|
CPA بورداب امريكا ساعدونا بالمقابضة
|
مشت للفكي قالت ليهو دايرة العرس كتب ليها البخرات اللازمة ومحاية السكر للحمام الميت همت بالخروج فناداها من تحتها الا تخافي بس داير منك المساعدة اساعدك بشنو يا الفكي ؟ قابضي قابضي ...... . . عمكم مختار يا شباب قرر الحصول على المذكورة اعلاه ما البتقابض .... الـ CPA ومن بيت النمل حقها ومنها حج ومنها بيع سبح ولي وللسوق دلونا على المعاهد الممتازة التكلفة الفترة للزول المقددا والزول المخو تقيل واسئلة تعسفية كتيرة تطرح لاحقا للفائدة العامة والخاصة ومشكرين يا بهوات مقدما. . .
---------------------------------- الـ CPA للذين لايعرفونها هي Certified Public Accountant
|
|
|
|
|
|
|
|
Re: CPA بورداب امريكا ساعدونا بالمقابضة (Re: عبدالله ود البوش)
|
سلام مره اخرى الحبيب عبدالله طبعا اخوك امتحن فى 98-99 زمن الورق والقلم بس
http://www.another71.com/cpa-exam-japan-leban...b-emirates-uae-2011/
The AICPA has announced that “beginning in the second half of 2011, candidates who qualify will be allowed to schedule their CPA Exam at select international locations.
It will be the same examination offered in the U.S. and it will be given in English only, regardless of location. In addition, the exam will be offered at the international locations for only one month within each testing window. Information about the testing dates is expected to be available in the fourth quarter of 2010. The exam will be offered at selected Prometric testing centers in Bahrain, Kuwait, Japan, Lebanon, and the United Arab Emirates (UAE).”
| |
|
|
|
|
|
|
Re: CPA بورداب امريكا ساعدونا بالمقابضة (Re: ايوب عبدالرحيم)
|
يا اخوانا ود البوش صاحبي دا قال ليكم سيبي ايه .. ؤ زوغة!
تجيبوا ليو مراكز اقليمية؟
داير يحج ويزور و يزوغ في ي ي ي AICPA اتسلف .. ا المافي شنو!؟
-------
ولّ قاصد اتفاقية السلام الشامل انت يا فردة؟
ما تنسانا من صالح الدعوات و اوراق الزيارات .. خلينا نجي نحج و نزوغ معاك .. سمح؟
| |
|
|
|
|
|
|
Re: CPA بورداب امريكا ساعدونا بالمقابضة (Re: قيقراوي)
|
Quote: يا اخوانا ود البوش صاحبي دا قال ليكم سيبي ايه .. ؤ زوغة!
|
بعد السيبي ايه البعقدني مع الطير ديل شنو تاني ؟
قيقا يا دفعة انت اقعد خرف لي هنا في الصحراء دي سحا غدقا سحا غدقا ومجاري تصرفا ما عندكن
----------------------------- فعلا المرفعين بعرف جعار رفيقو شكرا يا مرعفين
|
|
|
Re: CPA بورداب امريكا ساعدونا بالمقابضة (Re: ايوب عبدالرحيم)
|
الاخ ايوب عبدالرحيم تحية وسلام واحترام
Quote: انا مستعد لاي مساعدة
|
والله ما بتقصر وكل الشباب تبرعوا بالمساعدة بعد كدا التقصير الا اجي من عمكم مختار الله اهوينيني
Quote: هل قمت اولا بعمل تقييم لشهادتك
|
شهادتي بكالوريوس من معهد الكليات التكنولوجية النوع المطبوع بمكنة التايبست وعليها الدمغة القانونية 5 مليمات اها دي بقيموها وين ؟ ارجو الافادة
Quote: الخبر السار انه يمكنك الاختبار في عدة مراكز في الشرق الاوسط وقد بدا هذا في نهاية 2011 |
