|
|
 صبرك يا قرد..الموز بي يجيبك(توجد صورة)
|
اعلم علم اليقون... وقناة قون... وجريدة فنون... والسودان المديون.... والمناصير المعتصمون...والدنيا ام قدود... والبلد ام سدود... وكدايس الشيوعيون....وكديسة سجيمان ذات اللسان المدود......ان هذا البوستي سوف يتلحس لحسة السواد..... ويذهب سدا كما تسجم الصبرة الجداد.. ...فيلبد اخا المنبر وهو خير لباد.... فيهرش العباد.. ويبشتن البلاد... فتصيح نسوة الحي الجراد الجراد....ويجري اباكديسة ويكسّر شُدر الكداد....الراسخون..الفاسخون...النافخون.. كل له جخنون...يستشري داء اب كباس.....وتسلحب الناس، كل الناس... وترفع اللافتات ( الشعب يريد اسقاط اللباس)... لا لبس ولا التباس..زينة الشباب الككو....و(صبرك يا قرد..... الموز بي يجيبك).......الراحلون على عربيات الكارو...الساكنون تحت كباري الخيران..... يا ايتها النفس الصغيرة ادخلي بيتك دخل فيكي الما ضراكي...وشماشة من نسل عبد شمش....السليسيون السلسيون.... رحلت شلاتيت البنزين...... الحضري يا قواني يا ماسورة... يا بياض...وصه يا كنار وضع بيضك في يدي....النايحات الباكايات المدمسات بالرماد ومتكحلات بالسكن.... و(السكن هاند) يدي انا..... يا ايتها البوابير.. تبوبري ماشاء لك البوبار.. قد غاب عنك ابا علعول...وقدّل الورل...وسكنت السحلية في اضان حمار كلتوم ست اللبن....اللبن اللبن وحبوب( ما زال الشحن جاري)...وجرت الامور كداري..مع توفر المواصلات.... صويحبات البابور جاز....المقلبات المستقلبات المقلبات لخلقة ربهن....قرنن الحواجب فخاطبوهن من وراء حجاب.... والحجاب دايرو سيد البوست..... ويا راحلون الي اريزونا بقيادِ....خذو كديستي كاد ان يشقها الشوق... والشوق شقاي شاقنا والما شقنا شاقانا....
و ختامه كديسة!
* النضم دا مش كلام الطير في الباقير؟..... برضو بكري ح يحذفو.......!!!
تشارطوني؟؟؟؟؟؟
|
|
  
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: Hassan Makkawi)
|
يا دكتور عادل
رفعنا طلب للباش مهندس علشان يمنحك مزيد من الفرص
لكنك حيرتنا ذاتو.. اسع جنس نضميك الكتر دا
مابخلي الباشمهندس يرفض طلبنا وفي رواية تانية يعاقبنا ذاتنا كمان
دائر اسألك.. انت سويت شنو غلط في دنيتك الفانية دي
الله سلط عليك باشمهندس في البورد وباشمهندس في الجريدة
مصيبتك يعزو فيها الشدر
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: الزنجي)
|
| Quote: الكلام دا مااااا نجيض يا ود عمي |
ابن عمي الزنجي
نجيض بالحيل.... النجاض اخو الململة....النجّاض(الفعّال) هو الذي يعمل عمل الباعوضة في ليلة صيقفة مافيها هبة نسمة.....
وارى صيف المنبر قد طال...واشتاقت بعض المخلوقات للببات الشتوي.... ورحلة الشتاء والصيف اختذلت في طيارات البوينج!
بين الدبابة والهبابة علائق رحم...لولا تمحور الجينات....وهبوبك يا الله!
اما ما بين كديستي وبين سادن المنبر ما صنع الحداد!
والحداد يصنع منجل الشيوعية..وسيف الوهابية...
ما تهتم من الايام..دا كلام كدايس
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: على ميرغني)
|
Quote: دائر اسألك.. انت سويت شنو غلط في دنيتك الفانية دي
الله سلط عليك باشمهندس في البورد وباشمهندس في الجريدة |
علي ميرغني.... يا صديق
قالت.. العاجباها سماحتا ايمان لندن.... قبال ما تمشي لندن..وتتفلهم..... وشعرها يبقى طويل ... و تقف امام عشيقها العدس وتقول له"نيفا .....نيفا.".... قالت:-
من المسلط .......
