المدخل + تعرفوا أن فتحت البوست وخصصتو للرفاق والرفيقات من بنات حواء وأولاد أدم لزملاء المنبر من الذين حرموامن نعمة أن يكون لهم أنصاف تكامليةأو تعادلية أو حاجة بالعامية أسمها( بيت الحلال) بالفصحي زواج تقليدي (اللهم أرزقني بيت الحلال وأجعله الاقرب لي من كل الاقدار) دا الدعا اللي قالو الفكي لي وهو العلاج الناجع لقصة عدم الزواج بالنسبة لحالتي أوعكم تستخدموا الاختراع قبل ما يحقق نتائج علي أرض الواقع المهم فضل هذا البوست هو عرض تجارب الفشل في عملية أن تجد نصفك التاني كان حلو ولا مر مافي داعي للكلمة اللي ما جميلة ديك (البورة) والتي طالت دهاقنة وعباقرة وأصحاب خبرات وكمان مقامات أجتماعية بصدقوا أنو الواحد بعد الاربعين بيكون عندو أحساس قوي بالفشل العاطفي وأنو عارضو رهيب يبدأ أمشي للفقرا ويزور الاضراحة وكمان يعمل قهوة سيدي الحسن يوم الاتنين والله أنا قهوتي كانت يوم الاربعاء لكين ما جابت همهاقلت بعد كدا أنداه العارف بالله صاحب الكرمات بر أبو البتول وهو من الصالحين في أمدرمان عشان كمان ياسين عايزة مجهود عضلي شوية المهم الحال في حالو لا واحدة دايرة تعبرنا ولا في فدائية عندها الرغبة الاكيدة في قضاء باقي العمر مع الاخ أبوالزهراء قلت يا ولد أمشي أرمو ليك الودع أمكن بتاعت الودع دي تكون رهيبة وعرافه لا يشق لها غبار مشيت وقيمة الجلسة (يعني البياض( بخمسة وسبعون جنيها سودانيا يعني حق تلاتة كيلو ضأن برضو قعدت تقول أنت يا الواحيد سعدك قريب بس أمها خايفه منك وأخوها ما عايزا تطلع من البيت لكين بس أصبر هي براها ح ترجع أخوكم عجبتو الوهمه وقام عصر ليها عشرة تاني وسألتها عن نبيلة الكبيرة بت الاحفاد قلت لي غرتك لصرتك بس دي أمش عليها من دربك دا وأتقدم ليها هي في الاول وبعدين أتفاقو علي التفاصيل قمت منها مشيت طوالي لنبيلة في المكتب وطوالي بدايت يا نبيلة طبعا أنت عارفني وبتعرف أخلاقي وأنا زوال جادي عندي رغبة في الارتباط ! (أخرق مش كدا) بيك بالله نبيلة أصبتني بخيبة أمل ما حصلت أسمعوا قالت شنو ( يا أبو الزهراء منو دي اللي أنت عندك رغبة ترتبط بيها نبيلة بالتاكيد NO way baby !أنت حسي عمرك كم ياخي لما ننجب ونقوم نبدأ كدا تعليم الاولاد يعني أتلفت كدا ألقاك رحت فيها )بالله ياأبوالزهراء بورتك بقت واقع ما في مفر منو خليلك واقعي وتعال أنت عرس شنو وحللك بقت من حكاوي ونوادر البلد !!!!؟ دي نبيلة الحجم العائلي قالت كدا (والله حظي بس جزمة مجنون جنو حوامه وأتقطعت كمان وهو أخر أصرار أن الجزمة كويسه ممكن يستخدما )
ألله الحله ما حرقت لكين برجع تاني عشان أسطر مسيرة الفشل العاطفي حقتي بالله هنا المشاركة تكون جادة وما عايزين لعب الكلام دا لكل الشباب عشان البوست ما يمشي الخور ويفقد مضمونو.