خبر سار فعلا ولكن الغريبة الرياض ليس من ضمن هذه المراكز وبرضو البحرين ما بعيدة قطعة رزقالة شكرا استاذ ايوب
| |
|
|
|
|
|
|
Re: CPA بورداب امريكا ساعدونا بالمقابضة (Re: أمير عثمان)
|
الاخ أمير عثمان تحياتي
شكرا جزيلا لهذه البشرى السارة
Quote: Quote: We are pleased to announce that candidates wishing to sit for the Uniform CPA Examination in Japan, Bahrain, Kuwait, Lebanon, and the United Arab Emirates from August 2011 may now apply through one of the participating state boards of accountancy. Please visit the NASBA website to download the Candidate Bulletin and view the up-to-date list of participating state boards of accountancy |
والبحرين هي اقرب مركز بالنسبة لي والله اعيني علي قراية الكبر ام فهما مدغمس
| |
|
|
|
|
|
|
Re: CPA بورداب امريكا ساعدونا بالمقابضة (Re: moaz elsir)
|
الاخ ودالبوشني سلام تربيع من هنا لي هنووووووووووووووووووووووووووووووووووووووووووك والله الشباب ماقصروا معاك ومافضلوا لينا فرضا ناقص ان شاءالله تلقى مرادك معاهم وان لا ادينا خبر بنجيك بالنجيضة والموضوع ده كلم بيه صاحبك زيادة اصلو سال منو كتير
| |
|
|
|
|
|
|
Re: CPA بورداب امريكا ساعدونا بالمقابضة (Re: عبدالله ود البوش)
|
يا زول خليك من الـ CPA دي شغل ما مرتب خش على الـ ACCA
لذيذة وشاملة وكاملة أكان معايير أكان تقارير
وتقراها بي راحتك وعمك Rob Sowerby
راقد هبطرش على http://thepiratebay.org/
ولو كنت في الإمارت عليك بي مكتبة زمزم في المرقبات
على يدك اليمين وانت جاي من مركز القبايل
وانت ماشي على دوار الساعة القبل جسر المكتوم
تحتهم في محل اسمو اضواء الصالحية
الناس ديل عندهم سيلبوس يحيّر حنانك زاتو
واسعارم معقولة
وفي النهاية
it's up to you
| |
|
|
|
|
|
|
Re: CPA بورداب امريكا ساعدونا بالمقابضة (Re: ASHRAF TAHA)
|
الزميل ودالبوش سلامات ,, جميل أن تحاول الجلوس لنيل زمالة المحاسبين الأمريكية,CPA لو حاولت الإمتحان من أمريكا فستأخذ مادة الضرائب (Tax) والله مادة سخيفة ومعقدة عمومآ الباص في المادة 75 ويشترط المرور في المواد الأربعة ,, الرسوب في المادة يتطلب أعادة الإمتحانات مرة أخرى حتى لوكنت ناجحا فيها ,, حقيقة ال CPAs أصبحوا على قفا من يشيل لكن هنالك نقص كبير في حاملي مؤهل ال CIA وسوقهم حار Ceftified Internal Auditors أي المراجعين القانونيين وإمتحان المعادلة يتطلب الجلوس لخمس مواد وهنا الموقع الرسمي لزمالة المراجعين ولك الود. http://www.ciaexam.edu
| |
|
|
|
|
|
|
Re: CPA بورداب امريكا ساعدونا بالمقابضة (Re: عادل نجيلة)
|
الاخ عادل نجيلة سلام وتحية يا استاذ
Quote: لو حاولت الإمتحان من أمريكا فستأخذ مادة الضرائب (Tax) والله مادة سخيفة ومعقدة |
والله يا استاذ كان سخيفتا كيفنو اخير لي من سخف الشرق الاسخف دا
Quote: الرسوب في المادة يتطلب أعادة الإمتحانات مرة أخرى حتى لوكنت ناجحا فيها |
انا سمعت بانو في نظام جديد يقبل نجاح حتى المادة الواحدة ويعتدمها حتى تكمل الباقي بالله اتأكد لي من النقطة دي ... معليش يا استاذ اتعبناك معانا . .
