكري اداني عقوبه مفيدة جداً حدد على مداخلاتي بي عدد اصابع اليد الواحده بقيت اكتب حاجات مفيده جداً تخلي الحمام الحي يعمل رايح
| Quote: كــأن يأتيك .. محمد سليمان الشهير بي استيف .. أو أي من الكيزان الزعلانين ويبرر لي فعل بإنو الانقاذ هي السبب.. |
محمد سليمان دا زول حقار جدا مره جا قال أوعى تكون الصورة الخاتيها دي حقتك ..يعني بتمسخر فيني وفي وجاهتي جني وجن الزول البتمسخر في سماحتي
قلت ليه ايوه صورتي وطلبت منه يخت صورته أو يخليني اخت صورته عمل رايح (وكتر خير الفيس بوك بس والقوقل تعمل كوبي لي أسم الزول وتخته في قوقل تلقى صورته)
| |
|
|
|
|
|
|
|
|
|
Re: أجمل عدس .. وقلت ليك ما تجيب لي الرز دا .. (Re: عبدالعزيز حسين عبدالرحيم)
|
تمبس إزيك ..
تعرف يا تامبا .. مرة صحيت الصباح من النوم وكنت اليوم داك مؤجز يعنى ماخد إجازة ..
وأنا ياحسرة إجازتى ساعات بس !
يعنى اليوم داك ما كان عندى حاجة فى الشغل إلا بعد الساعة الواحدة ظهرا ودى أنا قاعد أعتبرها إجازة لمن بفتش أعمل شنو فى الإجازة الطويلة دى ..
المهم بعد ما صلحت لى كم لمبة فى البيت ولفيت ليك ماسورة المطبخ بى لستك جوانى بتاع عجلة أحمد ولدى قمت مشيت جبت الجرايد وفى دقيقة واحدة قريت الجرايد كلها وكالعادة مافى أى حاجة فى الجرايد ..
قمت قلت كدى أشوف البورض الحاصل فيهو شنو ..
والله العظيم ، بعد قريت كم عنوان كده فى البورض قلت ياولد إنت المقعدك شنو فى الخرطوم دى قوم إتخارج شوف أولادك وين ولمهم من المدارس وإتخارجوا من الخرطوم الإتحاصرت وأنا بصلح فى لمبات البيت ، المنور ليها شنو وناس الخرطوم قدوا السلك !!!
صدق قدر مارخيت أضانى ما سمعت الضرب جاي من وين ؟؟
قمت رجعت تانى البورض ، لقيت الناس مركزه على الخرطوم ، قلت فى سرى "يعنى بحرى ما داخله فى الموضوع" الحمدلله مش الشغل الفى خرطوم الجن دى خليناهو كلو كلو !!
| |
|
|
|
|
|
|
| |
tmbis
saif massad ali
محمد البشرى الخضر
omer osman
تولوس
ABUHUSSEIN
هاشم نوريت
القلب النابض
طلحة عبدالله
صلاح أبودية
فيس بوك
تويتر
انستقرام
يوتيوب
بنتيريست