|
Re: خريجوا طنطا اجمعوا هنا (Re: ايمان بدر الدين)
|
حباب ايمان بدرالدين وحباب جميع خريجي وخريجات طنطا
أقترح عليك وضع ايميل لغير الأعضاء لأن خريجي طنطا هنا قليلون.
---------------------------- * لي فترة يا ايمان متوقف عن المساهمة الا واجبات العزاء والتهاني ............... مالك عايزة ترجعينا؟
| |
|
|
|
|
|
|
Re: خريجوا وخريجات طنطا اجمعوا هنا (Re: عاطف مكاوى)
|
Quote: حباب ايمان بدرالدين وحباب جميع خريجي وخريجات طنطا
أقترح عليك وضع ايميل لغير الأعضاء لأن خريجي طنطا هنا قليلون.
---------------------------- * لي فترة يا ايمان متوقف عن المساهمة الا واجبات العزاء والتهاني ............... مالك عايزة ترجعينا؟ |
وحباب ولدنا عاطف مكاوى وحباب لمتنا تانى وفرحتنا الكانت زمان زمن الزمن السمح وثورة الشباب
انا عارفة انك متوقف ليك زمن وعساك ما محبط والفى السودان كثير يحبط ويوجع ونزيف دم هنا وهناك لكن تعال نتذكر الكان وكان
ولو بدينا بأم سعيد والسحلب ومشى الاتحاد ومشينا كل يوم للأتحاد الكان فى المكان الاول داك ذكرنى يا عاطف لية واسم شارعة افتكر شارع النادى لما جينا برالمة وبرلومات والسبعة بنات اولاتحاد الكان وين داك وجابوة شارع محمود بك ونبدا ذكريات ونمشى نزور ناس المنصورة واسكندرية والزقازيق ونتذكر زياراتهم لينا بالمناسبة فىى صفحة فيس بوك عملتها ماجدة صالح لو تذكرها اما اقتراحك بتاع الايميل الخاص فهو جيد بس كيف وممكن تساعدنى فية عشان ناخذ مداخلات الكل ونجيبها هنا فى البوست
ويا عاطف ما تقيف من المساهمة وتعال نجتر من سنامنا مع علمى انة القدامنا كثير ننجزة
تحياتى لاسرتك
بس نود مساهمتك عبر البوست باعتبارك من خريجى طنطا وكمان تجارة
معروف انت جدا بل غنى عن التعريف لكن عرف نفسك لزوار البوست وتحدث عن تاريخك بطنطا ونشاطك عبر الجبهة الديمقراطية وزمن التجمع الوطنى الديمقراطى ونضالنا ونحن برالمة جدد
وانتوا احطونا بكل الترحاب وكل الحفاوة وعرفتونا بالساحة وكل ما يدور بها انها مساهمات قيمة وجيدة وتعال نتذكرها
| |
|
|
|
|
|
|
Re: خريجوا وخريجات طنطا اجمعوا هنا (Re: طارق جبريل)
|
سلام يا أيمان و كل المتداخلين وعبركم أحلى تحية لأهل الغربية ..
و مدد يا سيدي أحمد البدوي .. مدد ..
ثم سلام لكل أحبائي في طنطا ..
محمد علي ضوينا ، عبد الحفيظ زيطة ، بارودي ، مروان إبراهيم ، عمر صديق ، صديق عبد الرحيم ..
و سلام لأشقاء الزمن الجميل .. مرتضى ، عوض البارئ ، معتز الفحل ..