ومن العين الشافتو ما صلّت
الليلة ساير
سلطنة عمان..... من ابناء المسلط الكندي....والمسلط الهندي ... يتلقي بهم في جدهم السابع عشر( مشترك)....اصلهم تيمان...المسلط والمصلبط...
المصلبط قيل انه جد الصومالين والمورتانيين.... او لم ترى كيف صلبطتهم....؟.... الصلبطة.... تاتيك مشحونة كارقو بعد ان يصل صاحبها باسبوع....ونحن نزرف الدمع االهتون
وفي اضان العرب :-المسلط قيل هو من اختلطت به سلطة الاسود.... او سلطة الروب... فاصبح مسلط.... وقس على ذلك المصلبط....
ويشهد الله..انني احب كليهما.... مهندس الاسافير ومهندس التيار.... ليس تكسيرا للثلج....ولكنها جمجرة......وجبت حين زنقة....!!!!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: سجيمان)
|
الاغاني الماشة في السوق والقاعدة ترقص عليها البلد كلها:-
بعض من الـــــtop ten
(1)
* قالو ليا بتسجر ****** كمان بقيت بتسف
اوعا اوعا من القزازة****** اوعى بكرة تلف
(2)
الخوة في الدنيا هينة...... مغارز الخدم عينة
(3)
بفتح فيك بلاغ عشان يعرفو الحقيقه
ياخاين العشره يا اب عينن شليقه
(4)
زي سماحتك ماشُفت***** ولا في يوم حأشوف
انا غايتو إتكسرت****** وبقولا بالمكشوف
(5)
لا بريدك لا لي بسوقك •• أمشي حصل سوقك
(6)
ترازي في حبي •• تزازي في قلـبي
أجـري وماحتـطولي
وتبقي غلـطانه انتـي
لوفكـرتي في زولــــي
(7)
كلام الناس إشاعــه ياحبيـبي ماتصدق
عشان شافـوك معايا الناس فقدت المنـطق
...... يلا مبورك... خمو.. و ...صرو!!!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: فتح الرحمن محمد)
|
حبابك يا فتح الرحمن
........سئل رجل من بني حلبة(بني حلبة...غير الحلب الحالبة والحلب المستحلبة..وغير بني هلبة.... فهم قوم مغرمون بحلب....الانعام والدواب.... وكل ذات شطر...فهم قوم حلابون.... ولا يجيدون مهنة غيرها...تصبح الواطا تلقى كل ضكر وانتاية منهم شايلة كوريتو ..ويقبض اي حيوان ويقعد يحلب.... لافرق بين ذات ناب...وذات حافر.... كل ما له مدلدل فهو يحلب......وكانت جدتهم الاولى ... حلابة دواب ابو شفيان....قيل انها في ليلة فتح مكة.....حلبت مئة من النوق.... وسقت من دخلو الي دار ابو سفيان..... حتى ان هند بنت عتبة قد اتهمتها بالمحقة...المهم)
سئل هذا الرجل عن علاقة الكديسة باللبن.... فصمت.. ثم سئل اخرى فسكت.. ثم سئل ثالثة.... فتململ ثم قال(أخير ليكم ما انضم.... ان نضمت بيوقفوني من المنبر)
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: khalid Elkhidir)
|
ياخالد.....قطعا سمعت بالمرحومة غزلية....التي غنى لها سيد خليفة
هي وبنت عمها المرحومة نانا......وبنت خالتها المرحومة زنوبة......
كل النسوان ديل كانن في حوش واحد....
غزلية سحلبت.....أولم تسمع سيد خليفة كان ينبهها(وين الروقة يا الفنية ناري اللليلة؟) لقد كانت خفيفة الله يرحمها..فسحلبت واثناء علاجها بالصدمات الكهربائية ماتت بفشل كلوي
اما نانا.... فقد ماتت بصدمة سكري....وقد نبهها سيد خليفة كذلك من مغبة سف السكر عندما قال(سكرنا كملتي...كملتي سكرنا)..... قيل انها كانت تسف نص شوال في اليوم الواحد....
