|
|
|
 Re: عبدالمجيد الكونت .. يا نبع المكارم يا أخو فاطمة (Re: ساميه حامد)
|
لك التحية أختي سامية ...
Quote: انا غايتو شهادتي فيهو مجروحةلانه قريبي
لكن بالجد عبد المجيد اخو البنات وانا جد بعتز بي خوتو
وربنا يديهو قدر نيتو البيضة دي ويسهل كل امورو ويعدل خطوتو
عبد المجيد الكونت انت كده
ود هدية بسيطة لاخوي عبد المجيد وليك انت كمان يا اخي صبري |
وأعتز بمعرفته وصداقته .. فشُكراً لسودانيز أونلاين الذي جمعني به وبأمثاله ...
وتُشكري على الهدية اللطيفة .. ودة من ذوقك الجميل ...
ولكِ كل الود والتقدير ولأسرتك الكريمة ،،،
| |
  
|
|
|
|
|
|
|
|
Re: عبدالمجيد الكونت .. يا نبع المكارم يا أخو فاطمة (Re: عفاف ابوكشوه)
|
مساءك ورد أختي عفاف ...
Quote: يا ايهاء الاصدقاء
الاحباب الكرام
حقيقة الكونت
نبع المكارم
واخو البنات
ومقنع الكاشفات
ودراج الوليات
لم نر او نسمع عنه سوي كل خير
ارجو المساعدة في ازالة سوء
التفاهم بين كل الاطراف
مودتي وتقديري
للجميع |
والكونت عندما التقيته لأوّل مرّة بالرياض وكأنني أعرفه مُنذ نعومة أظافري .. يُشعرك بروح أولاد البلد "الجد جد" .. وما أعجبني فيه أدبه وهدوئة وحسن تعامله ورجاحة عقله ...
تُشكري على هذه المُداخلة القيّمة ... ولكِ كل الود والتقدير ،،،
| |
|
|
|
|
|
|
|
|
|
Re: عبدالمجيد الكونت .. يا نبع المكارم يا أخو فاطمة (Re: الخير محمد عوض)
|
Quote: الخير محمد عوض كتب: مشكلتو الوحيدة انه عامل فيها وجيه ... وجية بالواو
ثم اني اريد ابرام صفقة صلح بينه وبين طرف اخر الا انه والطرف الاخر ذوي رؤس ناشفة ههههههههههيع
اقول قولي هذا ثم اتخارج |
هو من ناحية إنّو وجيه .. مكمّل الوجاهة وفايت الحد ذاتو ... وقبل ذلك وجيه بمكارم أخلاقو ...
هسي يا الخير أخوي فلان داك لو خلطوهو مع الفوتوشوب بيقدر يطلّع صورة طبيعية زي الصورة الفوق دي ؟! 
وتُشكر على مرورك الطيب ... مع تحياتي ،،،
| |
|
|
|
|
|
|
|
|
|
Re: عبدالمجيد الكونت .. يا نبع المكارم يا أخو فاطمة (Re: الامين موسى البشاري)
|
الكونت من الناس الجميلين في المنبر ده باخلاقه وتهذيبه وعشرته بالناس
كان لي شرف كبير* بلقاءه قبل شهر بجدة وسعدت جداً بالتعرف عليه عن قرب
راجل غيور على وطنه ورغم انتماءه لحزب مصنف طائفي الا انه زول متقدم في فهمه للسياسة
جد استفدت منه في السويعات القعدناها في دار الشيوعي الكريم معاوية عبيد
اغرب حاجة في الكونت .. البقرا كلامه الموزون والمرتب ويسمع كلامه يلقى نفسه امام شخصين مختلفين ..شخص يكتب من مواليد الخرطوم وعاش فيها واصلوا مامشى الشمالية وشخص آخر نزلوه من شجرة التمر في مطار الرياض طوالي .. حتى ظننت انه درس الجامعية من منازلهم في الشمالية..لغته شايقية صرف واصلي مازي بعض الناس في الرياض ...
التحية له ولاهلنا الشوايقة ..
