|
|
 عناية الإخوة في المملكة العربية السعودية...
|
إخوتي الكرام... السلام عليكم ورحمة الله وبركاته...
إذا بتعرفوا واحد مسافر للسودان اليوم أو بكرة الرجاء الإتصال بي على الجوال:
0509059840
عندي دواء ضرووووووووووري عاوز أرسلو السودان...
إذا كان المسافر من الرياض أو أي مدينة أُخرى...
ولكم المودة...
|
|
  
|
|
|
|
|
|
|
 Re: عناية الإخوة في المملكة العربية السعودية... (Re: معتصم محمد صالح)
|
ابو الحسين
اعمل زي
نفس مشكلتك دي كانت عندي قبل كم يوم، ضربت لسودانير وسالتهم طيارتكم قايمة متين قالوا لي الساعة 9 ، اتحركت على المطار ومشيت هناك قعدت اعاين في الناس بفتش للدم البشبه دمي لانه الزمن دا اي زول بيخاف يشيل ليهو حاجة المهم عاينت لمن لقيت واحد سلمت عليهو وقلت ليهو يا زول عندي دواء موديه السودان قال لي جداً وين في السودان قلت ليهو بحري قال لي وين في بحري قلت ليهو الحاج يوسف قال لي وين في الحاج يوسف قلت ليهو المايقوما قال لي لمنو في المايقوما قلت ليهو لفلان الفلاني قال لي اعتبرو وصل (بين وبينك يا ابو الحسين قلت دا الا يكون نبي الله الخضر عارفك جنك شيوخ ، الزول طلع بطحاني وساكن جار للزول المرسله الدواء.
طق المطار واتوكل على الله، ناي سودانيز اون لاين ديل ناس (منفى) و (طير مهاجر) وابعدوا عن (وطنا الباسمك كتبنا ورطنا) واصبح اهلهم في انتظار (الحبيب العائد) وما اظن تلقى (مرسال) الا تلم في احد (عصافير الخريف) النازل السودان (صدفة).
ربنا يسهل لك امورك كلها ان شاء الله وشكراً لك ان سمحت لنا بشكر الحبيب لؤي شمت
والله يا لؤي لولا خوفي من تشتيت كورة ابو الحسين الا اخت ليك المية قبلة هنا
| |
|
|
|
|
|
|
|
|
 Re: عناية الإخوة في المملكة العربية السعودية... (Re: محمد عمر الفكي)
|
| Quote: لقيت واحد سلمت عليهو وقلت ليهو يا زول عندي دواء موديه السودان قال لي جداً وين في السودان قلت ليهو بحري قال لي وين في بحري قلت ليهو الحاج يوسف قال لي وين في الحاج يوسف قلت ليهو المايقوما قال لي لمنو في المايقوما قلت ليهو لفلان الفلاني قال لي اعتبرو وصل (بين وبينك يا ابو الحسين قلت دا الا يكون نبي الله الخضر عارفك جنك شيوخ ، الزول طلع بطحاني وساكن جار للزول المرسله الدواء. |
مدَد.. مدَد...
شكراً الإخوة معتصم/ محمد عمر...
السعوديين يا محمد عندهم إعتقاد قوي جداً أن كل السودانيين ديل بيعرفو بعض... ولو حكيت قصتك دي لي واحد حا يأمن علي الكلام دا... تلقى الواحد يتونس معاك يقوم يسألك يقول ليك معاي واحد سوادني إسمو إبراهيم محمد الحسن تعرفو؟؟؟
أها أطمنكم الحمد لله لقيتلي بوردابي مسافر بكرة... وجاني لا عند بيتي وأخذ الدواء نسأل الله يجعلها في ميزان حسناتُو وحسناتكم ياااااااااارب...
| |
|
|
|
|
|
|
| |
أبو الحسين
معتصم محمد صالح
محمد عمر الفكي
محمد عبد الماجد الصايم
فايزودالقاضي
MOHAMMED ELSHEIKH
فيس بوك
تويتر
انستقرام
يوتيوب
بنتيريست