اما زنوبة....ايضا سحلبت لانها اول مرة تركب قطر... اتخلعت ونططت عويناتا ومن ديك وعيك.... وغنى لها سيد خليفة(ربوها في عز وبطر
ما سافرت ما ركبت قطر).......
ولذلك تجدهم يرددون (الخبر..الخبر الكديسة ركبت القطر)......وبعض الكدايس ركوبهن التونسية!!!!!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: khalid Elkhidir)
|
الجاتك في مالك سامحتك
الي كل منشول.. او مسروق......او قروشو وقعت......
انه مثل يدعوك ان تفوّض امرك لله
اقول للشعب السوداني الجاتك في مالك سامحتك
كما قال عصمان حسين مالي والهوا.....وهو يقصد ان ماله طار مع الهوا....
كان الشاعر قد صرف الماهية...وهو راكب في حافلة جنب الشباك ويحسب فيها.... تقوم تجي هبوب من وين ما معروفه وتشسل القريشات في راسا وعيك
وهو برضو من ديك و عيك... بقى ماشي ويغني مالي والهوا...... والشعب كلو حسي يردد(مالي..مالي..والهوا).. واكلتو هوا.... يا نقناقين!!!!!!
| |
|
|
|
|
|
|
|
|
 Re: صبرك يا قرد..الموز بي يجيبك(توجد صورة) (Re: أسامة البلال)
|
Quote:
وسكنت السحلية في اضان حمار كلتوم ست اللبن....اللبن اللبن
|
ارى فيما يرى الصاحي :
طيارة جات بي فوق .. يا حاجة لأ
جات تضرب الخرتوم .. ضربت حمار كلتوم ..
ست اللبن
كبي ليا .. لبن .. لبن كبي لي
---
كخبير كائنات دفع رباعي، وقيل اكتر (ذوات ثدي، و زواحف)..
دي سحلية حلولي .. ول تشابه سحالي سااااي؟
قالوا يخلق من الشبه 44 سحلية
| |
|
|
|
|
|
|
|
|
 Re: صبرك يا قرد..الموز بي يجيبك(توجد صورة) (Re: قيقراوي)
|
سجيمان إزيك ياخ ,, يعلم الله الشوق بهيــــل عديــــل
يا حليل الونسة تحت ضل النيم وسماحة النضمي والمقيــــل
من زمنا خدو مشلخ زمن جريدة اضواء الإسفيرية , وحوش دكتور معز
دحين بتطراه ؟ زمان المعز فيه الخير كان بكشحنى بي جنس نضميك ده في الإميل
لكن تاني قط تـــــــــــــب
وبقيت اتاوق مرة مرة القاك بي جاي ولا بي هناك
دحين ما تشتغل بي بكور ده ؟ واصل واطلق البخور , من العين العنية الكافرة النصرانية
ما تختف كلامك ولا البوست ولا الكديسة زاتها الخوفني منها زمان دكتور بلة , يجازيه الله , بالخير لكن
يعلم الله دخل فيني خيفة ورجفيبة
دحين هسه جابتلها قرود ؟ نحن غايتو بنخبر قرود الطلح , والله صحي
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: اسماء الجنيد)
|
سجيمان ..كيف حالك أولا اريت حالك طيب
ثانيا متل نضمك ده ، نحن فى مجال التشكيل ، لمن نرسم لوحة بأفق سريالى ورؤية لها مدلولات معينه
يقولون لنا أخرجوا من غياهب الجب بتاعكم ده وفهمونا بالعربى إنتو قاصدين شنو وده معناه شنو
أها عندنا لوحات قريبة من نضميك ده بس الفرق أنو نضميك ده لمن تسرح فيهو كتير بوديك الخور
لكن نحن شغلنا المامفهوم ده زى ما بقولوا عنا بوديك البنك احيانا وساعتها تغبض جيبك شديد لمن
تصل البيت تحسبا من حرامى حاقد أو متعود سلف ..
أها أرقد عافية ..
محمد مختار جعفر
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: محمد مختار جعفر)
|
محمد محتار جعفر
مشروغ لوحة........
ارى علاقة وطيدة بين السريالية...والسروالية.....
السر .... ما كان بيني تلاتة (شخص والانا العليا والانا السفلى حقاتو... )
يا لية(فهي ايضا انكافئية....... يا ليّا... يا ليّك...)
