|
|
 بعد لمة بنات حلوة .. تغادرنا د. نجاة محمود
|
الحبيبة والصديقة نجاة محمود تغادرنا الى الدوحة ومن ثم الى ماليزيا بعد قضاء اجازة قصيرة بين الاهل والاحباب
وذلك بعد لمة بنات حلووووة في صاج سمك ..
وشرفت اللمة الاستاذة (حياة حسين) من نيويورك جات مخصوص من مدني ..
ويادكتورة تصلي بالسلامة يارب ..
|
|
  
|
|
|
|
|
|
|
 Re: بعد لمة بنات حلوة .. تغادرنا د. نجاة محمود (Re: انعام حيمورة)
|
| Quote: الحبيبة والصديقة نجاة محمود تغادرنا الى الدوحة ومن ثم الى ماليزيا |
يعنى الظلامية جابية الضرايب جاية الدوحة تلملم الرياالات من ابا البنات الوليدات البدرسو
في ماليزيا ....
شخصيا في اجازة سنوية لجهة غير معلومة .... والداير مني ريالات يمش يكلم على ابوى
انعام ازيك
وياريت ترسلو لينا سمكة سمكتين بدل هذه الشحتفة
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: doma)
|
سلامات من الدوحة يا ناس النت
اجمل يوم واجمل ناس بالجد كان يوم لا ينسى ابدا
سعدت بشوفتكم والله واتشرفت بيكم شدديد
بالجد لمة البنات احلى على قول خالتي الله يرحمها ما من امرأة ادخلت فاخورة راجل في شيئ سعدت
بحبكم شديد وممنونة ليكم يا انعام وحياة ودلال وفادية واسمهان وفتحية شامي وابنتها اللطيفة وهاجر واخلاص اختي وانعام عبدالحفيظ
صاج سمك محل ما حصل...
دومة الصورة حقتي طلعت ذئبية العيون عشان اي تعليقات سالبة ما حننشرها.
باقي الايام دي في البورد لازم تكون قود لوكنق وكدا.. عشان ما تتردم
مودتي لكم جميعا ومحبتي لا حدود لها
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: د.نجاة محمود)
|
طبعا قصة نا س النت دي انا راجية فتحية شامي تجي تحكيها هههه
الف الف حمد لله على السلامة يا حبيبة
والله شكر ليك انتي برغم زحمتك ويوم سفرك قبلتي بالدعوة واديتينا من زمنك الغالي ههههههههه
وتاني الف حمد لله على السلامة وسعدنا بي اجازة خالتي فاطمة .. (القصيرة)
تصلي بالسلامة ولنا التواصل
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: انعام حيمورة)
|
انعام حيمورة .........كيفك
البنات البنعرفن كل سته فى حته
هسه ديل بنات واللا ترابله؟؟
رادماتن ليكن سمك يكفى ليه اتناشر تمساح وخمستاشر ورل
وصحن شطه يفك اجعص هناية بايته وتقولى بنات؟
اضان البنات طرشاء، الله لا لمانا مع هكذا بنات فى وجبه..
اين (المدعى) طارق جبريل؟؟ رئيس جمعية الرفق بالاحياء البحرية..
لووووووووووووووول المعنى مشتهين سمك السودان..
كوضمن ينفعكن...
بالله ممكن بى جنبه كدى تسلمى لى على فادية اليمنى،،،،
| |
|
|
|
|
|
|
|
|
 Re: بعد لمة بنات حلوة .. تغادرنا د. نجاة محمود (Re: صديق الموج)
|
هرشك لحم كرشك يا صديق الموج ما تسحرنا
الحالة دا صحن واحد وكان في منو 4 صحانة هههههههه
ياخ كلو واحدة اكلت كيلو بس والكيلو فيهو ثلاثة سمكات من النوع دا هههههه
اما الشطة واللذي منو كمية مهولة لمن عملنا ازمة صحانة في المحل ..
اما البربكان بالفراولة والانناس اكست خلو هههههههههههه
والشامبيون والببسي والسفن اب
كانت وليمة وليمة هههههههههه
سلامك يوصل لفادية بت اليمني
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: انعام حيمورة)
|
Quote: دومة ما بال الذي شاهد هذا السمك ودخل معاه في علاقة بتاعة دناوة؟
3 حبوب هستمين الى الان لتوقف الكاروشة الرقصة المنقوشة
المرة الجاية جداد بس |
والله يا نجاه يا اختي انا غايتوا لما بطني تموصني من وجع السمك دا
الا الجداد ينفعكن لا بريدو لا ببارك لي البايكلو
| |
|
|
|
|
|
|
|
|
 Re: بعد لمة بنات حلوة .. تغادرنا د. نجاة محمود (Re: طارق جبريل)
|
Quote: والله يا ود الموج طيانة محجوب الفحل في البركل ما قاعدين ياكلولم سمك قدر دة
باقيلي عدمو الخزان البلطي... |
لا حووووووووولا بالغت معانا ...