واتمنى ان يتم الصلح بينه وبين الاخت تيسير عووضة فهي بت اصيلة واخت كريمة ..
شكرا صبري ..
ــــــــــــــــــ
* وهو كذلك
| |
|
|
|
|
|
|
|
|
 Re: عبدالمجيد الكونت .. يا نبع المكارم يا أخو فاطمة (Re: حمزاوي)
|
يا سلام عليك يا صبري..
يمين إنكان في حديساً يَوَصِّف مجيد اكتر من كدي يستاهلو..
ما عرفتو اِلِّي من هادا المنبر، العَرَفْني بي عشرات من الناس السمحين وعلاقتي بيهم بِقَتْ أُسَريه وواحد، إتْاَنَسْبَهم في غربة الجن اللنا فيها..
الشاهد،
كُلما مؤشر الزهج يصل درجة أَحَمَرْ بمشي لي صفحتو في الفيس، القاهو خات ود النصري، استيكه تودي اللّحَمر لِلْخَدَرْ..
وكل ما حسّابي ماني ياني يَنْشِدْ مِنِّي، وده يبقالي البسوي مع كل معارفو حسب المداخلات أعلاهو..
| Quote: انا غايتو شهادتي فيهو مجروحةلانه قريبي |
ساميه،
حَصِّليلي القَرابه دي.. الجنا دا مِن الّلول حاسَّبو لحم ودم.. وانتي عارفي كيف نحن مَشَربكين من أمْري لا عِنْ كورتي
Quote: ثم اني اريد ابرام صفقة صلح بينه وبين طرف اخر الا انه والطرف الاخر ذوي رؤس ناشفة ههههههههههيع
اقول قولي هذا ثم اتخارج
|
يعلم الله يا الخير ماني عارف الحاصل في {الجزئيه دي}*..
لاكين حمالتك علي ألِّينْلك نشافة راس مجيد أسّعْ ده..
بَسْ ادّني التابلت!
* كلام كُبار كُبار نفهمو ناس انا والصايم، منعاً للاختلات أو الخلل، الصايم بِتاع الرياض .
| |
|
|
|
|
|
|
|
|
|
Re: عبدالمجيد الكونت .. يا نبع المكارم يا أخو فاطمة (Re: محمد عبدالرحمن محمد)
|
بالله ما بتختشوا رجال ونساء ململمين في الفارغه دي؟!
كونت شنو وهباب شنو؟!
اخلاقه لنفسه ولاصدقائه نعم وربما لاسرته
لكن سياسيا الكونت دي زي الطين!
اولا:
في حزبه شغال دبل ايجنت!
عامل فيها مع الاصلاحين وهو مظبط اموره جيدا مع مجموعة عبد الرحمن
ود المرحومه ساره(في صراع بين عيال حفيه وعيال المرحومه ساره بدأ يبرز للسطح)
من خلال رباح الصادق التي هو من القله المباركين انتحالها
لاسم عمر فضل المولى هنا!
محمد عبد الرحمن معذور شايقي واي طنبور بجيبه راس!
وساميه وقالت شايقيه برضو!
اها خالد العبيد ده ماله؟!
ولا يا خالد عشان مقاشرته لعادل عبد العاطي معاك؟!
يا اخي اختشي!
البجمك مع عادل عبد العاطي مليون مره اوطد واشرف من البجمعك
مع الطائفي ده درق سته كمان وليس درق سيده!
قال الكونت قال!!
بعدين يا صبري طه بطل تغزل في الرجال!
اها انتو الواجهة عندكم كده؟! حالتكم صعبه
نحن غايتو وجاهة الرجال عندنا تبدأ بالقامه الرياضيه
و السواعد المفتوله وكونتكم ده الصدق
انه (كونت)بحق وحقيقي اليمشي يرفع له اثقال في اي جيم!
عشان يشبه رجال الشماليه الحقيقين!
ويا ود القاضي
الشماليه دي ما نضمي ساي
فيها حش تمر وقلب ارض ومشي للجروف وردم من الفيضان
وعيييييك يا قول بشاشا....كلها بتاثر في التكوين الجسماني
لذلك رجال الشماليه القروين اجسامهم اجمل مئاة مرة
من شمالي المدن المنعمين!