و لكل ناس طنطا سلاك كبير أوووووووي ..
| |
|
|
|
|
|
|
Re: خريجوا وخريجات طنطا اجمعوا هنا (Re: عصام دهب)
|
طنطا وطالباتها وطلابها من الزمن الجميل يا حليلكم كلكم وسلام لكم اينما كنتم وا منيات خالصات لكم جميعا بتمام الصحة والعافية وبحياة مليئة بالانجاز فى الخاص والعام.. ويا نصرالدين أحيى فيك هذه الذاكرة الحديدية انا غايتو متذكرة السحلب وام سعيد لكن اكتر من كدة الله اعلم.... لوول لى عودة ومعها محاولة لتنشيط الذاكرة رباب
| |
|
|
|
|
|
|
Re: خريجوا وخريجات طنطا اجمعوا هنا (Re: Rabab Elkarib)
|
ناس طنطا والزقازيق طالبات عزاز وطلبة اصدقاء وزملاء اعزاء ازيكم انا لى زمان ما سمعتكم
انا لى زمان ما شفتكم
انا مشتاقة ليكم كلكم
وجايكم سريع بعد الشغل اطلكم
اسلم عليكم وبكلمات رقيقة احييكم
بس راجعة ليكم سريع انتظروا ما يغادر زول منكم
ايمان بدرالدين هنا قريبة فى البوست بى جنبكم
| |
|
|
|
|
|
|
Re: خريجوا وخريجات طنطا اجمعوا هنا (Re: نصر الدين عثمان)
|
التحية للزقازيقيين الجميلين (عبد الدائم، عصام، طارق) ..
وللزقازيقي السامق الآخر (صلاح جلال) الذي كحلنا أعيننا برؤيته وأسماعنا وهو يصول في أركان النقاش عندما يأتي إلى طنطا .. دعواتي للجميع بالصحة والعافية وأن يتولى الراحلين برحمته آمين
| |
|
|
|
|
|
|
Re: خريجوا وخريجات طنطا اجمعوا هنا (Re: عاطف مكاوى)
|
التحية اختي ايمان بدرالدين
التحية لكل مداخليك في هذا البوست الفريد
واقول فريد لانه سوف يجمعنا باجمل من عشنا معهم اجمل الايام - ليتها تعود -
التحية للعجوز عاطف مكاوي
التحية للعزيزة رباب - مسؤولة المال في اول اتحاد ديمقراطي بطنطا -
التحية اخي نصرالدين
في هذا البوست نترحم على الذين توفاهم الله
ونتواصل مع الاحياء منهم ونجتر الذكريات
وجاييكم برواقة باذن الله
محمد عثمان مجذوب - تربية طنطا
| |
|
|
|
|
|
|
Re: خريجوا وخريجات طنطا اجمعوا هنا (Re: كمبورة)
|
اهلا بناس طنطا واهلا بيك يادفعه ياايمان بدرالدين..... التحيه للحبيب والذى حط رحاله اخيرا بفلوريدا فارس الطاهر الجاك, والهادى الصادق الزين بقطر والاخ السندكالى المرابط بالداخل الهادى عيسى والحبيب اسحق موسى ابكر, ابراهيم محمد ابراهيم بالسوكى والاخ الفاضل محمد ادم وزميل سكنه ابو النور....و يا حليل اولاد المستقلين ناس الفحل وعبد القوى والاخ اسامه التوم الاديب المفوه متنقلا بين الطيف السياسى الطلابى وحبيينا الانصارى باب الدين بسام..... وطبعا اترحم على زميل السكن مصطفى تربيه الملقب ب (بوجى) وكل من فارقنا للدار الاخره وحتما تكون لى صولات وجولات فى هذا البوست وطبعا لابد لى ان اختم هذه المداخله بالحبيب زميل الدراسه , الجهاد والاغتراب عادل تاج الدين جار النبى
دودى
| |
|
|
|
|
|
|
Re: خريجوا وخريجات طنطا اجمعوا هنا (Re: Mohamed Doudi)
|
أنتهز فرصة هذا البوست لأسال عن أين يتواجد هؤلاء :
- دكتور عزالذين عوض ...طب أسنان طنطا.... مدينة الكاملين - الفنان الرائع .. خالد محمود ... معهد صحي طنطا ... جزيرة الفيل مدني - دكتور يحيي خالد ... طب طنطا ... الشجرة .. الخرطوم - فائز حسن العوض ... تجارة طنطا .... كسلا - الطاهر أبوزينب ... تجارة ..... منطقة ريفي الدامر أو ريفي عطبرة - رمزى عبدالعزيز المصرى .... تجارة ..... عبرى - زملاء كفر الشيخ وليحدثنا عن أخبارهم عاصم فقيرى - راجي عياد مينا ... صيدلة ... الدرجة .. مدني - حيدر سيدأحمد ... تربية ... شايقي من البلد.