Quote: لكن هنالك نقص كبير في حاملي مؤهل ال CIA |
بس المشكلة دي برضها لو بقت على قفا البشيلوها يكون اخير ديك على كل ائ شهادة تفيد حاملها شكرا جزيلا اخي عادل نجيلة
| |
|
|
|
|
|
|
Re: CPA بورداب امريكا ساعدونا بالمقابضة (Re: ASHRAF TAHA)
|
الاخ ASHRAF TAHA سلام وتحية
Quote: يا زول خليك من الـ CPA دي شغل ما مرتب خش على الـ ACCA
لذيذة وشاملة وكاملة أكان معايير أكان تقارير
|
بالتأكيد الـ ACCA لايعلا عليها ولكن السوق الخليجي يفضل الامريكية على البريطانية . . والشئ التاني الـ ِACCA صعبة ياخي رغم اني خريج معهد الكليات التكنولوجية وعندنا استثناء خاص في الـ ACCA ولكن السوق عايز كدا . . صاحبي عبدالرحيم نفخو الله اطراهو بالخير كان عندو وجع راس شديد خلاس اصلو ما راح منو ولمن الدكتور عجز فيهو يوم قام سأل قاليهو انت يا عبدالرحيم وريني الشاغلك شنو ؟ قال ليهو مشغول بزمالة اسما الـ ACCA هنا عرف الدكتور سبب الصداع وقاليهو شوف يا عبدالرحيم واحد من اتنين يا راسك يا الـ ِACCA . . شكرا جزيلا استاذ اشرف
| |
|
|
|
|
|
|
Re: CPA بورداب امريكا ساعدونا بالمقابضة (Re: عادل خياري)
|
أووووووو حبيبنا عادل خياري سلام وشوق ياخي كنت عايز اعملا ليك مفأجأة واجيك في DC لكن يا فرحة ما تمت قالوا الخزين خرجوا . . . وقالوا امريكا ذاتا بقت ما حلوة البحرين الدار الزين . .
Quote: والموضوع ده كلم بيه صاحبك زيادة اصلو سال منو كتير |
. تعرف يا عادل زيادة دا دفعتي زول ممهول وروحو طويلة وبعرف كيف اصل لهدفو اريتني كان زيو اتمنى له التوفيق دائما يارب وهو اخ الواحد افتخر بخوتو والله
| |
|
|
|
|
|
|
Re: CPA بورداب امريكا ساعدونا بالمقابضة (Re: moaz elsir)
|
الاخ moaz elsir تحية وسلام
Quote: سؤال هل درست المواد الاربعة فى معهد"Becker" فى البلد الذي تقيم به وجاهز للامتحان |
لو عرفت الاجابة ح تقول لي ونس
------------------------------ كو كو كو يا داب بدق في الباب الله اهوينيني يا معز ولدي
| |
|
|
|
|
|
|
Re: CPA بورداب امريكا ساعدونا بالمقابضة (Re: nadus2000)
|
يا مراحب اخونا عبدالجليل نورت البوست واسعدتنا بهديتك القيمة داخل الرابط كتاب مهم جدا للاطلاع عليه برواقة الان مريت عليهو سريع وانصح بطباعته وقرائته بتأني اسع طبعتو وشايلو معاي البيت اقراهو برواقة شكرا جزيلا عزيزينا عبدالجليل مع تحياتي
| |
|
|
|
|
|
|
Re: CPA بورداب امريكا ساعدونا بالمقابضة (Re: ASHRAF TAHA)
|
يا ود البوش بوستك هذا يجعلني أكتب عن أساتذتنا الأجلاء الجهابزة في الشئون المالية و المحاسبية في السودان بعد أن طواهم الردى فأرجو ألا يطويهم النسيان .. دعني ـ بعد إستئذانك ـ أن أضع مرثيتي ونعيي لأب المحاسبين السودانيين الراحل المقيم منصور محجوب والذي نشرته على صفحات النافذة في 11/10/2005