السروالية..السر ما كان شرحه بعاليه.......
والية( فالولي..هو صاحب السر....والولي هو من تولى السر والجهر...او ولية...فاصبح كذلك.... وبين متونه تكمن الانا)
اخلط ما بينها أتني بلوحة....او بزبر الحديد..
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: اسماء الجنيد)
|
اسماء بنت الجنيد
بت الارابيب......والراجل الكلس
كنت زمانكتية..شايلاني العافية...وانا شايل راكوبة الهيصة فوق القنقون...
تصبح الواطا ..اقش الدرب بي حنقوق الضحك....
القليب دقاتو اتلخبطت..دقة في الشبكة ودقة أووت....
العضيمات يكركبن لا عرفتها رطوبها ولا عرفتو قاووت
معز ماهو رفيق معروّن....
علاقة الكدايس بالقرود الضنب
وعلاقتي بي بكور علاقة ضهب....
ثقافة الانقاذ ... هبشتو... استعملوهم مناديل ورق
اول ما تقضى منو، اديهو الكُدومبوس....
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: سجيمان)
|
صراحة انا خايف عليها من العين... وبقيت حارسها...وقدر ما قلت لها دخلي لسانك دا بتطمعي فيكي الشعراء وتخليهم ينضمو فيكي..هي مابية وتكاوي فيني...حتى اني قلت يا ربي خليل فرح دا يكون شافا وين وكتب كدي....:-
ام لسانا لسه معجّن
كلمة كلمة وحروفا ضجّن
تب..مو ساااااااااااعلة:-
مع القرود يا سانتوت؟ مع القرود؟.....مخيّر الله!!!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: قيقراوي)
|
قيقراوي
ايها الصديق الصدوق.... ساعة حظر تآمر علي فيها قوم فنجوط......
اما عن الهالك حمار كلتوم (رعاكم الله)......اختلف المؤرخون في سبب موته....
هل مات بسبب قنابل الطيارة الجات بي فوق؟
ام بسبب دخول السلحية في اضانو وبعبشتها؟
كوّنت لجنة من علماء الاثار والطبيعة.... وطبيب اضنين.... وحفرو ولقو حمار كلتوم ميت بنواحي غرب امدرمان.... ففتوحو الاضان ..ولقو بدل السلحية قندول بنقو....وبجانبه قوم من النمل.. يحاول ترحيل حبيبات البنقو منذ الحرب العالمية التانية الي الان...
قيل انه وفي ذات سطلة يصطف النمل صفين متقابلين صف للضكور وصف للاناتي.....وكلهم في وضعية غز الكوع.....
فتردد الاناتي:-
يا الغرامك لي جسمي ناحل
فترد الضكور:-
يا المضّمر مفدوع وكاحل
وهكذا.....الحال..الي ان يفك الله ما بهم من سطلة.......
وعندما سئل كبيرهم عن حالهم اجابهم بانهم يستعدون للمشاركة في مهرجان البقعة الثقافي
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: أسامة البلال)
|
| Quote: الزول السجيمان نوع الصنف دا بلقاهو وين والدنيا خميس؟! |
الدنيا خميس؟؟...... واين جمعة..وسبت وكوكو؟.....نوع النضم دا ياهو البيخلي الناس تتمرد....
وديل حسي يمشو يكونو جبهة تحرير. ويطالبو بتقسيم الدنيا..
و تقعد الحكومة تساسق علي الدوحة....