* هؤلاء وآخرون لم ألتقيهم لفترة طويلة ولم أسمع عن أخبارهم. ايميلي : [email protected]
| |
|
|
|
|
|
|
Re: خريجوا وخريجات طنطا اجمعوا هنا (Re: Mohamed Doudi)
|
Quote: التحيه للحبيب والذى حط رحاله اخيرا بفلوريدا فارس الطاهر الجاك, |
دودى يا دفعة سلام واهلين ومنور البوست ورافعة عالى ومعاك كل الاصدقاء والزملاء والرفقاء والاخوة الاحباب واشقاء الزمن الجميل بطنطا
الف مرحب ومرحب بالزميل الاخ الحبيب
فارس الطاهر الجاك وياريتنا نعرف تيلفوناتة ومكان استقرارة وعبر البوست نرحب بية فى الولايات المتحدة الامريكية
واهلين وسلام لكم جميعا وواصل فى البوست الذى ازدان بطلاتكم ومحبتكم وتواصلكم
ايمان الزمن الجميل
| |
|
|
|
|
|
|
Re: خريجوا وخريجات طنطا اجمعوا هنا (Re: كمبورة)
|
Quote: التحية اختي ايمان بدرالدين
التحية لكل مداخليك في هذا البوست الفريد
واقول فريد لانه سوف يجمعنا باجمل من عشنا معهم اجمل الايام - ليتها تعود -
التحية للعجوز عاطف مكاوي
التحية للعزيزة رباب - مسؤولة المال في اول اتحاد ديمقراطي بطنطا -
التحية اخي نصرالدين
في هذا البوست نترحم على الذين توفاهم الله
ونتواصل مع الاحياء منهم ونجتر الذكريات
وجاييكم برواقة باذن الله
محمد عثمان مجذوب - تربية طنطا |
كمبورة وفى زول اقدر انسى محمد عثمان و كلية تربية طنطا وناس المستقلين
و يا حليلكم بالكثير يا حليلكم عايزة اعرف اخباركم وانا عارفة انك فى قطر وتحياتى لاسرتك مطر
وجيب لينا اسماء كل الاعزاء والزملاء اصدقاء ذلك الزمن الجميل وانا متأكدة ناس تربية وقائمة المستقلين المابتغبانى بتكون لسة عندك
كتر خيرك على التعزية لكل موتانا الف رحمة تنزل عليهم
خليك قريب يا حبيب الجميع
| |
|
|
|
|
|
|
Re: خريجوا وخريجات طنطا اجمعوا هنا (Re: عصام دهب)
|
Quote: سلام يا أيمان و كل المتداخلين وعبركم أحلى تحية لأهل الغربية ..
و مدد يا سيدي أحمد البدوي .. مدد ..
ثم سلام لكل أحبائي في طنطا ..
محمد علي ضوينا ، عبد الحفيظ زيطة ، بارودي ، مروان إبراهيم ، عمر صديق ، صديق عبد الرحيم ..
و سلام لأشقاء الزمن الجميل .. مرتضى ، عوض البارئ ، معتز الفحل ..
و لكل ناس طنطا سلاك كبير أوووووووي .. |
اهلا وسهلا بأهل الزقازيق
عصام دهب سبقتنا بأفتراع بوست الزقازيق لكن جيناكم بطنطا
نشكرك على الاضافة وناس الزقازيق اقرب لى طنطا سفرا مع انها جقرافيا هى الشرقية وطنطا الغربية تحياتنا معك موصولة لكل الاشقاء عوض البارىء وكنت قد اللتقيتة بأسمرا فى مؤتمر التجمع الوطنى 2003ومعة معتز الفحل
تحياتنا لمرتضى
ومحمد علي ضوينا ، عبد الحفيظ زيطة ، بارودي ، مروان إبراهيم ، عمر صديق ، صديق عبد الرحيم ..