Quote: حملت ألينا أنباء الخرطوم وفاة أب المحاسبين والماليين السودانيين والذين خدموا البلاد بتجرد ونكران ذات وسجلوا إسمهم بأحرف من ذهب ألا وهو العم واستاذ الأجيال متصور محجوب محمد .. تخرج الفقيد من كلية غردون عام 1933 وإلتحق بالعمل في وزارة المالية ..تحصل عام 1952 على زمالة المحاسبين البيريطانية كأول سوداني وأفريقي يتحصل على هذه الدرجة العالمية..حيث إلتحق بديوان النائب العام ..إستعانت به الحكومة الوطنية الأولى في سودنة مطبعة ماكروكديل إلى المطبعة ااحكومية عام 1956 .. قام بتأسيس جمعية المحاسبين القانونين السودانين عام 1958 ..ثم قام بإنشاء معهد الدراسات امحاسبية والمالية عام 1962 كأول معهد متخصص في المنطقة وأستجلب له الأساتذة من أنجلترا وااهند وذلك لتأهيل المحاسبين القانونين وفي عام 1965قام بإنشاء المعهداعالى للدراسات المالية والمصرفية كأول حدث في المنطقة اأفريقية والعربية ..(وأنا أحد خريجيه). شارك الفقيد في وضع قانون ونظم البنوك عام 1961 وفي إنشاء بنك السودان بعد أن أصبح متفصلا عن وزارة الخزانة .. أنشأ وأسس أول مصرف سوداني وطني وبرأس مال سود اني 100% وهو البنك التجاري السوداني ..وفي عام 1988 أنشأ مجلس المحاسبين القانونيين وكان أول رئيس له حيث قرر فيه زمالةالمحاسبين السودانين والتى تم الإعتراف بها عالميا وهي أقوي الزمالات .. وفي مجالات التنمية رأس الفقيد لجنة العلاقات السودانية الصينية حيث كان من نتاجها بناءكبري حنتوب والنيل الأزرق .. ومصنع الصداقة للغزل والنسيج وقاعة الصداقة . وإيضا أشرف على قيام مصنع سكر الجنيد.. تقلد الفقبد عدة مناصب في اادولة منها رئيس ديوان اامرجع العام وكيلا ثم وزيرا للمالية ووكيلا ثم وزيرا للتجارة كان الفقبد من الشخصيات المالية المعروفة لدي الأوساط العالمية.. ويذكر أن أحد البنوك السويسرية قد رفض منح السودان قرضا إذا لم يحضر مستر منصور مع الوفد حيث كان قدتقاعد ساعتئذ..كان الفقيد مشهودا له بالكفاءة والدقة وكان نزيها عفيفا وعرف عنه بأنه وراء كل عمل ناجح وهكذا ترك دنيانا الفانية وخلف وراءه أعمالا جليلة وأقلاها نحن الذين نهلنا من مؤسساته التعليمبة وتأهلنا على مقررات كانت و بجد مفخرة لكل السودانين وندين له بالفضل بعد الله سبحانه وتعالى بما نحن نتمتع به نجاح.. رحم الله أبانا منصور محجوب وأجزل له العطاء بقدرما قدم لوطنه والناس وإنا لله وإنا إليه راجعون.. |
| |
|
|
|
|
|
|
Re: CPA بورداب امريكا ساعدونا بالمقابضة (Re: عادل نجيلة)
|
اللهم ارحم استاذ الاجيال وابو المحاسبين السودانيين الاستاذ الراحل المقيم منصور محجوب وادخله فسيح جناتك يا رب . . شكرا جزيلا اخي الاستاذ / عادل نجيلة وهي بالفعل فرصة نذكر فيها من كان لهم افضال علينا نترحم على الاموات ونتمنى الصحة والعافية وطول العمر للاحياء منهم . . . اتمنى عودتك واستمرارك في هذا الاتجاه
| |
|
|
|
|
|
|
Re: CPA بورداب امريكا ساعدونا بالمقابضة (Re: الامين موسى البشاري)
|
اللمين البشاري صاحبي ودفعتي سلامات ياخي ومشتاقين
Quote: هنا في رياضك دي موجودة وهناك عدة مراكز للاختبارات
|
المراكز فعلا موجودة في كل مكان للدراسة والتأهيل لكل حسب علمي مافي مركز للاختبارات في السعودية بنين دي . . خلينا نتأكد رياض رياض نعمل شنو كنت داير لي فسحة في شاطي المحيط الاطلسي لكن اصلكن مابساعدو لا بالمقابضة ولا حتى بالجكة . . . الله اديني الشهادة والعمل الطيب قنعنا من العالم المتقدم باقي الدنيا دا نعديها معاكن هنا وخلاص انت القيامة بتقوم متين يا اللمين ؟ الواحد اكتب ليهو بوست عن القيامة واقنع منو قبل ما يصل نتيجة!!!!
