|
|
 حمزة سليمان - اجزم انك فنان ومعتق بالعجوة
|
فان اصحى على سلمى وارتشف المساء على صدر سلمى
فانا كم احب سلمى ولم اكن االا انسكابا من كوب سلمى
لقد وفقك الله فى لحن اغنية سلمى جدا
كلمات بعيدة
ولحن منساب كالماء الازرق البلورى
وووواداء معتق بطعم العجوة
كم احببتك فانت تصنع يومى بابتسامة سلمى
|
|
 
|
|
|
|
|
|
|
 Re: حمزة سليمان - اجزم انك فنان ومعتق بالعجوة (Re: إبراهيم عبد الحليم)
|
سلام يا دكتور ..
أنا من اكثر المعجبين بهمزة سليمان والحانه المدهشة البعيدة عن التقليدية ..
بالله عليك اسمع (عالجني يا عابدين شرف .. سامحني يا أستاد الهلال) ..
الحان عجيبة غريبة كل ما اسمعها ينتابني شعور أنها لا تنتمي أبدا لواقعنا الفني الملئ بعضه بغث الالحان يخالطها سمج الكلمات ..!
الله عليك يا همزة .. الله عليك يا دكتور ابراهيم ..!
| |
|
|
|
|
|
|
|
|
Re: حمزة سليمان - اجزم انك فنان ومعتق بالعجوة (Re: ناذر محمد الخليفة)
|
ياذوق يا نغم يا ابراهيم
يا حلو يا دسم يا ناذر
يا حمزه يا فخيم
ليكم الحب والود
ويا ناذر حمزه من جيل الملحنين المجددين
وذو اسلوب سهل ممتنع
مهتم بالمفرده المعنى
وعنده ما يدهش ولكن منو البقول البغله فى الابريق
الاعلام المسموع والمقروء مشغول بساقط القول وساقط السياسه؟
حمزه من جيل التنوير ولى مداخله اذ انى بدات اكتب عن الملحنين الشباب
وحمزه شيخ الملحنين الشباب تاتى لاحقا كان الله مد فى العمر
انور عبد الرحمن
وعندى ما يدهش من الحان حمزه غير المسموعه؟؟
| |
|
|
|
|
|
|
|
|
|
Re: حمزة سليمان - اجزم انك فنان ومعتق بالعجوة (Re: anwar abu gaidaa)
|
سلام يا أبو غيداء ..
بالله عليك الحان همزة غير المسموعة دي برنا بيها إنشالله على إنفراد ..
الحاجة التانية ..
يا خي صاحبنا دا يا ريت لو كمان بر الساحة الفنية بألبوم كامل الدسم يلطف لينا الجو المسخن بي حرامية القلوب البيتلبو بي غنية ويقبضوهم بي غنية تانية !!
الساحة الفنية بعد الغنيتين الفاتوا ديل موعودين بي اغنية جديدة بعنوان (حرامي القلوب جلدوهو) ..!!
نحن لي متين حا نباري الحرامية حرامي القلوب تلب .. حرامي القلوب قبضوهو . حرامي القلوب ز..... ؟!
وزي همزة سليمان دا ما عندو البومات في الساحة .. لو نشر ألبوم واحد .. حا يكون الألبوم زي دورية الشرطة تطرد لينا الحرامية ديل ..!!
| |
|
|
|
|
|
|
|
|
|
Re: حمزة سليمان - اجزم انك فنان ومعتق بالعجوة (Re: طارق ميرغني)
|
شكرا يا فنان .....يا جميل ....ود عبد الحليم ...هكذا اهل الفن
حمزة سليمان عرفته فنانا ومطربا برفقة مجموعة عقد الجلاد في الزمن الجميل ....كان مميزا وقتها ......ولكن لم تسمح ظروفي بلقاءه..
اسعدني زماني بان اكون في نفس المهجر ....فالتقيته كثيرا
فنانا وانسانا ....ومعلما ....وسودانيا اصيلا بكل سماحة الوطن .....وملامحه ......لم نقصده في امر الا وكان سباقا ....