مرة اخرى الا وسهلا
| |
|
|
|
|
|
|
Re: خريجوا وخريجات طنطا اجمعوا هنا (Re: طارق جبريل)
|
Quote: سلام يا ناس طنطا تحية زقازيقية لاحباب سيدنا البدوي
عندي ود اختي كان بيدرس معاكم اسمه: أحمد محجوب فحل شايقي لِكَة |
يا هلا واهلا وسهلا بطارق جبريل يا زقازيقى يا اصيل
مرحب بيك فى بوست الغربية طنطا وسيدى يا بدوى
قريبك احمد الفحل بنعرفوا فى التجارة قدامنا بسنتين وهو من عطبرة وصديق حاتم سعد جدا وهو شايقى بلهجة محببة
اهلا وسهلا بيك فى طنطا مرة ثانية
حاول جيب لينا اخبارة وسلم لينا علية وتسلم
| |
|
|
|
|
|
|
Re: خريجوا وخريجات طنطا اجمعوا هنا (Re: نصر الدين عثمان)
|
Quote: الأخت إيمان ..... سلام لك ولطليعة زائريك الطنطاويين (عاطف) و(رباب).. طنطا .. شارع البحر .. السيد البدوي .. السمسمية .. ستوتة .. كفر السجن .. وكفر الشيخ .. أمضيت في طنطا زهاء الخمسة أشهر فقط .. ولكنها كانت كافية للالتقاء وللتعرف في تلك الفترة القصيرة على الكثير من الرائعين الذين بقيت نقوشهم حية في الذاكرة رغم مرور كل تلك السنون .. أحاول أن أتجرأ باختبار ذاكرتي الصدئة في استذكار بعض تلك الأسماء اللامعة ... نجوم الشعر: دكتور أمير تاج السر حاتم سعد سالم أسامة التوم محمد طه الصادق جبريل نجوم السياسة بمختلف ألوانهم : بدوي محمد بدوي اليسع عبد الرحمن عماد حسن صديق عوض عثمان رباب الكارب النعيم محمد حمزة عرمان النور إيمان بدر الدين المرحوم/ عادل حسن سالمين عادل الرفاعي فيصل الرشيد أماني باشري محمد مصطفى الأمين محمد عثمان نوري عادل تاج الدين جار النبي الرشيد علي سليمان مولانا محمد الفاتح حيدر الأغبش بشير .... نجوم الغناء: ياسر إبراهيم فايز ... ونجوم المجتمع: حامد عيد موافي الفاتح (من الأبيض لم يكن طالباً) عرفت أنه ما زال بطنطا .. كانت دار الاتحاد في تلك الأيام البعيدة تقع في شارع كفر عصام .. حيث كانت هناك نجمة أخرى لا تقل توهجاً.. (أم سعيد) .. وما أدراك ما أم سعيد تلك المرأة الفريدة السودانية القلب والهوى.. فقد كانت أماً للجميع تبادلهم حباً بحب.. تجوب أركان المكان بحميميتها الطاغية وابتسامتها الراسخة لتوزيع (السحلب) و(الكاكاو) اللذيذين .. وصغيريها - وقتها - يمسكان بمعطفها .. فكان هذا المشهد الأثير كفيلاً بحفظ توزان تلك الدار عندما تستعر حرارة أركان النقاش .. ووو .. شكراً لك أختي أيمان .. بيد أنني سأظل أيضاً مرابضاً في هذا المكان الجميل ..