المرة الجاية المرة الجاية نوديك ليهو ههههههه
---
انعام حفيظ تاني السلام عليها الا في الشاشة ههههههههههه
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: سمرية)
|
| Quote: انا زمني فات وغنايي مات ..... يا حليلي ... ! |
سمرية ...
ما بان عليك سفر العمر ..
لسة الربيع يا دابو زار ..
لسة الضفاف المترعة بتفيض ندى ..
وتدفق ثمار ...
الناس عليك ناداها فال ..
في عيون تناغم الإنتظار ..
وأنا جوه قلبي المشتهيك ..
نزفت جراحات الودار ...
&&&&&&&
جوه العيون أطفال فرح لمة زفاف ...
جوه العيون تشرق شموس يرحل جفاف ..
أزمان بتغرق في النعيم ..
وحنان غمر عاشقين رهاف ...
وأنا جوه قلبي المشتهيك ..
نزفت جراحات الودار ...
&&&&&&&&
يا زهرة طلت بالفرح ..
بتراقص أنوار المسا ...
ما بان عليك أثر القطاف ..
ولا جاتك أيام القسا ..
ما أروعك وإنتي الشباب ...
بي حمرة الريد إكتسى ...
وتحياتي للعزيز قوي ..
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: انعام حيمورة)
|
Quote: والله يا ود الموج طيانة محجوب الفحل في البركل ما قاعدين ياكلولم سمك قدر دة
باقيلي عدمو الخزان البلطي... |
طارق يا حبيب........سلام وضمه كده مشتاقين
ياحليل البنات البعجنولن البسكويت ويخنقن الايسكريم يا طارق
وحاتك الجرجير ساكت يغديلو غنم اشلاق كامل
والماغسنى ياطارق الليمون محشر زى الفواريص...
وينا هى النفس المقفوله المحتاجه لى ليمون قدر ده؟
النفس فاتحه اربعه وعشرين ساعه بس اسعاف مستشفى الخرطوم..
الحروم مكفكفات ويحمرن للسمك تقول طالباتنو مغسه..
غايتو كان نويت تعزمن يا طارق الا فى خشم البحر..
نعتذر لكل اسماك النيل..
خالتى دوما انتهيت منهن شنو ياخى!!
انت رائك شنو كبنت وكده لووووول،،،،
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: صديق الموج)
|
Quote: ياحليل البنات البعجنولن البسكويت ويخنقن الايسكريم يا طارق
وحاتك الجرجير ساكت يغديلو غنم اشلاق كامل
والماغسنى ياطارق الليمون محشر زى الفواريص...
وينا هى النفس المقفوله المحتاجه لى ليمون قدر ده؟
النفس فاتحه اربعه وعشرين ساعه بس اسعاف مستشفى الخرطوم..
الحروم مكفكفات ويحمرن للسمك تقول طالباتنو مغسه..
غايتو كان نويت تعزمن يا طارق الا فى خشم البحر..
نعتذر لكل اسماك النيل..
خالتى دوما انتهيت منهن شنو ياخى!!
انت رائك شنو كبنت وكده لووووول،،،، |
هههههههه غايتو يا ود الموج بالغت عدددديل فيها ههههههههههه
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: انعام حيمورة)
|
Quote: خالتى دوما انتهيت منهن شنو ياخى!!
انت رائك شنو كبنت وكده لووووول،،، |
يا ود اختي انا كان لقيت المحمر ومقمر دا
ما كان بقيت بنيه متلن
الله يزيدن ويغتي عليهن .
غايتو ما ليهن حق في الصقطيب العلي دا
يجيبن البلطي والشطوط بالدكوه
صورهن كان كفايه
اصلو الليل والنهار علي المحروم واحد
عارف يا موج سمك بلدنا و لحم ضان بلدنا طعمو غير
محل لفيت ما لقيتو
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: doma)
|
نسوان ماعندهم احساس ولا وطنية ..
البلد اتقسمت وانتو ماهاميكم غير اكل السمك بالشطة والليمون !!
ناس تاكل سمك وفراخ ... وناس الفول دوخها وداخ
وين اذا اشتكي عضو تداعى ليهو باقى النسوان بالسمك والصحن ؟ !!!..
وين الملايين ؟ الشعب العربي وين ؟!!!
يوم القيامة حساب السمك براه ...
ــــــــــــــــــ
لمة جميلة وفي الجنة ان شاء الله ..
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: انعام حيمورة)
|
| Quote: أمانة في ذمتكن دة سمكنا أليل ستة تنفار |
طارق بزار حياة فى الدايات
السمك بالله مجدع زى براطيش بيت البكاء..
