|
|
 (حريات) تفوز بجائزة القلم العالمية لحرية التعبير
|
مبروك الأستاذ الحاج وراق - مبروك عبد المنعم سليمان وبقية الفريق
+++++++++++++++++++++++++++
حصل الحاج وراق وعبد المنعم سليمان (حريات) على جائزة القلم العالمية لهذا العام، ضمن آخرين، هم جيسو ليموس باراجاس Jesús Lemus Barajas من المكسيك ، وميخائيل بيخوتوف Mikhail Bekhetof; من روسيا ، ورشيد نيني Rachid Nini من المغرب ، وآسيا أميني Asieh Amini من ايران . وذكرت الهيئة المشرفة على منح الجوائز انها منحتها لهؤلاء (الكتاب الشجعان) لرفضهم (الاخراس من انظمتهم القمعية). وكان جيسو ليموس باراجاس قد كتب عن الفساد في حكومة المكسيك ولهذا أودع السجن لثلاث أعوام .
وتعرض ميخائيل بيخوتوف للضرب لكتابته تقريراُ عن الآثار البيئية لأحد طرق المرور السريع في روسيا .
ورفعت آسيا أميني صوتها ضد الوسائل الوحشية للحكومة الايرانية في رجم الفتيات الصغيرات .
وأودع رشيد نيني السجن لانتقاده اجراءات الحكومة المغربية في مكافحة الارهاب .
ومنحت الجائزة للحاج وراق وعبد المنعم سليمان محمد لتأسيسهما صحيفة (حريات) من الخارج بعد أن ضاقت بهما الأوضاع داخل السودان .
وفي حفل توزيع الجوائز بمدينة لاهاي بهولندا 19 يناير ، قال توم فاندير لي – مدير حملات المناصرة بأوكسفام – ( حرية التعبير وحرية الصحافة من حقوق الانسان الرئيسية . والناس الشجعان في كل العالم ، يستخدمون هذه الحقوق كعامل مساعد للوصول إلى عالم عادل ، خال من الفقر . وهذا هو السبب في ان أوكسفام تدعم منظمة (القلم) الدولية . والسبب في أهمية الدعم والاعتراف العالميين بابطال حرية التعبير والصحفيين الشجعان عبر جائزة القلم / أوكسفام).
وقال سفير هولندا لحقوق الانسان ليونيل فان دير فير ان الجوائز ( وسيلة لتكريم هؤلاء الأشخاص الستة للتضحيات التي قدموها لأجل حرية التعبير).
وقالت آسيا أميني في الاحتفال ( انا فخورة بالجائزة ، ولكن كيف أكون سعيدة ، والناس الذين اكتب عنهم يرجمون ويعدمون في حين انهم لا يزالون أطفالاً؟). وتلت آسيا قصيدة من قصائدها التي نظمتها عن (عطيفة) ، وهي فتاة ايرانية تم اعدامها قبل سنوات . وأهدت آسيا جائزتها لروح عطيفة .
وعلق عبد المنعم سليمان مدير تحرير صحيفة (حريات) "ان الجائزة شمعة في نهاية نفق الظلام الحالي في السودان".
وعلق الحاج وراق رئيس تحرير صحيفة (حريات) انه يعتز بالجائزة ، (ويفهم انها ليست له في شخصه ، وانما لفريق (حريات) في الداخل والخارج ، وللذين آزروا ودعموا (حريات) ، وللصحفيين والكتاب الديمقراطيين السودانيين – لعذاباتهم وتضحياتهم الجمة . ومن قبل ومن بعد للشعب السوداني الذي يجد مآزرة كل الديمقراطيين والانسانيين في العالم في كفاحه الباسل لأجل كرامته وحريته وتقدمه وازدهاره).