|
اهلا وسهلا يا نصر الدين
ما شاء الله عليك وتبارك الله الذاكرة تمام وربنا يحفظك بذاكرتك وكلماتك الطيبة وذكرى الناس الحلوين حليل شارع البحر سعيد ميدان الساعة محطة القطر شارع النادى النحاس
وياحليل ام سعيد واعتقد ان هناك من زملائنا من تزوج بأحدى بناتها الى هذة الدرجة بلغت المودة والالفة بيننا كطلبة وام سعيد
هذة من الاشياء والاخبار الجميلة التى يحيها البوست
تعرف يا نصر الدين كل كلمة بتنسج حكاية وكل حكاية تبقى ذكرى عطرة تعطر حياتنا ونعيش عليها
طبعا اسماء كل الذين اوردتهم اتذكرهم ويا ريت يدخلوا يشاركونا
شكرا يا عزيز
| |
|
|
|
|
|
|
Re: خريجوا وخريجات طنطا اجمعوا هنا (Re: ايمان بدر الدين)
|
Quote: Quote: الأخت إيمان ..... سلام لك ولطليعة زائريك الطنطاويين (عاطف) و(رباب).. طنطا .. شارع البحر .. السيد البدوي .. السمسمية .. ستوتة .. كفر السجن .. وكفر الشيخ .. أمضيت في طنطا زهاء الخمسة أشهر فقط .. ولكنها كانت كافية للالتقاء وللتعرف في تلك الفترة القصيرة على الكثير من الرائعين الذين بقيت نقوشهم حية في الذاكرة رغم مرور كل تلك السنون .. أحاول أن أتجرأ باختبار ذاكرتي الصدئة في استذكار بعض تلك الأسماء اللامعة ... نجوم الشعر: دكتور أمير تاج السر حاتم سعد سالم أسامة التوم محمد طه الصادق جبريل نجوم السياسة بمختلف ألوانهم : بدوي محمد بدوي اليسع عبد الرحمن عماد حسن صديق عوض عثمان رباب الكارب النعيم محمد حمزة عرمان النور إيمان بدر الدين المرحوم/ عادل حسن سالمين عادل الرفاعي فيصل الرشيد أماني باشري محمد مصطفى الأمين محمد عثمان نوري عادل تاج الدين جار النبي الرشيد علي سليمان مولانا محمد الفاتح حيدر الأغبش بشير .... نجوم الغناء: ياسر إبراهيم فايز ... ونجوم المجتمع: حامد عيد موافي الفاتح (من الأبيض لم يكن طالباً) عرفت أنه ما زال بطنطا .. كانت دار الاتحاد في تلك الأيام البعيدة تقع في شارع كفر عصام .. حيث كانت هناك نجمة أخرى لا تقل توهجاً.. (أم سعيد) .. وما أدراك ما أم سعيد تلك المرأة الفريدة السودانية القلب والهوى.. فقد كانت أماً للجميع تبادلهم حباً بحب.. تجوب أركان المكان بحميميتها الطاغية وابتسامتها الراسخة لتوزيع (السحلب) و(الكاكاو) اللذيذين .. وصغيريها - وقتها - يمسكان بمعطفها .. فكان هذا المشهد الأثير كفيلاً بحفظ توزان تلك الدار عندما تستعر حرارة أركان النقاش .. ووو .. شكراً لك أختي أيمان .. بيد أنني سأظل أيضاً مرابضاً في هذا المكان الجميل ..
|
تحية طيبة لك يا اخت إيمان والزوار الكرام كيييييييف ربنا يقدركم وتنسوا فنان طنطا الاول عبدالحميد مأمون (عبدالحميد طنطا)وأغنية بخاف..