12-28-2011, 06:16 AM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
طبعا البوست بدأ في الربع الاخير السنة الحالية لكين غشان هو مداخل كان لابد من أعادة نسخه ولانوهو البداية ونأسف للتكرار لة تعالوا لكرسي الاعتراف وكل عام وأنتم بخير
12-28-2011, 06:21 AM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
ابو الزهور ازيك الواحد بقى شايل الهم المساعي دي تكلل بالنجاح ونتحرم من بوستاتك خفيفة الروح دي ربنا يعدلا عليك محل ما تقبل بس اختا نصايح السادة البورداب
الاخ عبدالله أزيك يا فنان تعرف أنو ديل ودالبشرى وودالصايم وقيقــا بس قاعدين لي في حظي ذاتوبس والله الحق يقال أنهم برضو من المناصرين للطرح الانساني حقي بس عندهم شوية جن كدا ألله يهديهم وما يحرمني من خرماجتم
12-28-2011, 09:08 AM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
الجميله أيزابيلا تحياتي في البداية أنا من السعداء أنك من قراء بوساتي الحزينة والفقيرة لغة ومضمون المهم أنت كمان معهم ما عايز الامر ينجلي همك في البوسات خفيفة الظل لكين أعدك حتي لو وجدت العروس ما ح أغيب عنكم, بعدين تعالي أنت معنا في الخرتوم ولا في الدوحة متعك ربي بالعافية ولك صادق الود
12-28-2011, 09:01 AM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
الحمدلله ناذر الخليفة لقى ليك حل ... واحدة في سوق الناقة عندها محل شية وعندها طفلين ابوهم مات .. ومستعدة من مجاميعو بالتوفيق ياابوالزهراء جزاء الله اخونا ناذر كل الخير على بركة الله ...
البورداب الاحباء والعابرين من عشاق منبرنا المقروءة تحياتي يا جماعة نحن في بداية البوست دا قلنا أنو ح يكون مجموعة تجارب كل زوال يقول تجربتو لكين أنا عارف ما زوال ح يلتزم بكلامي المهم حسي كنت عايز أكتب عن تجربتي مع الاستاذة شوشوالشيايقية الطويلة وهي كمان الي الان (بيراكس) ضد الكسر والاختراق بالعواطف والاغراء بالمال بالرغم من أنها نالت بيتا في الوداي الاخضر وتسعي جاهدة لامتلاك عربة جيب هونداي توكسان ولازالت تأمل في المدعو أبو الزهراء وهي من نفسة الدفعة بس من حملة الدبلوم وأخوها قيادي شهير في الحزب الحاكم ورجل أعمال بس كيف أحكي التجربة دي مع الفوضي الحاصلة بس بالطريقة دي ألا أعمل بوست جديد ونخلي دا يمشي الخور والله أنا تعبان جدا معكم في الحايطة حقتي في الفيس بوك برضو فوضي ######رية وهزر يعني أبدا ما عايزين يخدوا المسألة بجدية اللهم أجعلي لي من بين هؤلاء أنصار ومتع قلبي بالبوح الصريح وأن أجد من يتعاطف مع قضيتي ويكون من الاخيار أنك سميع مجيب أمين
حالتو لسه ود الصايم وطارق جبريل ما ظهروا بس الصبروررررررررررر
Quote: انا كنت قايل قصة الحجم العائلي دي شناف الكديسة الما لقت اللبن اول!
وهي فعلاً كده يا قيقراوي ياخ ما تفهمنا غلط بالله. يلا جيب الحمام والكدايس وتعال..
يا زهير ، ياخي أنا ببحث ليك جاد جداً عن مغتربة تكفيك شر الحفرة الاسمها السودان دي بس أصبر لي شوية ، عندي اتصالات شغال فيها وبالعدم نجيبك هنا وتختار على كيفك. أها قصرنا معاك..
12-28-2011, 11:04 PM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
الله يرفع مقامك يا فنان والله في الزمن الصعب قليل أمثالك بالله تكون البتيخه حلا وحمر وكمان ما رمليه ودون الاربعين ربناي وافقك والله ح أدعي ليل ونهار تكون من أهل الجنة
الله أكبر تعال يا ود جبريل و قيقاو كل الشمس شوف الاخوان كيف بالله
* نصحية أبعد المساعي في موضوعي دا من ودالبشري المؤدب لانو عندو مزاج يحطم جهودي في الارتباط
12-29-2011, 00:00 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: الله أكبر تعال يا ود جبريل و قيقاو كل الشمس شوف الاخوان كيف بالله
يا ابو الزهراء ياخ و الله انت ظالمني لمن تحسبني مع الشمس ود جبريل في سطر واااحد ياخ انت ما بتعرف صليحك من عدوك؟ انا مع ابو صلاح ياخ .. قطاع السوفتوير لكين! نحن مهمتا برمجيات .. ابقريد .. صطب مرة واحدة .. ابلود لبرنامج جديد .. فكك من ناس ود البشرى ديل ياخ! ديل شغالين بالدووظ لسة .. لوووووول احسن ليك تسمع كلامي
اليك بعض المقتطفات من قصة سيدنا يوسف عساها تطمئن كل المنتظرين من العزابة
أراد إخوة سيدنا يوسف أن يقتلوه ( فلم يمت ) !!
ثم أرادوا أن يمحى أثره ( فارتفع شأنه ) !! ثم بيع ليكون مملوكا ( فأصبح ملكا ) !! ثم أرادوا أن يمحو محبته من قلب أبيه ( فإزدادت ) !!