هذا وسبق ونال الحاج وراق جائزة (هيومان رايتس ووتش) لحرية التعبير عام 2010.
http://www.sudaneseonline.com/2008-05-19-19-45-21/3...-01-23-05-46-26.html
|
|
  
|
|
|
|
|
|
|
|
Re: (حريات) تفوز بجائزة القلم العالمية لحرية التعبير (Re: عبدالعزيز حسين عبدالرحيم)
|
| Quote: حريات صحيفه باهته قـــذرة يحررها ناس ما عندهم أخــلاق ولا وطنية ولا أدب |
طبيعى دا يكون راى واحد من مناصرى القتلة فى حريات
و بعدين وطنية وين يا اللخو و ناسك اضاعو ثلث الوطن
و ادب وين مع لغة كبارك امثال نافع و البشير
و اخلاق وين مع فساد نظامك الذى فاح و تافف منه حتى صادق عبد الله زعيم الاخوان المسلمين
صحى و الله الاختشو ماتو
و انتهينا الى خلف متخشبى الوجوه و ميتى الشعور و متبلدى الحس
| |
|
|
|
|
|
|
|
|
|
Re: (حريات) تفوز بجائزة القلم العالمية لحرية التعبير (Re: قيقراوي)
|
يا نديد
Quote: لوووووووول يا عبد العزيز
كدي راجع نفسك يا حبيب قبل الرجم بالغيب دا!!
عادل فضل المولى برضو بتكتب بباسورديهو " رباح الصادق"
اصلو شنو!؟
مكنة كتابة هي!؟ |
سبقتك
أعــتذار للأخ عمر عبدالله فضل المولى المحترم
اكرر اعتذاري لعمر عبدالله فضل المولى ولعن الله الشفقه واعتذر برضه لصاحب البوست
-------------
بعدين شيل صورتك أم شيب دي ياخ بتحسسني اني زول كبير وطوالي يجيني وجع كراع جيب ليك صورة قبل عشرة سنين خلي الواحد يطمن شويه
بعدين انت كلفتني مداخله اصلو كوتي خمسه مداخلات
برضه دا مايعفي أنو حريات صحيفة باهته تروج للكذب والمؤامرات وبكتبو فيها ناس سجمانين
| |
|
|
|
|
|
|
|
|
|
Re: (حريات) تفوز بجائزة القلم العالمية لحرية التعبير (Re: عبدالعزيز حسين عبدالرحيم)
|
يا عمر هووي الشغلة جابت ليها رضاعة كمان، احسن نبرز شيبنا ساي يا اخوي!
-------
و انا اعتذر ليك بدوري .. جميل ياخي انو الزول ينتصر على حظ النفس
بس انا ضايق البهيتة دي قبل كدا! .. و لو تذكر، لمن استعنت بيك
مافي احرّ منها .. و العهدة على امي بت السيمت ربنا يديها الصحة و العافية ..
كان ختيت ليها اكل حار، بوخو يلوي .. تقول ليك دا أحرّ من البهيتة!!
احر من البهيتة، مافي كلو كلو
و الله صحي
| |
|
|
|
|
|
|
|
|
|
Re: (حريات) تفوز بجائزة القلم العالمية لحرية التعبير (Re: قيقراوي)
|
يا نديد شكراً ليك
Quote: و انا اعتذر ليك بدوري .. جميل ياخي انو الزول ينتصر على حظ النفس
بس انا ضايق البهيتة دي قبل كدا! .. و لو تذكر، لمن استعنت بيك
مافي احرّ منها .. و العهدة على امي بت السيمت ربنا يديها الصحة و العافية ..
كان ختيت ليها اكل حار، بوخو يلوي .. تقول ليك دا أحرّ من البهيتة!!