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: المر)
|
ابن امي وابي
المر
رغما عن اني جاهل بركوب الفيل..... ولكنني احسد اهل الكشميري... كما تحسد الغنماية كريت غنم كشمير على ما وهبها الله من موهير.. تدثر به...ووهب كريتنا شعر مزعمط يسكنه الجرب والقمل ..وعائلات من القراد المداري....فليت لها موهيرا تتباهى به وتعتلي به شجيرات الضندب وتقضم الحُنبُوق(الحُنُبُوك بلغة اهل البندر)....والحنبكة هي الزعل...والحمبوكة هي البلومة.... وعند ما كنا صغار انا وانت كنا نشتري البلوم فنسأل رابح سيد الدكان ان يدينا حنابيك....فيصححنا انها هنابيب يا عرب... بالرغم من الاصمول "تي" التي ترقد على جُضمو...واذكر ليلتك الليلاء تلك، ليلة الحمبيك الاخير،وانت تصيح وتبكي(داير لي حمبوكة...وااااااااااااع..... داير لي حمبوكة....واااااااااع).... فيوعدوك بها عند شروق الشمس، فتنوم غرير العين مادي قدومك وكأنك تنفخ فيها...والي يومنا هذا لم يسهل الله لك ان تُحمّبك...فدع ريان تُحمبِك كما تريد...... يا شقيقي!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: Mohamad Shamseldin)
|
محمد شمس الدين
Quote: أهل العوض كتبو (الشعب يريد إسقاط السروال) .... أخر مره شفت الرايه دي مرفوعه كان في "مصراته"... نواحي بحر أبيض
|
عوض ...العوض...عوض الله.....وينو لي عوض الليلة.... كواريك لندى القلعة..... مع تدني الرعاية الصحية كانت الحوامل تدافق...او يموت الطفل ... اسم العوض تضرع الي المولى ان يحفظ الطفل من ان يلحق الرقدو....,ويكون عوضا عن من راحو في حق الله
الانتاية تسمى عوضية...... مع الاحتفاظ بكامل ملابسها....!!!
حنان بلوبلو نادت حمادة..... فكاوتها ندى القلعة بان نادت عوض..... اعتقد ان المعركة محسومة لصالح عوض....لبس العوض السروال والعراقي.... وتمنطق حمادة بالسيستم ضارب....فبنطلون حمادة اقرب الي السقوط من سروال العوض.....سروال العوض مربوط بتكة مشفرة وباس ورد يصعب على الهكر كسرها....بينما سيستم حمادة على الهبشة!! وببليك!
والله اعلم
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: محمد الطيب يوسف)
|
دكتور محد الطيب يوسف
Quote: ده شهر حداثي حلوب
اديني معاك كورة بالله |
تحايلا على البورة..استحدث اهل الشأن عرس الكورة
فكان العرس الجماعي...... وعرس الشهيد..
وعرس القمرا لابي الدردوق وهو زواج في معظم المذاهب باطل( لانه مشروط بمهر يفوق مهر كريمة موسى هلال)
الكورة ... إناء... له دور كبير في تناسلنا( وكورة أم قعار تحت سريرو جيبيه ختّيه.. بنيتي حسابك)
اما من الشعر الحداثي فلك تُمنّة........ يا صديق
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: محمد قسم الله محمد)
|
محمد قسم الله
سلامة قلبك...وقلوب كل القراء
| Quote: كلامك يجيب البوليص راسو عديل. |
البوليص..ا مع لبوليص انا ما ماشي .. يا قايد الديش
تمردت نساء الحي علي البوليص.... واستنجدنا بالدياشة في شخص قائدهم....
وانحاز الديش لنساء الحي....فنجحت الانتفاضة.... فكانت ستة ام ريل وذلك لتمرد النساء على البوليص.... واختفى اب ريل... لتقاعص الضكور
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: سيف الدولة كامل)
|
سيف الدولة كامل
ما عندي ليك ولي ام نقة غير نشيد الضعفاء والمساكين واليتامى والارامل:-
الكضب حرام
والقبر قدام
السرير حديد
والكفن جديد
ومدحة وين تمشي:-
سيف وين تمشي
من رب العباد
وين تمشي؟
يا اب نضمّن غُلاد
وين تمشي
وام نقة معاك
وين تمشي؟
ام جضومن غُلاد
وين تمشي؟
(هذا بداية مشروع بوستي)
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: محمد عبد الماجد الصايم)
|
محمد عبد الماجد الصايم
Quote: وإن شاء الله عجبكـ!!
|
صديقي الذي كاد الضحك ان يشرطه.......
بيض الحمائم لا سود الدبايب
في متونهن جلاء الشك والريب
يعاني كنار الجنة .... من طناش السادة( كنار الجنة ....قول للسادة عاشقك جنا)
اتخد من تعريشة راكوبة ام الحسن مسكناً..... فعلم بصير الحي بان به..كوكة....
