|
Re: المناضل الذى تفوق على منسوبى المؤتمر الوطنى........... (Re: Balla Musa)
|
سلام .... يادكتور بلة
حقيقة مؤسف ما كتبه معاوية الصايم ؛ إطلاق الكلام ساكت فى الهوا بلا دليل و إتهام الناس بهذا الشكل للطعن فى زممهم و السعى الدوؤب لإفتعال مهاترات مع الكيزان أو غيرهم ؛ ما بقلب كباية شاى مش حكومة ! الأدهى و الأمرّ نوعية معارض تختلف معاه يسأل ليه ما إتضامنت فى الموضوع الفلانى ؛ يكون إنتهى ليه سنة و يفترض إنّك قريته و مابحق ليك إبداء و جهة نظرك لأنو ما حتسافر للماضى تتضامن معاه ! لو أنك قاصد الأخ معاوية و لم تذكره لإعتبارات تعرفها يادكتور ؛ فأسمح لى أقول ليه دغرى ؛ و لو ماقاصده ؛ برضو رسالتى لمعاوية .... ماتفعله بحق ود الباوقة لايخدم سوى المؤتمر الوطنى ؛ و يساهم بشكل كبير جدّاً فى إنحطاط خطاب المعارضة ؛ و يضرب مصداقيتها فى مقتل ؛ لذلك لاغرابة على الإطلاق أن نسمع بمن لايثق فى أى حزب سودانى على الساحة ؛ هنا يستحضرنى سؤال الأخ العزيز وليد المبارك : بخصوص معارضة الحكومة و المعارضة ؛ فلو أننا نعارض الحكومة لأجل الأفضل علينا أن نبدأ بأنفسنا ؛ و نلتزم بإسكاتهم عن تدهور خطابنا فعلاً و قولاً بعيداً عن الشخصنة ؛ كون ود الباوقة يكتب هنا لايعنى أنه شخصية عامة كنافع أو غيره و لايعنى كونه كوز و مؤيد لنظام القتلة و السفاحين أن يستباح هكذا ! أعجبتنى ردود الزملاء و إقتبست منها رد ألستاذ الصادق إسماعيل ؛ إلا أن البوست شكله راح فى خبر كان .
Quote: ما عارف أنا كقارئ استفيد من كلامك دا شنو؟ زول إنتا بتقول إنو حرامي وسرق مزرعة من زول مشلول، أها داير تجي تدينا المعلومة دي عشان نعمل بيها شنو بالظبط؟
السؤال الأساسي هل عندك دليل؟ ولو عندك دليل ليه ما جيت كبيتو هنا؟
المهم ما اعتقد إنو في اسوأ من اتهام الناس بالباطل؟ وبدزن دليل؟
ولا احتمال داير تزيد عدد (الكلكات) في البوست بتاعك؟ هذا إذا (أسأنا الظن) وإن (احسنا الظن) نقول لك هات دليلك ونذهب للمحكمة في محاولة لرد الظلم عن مواطن معاق؟ |
شكراً ليك يادكتور .
| |
|
|
|
|
|
|
Re: المناضل الذى تفوق على منسوبى المؤتمر الوطنى........... (Re: Balla Musa)
|
لمن د. مشرف قال عاوز يقاطع بوستات الكيزان .. انا اقترحت مقاطعة بوستات من جنس فلانة طالبة الطلاق و الكلام الما جايب حقو دا و تذرعت بهبوطها بالسقف الاخلاقي للمعارضة
دحين خاتي!؟
-------
لن ينتصر مظلوم الا بتفوقه الاخلاقي .. دا سلاحو القوي لمن يفقدو ح يفقد اي امل انتصار
ما تابعت العوة الاخيرة .. لالتزامي بما الزمت به نفسي .. احتراماً للتعهدات
| |
|
|
|
|
|
|
Re: المناضل الذى تفوق على منسوبى المؤتمر الوطنى........... (Re: Balla Musa)
|
حاشاك يا صديقى .. ولا نقول لهم الا: ألهتكم المنابر ..
يعلم العزيز معاوية رأيى والمكتوب كتابة فى هذا المنبر حول هذا الأمر .. ولعلى كنت من أول أصدقاءه الذين إعترضوا على طريقة تناوله لمسألة ود الباوقه هذه .. ولا أملك الا الطلب منه أن ينتهى عن هذا .. فهو وفى نهاية المطاف خصم عليه وعلى قضيته التى يدافع عنها ..
تحياتى د. بلة وقيقراوى وعبدالرحمن والجميع
| |
|
|
|
|
|
|
Re: المناضل الذى تفوق على منسوبى المؤتمر الوطنى........... (Re: Balla Musa)
|
Quote: يعلم العزيز معاوية رأيى والمكتوب كتابة فى هذا المنبر حول هذا الأمر .. ولعلى كنت من أول أصدقاءه الذين إعترضوا على طريقة تناوله لمسألة ود الباوقه هذه .. ولا أملك الا الطلب منه أن ينتهى عن هذا .. فهو وفى نهاية المطاف خصم عليه وعلى قضيته التى يدافع عنها ..
|
يا ريت يا مشرف الصديق معاوية ينتبه للحتة دي ..
بعدين ياخي نضال الكيبورد دا ذاتو غلتو محدودة جداً .. و بلهي عن النضال الحقيقي .. ضررو اكبر من نفعو بديك راحة نفسية زائفة ساي
يا ريت لو دا المقصود بـ "ويستمر النضال" يا ريت يقيف
اعلاه رأي شخصي، و لا يخرج عن براح الامنيات الخاصة لصديق عزيز و قضية كبرى نخشى عليها
شكراااان على وجودك يا صديق وجود المتلك بطمنا انو لسة الدنيا بخشها ضوء و الفجر ممكن لشمسه بزوغ .. و ان طال الليل
| |
|
|
|
|
|
|
|