|
بورداب الرياض .... احبكم،،،
|
حقيقي انا هنا في الرياض منذ 1993م، وعملته في العمل العام و منظمات العمل المدني برياض الخير في الرابطة الرياضية ، والملتقى السوداني الثقافي الرياضي الاجتماعي ، وجمعيات ثقافية و روابط إقليمية ، والتقيت باعداد كبيرة من الشخصيات السودانية المميزة التي تضيف إلى رصيدك المعرفي والثقافي والاجتماعي الكثير وخلقت علاقات صداقة مميزة افتخر واعتز بها. وأيضا انضممت إلى سودانيزاونلاين بورداب الرياض والذين كنت اعرف الكثير منهم في العمل العام بالرياض ، وأصبحت جزءا منهم واصبحنا اسرة واحدة. و وجدته فيهم خير معين على داء الغربة اللعين ، فهم خير الاصدقاء و الاخوان ، دون تحديد اسماء . وهناك ميزة مهمة جدا وهي الاختلافات السياسية لا تؤثر في العلاقات الاجتماعية. وايضا اتخلقت الفه بين الاسر و الاطفال واصبحنا اهل.
|
|
|
|
|
|
|
|
Re: بورداب الرياض .... احبكم،،، (Re: ABUHUSSEIN)
|
والله يا ابو حسين حب لله في اله كدا قال ليك عم عبد الرحيم اتوكل نزل
في المشرع لقى زملان الشقا
الجا من الجريف ..
الجا من الجبل ..
عل الناس بخير ..
صبح هاظرهم نقنق ناقرهم وغاظوه ونعل
وعم عبد الرحيم ما بخبر زعل
كل الناس هنا ما بتخبر زعل
تزعل من منو وتزعل في شنو
كل الناس حنان .. كل الناس صحاب .. كل الناس اهل ..
والماهم قراب قربهم العمل نحن قربنا البورد ده شكرا للمهندس بكري ابو بكر(اصلع اريزونا)
| |
|
|
|
|
|
|
Re: بورداب الرياض .... احبكم،،، (Re: علاء الدين حيموره)
|
وكيف لا نحبهم وأنت فيهم... اشرف ياسين.. ابوحجاب.. شيراز محمد عبدالحى.... عبدالقادر على عبدالرحيم(الشريف).. طارق ميرغنى.. خالد سعيد.. شتات.. اسماعيل وراق.. محمد عبدالجليل... صديق الموج... وبقية الانهار................
| |
|
|
|
|
|
|
Re: بورداب الرياض .... احبكم،،، (Re: عمران حسن صالح)
|
ونحن برضو بنحبك يااااخ أنت ماما ..... وأنت بابا...... وأنت كل حاجة في حياتنا.... والله صحي
تحياتي يا صديق يكفي أنك منهم تصدق بالله أمبارح كنته عايز أفتح بوست اقول فيهو يا جماعة عايزين لينا لمه كده سااااي بس يا ريس أبقى مارق يااااخ وجاهزين تب يا ريس
... ...
كســـرة ___ حميدة ما شاف البوست ده ولا شنو؟
| |
|
|
|
|
|
|
Re: بورداب الرياض .... احبكم،،، (Re: ساميه حامد)
|
Quote: وهناك ميزة مهمة جدا وهي الاختلافات السياسية لا تؤثر في العلاقات الاجتماعية. وايضا اتخلقت الفه بين الاسر و الاطفال واصبحنا اهل. |
تسلم ياصديقي ابوعبداللطيف صفاء النفوس من صفاء القلوب.
انتو الايام دي حاصل شنو من الغواصة للعاشق المحب حيرتونا يابورداب الرياض
| |
|
|
|
|
|
|
Re: بورداب الرياض .... احبكم،،، (Re: طارق عبد اللطيف نقد)
|
Quote: ليه دايرين تطهرو صديق الموج ولا شنو |
التطهير واجب وطنى بالله الكشف ماتمسكوهو حمزاوى الحرامى ده ولا ود الصايم يا اسماعيل عباس يا طارق ميرغنى الناس العينهم فارغه ديل اختاهم يا طارق الزمن ده الارباب بقى ما مضمون،،،
| |
|
|
|
|
|
|
Re: بورداب الرياض .... احبكم،،، (Re: ود الباوقة)
|
Quote: مع انك ما زكرت ولا اسم بوردابية واحدة
لكن معليش عازراك اكيد وزارة الداخلية متابعة البوست |
....واللاى صدقتى يا سامية...يا كافى البلا وحايد المحن والا بالغلت ما جاب سيرة البوردابيات...لكن على قولتك...شكلو مهنضب!! :)
....لك الحب يا طارق نقد يا زول يا هادى وجميل...ولك الاحترام فالتعبير عن الحب ليس بالأمر السهل " بالذات لجيلكم" ....
ولك الأشوااق والسلامات والتحايا يا على الزين ...يا متزن ونبيل... ...وحتما لنا لقاءات قادمات فى إحدى دروب الفرح.......
....غايتو أنا قلبي كبير وابادل كل من يحبنى حبا نبيلا جميلا نقيا......ولكل أبناء الوطن الشرفاء حبا لا يكبره إلا حبي لوجه الله ورسوله ....!!
| |
|
|
|
|
|
|
Re: بورداب الرياض .... احبكم،،، (Re: Shiraz Abdelhai)
|
د/شيراز..اختنا العزيزة جداً.
التحية لكل بوردابيات المنبر عامة وخاصة بوردابيات منطقتنا الرياض.
المعزة والتقدير وكل المفردات التى تحمل معنى حسن التعبير لشخوصكم العزيزة.