| |
|
|
|
|
|
|
Re: CPA بورداب امريكا ساعدونا بالمقابضة (Re: عبدالله ود البوش)
|
Quote: المراكز فعلا موجودة في كل مكان للدراسة والتأهيل لكل حسب علمي مافي مركز للاختبارات في السعودية بنين دي
|
لو عاوز CIA او CMA راااااقدة المافي شنو
اقع النيو هورايزون دا طبعاً بعد تسجل في المعهدين IIA ؤ IMA في النت و تاخد عضويتهن و تسجل للامتحان، و تدفع .. و مال ايه!؟ دايرا ملح ساي انت و لّ كيف؟
اها بعد تحدد الويندو العاوز تمتحن من خلالو اعتقد انهن تلاتة ولّ اقول ليك اربعة ما عارف ..
المهم واحد قرييييييب في فبراير الجاي دا .. بعد مايو/يونيو .. بعيدهو اكتوبر .. بعدين ديسمبر
طلعو اربعة
اها لمن تحدد، بحددوا ليك اليوم .. و برسلوا ليك اوراقك تمشي تجلس للامتحان في النيو هورايزون
-----
اخوك بلكلك فيهن الجوز .. و جوز لا يخسر ما كضاب سااااي ياخي!
| |
|
|
|
|
|
|
Re: CPA بورداب امريكا ساعدونا بالمقابضة (Re: قيقراوي)
|
Quote: لو عاوز CIA او CMA
|
المشكلة ما انا العايز الشاكوش هو العايز هو انا ما بركة المرقتا بليسانس جني وجن القراية ( علي اخوي لمن اتورو للمدرسة اقوم اكورك كل يوم مدرسة كل يوم مدرسة ) . . لكن المعايش جبارة نسوي شنو ؟ عمنا خير السيد الله ارحمو كان شغال غفير في بيت الباشمفتش اها زوجة الباشمفتش جاها اخوها زيارة قامت رسلت عمك خير السيد للباشمفتش اجيب مفتاح العربية عشان تطلع مع اخوها علما بانه وحيث انه عمك خير السيد ركوب ساهي ما حصل ركب في التندة عمك مشى للباشمفتش في المكتب قاليهو يا سيد دايرين مفتاح العربية الباشمفتش قاليهو بتعرف تسوق ؟ فرد عليه بقلب قوي مجبور اعمل شنو . فصار مثلا محليا (مجبور خير السيد) يضرب في مثل حالتي الراهنة
صاحب العمل شافني متخلف عايز اطورني اطور ولا ما اطور ؟ بس المشكلة حدد الـ ِCPA بالاسم لشقاوتي
------------------------------------ ما اظني اجيبا لكن بونس بيها سنة وبعدا لايموت الفقير ولا البعير ؟ كان حيو الاتنين الخرف بحلني الله اهوينيني
| |
|
|
|
|
|
|
| |