احر من البهيتة، مافي كلو كلو
و الله صحي |
يازول ما داير منك اعتذر ندادتك ساي تغفر ليك
البهيته كعبة وأنت الظاهر عليك حساس نحنا جلدنا تخن من كترة البهتان
هسع ما تمشي بعيد عاين في البوست دا زاتو الأسمو عوض محمد احمد جا بهتني كيف
طلعني كوز وجردل وبناصر القتله وكباري نافع والبشير وأنو وشي متخشب وشعوري ميت* وحسي متبلد
والله بالجد مره طلعوني ما شادي حيلي دينق قال شامي دلكة وخمره وكبريت في كتابتي
وست الرضاعة طلعتني سكران بتحاوم للصباح ومره مصاحب حبشيه ومره امنجي
انا بهتوني جنس بهنان لمن مرات بقيت اطش مني زاتو وخايف اصدق اقوم اكرهني وادقني
-----------------
* غايتو في دي صدق لانو هسع بديت اصلع وشعري بتساقط
كلفتني مداخله تاني
| |
|
|
|
|
|
|
|
|
|
Re: (حريات) تفوز بجائزة القلم العالمية لحرية التعبير (Re: عكود عبد القادر عكود)
|
الليلة يا عبد العزيز اكمل ليك رصيدك كلو*
Quote:
هسع ما تمشي بعيد عاين في البوست دا زاتو الأسمو عوض محمد احمد جا بهتني كيف
|
بهت الرجل ..
و هل بفتاً على حاله نُكرٌ
بروف عوض محمد أحمد علمٌ على رأسه نار يا حبيب ..
و لا يستحق منك هذه اللغة
واحد وسبعين الولدونا فيها دي، هو بكون بدرّس اساتذتنا ذاتم!
امسحا لي في وشي انا .. و اسحب كلامك اذا بتريد
-------
* انتو بكري دا حقارتو دي حدها وين!؟
حيدر الزين .. اتنين بس!
عبد المجيد الكونت .. قول اتنين!!
و اسي عبد العزيز 5 بس!؟
معقولة بس!؟
نخلي ليك بورديك دا ول قاصد شنو يعني يا ابصلعة!؟
| |
|
|
|
|
|
|
|
|
|
Re: (حريات) تفوز بجائزة القلم العالمية لحرية التعبير (Re: عمر عبد الله فضل المولى)
|
يا نديد أسمح لي شويه
Quote: بروف عوض محمد أحمد علمٌ على رأسه نار يا حبيب ..
و لا يستحق منك هذه اللغة
واحد وسبعين الولدونا فيها دي، هو بكون بدرّس اساتذتنا ذاتم!
امسحا لي في وشي انا .. و اسحب كلامك اذا بتريد |
سلامه وشك يا نديد
ما علمه ولا سنه يسمحوا ليه يسيئ للناس وأرجع فوق شوف الغلطان منو ؟
هنا يا نديد مافي سن ولا علم أحترامك لنفسك ولغيرك هو البقيمك وأصلاً ما حصل يوم أتداخلت على الزول دا ولا بعرفه
شوف جا قال شنو ؟ بهتني دي حقيقة أنا ما عندي مشكلة خليهو يبدى حسن نية ويمسح كلامه في الأول حا أجي أعتذر ليه وأعتبره لخبط بيني وبين زول تاني زي لخبطتي السويتها هنا
ما في زول كبير على الغلط ونحنا بنتعلم من الشفع مرات حاجات كتيرة وكل يوم بنتعلم
أتمني أشوفه كمان يجي يعلمنا من علمه هنا بدل المهاترة وبهتان الناس عشان نحبه اكتر
معليش يا نديد
-------------
يازول أنت اتعقدت ولا شنو شلت الصورة جبت لينا الصورة البتلف الراس دي
| |
|
|
|
|
|
|
| |
عادل فضل المولى
حبيب نورة
أيزابيلا
ثروت سوار الدهب
عبد الله إبراهيم الطاهر
Elbagir Osman
Amani Al Ajab
Tragie Mustafa
قيقراوي
عكود عبد القادر عكود
Kostawi
عمر عبد الله فضل المولى
فيس بوك
تويتر
انستقرام
يوتيوب
بنتيريست