حمزة الانسان اجمل بكثير من الفنان .....وحمزة الفنان اجمل بكثير من الانسان ......وبين هذا وذاك يظل مطربا جميلا متفردا له اعمال كثيرة ....لم ترى النور بالصورة المتعارف عليها ....فاجانا ذات ليلة بالعديد من الاغنيات التي كانت من صنيعه لحنا واداءا وكلمات ....
فهذا الحمزة فنان فعلا كامل الدسم ....معتق بالعجوة ...والنبيز يا حليم لا عليك فالكثيرون مغرمون بالنبيز المعتق .......
نتمنى ان تخرج هذه الاعمال للنور وساعتها سيكون الحديث .....
له منا كل الامنيات بقدر العطا البلا حساب ولك ابراهيم الامنيات بالتوفيق والنشوة بالعجوة كما تريد (في المانيا عندكم ؟)
ومني محبتي
| |
|
|
|
|
|
|
|
|
 Re: حمزة سليمان - اجزم انك فنان ومعتق بالعجوة (Re: إبراهيم عبد الحليم)
|
Quote: سلام يا دكتور ..
أنا من اكثر المعجبين بهمزة سليمان والحانه المدهشة البعيدة عن التقليدية ..
بالله عليك اسمع (عالجني يا عابدين شرف .. سامحني يا أستاد الهلال) ..
الحان عجيبة غريبة كل ما اسمعها ينتابني شعور أنها لا تنتمي أبدا لواقعنا الفني الملئ بعضه بغث الالحان يخالطها سمج الكلمات ..!
الله عليك يا همزة .. الله عليك يا دكتور ابراهيم ..! |
ناذر
تحياتى واشواقى
وينك يازول ما شفتك لافى فى شوارع الخرطوم نجى ما نلقاك
سا حاول استعرض اعمال الفنان الراقى حمزة سليمان فالرجل خزنة مليئة بابداعات لاتوصف فيدك معاى
فى الفترة الاخيرة يلحظ تخرج بعض الابداعيين من رحم مدرسة عقد الجلاد مثال محمد الخاتم و ابوذر عبدالباقى و عوض الله - توقف للاسف و مجاهد - امريكا. هؤلا كان تم صقلهم واكسابهم صفات وصبغات عقد جلادية لا تخطئها عين الناظر البسيط دعك عن الملم وهذا يدل ايضا عن ان عقد الجلاد كتبت وتكتب لازالت فقرة هامة وفارقة فى مسار الاغنية السودانية.
عجلة التقدم تواصلت عند حمزة سليمان الذى رفد عقد الجلاد بالحان مذكورة مثل ياجمال النيل والخرطوم باليل ليتقدم لناصية اخرى لحنية رمزية سودانية تراثية ممكن نقول
يتبع
| |
|
|
|
|
|
|
|
|
|
Re: حمزة سليمان - اجزم انك فنان ومعتق بالعجوة (Re: إبراهيم عبد الحليم)
|
التحايا النواضر لك يا دكتور ولحبيبنا الأستاذ / حمزة ود الحاج سليمان ..
وللمعلم الأول د. الماحي ولكل الأسرة الفنية التي تخرج منها حمزة ولا زالت تنجب
حمزة رجل مجتهد ومجدد ربنا يحفظه .. وأجزم بأن الفن السوداني موعود بتطور هائل
في مقبل الأيام ...
