|
|
|
 Re: فليذهب البترول غير مأسوف عليه... (Re: بشير أحمد)
|
يا بشير يا خوي ذهاب البترول مع غياب الناتج القومي بعد نهاية مشروع الجزيرة تعني زيادة الضائقة الاقتصادية بصورة كبيرة
يعني عودة ازمات البنزين و الخبز و السكر وغيرو
يعني شح السيولة التي تميّز بها الحكومة الجيش و الأمن و الشرطة لحمايتها
يعني الناس الصبرت على المر لن تصبر على الأمر منو و ستنكسر حواجز كثيرة و خروج الجوعى للشوارع
القول ان ذهاب البترول غير مأسوف عليه بدون الحديث عن بدائل حقيقية تشد حيل الإقتصاد يبقى كلام اسافير سيكذبه واقع الحال
| |
  
|
|
|
|
|
|
|
|
Re: فليذهب البترول غير مأسوف عليه... (Re: عزام حسن فرح)
|
تحياتي يابشير
وهل أبقت حكومة اللا وطني شيئا من الموروث قبلها ؟
تعرف بعد زوال مشروع الجزيرة ومحوه للأبد وعرضه للمصارية (جنازة بحر) تعرف كم محلج ومغزل ومنسج قطن ، ومطحن دقيق ، ومعصرة زيوت تم حرقها بنيرات جياد كحديد خردة ؟
يازول لولا البترول ده لما طغى وأستكبر وأستقوى الكيزان ، شوف الإنفاق على التسليح والحروب قدر كم ؟ شوف الرشى والمال المنهوب منو بقدر يقدروا ؟ هل هذه أموال القطن والصمغ أم البترول ؟
الشفيع
| |
|
|
|
|
|
|
|
|
|
Re: فليذهب البترول غير مأسوف عليه... (Re: Alshafea Ibrahim)
|
يا خوي، بوستك دا نفسو عبارة عن جرسة ودق جرس وحي ووب على البترول الكان بكب عشرة سنوات في جيوب الجماعة.
لكن ما تقول به يصدق في حق الشعب السوداني. أصلوا البترول دا كان بسمع بيه وبشوفو في التلفزيون وفي كضوم قادة المؤتمر الوطني وعماراتم وعرباتم.
لكن ليست هذه هي القضية.
القضية شيء آخر لن يفهمه أمثالك من هتيفة المؤتمر الوطني.
القضية هي مصالح الدولة السودانية على المدى الطويل ومصلحة الأجيال القادمة.
ودي طبعا لغة لا تفهمونها.
المهم عندكم هو: كم وهنا والآن وحول على ماليزيا.
| |
|
|
|
|
|
|
|
|
|
Re: فليذهب البترول غير مأسوف عليه... (Re: Alshafea Ibrahim)
|
الاخ/الشفيع ابراهيم
تحياتي؛؛؛
اكبر كارثة عملتها الانقاذ تدمير مشروع الجزيرة ؛ولو كان عندهم شوية مخ كان يستفيدوا من قروش البترول
في فترة ال5سنوات الاولي من الاتفاقية
بس الحرامية كتار
وما ختوا احتمال 100% الجنوب ينفصل ويشيلوا بترولهم.
طلعت كلها عمارات ومزارع للجماعة الغير طيبين.
| |
|
|
|
|
|
|
|
|
|
Re: فليذهب البترول غير مأسوف عليه... (Re: عزام حسن فرح)
|
قال فليذهب قال!
هو ذهب الليلة ولّ أمس؟
___
يا بشير زول عندو دكان حدادي مدادي، وعندو زبون واحد، فجأة يفقد الزبون الواحد ده، الحيخسر منو؟ آآي ممكن الزبون يمشي ليهو لي دكان بعيد، وقد تكون أسعاره أغلى، وبذا يخسر زيادة شوية مثلاً 5% .. أها بتاع الدكان يجيب زبون من وين؟ بالتأكيد ما حيلقى، والخسارة على الأقل 100%
| |
|
|
|
|
|
|
|
|
|
Re: فليذهب البترول غير مأسوف عليه... (Re: Yassir Tayfour)
|
هل صحيح إنو أسرائيل،
و حسبما تم في الزيارة الأخيرة، و ضمن سناريوهات فيلم ( سلفا في تل آبيب ) .. و المعروض على مسرح فشل و خيبة إسلاميى السودان ،
ستقوم بتكليف التايكون العالمي (جورج سوروز) ببناء (بآيب-لاين) عملاق في حوض نهر الكونغو ؟!
لم ارى في الدنيا غباء و جشع و قصر نظر، كالذى رأيته عند إسلاميى المؤتمر الوطني السوداني
معقول بس : ناس ينطوا في حكم دولة افريقية زي السودان في نهاية القرن العشرين، و ما يكونوا عندهم ادنى فهم لثوابت و متحركات الصراع الدولي في افريقيا
ما يكونوا عارفين عقابيل إنفصال الجنوب، ما يكونوا عارفين كيف و ليه : إنو الإيبو المسيحيين الاقل عددا في نيجيريا، صاروا فجأة و في مجرى صراع
(بيافرا - البترول)، اقوى من الهوسا المسلمين الاكثر عددا
* هل سمع نافع ب (جورج سوروز) اليهودي العالمي متعدد الجنسيات .. سوروز الضامن الدولي لمشروع تحويل هنغاريا من دولة إشتراكية
لدولة رأسمالية
| |
|
|
|
|
|
|
|
|
|
Re: فليذهب البترول غير مأسوف عليه... (Re: بشير أحمد)
|
Quote:
يا بشير يا خوي ذهاب البترول مع غياب الناتج القومي بعد نهاية مشروع الجزيرة
تعني زيادة الضائقة الاقتصادية بصورة كبيرة |
| Quote: لاباس يامحمد نرجع لحاجاتنا الزمان قبل البترول. |
عاد نبقى في لا باس يا محمد دي؟!
تفتكر محمد البشرى ده ما عارف انه لا فضلت حاجات قديمه لا جديده؟!
طيب با بشير احمد ما ياهو وضح انه مافي كله (بببببحححححح) تقول له حاجاتنا القديمه؟!
يا اخي فلان ذاته ما قبلها منك!!تقولي شنو وتقولي منو؟!
عارف الفرج من وين قد يجيك يا بشير احمد وسيدك الرئيس؟!
تخيل من (الزغاوي /ادريس دبي) الانت شخصيا بتشتم فيه ليل نهار وفي كل عشيرته هنا
انت وماجد حسون...تخيل حكومة قاعده تحنس فيه انه (بترول تشاد) يعبر بالسودان!!
هاهو يبعث برجاله لحمايتكم ....و امواله قد تنعش اقتصادكم!!بالله ميدنين ليه بقدر شنو انتو حسه؟!
عشان ثاني تقول زغاوه(ههههههههههه)
غايتو شمتانه فيك شماته يا بشير احمد!
| |
|
|
|
|
|
|
|
|
|
Re: فليذهب البترول غير مأسوف عليه... (Re: صديق الموج)
|
البترول يروح...او يجي...دي شغلانة خارج
يد ناس حكومة الشمال....حتي لو وافقوا
بالكم سنت المعروضة من الطرف الجنوبي
ولكن ومن وجهة نظري الشخصية أن كلاهما
ثوران منهكان يتناطحان علي قبضة برسيم
ناشفة...ونهاية كلاهما...في إستمرار هذا
التناطح....فلا الجنوب لديه موارد ليصمد
في ساحة التناطح هذي ولا الشمال لديه
قرون إحتياطية.
| |
|
|
|
|
|
|
| |
بشير أحمد
محمد البشرى الخضر
عزام حسن فرح
حامد بدوي بشير
Yassir Tayfour
أحمد طراوه
طارق زروق
Tragie Mustafa
صديق الموج
أيوب خليل
فيس بوك
تويتر
انستقرام
يوتيوب
بنتيريست