|
Re: مستقبل الفن السوداني عند هذا الشاب (Re: khaleel)
|
سبقتني يا معلم ، كنت بجهز في كلام عن الشاب دا يا خليل أنا في قمة الأعجاب بهذا الشاب و شايف أنو هو فناني المفضل حالياً . اجمل ما فيه أنو يتمتع بحس غاية في الروعة ويغني بسهوله تحير (ما شاء الله) و يغني بصوته هو فيدخل الشك لقلبك هل هذه الأغنية آداءها صاحبه بهذه الصورة ؟ من أول أغنيتين سمعته فيهم تيقنت أنا لا مستحيل أمام هذا الشاب أبداً و فوق هذا و هذا سيف الدين هادي و رزين و وديع و تشعر أنه يعرف كل كلمة فى الأغنية و يفهم معناها تماماً لذا تأتي منسابه معه بجزاله يحسده عليها اكبر الفنانين .
لله دره فهو احد اسباب سعادتي في الفترة السابقه يشهد الله فرحان من يوم سمعت صوته .
و ما شاء الله ربنا يحفظه فهو قادم بقوة وعلى الجميع أن يحترس فسيف الدين صوت يختزن الجمال ليوزعه بفرح للناس .
شكراً يا خلي و مشتاقين يعلم الله و سنتك سعيده
| |
|
|
|
|
|
|
Re: مستقبل الفن السوداني عند هذا الشاب (Re: سفيان بشير نابرى)
|
Quote: سبقتني يا معلم ، كنت بجهز في كلام عن الشاب دا يا خليل أنا في قمة الأعجاب بهذا الشاب و شايف أنو هو فناني المفضل حالياً . اجمل ما فيه أنو يتمتع بحس غاية في الروعة ويغني بسهوله تحير (ما شاء الله) و يغني بصوته هو فيدخل الشك لقلبك هل هذه الأغنية آداءها صاحبه بهذه الصورة ؟ من أول أغنيتين سمعته فيهم تيقنت أنا لا مستحيل أمام هذا الشاب أبداً و فوق هذا و هذا سيف الدين هادي و رزين و وديع و تشعر أنه يعرف كل كلمة فى الأغنية و يفهم معناها تماماً لذا تأتي منسابه معه بجزاله يحسده عليها اكبر الفنانين .
لله دره فهو احد اسباب سعادتي في الفترة السابقه يشهد الله فرحان من يوم سمعت صوته .
و ما شاء الله ربنا يحفظه فهو قادم بقوة وعلى الجميع أن يحترس فسيف الدين صوت يختزن الجمال ليوزعه بفرح للناس .
شكراً يا خلي و مشتاقين يعلم الله و سنتك سعيده |
عندما يكون الكلام عن الفن والجمال
لا بد ان صاحبي سفيان
هذا الولد هدية من السماء للسودان ليملا الفراغ الذي تركه رحيل العمالقة
اتمني ان يجد من يدله ويرشده في هذا الطريق الطويل الشاق
وحتما المستقبل له
سنة حلوة يا جميل
| |
|
|
|
|
|
|
Re: مستقبل الفن السوداني عند هذا الشاب (Re: saadeldin abdelrahman)
|
لو ما نوع هذا الشابا ابدا ماكنا حضرنا نجوم الغد وجلسنا نشاهد مساخة لجنة التحكيم ورشاقة مقدم البرنامج في واحده من رشاقات مقدم البرنامج الولد قال اسمه بالكامل والمنطقة التي حضر منها المهم قال اسم جدو( يعقوب ) من ساخفة ورشاقة المقدم وقال بحكي نكتة وشوفو المنظر قال .. في واحده حنكوشة مشت الدكتور وقالت ليهو عندي لوز الدكتور قال ليها السبب قالت .. عشان بردد اسم يعقوب وبطريقة استخفاف كدا الشاب طبعا زعل وقال لمقدم البرنامج .. يعني اسم جدي بعمل لوز مقدم البرامج .. قاليهو احتمال غايتو الناس ديل بقتلو ليهم زول عديل بالعبط والرشاقة الزيادة عن اللزوم
خليل الود سيف دا فنان وانا متابعو جدا بس في رمضان زايد فرق بسيط ولا يذكر الا لانسان سمع رمضان زايد كتير نتمنى له التقدم وان يجد الشاعر والملحن المناسب
| |
|
|
|
|
|
|
Re: مستقبل الفن السوداني عند هذا الشاب (Re: Fadl Karrar)
|
Quote: في واحده من رشاقات مقدم البرنامج الولد قال اسمه بالكامل والمنطقة التي حضر منها المهم قال اسم جدو( يعقوب ) من ساخفة ورشاقة المقدم وقال بحكي نكتة وشوفو المنظر قال .. في واحده حنكوشة مشت الدكتور وقالت ليهو عندي لوز الدكتور قال ليها السبب قالت .. عشان بردد اسم يعقوب وبطريقة استخفاف كدا الشاب طبعا زعل وقال لمقدم البرنامج .. يعني اسم جدي بعمل لوز مقدم البرامج .. قاليهو احتمال
|
و لي الفنان كيفك ياخ طبعاً كل الكلام دا أنا حضرته و كنت حانق حنق شديد علي السيد بابكر الصديق ، معقول ياخ !!! و اقول ليك حاجة !!!؟ الكلام دا عنصريه عدييييل من بابكر لو طار السماء دا فررررر دا كلام عنصري لانو بالواضح عندو تصورات في رأسو دا عن يعقوب شكلو و سحنتو و القصص دي !!! ياخ قرفنا الله يقرفوا !! شعور و حس ما عندو!!! الحالة دي فنان تشكيلي!!!
بالمناسبة بابكر صديق في اخر حلقتين قاعد يقول و يكرر أنهم حيخصصوا حلقة كاملة يردوا فيها عن كل ما يكتب و يتقال عنهم في الصحف و في الأنترنت و أتمنى أنو بدل يردوا يرسلوا دعوة رسممممي للناس عشان نلقى فرصه نمشي نقول ليهم الكلام دا دغري و في و شيهم هم قايلين انهم مهتمين بمسألة و مستقبل الغناء في السودان دا اكتر مننا و لا شنو ؟
الشي التاني يا وليد يا عبد اللطيف بابكر الصديق و محمد سليمان شابكين الشاب سيف الدين دا :- صوتك ما بين السكر و المولاص ... ما بين السكر و المولاص قايلنو بفهمم ولا شنو ؟ الناس دي ليه ما قادره تفهم أنها بتتعامل مع شباب صغيرين في السن و التجربة و أنو كل قيمهم العندهم ما بتشبه إي قيمة من الهم حاملنها في رووسهم دي !!! ياخ الناس دي حتى لغة مشتركه بينهم و بين الشباب ديل معدومه عشان كدا محمد سليمان دا تحديداً كدا مشاتر في البرنامج دا لانو عايش في زمن و قيم مختلفه تمااام عن كل المتسابقين .
ياخ اقول ليك حاجة معليش أنا ذاتي غلطان البكتب و بتكلم معليش ياخ و اعذرني .
يا خليل معليش شترته ليك البوست ياخ .
تحياتي .
| |
|
|
|
|
|
|
Re: مستقبل الفن السوداني عند هذا الشاب (Re: مرتضى احمد عبد القادر)
|
يا جماعة
الاغنيات في نظري جميلة
لكن لحدي هسه انا ما سمعت صوت الفنان دا
ما سمعته تقليد جيد يمكن ان يكون مؤدي جيد لاغاني الآخرين، خصوصاً إنو الاغاني حلوة وجميلة.
لكن صوتو هو ذاتو وين.
يعنى مثلاً انا بسمع محمود بيغنى لي ناس تانيين لكن الصوت صوت محمود.
على العموم وجهة نظر (دي خوفاً من الردم)
| |
|
|
|
|
|
|
Re: مستقبل الفن السوداني عند هذا الشاب (Re: Emad Ahmed)
|
الصادق اسماعيل أنقذتني صدق!" من النادر بل مستحيل أقرا كل مداخلات بوست لكن المرة دي عملتها عشان افتش لي زول قال زي كلامك ده والحمد لله لقيتو وإن كان في الأخير..:-) انا طبعا مصنف حاقد واشتر وبحب خالف تذكر عشان كده ما كنت ابدا حا اجي اقول زي كلامك ده.. كلامك سليييم ميية المييية يا حبوب وكده حنتردم الاتنين..الولد مؤدي ممتاز بس بلا هوية للصوت..يعني لو جا غنا ليهو أغنية إسمها المكا زاتو من كلمات حفصة وألحان سمير ما أظن في زول ح يكتب عن الود ده والسبب بكل بساطة إنو صوتو ح يكون ما صوت خلود في الذاكرة.. معظم الناس الهنا إستمتعت بي الأعمال العملاقة القدما الولد ده وأجادها للحق وإن كان فشل في الصخرة.. الولد ده في لحظة بيعمل فيها وردي في الستينات ومرة صوت ما ياهو ومرة صوت رايف وده دليل على إنو ما قادر يبصم بل بيستحضر طريقة اداء الفنان سيد الأغنية.. عندو عيب تاني صغيروني ..ما قاعد يحس بي الغنا ..بيقيف كمؤدي حافظ للنص وتللحن بيذكرني بي الممثلين السودانيين البيقرب بعد ينتهي من المشهد يقبل على المخرج ويقول ليهو " أها سمعت ليكم صاح؟ "
فهمتني ؟
| |
|
|
|
|
|
|
Re: مستقبل الفن السوداني عند هذا الشاب (Re: khaleel)
|
خليل الود سيف دا فنان وانا متابعو جدا بس في رمضان زايد فرق بسيط ولا يذكر الا لانسان سمع رمضان زايد كتير نتمنى له التقدم وان يجد الشاعر والملحن المناسب
هلا وليد
القصة في جسارة سيف والتصدي لاغنية مثل يا ليتني زهر
انه فنان السودان القادم
| |
|
|
|
|
|
|
Re: مستقبل الفن السوداني عند هذا الشاب (Re: khaleel)
|
لفت انتباهي لهذا الشاب احد الاصدقاء عقب الحلقة التي لم احضرها فقد قاطعت التلفزيون منذ زمن
وحقيقة اداءه اداء متميز واختيارات تدل على ذوق لا يخفى
ـــــــــــــــــــــــ
هلا ود الخليفة والقول ما قلت
| |
|
|
|
|
|
|
Re: مستقبل الفن السوداني عند هذا الشاب (Re: khaleel)
|
خليل و نابري عليكما البهجة و طرب! اتلميتوا مع الجنا ده عايزين تكتلولكم زول؟ هسة لو سيف نديدكم كان صدق تلاتة صبيانا ندادة يضربوا الزول ضرب الحسادة يحموه ما يقلب الشهادة!
هلا بالخبير سعد الدين
الود فنان صاح
| |
|
|
|
|
|
|
Re: مستقبل الفن السوداني عند هذا الشاب (Re: khaleel)
|
Quote: سيف الدين حسان صوت يلمع كسبايك حين تسمعه يترنم من غير موسيقي
وحين يغني بمصاحبة الموسيقي كأنه الذهب المشغول بأيدي ماهرة وفي فترينة عرض كثيفة الجمال
صوته يري وتري من خلاله عوالم مدهشة باهرة فائقة الحسن
ربنا يحفظه |
شكرا فضل كرار يا صاحب الذوق الرفيع
| |
|
|
|
|
|
|
Re: مستقبل الفن السوداني عند هذا الشاب (Re: khaleel)
|
لكن لحدي هسه انا ما سمعت صوت الفنان دا
ما سمعته تقليد جيد يمكن ان يكون مؤدي جيد لاغاني الآخرين، خصوصاً إنو الاغاني حلوة وجميلة.
لكن صوتو هو ذاتو وين.
هلا بالصادق اسماعيل
بالمناسبة سيف الدين قام بتسجيل اغنية الود كاملة ولمدة خمسة واربعين دقيقة وسيقوم البرنامج بعرضها كاملة
عليك اسمع بعد عرض الاغنية وتاكد من الامكانيات الصوتية لهذا الموهوب
| |
|
|
|
|
|
|
Re: مستقبل الفن السوداني عند هذا الشاب (Re: khaleel)
|
صباح الخير ياهندسة
بعجبني الزول البغني وهو مرتاح ...
والزول ده بغني وهو مرتاح شدييييد ....
شاب ليهو مستقبل ان شاء الله ......
ايوة يا سعادتك
الود مهمول وبختار اغنيات من صميم صميم ذاكرة الفن السوداني
| |
|
|
|
|
|
|
Re: مستقبل الفن السوداني عند هذا الشاب (Re: khaleel)
|
Quote: الولد ده في لحظة بيعمل فيها وردي في الستينات ومرة صوت ما ياهو ومرة صوت رايف وده دليل على إنو ما قادر يبصم بل بيستحضر طريقة اداء الفنان سيد الأغنية.. عندو عيب تاني صغيروني ..ما قاعد يحس بي الغنا ..بيقيف كمؤدي حافظ للنص وتللحن بيذكرني بي الممثلين السودانيين البيقرب بعد ينتهي من المشهد يقبل على المخرج ويقول ليهو " أها سمعت ليكم صاح؟ "
|
هلا يا فاروق
الود لسع صغير وشوية شوية مع الايام تنصقل الموهبة والتجويد
واكيد حا يكون خليفة للعملاقة
| |
|
|
|
|
|
|
Re: مستقبل الفن السوداني عند هذا الشاب (Re: khaleel)
|
Quote: و لي الفنان كيفك ياخ
طبعاً كل الكلام دا أنا حضرته و كنت حانق حنق شديد علي السيد بابكر الصديق ، معقول ياخ !!! و اقول ليك حاجة !!!؟ الكلام دا عنصريه عدييييل من بابكر لو طار السماء دا فررررر دا كلام عنصري لانو بالواضح عندو تصورات في رأسو دا عن يعقوب شكلو و سحنتو و القصص دي !!! ياخ قرفنا الله يقرفوا !! شعور و حس ما عندو!!! الحالة دي فنان تشكيلي!!!
|
ياخي الناس دي حيرتنا يتعاملون مع بعض الشاب بكل سخرية وطبعا دي عنصرية واضحة كما تفضلت وكان مافي ليها داعي تعرف في مهن كدا مفروض لو تغلط يعدموهو طوالي زي الدكتور الطبيب والفنان لان ديل مفروض تكون الانسانية من اصلهم وطبعهم بالجد ياسفيان حاجة تحبط لما تشوف مستوى مع اولاد صغار بهذه الطريقة ديل بالطريقة دي بعلموهم اشياء اخرى غير دروب الفن
| |
|
|
|
|
|
|
|