| |
|
|
|
|
|
|
Re: خريجوا وخريجات طنطا اجمعوا هنا (Re: عبد الدائم سيد أحمد)
|
Quote: وناس الزقازيق ايضا" حيكونو مرابطين معاكم فى الجانب الشرقى من الدلتا
سلامات ايمان ، عاطف ، رباب
لكم التحايا |
اهلا وسهلا يا عبدالدائم سيد احمد من الزقازيق يا الناس الحلوين وانتو سبقتونا بالبوستات وها نحن نلحق بكم من الغربية وطبعا مرابطين معانا زى ما كان فى الزمن الجميل والزمن اتارية بعيد نفسة
عبد الدايم عرفنا بأحوالك وين انت الان وكيف اسرتك لو مع اسرة وهل فى السودان ام الخارج وخلينا نتواصل بعد مداخلتك القادمة العنوان البريدى للبوست هو
[email protected]
تحياتى وسلامى
| |
|
|
|
|
|
|
Re: خريجوا وخريجات طنطا اجمعوا هنا (Re: Rabab Elkarib)
|
Quote: ستجديننى مرابطة هنا متى ما توفر الوقت
لك تحايا كثيرات يا إيمان رباب |
اهلاوسهلا يا رباب انتى ربة البيت
طلتك بجد جميلة
وكلماتك حلوة خاصة مرابطة هنا متى ما توفر الوقت
شكل البوست حيكون جميل ولمة حلوة فقدناها ولازم نعيد الكان ولو بالاسفيريات ونحكى حكاوى
ونتعرف على اخبار بعض وابشرك ومعك كل الاحباب والزملاء وناس طنطا ان الايميل الجديد لكل من لا يملك password هوكالاتى [email protected] وياحبيبة خليك هنا فى حضرة البوست والمرة الجاية جيبى لينا صور اسرتك واولادك ونتعرف عليهم الحلوين اكيد
| |
|
|
|
|
|
|
Re: خريجوا وخريجات طنطا اجمعوا هنا (Re: ايمان بدر الدين)
|
الأخت العزيز إيمان بدر الدين وجميع المتداخلين من خريجي طنطا
تحية ليكم كلكم بدون فرز من سينير عليكم من خريجي تربية طنطا- لغة إنجليزية
دخلت البوست على أمل إني ألقى زول من دفعتنا 76 - 1980 لكن لقيتكم كلكم برالمة
ولقيت نفسي سينير عليكم ..
لي ذكريات جميلة جداً في طنطا مع زملاء دراسة في كلية التربية أذكر منهم
عماد "إسكو" كان معاي في تربية لغة إنجليزية من أبناء مدني الجميلة ..
وعرفت إنه هاجر إلى أمريكا ومتمني أعرف أخبارو
وطارق عبد الحميدعتباني - علوم .. وبابكر سيد حسن والي - صيدلة، وبابكر حمد - صيدلة
وطارق نمر الدرديري - صيدلة من أبناء كسلا ..
بوست جميل .. والذكريات متزاحمة .. وأكيد .. أكيد حأرجع ليكم تاني إن شاء الله
بالونسة والحكي الجميل عن أيام طنطا ومولد السيد البدوي ..
وأتمنى إنه ناس دفعتنا يشوفوا البوست ويجو يحكو ويخلونا نتذكر الأيام الجميلة
ويا عاطف شايفك بتسأل عن فايز حسن ...
الراجل بقى تاجر كبير في سوق كسلا وفاتح محل لبيع وتسجيل الأشرطة السمعية
| |
|
|
|
|
|
|
Re: خريجوا وخريجات طنطا اجمعوا هنا (Re: عبد الله كسلا)
|
Quote:
سيدى أحمد البدوى
هو سيدى أحمد بن على بن إبراهيم .. وينتهى نسبه إلى الإمام الحسين رضى الله عنهم أجمعين والمعروف بالشيخ أبى الفتيان الشريف العلوى السيد أحمد، وعُرف بالبدوى لكثرة تلثمه، وهو مؤسس الطريقة الأحمدية بشارتها الحمراء التى ترمز إلى الحقيقة الأحمدية الذاتية وما يشار إليه فى علوم السادة الصوفية بالياقوتة الحمراء.
ولد سنة 596هـ بمدينة فاس بالمغرب ولما بلغ سبع سنوات سمع أبوه صوتا فى منامه يقول له: يا على انتقل من هذه البلاد إلى مكة المشرفة فإن لنا فى ذلك شأنا، فسافروا إلى مكة فى أربع سنوات.