اها يا الامين بشاري ما شفته ايميلك
ما ترد علي يا اخي عشان عندي عيديه لناس الكونت ديل!
| |
|
|
|
|
|
|
|
|
|
Re: عبدالمجيد الكونت .. يا نبع المكارم يا أخو فاطمة (Re: Tragie Mustafa)
|
Quote: كونت شنو وهباب شنو؟!
اخلاقه لنفسه ولاصدقائه نعم وربما لاسرته
لكن سياسيا الكونت دي زي الطين!
|
الاخت البائسة تراجي مصطفى
تحياتي وعدم احترامي لشخصك
لو بتعرفي الهباب صحي فهو انتي تمشي على رجلين ... اما سياسيا زي الطين فدي غلبتي فيها الهوبا ... اول مرة اعرف ان شخص مثلك بعرف يقول سياسيا فمنذ الذي يكتب باسم هذه البائسة يا ترى ؟ .
وبعد
اغتنم هذه السانحة لامد يدي بيضاء لشخصك البائس من اجل المصالحة رغم يقيني ان يديك ملطخات بالبؤس الا اني اود المصالحة معكي فارجو واناشد شخصك بالتواضع لنوقع اتفاق مصالحة على غرار مصالحة مني اركو مناي هذا الانسان الهباب الذي وقع اتفاق مع الشمولية الانقاذية واصبح بموجبه مساعدا للمارشال البشير .
غني عن القول انني لن استفيد شيئا من المصالحة سوى كسب وقتي في اشياء مهمة اذا خلصني الله من بؤسك وانتي لن تستفيدي شي لانكي عدوة نفسك وعاملة زي ابو الدقيق عادي ممكن تقعي في اي وسـاخة لتوســخي الوســاخة نفسها لانكي اسوأ من الوســاخة شخصيا... اجمل حاجة في شخصيتك البائسة انكي لستي في حاجة لشخص اخر ليفضح عقليتك الخربة فوحدك تفضحي نفسك وتعري الجهة التي تنتمي اليها وحسنا فعلت الجبهة العريضة عندما لم ترفضك ولم تفصلك فقط لم تضع لكي اي قيمة فخرجتي غير ماسوف عليكي من الجبهة العريضة التي كان بالامكان تكوني لها وصمه عار تلاحقها حينا من الدهر ولكن الحمد لله الذي اذهب الاذى عن الجبهة العريضة .
مرة اخرى امد يدي بيضاء من اجل المصالحة يا اخيتي تراجي مصطفى بهلوانة المنبر والاسفير عموما فهلا استجبتي سيدتي العزيرة
وشكرا
| |
|
|
|
|
|
|
|
|
 Re: عبدالمجيد الكونت .. يا نبع المكارم يا أخو فاطمة (Re: عمر عبد الله فضل المولى)
|
Quote: بالله ما بتختشوا رجال ونساء ململمين في الفارغه دي؟!
كونت شنو وهباب شنو؟!
اخلاقه لنفسه ولاصدقائه نعم وربما لاسرته
لكن سياسيا الكونت دي زي الطين!
اولا:
في حزبه شغال دبل ايجنت!
عامل فيها مع الاصلاحين وهو مظبط اموره جيدا مع مجموعة عبد الرحمن
ود المرحومه ساره(في صراع بين عيال حفيه وعيال المرحومه ساره بدأ يبرز للسطح)
من خلال رباح الصادق التي هو من القله المباركين انتحالها
لاسم عمر فضل المولى هنا!
|
Quote: محمد عبد الرحمن معذور شايقي واي طنبور بجيبه راس!
وساميه وقالت شايقيه برضو!
|
تراجي،
والله قعدتلي اكتر من ساعه أحاول أفهم القصِد بين الكوتين ديل يمين غلبني..
| |
|
|
|
|
|
|
|
|
 Re: عبدالمجيد الكونت .. يا نبع المكارم يا أخو فاطمة (Re: محمد عبدالرحمن محمد)
|
| Quote: انا غايتو شهادتي فيهو مجروحةلانه قريبي |
وانا برضو شهادتي في الكونت مجروحة... لأنُّو قريبي + تلميذي...