وتاكدت لي كوكته....فكان اذا اتشنقل انزوت....واذا دنقر تكرضمت..... فخفت على الكنار ..من قطع الخلف....!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: سجيمان)
|
محمد عبد الماجد الصايم
عذرا.... لقد اصبت بتأنيب ضمير....حقيقة علمية لابد من ذكرها وهي:-
ان كل صاحب كوكة...لو حرّقت جنبو ريش طير..تتلبش الكوكة وتصيح(غوووووووووووووغ).....
وهي طريقة مثلى لكشف الكوّك..... يعني لو عندكم مناسبة وحرقت ريش..فتسمع الغووووووووغ.....
وتستطيع ان تحصر اصحاب الكوّك....وتسلمهم لي ناس الضرائب
(اقصى مسافة لغوووووووغ الكوكة عند حرق الريش هي دائرة قطرها مئة فرسخ)
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: سجيمان)
|
| Quote: وفي اضان العرب :-المسلط قيل هو من اختلطت به سلطة الاسود.... او سلطة الروب... فاصبح مسلط.... وقس على ذلك المصلبط.... |
حلوة يا سجيمان .. وقسنا وفعلا لقينا آل صومال وموريتان هم سلالة المصلبط (لكن هي والله جنس صلبطة) .. (تقصّر التوب) .
كديستك عينة لكن البتراود القرد عن نفسه دي ...
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: امير عوض الجمري)
|
امير عوض الجمري
سررت جدا... انك وفقت الي القياس....
بعض السودان وقليل من البيضان.... يحاولون ان يثبتو نسبهم الي المسلبط....فكانت ادوات البحث من حقن وحبوب
بعضهم وفق...وبعضهم كانت صلبطتهم شتراء,,, فبدل ان ينتمو الي المصلبط اصبحو ينتمون الي المكرشّم التندلي...والمجضّم المدلدلي..
.والضهر شارع الانقاذ.... مستوي كخط الاستواء... الا من هضيبتين تؤدين الي حفرة النحاس....
سررت بمرورك!!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: محمد ابراهيم قرض)
|
Quote: اعلم علم اليقون... وقناة قون... وجريدة فنون... والسودان المديون.... والمناصير المعتصمون...والدنيا ام قدود... والبلد ام سدود... وكدايس الشيوعيون....وكديسة سجيمان ذات اللسان المدود......ان هذا البوستي سوف يتلحس لحسة السواد..... ويذهب سدا كما تسجم الصبرة الجداد.. ...فيلبد اخا المنبر وهو خير لباد.... فيهرش العباد.. ويبشتن البلاد... فتصيح نسوة الحي الجراد الجراد....ويجري اباكديسة ويكسّر شُدر الكداد....الراسخون..الفاسخون...النافخون.. كل له جخنون...يستشري داء اب كباس.....وتسلحب الناس، كل الناس... وترفع اللافتات ( الشعب يريد اسقاط اللباس)... لا لبس ولا التباس..زينة الشباب الككو....و(صبرك يا قرد..... الموز بي يجيبك).......الراحلون على عربيات الكارو...الساكنون تحت كباري الخيران..... يا ايتها النفس الصغيرة ادخلي بيتك دخل فيكي الما ضراكي...وشماشة من نسل عبد شمش....السليسيون السلسيون.... رحلت شلاتيت البنزين...... الحضري يا قواني يا ماسورة... يا بياض...وصه يا كنار وضع بيضك في يدي....النايحات الباكايات المدمسات بالرماد ومتكحلات بالسكن.... و(السكن هاند) يدي انا..... يا ايتها البوابير.. تبوبري ماشاء لك البوبار.. قد غاب عنك ابا علعول...وقدّل الورل...وسكنت السحلية في اضان حمار كلتوم ست اللبن....اللبن اللبن وحبوب( ما زال الشحن جاري)...وجرت الامور كداري..مع توفر المواصلات.... صويحبات البابور جاز....المقلبات المستقلبات المقلبات لخلقة ربهن....قرنن الحواجب فخاطبوهن من وراء حجاب.... والحجاب دايرو سيد البوست..... ويا راحلون الي اريزونا بقيادِ....خذو كديستي كاد ان يشقها الشوق... والشوق شقاي شاقنا والما شقنا شاقانا....
و ختامه كديسة! |
الحاضر يكلّم الغايب ... انا برئ من سجيمان براءة الذئب (وقيل الكنار) من الموز ... والخوّاف ربّى عيالو ...