أقام بمكة واشتهر فيها بالشجاعة وسمى بالعطاب، وأقرأه أخوه القرآن وهو فى الحادية عشرة من عمره، ثم حدث له حال فتغيرت أحواله واعتزل الناس ولزم الصمت وكان لا يتكلم إلا بالإشارة، وكان كثير الصيام والعبادة، ثم قيل له فى منامه (أن سر إلى طنطا فإنك تقيم بها وتربى رجالا وأبطالا: عبد العال وعبد المجيد وعبد المحسن وعبد الرحمن) وبُشر بحال يكون له، وكان ذلك فى ليلة الأحد العاشر من محرم سنة 633هـ، فسار هو وأخوه حسن من مكة فى شهر ربيع الأول قاصدا العراق وجال فى البلاد ثم عاد حسن إلى مكة وتأخر أحمد بعده ثم لحق به وقدم مكة ولزم الصيام والقيام حتى كان يطوى أربعين يوما لا يتناول فيها طعاما ولا شرابا وفى أكثر أوقاته يكون شاخصا ببصره إلى السماء وقد صارت عيناه تتوقدان كالجمر ثم سار من مكة سنة 634هـ يريد مصر، وأقام بطنطا منذ شهر ربيع الأول سنة 637هـ، ونزل فى دار شيخ من مشايخ البلد يدعى ابن شخيط، فصعد إلى سطح غرفته وكان طول نهاره وليله شاخصا بصره إلى السماء، ولا يأكل أو يشرب أو ينام، ولم ينزل من السطح مدة إثنتا عشرة سنة ولذلك لقب بالسطوحى، وقد تابعه منذ الصغر سيدى عبد العال وسيدى عبد المجيد وصاروا من كبار مريديه بعد ذلك، وكان سيدى عبد العال يأتى إليه بالرجل أو الطفل فيطل سيدى أحمد برأسه من مجلسه فينظر إليه نظرة واحدة فيملؤه مددا ثم يقول لعبد العال اذهب به إلى بلد كذا أو موضع كذا، وكان هؤلاء الأتباع يسمون أصحاب السطح.
وممن تبعه من الأشياخ قاضى القضاة الشيخ تقى الدين بن دقيق العيد، علما بأن ابن دقيق العيد كان ينكر حال السيد البدوى ، وذات مرة أرسل ابن دقيق العيد إلى سيدى عبد العزيز الدرينى وقال له: امتحن لى هذا البدوى الذى اشتغل الناس بأمره فى هذه المسائل فإن أجابك عنها فإنه ولى لله تعالى، فمضى إليه سيدى عبد العزيز الدرينى وسأله عنها، فأجاب السيد البدوى بأحسن جواب ولم يكتف بذلك بل قال لهم إن هذه الإجابات مسطرة فى كتاب كذا فى مكان كذا، فكان سيدى عبد العزيز الدرينى إذا سئل عن السيد البدوى يقول (هو بحر لا يدرك له قرار).
ومما يذكر من نظمه :
أنا الملثم سـل عنى وعن همـمى أنا السطوحى واسمى أحمد البدوى مذ كنت طفلا صغيرا نلـت منزلة إذا دعـانى مريدى وهو فى لجج لك الهـنا يا مريدى لا تخف أبدا
ينبيك عزمى بما قد قلتـه بفمى فحل الرجال إمام القوم فى الحرم وهمتى قد علت على سائر الهمم من البحـار نجا من سطوة العدم واشطح بذكرى بين البان والعلم
وورد عنه أيضا :
مجـانين إلا إن ســر جنـوننا عجيب على أعتابه يسجد العقل
وتوفى سنة 675هـ أى عاش 79 عاما، ودفن فى مسجده العظيم بطنطا والذى يؤمه الناس من سائر البقاع للزيارة والتبرك بمقامه الشريف، واستخلف بعده على الفقراء سيدى عبد العال. |
http://www.burhaniya.org/sofism/s_order3_t.htm
-------------------------- العزيز عبدالله كسلا تحياتي
شكرا علي المعلومة عن صديقنا فائز حسن العوض .... ويكون جميل ان أضفت لهذه المعلومة رقم تليفون أو عنوان بريدى له عن اسكو وجدنا سيرته العطرة عند ناس د. خليفة نورى المتواجد بطرفكم في أبي ظبي ... كما أن من خريجي تربية انجليزى عضو المنبر أبوذر بابكر الشاعر والأديب المعروف هنا ب المطر... فقد كان دُفعتي وروميتي في احدى السنوات وصديقي ... عله يأتي ليحدثنا عن كيف سرقوا من ثلاجتنا فرخة ليعزمونا عليها ونحن برالمة.
