|
|
|
 Re: مواليد 66 خارج الخدمة الالزامية (Re: احمد التجانى احمد)
|
اسخف واثقل لحظات الاجازة هى الوقت المقتطع غصبا فى ما يسمى زورا وبهتانا
جهاز شئون العاملين بالخارج - او ايا كان اسمه - وللدقة اسخف لحظات هذا السخف
هى اجراءات استخراج كرت الخدمة الالزامية - الاعفاء المؤقت - للمقيمين بالخارج
ودة اسم الدلع , لكنه فى الحقيقة عبارة عن اكل لاموال الناس بالباطل
المهم
شوفوا لينا مشروع نستثمر فيه رسوم الاعفاء
| |
 
|
|
|
|
|
|
|
|
Re: مواليد 66 خارج الخدمة الالزامية (Re: احمد التجانى احمد)
|
حولااااااا يا احمد !!
هم مواليد 66 ديل لى هسسه قاعديين ؟
ما ماتوا ؟
ـــــــــــــ
وما قالوا 66 سنة كم ؟؟
يكونوا 2066 ؟؟
قالوا فى واحد من الاقاليم تايه قابل
مسطول سالو: وين بالله حدايق 6 ابريل ؟؟
قال لى : ما قالوا ليك سنة كم ؟؟ قدييييمة
| |
|
|
|
|
|
|
|
|
Re: مواليد 66 خارج الخدمة الالزامية (Re: احمد التجانى احمد)
|
يا دينا الله يجازي محنك
إنتي هنا في البورد جا معاك ناس متحولين ما بيموتوا
أعملي حسابك اي عضة بتتحولي زيهم وتبقى من الخالدين
_______________________
نحنا تاريخ ميلادنا بنحسبوا بعد التخرج من الجامعة غايتو
وقيل بعض الناس بعدما يكملوا دراسات عليا
وقيل بعض آخر كل عشرة سنين بيغير تاريخ ميلاده وبنقصو 5 سنين
وإنشاء الله ربنا يدينا طولة العمر ونقابل دينا بعد 15 سنة نشوفها كيف
| |
|
|
|
|
|
|
|
|
|
Re: مواليد 66 خارج الخدمة الالزامية (Re: على ميرغني)
|
الاخ احمد التجاني سلامي :
الف مبروك لك ثم لي والحمدلله اني من هذه الفئة .......وصدق اني في يوم وانا استخرج في شهادة خلو الطرف من الخدمة الالزامية قابلت واحد كبير حتي لا يستطيع الجلوس لاخذ الصورة اياه.......فقال للشاب الذي يلتقط الصورة قائلاً قائلاً له والله ياابني انا ولدي الاصفر اكبر منكم
تاني جايبني هنا للخدمة الالزامية؟ فضحكت الماً ..........وقلت ياعم انت فاكر الناس دي عندها علاقة بالخدمة الالزامية؟ ديل ناس ضرائب فقط؟
| |
|
|
|
|
|
|
|
|
|
Re: مواليد 66 خارج الخدمة الالزامية (Re: على ميرغني)
|
ود القاضي وحياة الخوة 66 دي زاتها عندي فيها 15 يوم بس ولا كان هسة اكون جليت من الإعفاء دة
اما قريبتك دي بتقرا في مصر من زمن جون قرنق ملازم ، والسودان الجديد لسه في الروضة
ياخ دي كان بينادوها ب ام اربعه وأربعين قبل ما يكون عندي باسو يرد هنا
| |
|
|
|
|
|
|
|
|
 Re: مواليد 66 خارج الخدمة الالزامية (Re: احمد التجانى احمد)
|
Quote: اما قريبتك دي بتقرا في مصر من زمن جون قرنق ملازم ، والسودان الجديد لسه في الروضة
ياخ دي كان بينادوها ب ام اربعه وأربعين قبل ما يكون عندي باسو يرد هنا |
صورة من المداخلة لقريبتي تراجي عشان تجي توريك المكشن * بلا بصل ..