-------------------------------------------------------
يا ناذر ياخي ما قالوا الأغاني على شاكلة (حرامي القلوب) وكده ,, أغاني هادفة
( للهجيج واللازم منه)
وبعدين ياخي ما انا منتظر وكده .. ما اديتنا النجيضة .. يعني نقنع ولا شنو ؟؟
| |
|
|
|
|
|
|
|
|
|
Re: حمزة سليمان - اجزم انك فنان ومعتق بالعجوة (Re: Dr. Ahmed Amin)
|
Quote: ياذوق يا نغم يا ابراهيم
يا حلو يا دسم يا ناذر
يا حمزه يا فخيم
ليكم الحب والود
ويا ناذر حمزه من جيل الملحنين المجددين
وذو اسلوب سهل ممتنع
مهتم بالمفرده المعنى
وعنده ما يدهش ولكن منو البقول البغله فى الابريق
الاعلام المسموع والمقروء مشغول بساقط القول وساقط السياسه؟
حمزه من جيل التنوير ولى مداخله اذ انى بدات اكتب عن الملحنين الشباب
وحمزه شيخ الملحنين الشباب تاتى لاحقا كان الله مد فى العمر
انور عبد الرحمن
وعندى ما يدهش من الحان حمزه غير المسموعه؟؟ |
هلا وغلا ابوغيداء
الاشواق بحر ممتد
وينك هل بالسودان ام بهولندا؟
طالما وانت اللصيق بحمزة فارجو اتحافنا بهذه الروائع
Quote: حمزه من جيل التنوير ولى مداخله اذ انى بدات اكتب عن الملحنين الشباب
وحمزه شيخ الملحنين الشباب تاتى لاحقا كان الله مد فى العمر |
ده الكلام وكلنا اذان صاغية
| |
|
|
|
|
|
|
|
|
|
Re: حمزة سليمان - اجزم انك فنان ومعتق بالعجوة (Re: إبراهيم عبد الحليم)
|
فى بواكير صباه اللحنى رفد عقد الجلاد برائعة جمال عبد الرحيم
المناظر هى ذاتها والصور ونفس المشاهد
الشوارع البيوت الاماكن المقاعد
والزمان ثابت مكانه والرقم اللسه واحد(صرخه)
واعقبها برائعة التيجانى حاج موسى
ابوى يا فارس الحوبه(فارس الحوبه)
ولى عند محجوب شريف ود باب السنط
ولعاطف خيرى كلم الزهره
قصدت بهذه الامثله نماذج شعريه لمدارس مختلفه متفقه؟
وخروج بالالحان من دائرة الدائرى
الى افق جديد
ولى عوده
انور عبد الرحمن
| |
|
|
|
|
|
|
|
|
|
Re: حمزة سليمان - اجزم انك فنان ومعتق بالعجوة (Re: إبراهيم عبد الحليم)
|
Quote: بالفعل اخي دكتور ابراهيم
لحن بديع وعزف متميز ودا من ذوقك يا فنان
ولذيذ يا ناذر
Quote: بألبوم كامل الدسم يلطف لينا الجو المسخن بي حرامية القلوب البيتلبو بي غنية ويقبضوهم بي غنية تانية !!
والله مرضونا مرض |
العزيز ابو الفن طارق
تحيات واشواق واشادة باذنك السميعة
تخريمة
انشاء الله تكون شاهدت وتابعت الاعمال الجديدة التى قدمتها بقناة الشروق وقوون
| |
|
|
|
|
|
|
|
|
|
Re: حمزة سليمان - اجزم انك فنان ومعتق بالعجوة (Re: HAMZA SULIMAN)
|
الرجل المشبع فن حمزة سليمان
استمتعت جدا بالاستماع لاعمالك الغنائية وشعرت من واجبى وحقك عليى ان استعرض جزء من اعمالك والحانك هنا لمزيد من الاطلاع بالرغم من عدم سابق معرفة بيننا ولايهم المهم ان ما تقدمه من راقى اعمال يحرك الوجدان والدواخل.
يسعدنى جدا مد جسر المعرفة ليك فالهم و الطموح الفنى واحد فنحن نحاول ان نقدم للفن والوطن بضع محاولات اتمنى ان تلبى قليل طموح.
دم كما انت واطمح فى المواصلة برغم معرفتى بضيق الوقت وضغوط الحياة والاسرة. ولكنها اغنيات تتسلل للاعماق وتغوص فى الشرايين.
تابع الايميل لو سمحت
| |
|
|
|
|
|
|
| |
إبراهيم عبد الحليم
ناذر محمد الخليفة
ايهاب
نعمات حمود
HAMZA SULIMAN
فيس بوك
تويتر
انستقرام
يوتيوب
بنتيريست