قادر الله...
بعد ده قال ليك شامبيون بالبيرة والسفن اب!!!
ياربى بعد السمك ده كلو الخلطه دى يكونن اتشطفن بيها؟؟
لا تجونى لا ازوركن انا سمكى بمسكو على،،،
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: صديق الموج)
|
Quote: طارق بزار حياة فى الدايات
السمك بالله مجدع زى براطيش بيت البكاء..
قادر الله...
بعد ده قال ليك شامبيون بالبيرة والسفن اب!!!
ياربى بعد السمك ده كلو الخلطه دى يكونن اتشطفن بيها؟؟
لا تجونى لا ازوركن انا سمكى بمسكو على،،، |
كاااااااااااااااااااااك 
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: صديق الموج)
|
Quote: وانت شنو قصة الكركار الطايرة ليك فوقك راسك دي كدي ورينا قصته ههههه (الزهايمر ولا الخرف ما بعرف) هههه
والله لقيت ود صغير كان انت دفعت نجاة لوووول |
هههههههههههههههههه
وردي ؟؟؟؟
عمى ألوان لحقتَّ بت عبدالحفيظ
قصة الكركار يا ستي شفتي يا انعام
في واحدة يوم حفلة وكان في تراب يومها وهي
جاية مسقية راسها الحفَان بي دهن كركار من شحم
عيد الصحية وقول كدي يا التراب ألزق في الشعر المكركر
بقت زي الجن القام من كوم رماد .. الحفلة كان عشاها
بوفي مفتوح وهي بي خلقتها ديك تكوضم في العشاء
والتراب في سنونا قرش رقش وماهماها تقرقش سمك ولحمة وحصى
سوي اتصال لي العدو اسمهان أخت الظريفة هويدا بتوريك باقي القصة
انت قايلاني قدر ناس القردابي ولا شنو
نجاة درست معنا معهد التربية شندي كان مختلط
درسنا في صف واحد بس انا كنت اشطر منها وعادل
اخوها كان اشطر مننا الاربعة
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: خالد علي محجوب المنسي)
|
انعام حيمورة كل صاج سمك وانت بالف خير
يااستاذة ضيعتي نفسك والمعاك مش كان تدينا خبر
شفتي واسطتي المرة الفاتت نفعت كيف
والمرة انت داخلة بي سهمين سهمك انت معروف لدينا والسهم التاني المحتفى به والذي هو
صاحب صاحبك صاحبك هي صديقة جزلوت والذي هو صديق وزميل
يعني واسطتي المرة دي كان بعد ماتضربوا الاسماك يمكن يكون فيها حق المواصلات او البنزين
على كل الف هناء وشفاء وانت زاتك طلعتي معرفة من بعيد لما مشيت دبي لناس ياسر ميرغني وحرمه مها عوض حسن جات سيرتك بالخير
يعني المرة الجاية يعد الواسطات التقيلة دي تاكلي وتشيلي سفري
| |
|
|
|
|
|
|
|
|
|
Re: بعد لمة بنات حلوة .. تغادرنا د. نجاة محمود (Re: عادل خياري)
|
يا عادل خياري كيف وكمان طلعت بتعرف حبيايبي مها وياسر ..
والله ياخ المرة الفاتت انت والسيد عمار ما قصرتوا معانا وحقيقة لما ما اخدوا مننا حق السمك انحرجنا
تخفيض معليش لكن ما ندفع كلو كلو دي فيها احراج شوية
ما عايزين نخسر الراجل والقصة بزنسس ياخ ههههه
المصري المشرف على الصالة بقى يعرفنا واليوم داك كل ما ضيفة تجي يقوم يقول ليها عايزة ناس النت (تلقيهم فوق) ههههههههه
والله يكفي معاملتهم الحلوة واكلهم النضيف والراحة النفسية الواحد بلقاها في المكان ..
عايزاك تشكر لي عمار شديد بالله
غايتو زي ما قلت ليك تخفيض ممكن لكن ما نحاسب كلو كلو دي ما معانا ولا بنقبلها والله ..
لك كل المودة والتقدير
| |
|
|
|
|
|
|
| |
انعام حيمورة
محمد علي البصير
محمد عبد الماجد الصايم
معاوية عوض الكريم
doma
SHIBKA
بدر الدين الأمير
معتصم محمد صالح
saadeldin abdelrahman
ASHRAF MUSTAFA
خالد علي محجوب المنسي
صديق الموج
سمرية
طارق جبريل
عماد الشبلي
طارق عبد اللطيف نقد
فايزودالقاضي
حبيب نورة
عادل خياري
Mudather Kunna
هيثم التوم
فيس بوك
تويتر
انستقرام
يوتيوب
بنتيريست