ــــــــــــــــــ
* بالمناسبة المكشن معناها ؟ جد
| |
|
|
|
|
|
|
|
|
|
Re: مواليد 66 خارج الخدمة الالزامية (Re: احمد التجانى احمد)
|
السلام عليكم
سيكون هناك ايصال مالي جديد تثبت فيه انك لم تؤدي الخدمة وانك من مواليد 66
العم ملاسي
قطعا القرار شامل من خدم في قوة دفاع السودان
ويتحدث القرار عن مواليد 66 وليس من بلغ به العمر 66
ـــــــــــــــــــــ
عزة السودان الخامسة
| |
|
|
|
|
|
|
|
|
|
Re: مواليد 66 خارج الخدمة الالزامية (Re: احمد التجانى احمد)
|
هلا يا صلعة
وبعد ديشيلون سنة من شوفتي ليك الاولي في كراكير الجامعة وجدت وبهذا البوست اجابة محورية ومهمة لسؤال ظل يضجع منامي
هو الناس الكبار ديل البقريهم معانا احنا الدقدق ديل شنو في قاعة وااااااحدة
وبالناس الكبار انا قاصدك انت وعباس (باوقة) وهاشم كونسايدر
فباوقة كان شعره يكسوه الشيب الشديد المفاجي
فاما انت فالصلعة تحدثك بانها من زمانات الانجليز
فاما كونسايدر فكان نازل معاش من الري او كما بداء لي في ذلك الزمان البعيد
----------
فمبروك
وعقبالنا او كما قال احد مرجفي المدينة في الاعالي
| |
|
|
|
|
|
|
|
|
|
Re: مواليد 66 خارج الخدمة الالزامية (Re: عبدالكريم الامين احمد)
|
يا كيكي دي واحده من نكبات مجانية التعليم انها تجمع بينا تحت سقف واحد لفروقات كبيرة ابرزها اننا بنشوف انه تعليمنا كلفنا (مدارس خاصة ، كورسات صيفية خارجية) بينما أنتو كلفتوا التعليم وانهكتوا موارده الشحيحة المتوفرة طبعا انت ما بتكون فأرز عمرك الحقيقي كم (ناس ولادة الحبل) لاستحالة الحصول علي وثائق ثبوتيه في تلك النواحي النايئة فقط بيكون في واحد من الكبار بيعتبر كذاكرة القرية بيربط ميلادك بحدث مهم يتذكره الكل مثل سنة مات العمدة فلان او سنة حفروا حفير القرية ... الخ والدليل علي كلامي انك كنت شغال فكي قبل نتقابل في الجامعة ري خمسة سنه كده حسب رواية عمار النور في بلدتهم
| |
|
|
|
|
|
|
|
|
|
Re: مواليد 66 خارج الخدمة الالزامية (Re: احمد التجانى احمد)
|
يا ود التجانى
الله يبشرك بالخير ياخ .. يا سلالالالالام والله ده خبر 2012 فعلا بدايه موفقه
يا بير .. كيكى ويا أحمد بطلوا المناقره دى يا دفعه
الله يحفظكم
لكن يا أحمد الكلام ده مؤكد !! باقى ناس المملكه ديل مرات بيلفحو الكلام ساااااى
المصدر يا مان
| |
|
|
|
|
|
|
|
|
|
Re: مواليد 66 خارج الخدمة الالزامية (Re: عمر محمد ابراهيم)
|
الحبيب مجتبي والله صحي ، تاني بعد الحليفة دي ما دايره اي مصدر
يا مجتبي ياخ كيكي بعد ما امتهن كتابة الحجبات والبخرات وكمان كان عنده تعاقدات مع بعض فرق الليق والروابط كفكي تكتيف للمباريات المحلية الا انه مسيرته التكتيفية انتهت بعد فشله الذريع في تحقيق نتائج إيجابية للفرق التي تعاقدت معه وحينها قرر مواصلة تعليمه الجامعي بعد ان انقطع عنه لسنوات والبركة في ناس عمار النور الذين أعانوه علي ذلك باعتباره طالب غير نظامي
| |
|
|
|
|
|
|
|
|
|
Re: مواليد 66 خارج الخدمة الالزامية (Re: ولياب)
|
الف مبروك
بس الرسوم بتاعتكم المعفية مايكون اضافوها لينا نحن لووووووولز
| Quote: نحن مواليد ( 99 ) سودان . نت ، أها بيخارجونا سنة كام ؟ |
ياولياب انت مافي ليك حل الا تقلبها !!