( فلا تقلق من تدابير البشر فإرادة الله فوق إرادة الكل )
عندما كان يُوسف في السجن ، كان يوسف الأحسن بشهادتهم " إنا نراك مِن المُحسنين " .. لكن الله أخرجَهم قبله !! وظلّ هو - رغم كل مميزاته - بعدهم في السجن بضعَ سنين !! ( الأول خرج ليُصبح خادماً ) ، ( والثاني خرج ليقتل ) ، ( ويوسف انتظر كثيراً ) !! لكنه .. خرج ليصبح " عزيز مصر " ، ليلاقي والديه ، وليفرح حد الاكتفاء ..
إلى كل أحلامنا المتأخرة : " تزيني أكثر ، فإن لكِ فأل يوسف "
إلى كل الرائعين الذين تتأخر أمانيهم عن كل من يحيط بهم بضع سنين ، لا بأس .. دائماً ما يبقى إعلان المركز الأول .. لأخر الحفل !! إذا سبقك من هم معك ، فأعرف أن ما ستحصل عليه .. أكبر مما تتصور ? !!
تأكد أن الله لا ينسى .. وأن الله لا يضيع أجر المحسنين
("( فكن منهم )") هل تريد ؟
معادلة 1- تريد الصحة……… = ………عليك بالصيام. 2- تريد نور الوجه…… = ……عليك بقيام الليل. 3- تريد الراحة….… = …….عليك بترتيل القرآن. 4- تريد السعادة…… =…... صل الفريضة بوقتها. 5- تريد الفرج…….… =……… لازم الإستغفار. 6- تريد زوال الهم …..….=……… لازم الدعاء. 7- تريد زوال الشدة = قل "لا حول ولا قوة إلا بالله العلي العظيم". 8- تريد البركة = اكثر من الصلاة على النبي محمد وآله الطاهرين. 9- تريد ان تحترم بين الناس = احترم الناس 10- تريد الخير لنفسك = تمنى الخير للاخرين.
12-29-2011, 08:34 AM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
الاخ الحبيب أسماعيلعبدالله محمد السلام عليكم ورحمة الله وبركاته
لك مني جزيل الشكر وأيضا تجدني في غاية الامتنان لمرورك علي هذا البوست ومشاركتك معنا أحزاننا لك ودي وعسي ربي أن يجعلك من أهل اليمين ويمتعك بالعافية وينزل علي وعلي رفاقى الاعزاء الهداية والرحمة يجعلنا من الذين يطلبون رضاه أنه سميع مجيب شكرا يا صديقي مرة أخري.
12-29-2011, 10:26 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
تحياتي وينك مافي زوال بشوفك عارف مشاغلك المهم وأنت عارف مشكلتنا دي الخوف فيها نصل نهايات الاربعينات وخياراتنا تضيق وكمان نستمرعلي الحال دا المهم أنا عندي جهود رهيب لتكوين كيان يجعل مسألة الارتباط في غاية البساطة بدون التعيقدات الاجتماعية الحاصلة دي المهم نحن بصدد عمل وقفة أحتجاجية ومؤتمر صحفي وممكن تشارك معنا ملثم لمقامك الاكاديمي ولحين أنجاز الامر عليك بالصبر والصيام ما داعي للجرسه لك ودي
هههههههههههههههه والله يا ابو الزهور دي بالغت فيها غايتو انا للوقفة الاحتجاجية والمؤتمر الصحفي جاهز ومستعد ابقي الناطق الرسمي كمان عارف ليه لأنو البلد دي الزول الداير يظهر بدل يلبس اصفر يقوم يكون مجموعة ويبقي في راسا شفت ناس خليل ومني اركو وعقار والجماعة ديل؟ احسن مننا بي شنو يعني؟ ياخ اولاد المهدي والميرغني بقو طالعين في الكفر عشان ابواتهم فنحن مافي طريقة غير نظهر بالطريقة دي ياخ حتي ناس تراجي ظهرو بي اسرائيل والصوارمي اليومين دي طالع برضو في التوب وكدا خلينا نظهر شوية ياخ ما ممكن يبقن علينا اتنين عدم عرس وعدم ظهور
ومن هذا المنطلق انا بعلن اعلان رسمي بترشيح نفسي كناطق رسمي باسم مجموعة العزابيين والعزابيات بالسودان، ما داير رئيس ولا نائي ولا امين ولا كدا دي خليتا ليكم ودا طرفي منها سمح؟
وشكرا
بكري الخير الناطق الرسمي باسم مجموعة العزابيين والعزابيات امدرمان - السودان
12-29-2011, 11:14 PM
زهير عثمان حمد
زهير عثمان حمد
تاريخ التسجيل: 08-07-2006
مجموع المشاركات: 8273
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة