|
Re: أخيراً تصالح مع هيئته! (Re: Hussein Mallasi)
|
لووووووب يا حسين انا هسه قايلاهو ياسر اتصالح مع الهيئة العامة للاتحادى الاصل ...
يعنى كان لازم تتمها لى موية قصدك تصالح مع( صلعته) ,,, هسه باقى الهيئة الدخلها شنو فى الطاقية ..
ـــــــــــــــــ لكن لو بتلاقيهو كلمو (الهيئة) احسن من (الطاقية) كتير .. خاصة وانو ما عزال فى الطواقى ..
| |
|
|
|
|
|
|
Re: أخيراً تصالح مع هيئته! (Re: طلحة عبدالله)
|
وها هو يرفع سبابتيه، واحدة للتوحيد والأخرى في إنتظار رأي الجمهور
***
حسين أيها العزيز فرفع عنا وعنه العناء
والله العناء كان فقط على عظام جمجمته
***
نهاية القول : سيف فنان أصيل ذي صوت متفرد وساحر
| |
|
|
|
|
|
|
Re: أخيراً تصالح مع هيئته! (Re: ابو جهينة)
|
Quote: لخرطوم:حسام الدين ميرغني
سيف الدين محمد الحاج،المولود فى حوش بانقا المحطة بشندى،خريج كلية الآداب تخصص لغة انجليزية بجامعة الخرطوم،لم يخطط للولوج فى ساحة الغناء لزمن طويل ،رغم اجادته له فى المرحلتين الثانوية والجامعية ومنه التصق به لقبه سيف الجامعة،فى مطلع ثمانينات القرن الماضى، بعد ان الحت عليه موهبته فى التعريف به كفنان ذي باع فى المسألة الابداعية،قبل ذلك سجل للاذاعة فى العام 1982 (شايل هموم الدنيا مالك) للشاعرابوقرون عبد الله ابوقرون اول شاعر تعامل معه واسهم معه باغنيات عديدة فى ألبومه الاول (احرمونى)،وقبلها كان معجبا ايما اعجاب بابداع عثمان حسين ودرر الحقيبة،سيف الجامعة هو (سحارة) الغناء يظل يحتفظ باغنيات نادرة يغنيها لمقربيه واسهمت دراسته الاكاديمية فى تسهيل مسألة حفظ الالحان والكلمات،هو اكثر فنان يحفظ اغنيات الحقيبة بنسختها الاصلية ولحنها كذلك. يقول سيف الجامعة بعد ان تخلص من طاقيته التى اشتهر بها منذ العام 1987 ولم تفارق فروة رأسه من حينها ،الى ان نزعها مطلع العام ،يقول لـ( الرأى العام) ،من مكتبه بالخرطوم ،ان الطاقية اصبحت لاتفارقه جل يومه، اشترى اول طاقية فى العام 87 بمبلغ نصف جنيه ولم يكن الشعر قد فر من فروة رأسه حينها، وكان يتخذ منها مظهرا للتميز فى الوسط الفنى بجانب موهبته الكبيرة فى الغناء التى دشنها فى ملتقى الحروف الجامعى فى العام 1979ومعه مختار دفع الله وحسين خوجلى والتجانى حاج موسى وبز معه الفنان الهادى حامد ود الجبل وعماد احمد الطيب كصفوة من الاكاديميين الذين اتجهوا لضروب الفنون حينها. يقول سيف الجامعة انه يمتلك اكثر من (150) طاقية ظل يجمع فيها لربع قرن ويرتديها ولكن الطاقية كانت تحد من اناقته فيرتدى معها البنطال الجينز والاقمصة نصف الكم،ويرى انه بعد ان تخلص من ارتدائها نهائيا مع مطلع العام بعد ان تمسك بها لاكثر من ربع قرن سيحيل طواقيه الى متحف يضم مقتنياته الفنية الخاصة من اعواد ومدونات موسيقية واشرطة تسجيل نادرة، وكانت آخر طاقية قبل اعتزال الطواقى هدية من احد اقربائه من الدوحة. سيف الجامعة قال انه اراد كثيرا ان يتخلص من الطاقية ولكن هدايا المعجبين كانت تحضه على التأجيل،فهو اكثر فنان لا يتعب معجبيه فيما يهدون،طاقية فحسب ، قال انه بدوره سيهدى عدد ا من طواقيه الى معجبيه واصدقائه بعد ان دخل الى العام الجديد بمظهر جديد ، وكانت امنيات عدد من المقربين له ان يروه بلا طاقية وها قد فعلها
|
الرأي العام
| |
|
|
|
|
|
|
Re: أخيراً تصالح مع هيئته! (Re: Hussein Mallasi)
|
ياباشمهندس حسين تحية طيبة
سيف الجامعة فنان رسخ في وجدان الشعب السوداني بصوته المميز وإختياراته الرصينة افتقدناه كثيراً وهو بالمهجر ثم عاد لنا ذات الصوت لكنه وضع طاقية مثلت لنا حاجزاً نفسياً كمتلقين لفنه بصورة أوضح سيف الجامعة كشخصية عامة لنا عليه حق مراعاة المظهر العام.. هذا مع أكيد تقديرنا وإحترامنا للأستاذ سيف الجامعة ولك أنت كناقد حاذق.
