|
|
 سلامة مرارتك يا ريس*../ أحمد فؤاد نجم
|
ماقادر أعبر ماقادر أقول...... كلنا مرارتنا مفقوعة ....
سلامة مرارتك يا ريس*../ أحمد فؤاد نجم
* بمناسبة خضوع الريس لعملية استئصال المرارة
28/03/2010 01:10
سلامة مرارتك
يا فاقع مرارة مرات الفقير
فلا جوزها جايب
ولا الفقر تايب
ولا حتى سايب
مَيَّة في قُلة
ولا كوز في زير
سلامة مرارتك
سلامة مرارتك
مرارة العُـزاز
وإيه يعني إحنا
ما نِوْلع بجاز
إنتَ الحقيقة وإحنا المجاز
تفضلْ وييجي بدالنا البديل
شوية خباثة
وعوامل وراثة
نصبح بهايم ... ونصبح بديل
فتقدر ساعتها تنام مَلو عينك
ويعلى الشخير
سلامة مرارتك
سلامة مرارتك
سلامة المرارة
يا واقع علينا بسعر الخسارة
فلا فيه صناعة
ولا فيه تجارة
ولا فيه مدير
ولا فيه إدارة
ولا فيه وزارة تسيب الوزير
سلامة مرارتك
سلامة مرارتك
فداها المواطن
أبو قلب راطن كلام الهموم
فلا نفس راضية
ولا جتة فاضية
بلاوي وسموم
ولا علاج مداوي
مفيش غير حكاوي
بتاخد بإيدنا لآخر المصير
سلامة مرارتك
سلامة مرارتك
وألفين سلامة
يا سايب في كل المنازل علامة
مجاعة ... أنين ... كآبة ... ندامة
جهل وبطالة وعوالة وعيا
وفنون رخيصة وقِلِّة حيا
وهموم بتكتر ... وهموم تزيد
إنت في زيادة همومنا خبير
سلامة مرارتك
سلامة مرارتك يا ابو القد فارع
يا مالي عنينا بزبالة الشوارع
أمال بندفع ضرايب لمين
شمالك بتاخد ...
وواخدة اليمين
شكلك بتحلف علينا اليمين
ما تجعل في جيبنا قليل أو كتير
سلامة مرارتك
سلامة مرارتك
دي واخدة الحصانة
بنشقى وتاكل علينا شقانا
لا خلِّيت أمامنا ولا فيه ورانا
ضرايب ... عوايد ... فاتورة ... رسوم
ننام بالفاتورة
وبيها نقوم
على البصَّة ندفع فاتورة لعِنينا
ولو نعمى ندفع فاتورة ضرير
سلامة مرارتك
سلامة مرارتك يا صاحب الهمم
بخطبة بنطلع لأعلى قمم
وننزل على جدورنا بين الرمم
على الوهم ياما وياما بنينا
أوامر تجيبنا
أوامر تجينا
على خطوة واحدة في محلك نسير
سلامة مرارتك
سلامة مرارتك
إحنا فداها
تفرقع مرارتك
نفرقع وراها
حالنا بدونك عمره ما ماشي
إحنا بدونك شوية مواشي
من غير راعيها ... ومن غير كبير
سلامة مرارتك
|
|
 
|
|
|
|
|
|
|
|
Re: سلامة مرارتك يا ريس*../ أحمد فؤاد نجم (Re: Nagat Sid Ahmed Elshiekh)
|
Quote: يا سايب في كل المنازل علامة
مجاعة ... أنين ... كآبة ... ندامة
جهل وبطالة وعوالة وعيا
وفنون رخيصة وقِلِّة حيا
وهموم بتكتر ... وهموم تزيد
إنت في زيادة همومنا خبير
|
سلامة مرارة بلطجية نظام كيزان السودان
سلامة مرارة الفاسدين تجار الدين
سلامة مرارة طريد لاهاى ..
بت ابو السيد سلامات
| |
|
|
|
|
|
|
|
|
|
Re: سلامة مرارتك يا ريس*../ أحمد فؤاد نجم (Re: Nagat Sid Ahmed Elshiekh)
|
سلام يا نجاة
حمامتك يا ريس
حمامتك يا ريس حمامة السلام
نايمه يا ريس وأسأل سوزان
بص يا ريس حمامة الجيران
واقفه يا ريس فاكه الحزام
داخله يا ريس فى كل مكان
حمامتك يا ريس حمامة السلام
نايمه يا ريس وأسأل سوزان
نفسى ياريس اشبع وانام
وتغور يا ريس وتغور المدام
وابنك يا ريس يغور كمان
وتغور يا ريس كل الحيتان
حمامتك يا ريس حمامة السلام
نايمه يا ريس وأسأل سوزان
شايف يا ريس حمامة ايران
تبسط يا ريس ادى الحمام
مش انته ياريس مرخرخ ########
حمامتك يا ريس حمامة السلام
نايمه يا ريس وأسأل سوزان
---------
عليا الحرنكش يا ريس مبارك
في عصر مزركش ملون بنارك
لابايعك وأبايع حكومة حمارك
ملعون أبو اللي يقدر يقاطع قرارك
نهاره مقندل وليله مبارك
فهمبك وهجص وطلع في عيننا
أكيد هيا طالعة تشاهد جمالك
جمالك مبارك سوزانك سوزاننا
يامحلى حصارك لمصر اللي جالنا
نسيمها في عصرك بيشوي في بدنا
أؤيد وأبايع فخامة جلالتك
وأيد أي واحد بيمسح ريالتك
ولأنك سر باتع هاننسى هبالتك
فأقعد ياريس ودلدل حمامتك
حمامة السلام حمامتك ياريس
سلامة الحمامة وسلامتك يا ريس
ياريس حمامة ياريس كويس
على تل مصر ياريتك تهيص
خرابة فسيحة عليها متيس
وأأمر تطاع فشعبك مفيص
احمد فؤاد نجم
| |
|
|
|
|
|
| |
Nagat Sid Ahmed Elshiekh
معاوية عبيد الصائم
Hisham Ibrahim
هشام عباس
خالد العبيد
فيس بوك
تويتر
انستقرام
يوتيوب
بنتيريست