بورداب الرياض إسم شامل يضم الجنسين من بوردابى وبوردابية.
Quote: فالتعبير عن الحب ليس بالأمر السهل " بالذات لجيلكم" ....
|
والله البحب ما بغلبو التعبير..والحب لايعرف الجغرافيا ولا الزمن ولا ألأجناس..كويس إنك قلتى ليس بالسهل حتى لايتعذر على البعض..
نحب فيكم تواصلكم وتوادكم وأخلاقكم السمحة..تسلمن يا العزيزات..وتقديرى الخاص لك ولأسرتك الكريمة.
| |
|
|
|
|
|
|
Re: بورداب الرياض .... احبكم،،، (Re: طارق ميرغني)
|
الانسان الفنان الخلوق الراقي باشمهندس طارق مرغني امثالك واسرتك الكريمه هم الذين يحببون الناس في بورداب الرياض
لكن !!!
Quote: شكلها الدكتوره شيراز ختتك مع ناس عماره دنقس ...!!!! |
والله دي ضحكته فيها حتى اغرورقت عيني بالدوموع وناس المكتب مندهشين!!! تحياتي يا جميل
| |
|
|
|
|
|
|
Re: بورداب الرياض .... احبكم،،، (Re: طارق عبد اللطيف نقد)
|
بالأمس القريب .. عندما عيل صبري .. وأبكاني أبني .. لم أجد سوى أحبابي البورداب لكي أتوكأ عليهم .. وأهش بهم أحزاني .. فأتوني يحملون الدعوات قرابين .. والنقاء صدقات تذهب عنا البلاء وتكسبنا ثوب عافية حملوني جميلاً .. وفرحاً .. وأنا الذي كنت أهيم في دروب الخوف مابين غرفة عمليات أبني وغرفة الإنتظار التي يجلس فيها أهلي وأحبابي .. يصدني الخوف .. ويهزني الجزع.. فكنتم أنتم أحبابي البورداب ملائكة رحمة .. تنزلت علي برداً وسلاماً ..
اشهد بأنني أحبكم جميعاً .. أنسكم وجنكم .. بوردابيات وبورداب ..
| |
|
|
|
|
|
|
Re: بورداب الرياض .... احبكم،،، (Re: د.محمد حسن)
|
حبيبنا يا دوك يا شاعرنا الانيق يا خيفيف الظل وحاضر البسمه انت الاجمل والاحلى والاكمل
قلته لي كيف
Quote: من عرفت اني صاحبت ناس الجمارك شايفة جاري نور محبة والله الا تسف التراب |
ههههههههههههههههههههه دي انا واخوي الكاشف ابو الدرس
| |
|
|
|
|
|
|
Re: بورداب الرياض .... احبكم،،، (Re: Khalid Saeed)
|
الارباب خالد سعيد الحمد لله انه الانسان عرفك قبل الاغتراب وجمعتنا الظروف في الغربه نعم الاخ ونعم الصديق هاش باش خلوق كريم تدخل البهجه والحبور في اي مجلس ومجتمع
والحمد لله ثانيا انه جمعنا مع بورداب الرياض
عموما نحن الجن الكلكي يديك العافيه يا ود سعيد الارباب ويخلي ليك اولادك وتفرح بيهم
| |
|
|
|
|
|
|
Re: بورداب الرياض .... احبكم،،، (Re: طارق عبد اللطيف نقد)
|
الاخوات شيراز وسامية تحياتي طيبات سامقات كما النخيل . لا بورداب بلا بوردابيات ولكن اعتدنا علي الجمع بيننا وبينكن في كلمة البورداب التي تعني الجنسين , لذا كانت محبتكن جميعا تسكن الجانب الايسر من القلب ومحبة البورداب تسوطن الجانب الايمن من القلب فنتقاسم شقاف القلوب مناصفة , لكك البوردابيات خالص المحبة .
| |
|
|
|
|
|
|
Re: بورداب الرياض .... احبكم،،، (Re: يوسف السماني يوسف)
|
شكرا يا حبيبنا الكونت
اريدك ريدة دغرية ...ولف تربال وطورية وسلام لي نخلة عز الريح هوت في احضانها قمرية وسلام يا من نقح ريده وسقاه وفاء وبياض نية وزرب بالالفة حيضانه وكشح ماروقه حنية الا الدنيا فطن الريد بقت دولار وايدية
اريدك وريدتي ليك ريدة عيان وبيان وقولت الفاتي عندي بعيدة في الحسبان
اريدك واريد الناس عشان ريدك واريدك واريدك واريدك واريد الزول البريد اريدك وعااقد النية وبلاك يا روحي شن لي
| |
|
|
|
|
|
|
Re: بورداب الرياض .... احبكم،،، (Re: صديق الموج)
|
Quote: طارق نقد يا اخوى كان بدورلك دين و اللا شى كلمنا خلينا النبعد دمنا انا مسكنتك وحبك البلا سبب ديل شككنى.... |
هههههههههههههههههههه الزومة مضايقي
ناس اصلا ما عندها براءة وحب في الله مده ساي
| |
|
|
|
|
|
|
Re: بورداب الرياض .... احبكم،،، (Re: طارق عبد اللطيف نقد)
|
اهواك غصباً واحتمل ويلات هواك جنس .. جنس بهواك طوعاً كونو إنو هواك لى نبضاً وحِس بهواك مُوهدب بين صراع اللقيا والخوف والوجِس بهواك قدر مكتوب على كيفن من القدر احترس بهواك والهوى يستحيل لى زول من الآمال يئس كان الله فيك قسم النصيب ما كان شِقى الحال تِعِس
| |
|
|
|
|
|
|
|