| |
|
|
|
|
|
|
Re: أخيراً تصالح مع هيئته! (Re: Ahmed musa)
|
والله إتخيلتو مولانا إتصالح مع الهيئة بتاعة الحزب إتخيلتهم جو ..خلعو احذيتهم ..قبلوا يده إعتذروا عن مواقفهم (المبدئية) ...اكلوا الفتّة ...ومشوا
ــــــــــــــــــ خذلتني بجد يا حسين ملاسي
| |
|
|
|
|
|
|
Re: أخيراً تصالح مع هيئته! (Re: Ahmed musa)
|
Quote: والله إتخيلتو مولانا إتصالح مع الهيئة بتاعة الحزب إتخيلتهم جو ..خلعو احذيتهم ..قبلوا يده إعتذروا عن مواقفهم (المبدئية) ...اكلوا الفتّة ...ومشوا |
نحن غايتو متصالحين مع مولانا كان قال اقعو البحر بنقع
خلي نشارك المؤتمر الوطني
عاش ابوهاشم .........
| |
|
|
|
|
|
|
Re: أخيراً تصالح مع هيئته! (Re: omer osman)
|
Quote: عاد لنا ذات الصوت لكنه وضع طاقية مثلت لنا حاجزاً نفسياً كمتلقين لفنه |
فعلاً .. فقد كان فناني المفضل عندما كان متاحاً من خلال شرائط الكاسيت و قبل أن يختبئ خلف قبعاته تلك.
| |
|
|
|
|
|
|
Re: أخيراً تصالح مع هيئته! (Re: Hussein Mallasi)
|
يا ملس لو مصر تواصل، ياخى انتقد كلماته الغنائية و اٍختياره لها، انقد لينا مزيقتو ياخى و حللها و قارن بينها و بين اعمال الاخرين و ربما المزيقا الاقليمية او العالمية. دا كلوا ما بتقدر عليهو مسكتا فى طاقيتو؟ صحى و الله كل ميسّر لما خلق له. ح تعيش ملح كده على أظهر المبدعين كتير يا ملس؟.
المحيرنى بجهالتك دي عندك غااااغة معتبرة من المعجبين و الهتيفة. قديماً قيل: الله ما شقّى حنكاً ضيّعو.
| |
|
|
|
|
|
|
Re: أخيراً تصالح مع هيئته! (Re: abubakr salih)
|
!!!!
Quote: ما كان يقلع الطاقية لأنها رسخت في ذهن المتلقي وصارت جزء لايتجزأ من شخصيته وأغنياته
|
مية المية يا منتصر ..
يا حسبو !! حسبو ..!!
بالغت ياخي انت أكيد ما بتعرف سيف الجامعة من قريب ..!
الزول دا انسان بمعنى الكلمة وبعيد كل البعد عن الطنقعة البتقول عليها دي ..!
| |
|
|
|
|
|
|
|