تعملها (66)
تحياتي
زاتوووو
| |
|
|
|
|
|
|
|
|
|
Re: مواليد 66 خارج الخدمة الالزامية (Re: khaleel)
|
يا كيكي دي واحده من نكبات مجانية التعليم انها تجمع بينا تحت سقف واحد لفروقات كبيرة
ابرزها اننا بنشوف انه تعليمنا كلفنا (مدارس خاصة ، كورسات صيفية خارجية) بينما أنتو
كلفتوا التعليم وانهكتوا موارده الشحيحة المتوفرة طبعا انت ما بتكون فأرز عمرك الحقيقي
كم (ناس ولادة الحبل) لاستحالة الحصول علي وثائق ثبوتيه في تلك النواحي النايئة فقط بيكون
في واحد من الكبار بيعتبر كذاكرة القرية بيربط ميلادك بحدث مهم يتذكره الكل مثل سنة مات
العمدة فلان او سنة حفروا حفير القرية ... الخ والدليل علي كلامي انك كنت شغال فكي قبل نتقابل
في الجامعة ري خمسة سنه كده حسب رواية عمار النور في بلدتهم
كامل تضامني مع كيكي
| |
|
|
|
|
|
|
|
|
|
Re: مواليد 66 خارج الخدمة الالزامية (Re: احمد التجانى احمد)
|
Quote: ياولياب انت مافي ليك حل الا تقلبها !!
تعملها (66) |
يلا 66/66 ، بس ممكن في أي لحظة يرجعوا إبتداء من مواليد 55
تحياتي يا الزول زاتو
Quote: ولياب تحياتي
النجيضه هي الناس ديل قراراتهم اصلا ماخاضعة لمنطق ابتداء يعني شنو يشيلوا مني رسوم مقابل تواجدي بالخارج ، ما كفاية الضرائب والزكاة الببعزقوها في مصرف العاملين عليها وبس والباقي لقنوات التلفزيون الوهمية . |
تحياتي أبوحميد
وبعد ده كلو ، لو عندي ولد ولا بنت ومتفوقين في الدراسة ، لا يسمح لهم الدخول الجامعات إلا ( القبول الخاص) وبقدر الامكان يضيقون على القبول العام .
كاننا نكنز ذهباً أو فضة ، والأدهى أنهم يعلمون أننا أغتربنا لستر الحال .
الله يعين
| |
|
|
|
|
|
|
|
|
|
Re: مواليد 66 خارج الخدمة الالزامية (Re: ولياب)
|
الأستاذ/ أحمد التجاني
الحائز على وسام الخدمة الطويلة الممتازة
والخبير في شئون الخدمة الإلزامية،،
السلام عليكم ورحمة الله،
الموضوع: استفسار عن وضع مواليد كريسماس 67
بالإشارة إلى الموضوع أعلاه، أرجو الإفادة بصورة عاجلة جداً.
فالموضوع موضوع حياة أو موت.
وتفضلوا بقبول أطيب تحياتنا،،
الطفل المعجزة
ع/ مواليد كريسماس 67 (عام النكسة)
| |
|
|
|
|
|
|
|
|
|
Re: مواليد 66 خارج الخدمة الالزامية (Re: علاء الدين صالح)
|
يا هندسة كيفك......
66 دي مكنة ما بتقسم معانا وقولا لي زول ماعندو حديدة..
حكاية تزوير شهادات الميلاد عشان تلعبو في روابط الدباغة مدني مابتحلك يا هندسة...
ما تفرح وتدفق مويتك على الرهاب لأنو في رسوم جديدة اسمها خدمة الزامية معاش ونحنا وناس ابو التومة
بندفع فيها قرابة السنة واعمل حسابك الرسوم دبل لزوم غلاء المعيشة.
مشتاقبن واخبار مرتضى شنو...
كثير من الود...
ابوعبيدة
| |
|
|
|
|
|
|
| |
احمد التجانى احمد
دينا خالد
Asim Fageary
nazar hussien
فايزودالقاضي
Hussein Mallasi
ibrahim alnimma
ود الخليفه
كمال ادريس
أمين محمد سليمان
حمد عبد الغفار عمر
عبدالكريم الامين احمد
mohmed khalail
ولياب
ALZOLZATOO
khaleel
محمد عبد الماجد الصايم
علاء الدين صالح
Abuobeida Ali Abdullah
فيس بوك
تويتر
انستقرام
يوتيوب
بنتيريست