(والله بالجد جد ... بالطريقة دي يوم بتكتل ليك زول!)
... المهم ....
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: تبارك شيخ الدين جبريل)
|
صديقي تبارك
اولا أزف اليك اعجابي باسمك... تبارك
لا شك ان والدكم عليه رحمة الله..كان رجلا حكيما مبدعا.....
كان ممكن يسميك مبارك..... ولو كان كذلك لارتبط اسمك في ذهني ببتاع الخُرد...
مبارك بتاع الخرد .... طواااالي حايم في حلتنا... واعلى سعر عندو تلاتة جنيه ان جنيت ما بيزيدك
تجيب ليهو بوتجاز جديدة من الورقة.... يقول ليك بتلاتة جنيه ويطلع لك فيها مليون عيب......
اما مبارك مصر.... فصدقت فيه السورة التي سميت انت بمطلعها.... ينزع الملك عن من يشاء...ويرقد في العنقريب من يشاء
العنقريب و(ولاد نعش.)... ابناءه الاتنين ووزراءه الاتنين...
اما زوجه سوزان تغسل في هدومها تحتضن طشتا و تندب حالها وتغني(سو يا سو...حبيبي حبسو)
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: عبدالفتاح أبوشيمة)
|
صديقي ابا شيمة
ورفيق درب الاستاد... ومحطات ستات الفول والتسالي...والشحادين الغبايا الدايرين مننا من غير ما يراجعو لستة اعضاء نقابتهم........
كيفن القليب بي يطيب
ما دام انت ياكا طبيب
سؤال وجهته لجنة اكسجين مستشفى بحري لادارة المستشفى
فاجابت الادارة ... نعلو ما طاب امشو اسعلو الحيكومة
فيشير كبير الادارة الي لافتة كبيرة في خشم باب المستشفى مكتوب عليها(فاذا مرضت فهو يشفين).......
ويسأل اللجنة...نحن هنا مكتوبين ؟...فيجيب احد اللجناء بأن "كو"
فيرد مدير المستشفى وبارتياح(وتيب؟).....ويردف نحن هنا ربنا قاسم لنا لقمة عيش..نجي ناكلها ونمشي اهلنا....
القليب الخليتو يا ابو شيمة..ما زال يضرب لكن اريتو ما ضربك....يركن ،ادي سدري ضربة يرجع يشتغل تاني....
يركن وانا ادق السدر...يركن وانا ادق السدر..... يركن وانا ادق السدر واكورك:-
بريدك يا صباح عمري....
تقول لي:- اسمعني يا صباح الخير
و يا جمل الشيل
بريدي في الهوتميل!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: ابو جهينة)
|
Quote:
ففتوحو الاضان ..ولقو بدل السلحية قندول بنقو....وبجانبه قوم من النمل.. يحاول ترحيل حبيبات البنقو منذ الحرب العالمية التانية الي الان...
قيل انه وفي ذات سطلة يصطف النمل صفين متقابلين صف للضكور وصف للاناتي.....وكلهم في وضعية غز الكوع.....
فتردد الاناتي:-
يا الغرامك لي جسمي ناحل
فترد الضكور:-
يا المضّمر مفدوع وكاحل
وهكذا.....الحال..الي ان يفك الله ما بهم من سطلة.......
وعندما سئل كبيرهم عن حالهم اجابهم بانهم يستعدون للمشاركة في مهرجان البقعة الثقافي
|
و العهدة على البياتي :
مملكة النمل كأي مملكة .. مكونة من:
ملكة
جنود
عمال
و مفكرين .. يتساءلون -لمن ما يكونوا مشاركين في المهرجانات الثقافية (اضافة من عند الراوي-قيقا) - يتسالون :
هل ثمة وجود لغيرنا!؟
صراحة بعد حادثة اغتيال المغدور حمار كلتوم .. و مآلاتها كما جآت في اللجنة الفنية المنثقة ..
انتقلوا - حسب الفي راسم - الى التفكير و الافتاء و التقرير في مصير حمار كلتوم .. هل هو هالك زي ما تفضلت .. ام شهيد الغيلة و الغدر الصليبي .. ام فطيس ساي!