دعواتي له بالتوفيق والصلاح...
____________
تراجي يا صديقتي اللدودة... في سيدي الحسن خُتِّي الكُورة دي واطة...
الواطة التحَشَى خشِم عدوك... قولي آمين...
.
.
.
.
.
.
.
.
.
صبري طه يا عريس الهناء ليك وحشة والله...
| |
|
|
|
|
|
|
|
|
|
Re: عبدالمجيد الكونت .. يا نبع المكارم يا أخو فاطمة (Re: صبري طه)
|
سلام للاخ صبري والاخوة المتداخلين
Quote:
ساميه،
حَصِّليلي القَرابه دي.. الجنا دا مِن الّلول حاسَّبو لحم ودم.. وانتي عارفي كيف نحن مَشَربكين من أمْري لا عِنْ كورتي |
محمد عبد الرحمن ازيك ومشتاقين يا قريبي
والله يا محمد مافي قرابة ظاهرة كده يعني بس انا من معاشرتي ليهو بحس انو ود عمي ولا ود خالي ولا اخوي عدييييييل كدة
Quote: محمد عبد الرحمن معذور شايقي واي طنبور بجيبه راس!
وساميه وقالت شايقيه برضو! |
الاخت تراجي ليك الف سلام وتحية
نحن في الغربة اول ما نشوف سوداني بنجري عليو ونتعرف بيو لانو سوداني وبس
لا بنسال عن قبيلتو ولا عن اهلو من وين
وعبد المجيد ده انا عرفتو من البورد ده وشاءت الظروف انو يكون معانا في الرياض
وإتلاقينا كتير وزارنا كتير في بيتنا المتواضع يعني انا كلامي القلتوا عنو ده ما كلام ساي ولا كسير تلج
قلتو لاني عرفتو وعاشرتو وهو كده واكتر كمان اما سياستة زي الطين ولا غيرو انا ما بتهمني لانو دي قناعات وكل زول حر في اختيارو
صاح انا قلت شهادتي فيو مجروحة لانو قريبي لكن ما شكرتو لانو قريبي وبس لانو هو فعلا اخو اخوان وزول حارة دايما متواجد مع اخوانو البورداب وغيرهم في الحارة والباردة
بس حبيت اوضح ليك يا تراجي اني ما بشكرو عشان هو شايقي لانو اي زول يتشكر في الدنيا دي وانا بعرفو وعاشرتو برضو ها اشكرو
حتى لو كان فايز ود القاضي
| |
|
|
|
|
|
|
|
|
|
Re: عبدالمجيد الكونت .. يا نبع المكارم يا أخو فاطمة (Re: صبري طه)
|
| Quote: عبدالمجيد الكونت .. يا نبع المكارم يا أخو فاطمة |
والله الكلام ده عرفناه في الدقائق القليلة القابلنا فيها...
وعموماً ... ودالكونت ... قلنا عنه ...أنو خسارة في الجماعة ديلاااك ... 
___
الجماعة .. المقصودين .. تفهم حسب النية والتساهيل ...
قد يكونوا ناس العليا ... الرياض ... الشمالية .. الشايقية ... حزب الأمة ...السودان ..الخ..الخ
..
| |
|
|
|
|
|
|
| |
الخير محمد عوض
عفاف ابوكشوه
خالد العبيد
ساميه حامد
عمر عبد الله فضل المولى
الامين موسى البشاري
فايزودالقاضي
محمد عبدالرحمن محمد
Tragie Mustafa
أبو الحسين
مناهل عبد الله مصطفي
الرفاعي عبدالعاطي حجر
خضر الطيب
ايمان بدر الدين
قيقراوي
Magdi Ahmed Elsheikh
Khalid Saeed
فيس بوك
تويتر
انستقرام
يوتيوب
بنتيريست