---------
باقي ليك اسي ما بكونوا راسم دا مشطوب -لو صحي هن نمل مفكرين - انو بعمايل الحيكومة البتعمل فيو دا (انظر يمينك بالله عليك) ..
اها ما بكونوا مرعوبين من (غرار) الحيكومة باباحة مملكة النمل للشعب السوداني دا
لووووووول
بركة في [المضّمر مفدوع وكاحل] ساي غايتو .. رأفتن و رحمتن بالشعب السوداني الفضل .. المغلوب على امره دا ..
هو فيو حيل .. ولسان حال الحيكومة يردد في ربيع مستعرب يخصها تماماً :
النظام يريد اسقاط الشعب .. من طولو!! 
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: قلقو)
|
قلقو
انا اقصد حجارة البطارية.....وليس البطارية شخصيا.... تلك التي ارى ان لها علاقة بذوات الحافر!!!!
اما عن شعب الكعوك... فهو شعب قد انقرض بسبب الكعك....
عندما قامت شكلة في طابونة وكل زول شايل صينيتو داير ينجض الكعك....
فحاول بعضهم ان يدقس الاخرين ..فكانت حرب المنيّن......والله اعلم
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: قيقراوي)
|
قيقراوي
نعم للنمل مفكرين.... واما النملة التي خاطبتهم يوم ان جاء جيش سليمان فهي حكيمة....
ليست كالبصيرة ام حمد.....
ولكن تفكير النمل المسطول قد يودي في ستين داهية....
واعتقد ان البصيرة ام حمد عالجت موضوع العجل وهي تعاني من سطلة...
لي عودة يا قيقا لمناقشة جدلية النمل واضان حمار كلتوم......
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: ابو جهينة)
|
ابا جهينة
صديقي الاديب الاريب
الوحشة ليكم والله
سررت بتواجدك في بوستي .... (محاولة الوفاق ما بين الكدايس والقرود.).وقد وقفنا بحمد الله....
وعقد القران قريبا.......
وسوف يمتلئ المنبر من نسل قرديس....
اكتشفت صدفة يا صديقي ان جدنا ليس العباس... بل هو الكباس...
اطفالنا يمتطون حمار النوم.....
وساستنا يعتليهم اب كباس.....
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: على ميرغني)
|
Quote: صديقي تبارك
اولا أزف اليك اعجابي باسمك... تبارك
لا شك ان والدكم عليه رحمة الله..كان رجلا حكيما مبدعا.....
كان ممكن يسميك مبارك..... ولو كان كذلك لارتبط اسمك في ذهني ببتاع الخُرد...
مبارك بتاع الخرد .... طواااالي حايم في حلتنا... واعلى سعر عندو تلاتة جنيه ان جنيت ما بيزيدك
تجيب ليهو بوتجاز جديدة من الورقة.... يقول ليك بتلاتة جنيه ويطلع لك فيها مليون عيب......
اما مبارك مصر.... فصدقت فيه السورة التي سميت انت بمطلعها.... ينزع الملك عن من يشاء...ويرقد في العنقريب من يشاء
العنقريب و(ولاد نعش.)... ابناءه الاتنين ووزراءه الاتنين...
اما زوجه سوزان تغسل في هدومها تحتضن طشتا و تندب حالها وتغني(سو يا سو...حبيبي حبسو) |
بوستيك الخلانا نكوس للفدع والكحلان في الشحاميط دا .... تلاتة جنيه تبيع؟
(بس ما بتحمّل تبعات مسؤولية أي متضرر ... ما داير ليّ بلاغ ازعاج سلطات وفواكه بالليل دا!)
... المهم ....
| |
|
|
|
|
|
|
| |
سجيمان
فتح الرحمن محمد
Hassan Makkawi
الزنجي
khalid Elkhidir
محمد قسم الله محمد
Mohamad Shamseldin
خالد المحرب
أسامة البلال
قيقراوي
اسماء الجنيد
محمد مختار جعفر
سيف الدولة كامل
محمد عبد الماجد الصايم
Magdi Ahmed Elsheikh
امير عوض الجمري
عبدالفتاح أبوشيمة
تبارك شيخ الدين جبريل
ابو جهينة
قلقو
Hatim Elzubair
حافظ انقابو
أمجد الزين
فيس بوك
تويتر
انستقرام
يوتيوب
بنتيريست