| |
|
|
|
|
|
|
Re: خريجوا وخريجات طنطا اجمعوا هنا (Re: عبد الله كسلا)
|
اخونا عبدالله كسلا حبابك عشرة يا سنير
ياخي تربية كان فيها جيلاني عبدالخير واخونا فيصل
ومحمدالبشري ابراهيم ( طلعت )
واسيا عبدالله , والمرحوم عبدالرحمن يعقوب نسال الله ان يرحمه بواسع رحمته
وعبدالقادر ومبارك والمرحوم ابراهيم نسال الله ان يتغمده بواسع رحمته
ومن ناس طب اخونا الشامي محمداحمدالامام والسنجك طب اسنان
والقوس ( محمدعلي القوس ) صيدلة وقباني وعاطف الحضري
وناس خليفة نوري -صيدلة - وودالجمل محمدحسن سيداحمد
والهادي الحلفاوي الهادي صفيحة
وناس تربية جمال وعثمان الطيب
وجاييك لبقية ناس التمانينات
| |
|
|
|
|
|
|
Re: خريجوا وخريجات طنطا اجمعوا هنا (Re: عبد الله كسلا)
|
Quote:
وقد أنجبت أرض محافظة الغربية الكثير من الأعلام في مختلف المجالات نذكر منهم :
الزعيم الوطني مصطفى كامل الزعيم الوطني مصطفى النحاس حسين الشافعي نائب الرئيس المصري الاسبق واحد ابرز رموز ثورة يوليو 1952 شاعر النيل حافظ إبراهيم الأديب الكبير مصطفى صادق الرافعي الرئيس السابق اللواء / محمد نجيب المؤرخ الشهير عبد الرحمن الجبرتي مفتى الديار المصرية سراج الدين البلقينى الشهيد الفريق عبد المنعم رياض الدكتورة سميرة موسى عالمة الذرة القارئ الشيخ مصطفى إسماعيل الشيخ السيد النقشبندي الفريق سعد الدين الشاذلي رئيس أركان حرب القوات المسلحة المصرية في حرب 1973 م. المؤرخ عبد الرحمن الجبرتي الموسيقار عبده الحامولي..طنطا محمد متولى الشعراوي درس بطنطا الشيخ محمود خليل الحصري ..طنطا الشيخ عبدالباسط عبدالصمد درس بطنطا بطل كمال الأجسام أنور العماوي..طنطا الفنان محمد فوزى ..طنطا الفنانة هدى سلطان..طنطا الفنان عبدالمنعم ابراهيم ..طنطا سميحة أيوب ..طنطا الفنان محمد ثروت ..طنطا الفنان محمد عطيه..طنطا الفنان محمد الحلو..طنطا الفنانه امينه رزق..طنطا المغنيه الشابه مي الكساب..طنطا الكابتن احمد شوبير..طنطا الكابتن طارق السعيد..طنطا الكابتن توتو..طنطا امين جامعه الدول العربيه عمرو موسي
وغيرهم كثير في شتى المجالات |
http://eg.m5m5a.net/vb/archive/index.php/t-11940.html
وهل يُنسي ابن منطقة قُحافة بطنطا المرحوم المفكر .. نصر حامد أبوزيد؟
| |
|
|
|
|
|
|
Re: خريجوا وخريجات طنطا اجمعوا هنا (Re: عبد الله كسلا)
|
Quote: الأخت العزيز إيمان بدر الدين وجميع المتداخلين من خريجي طنطا
تحية ليكم كلكم بدون فرز من سينير عليكم من خريجي تربية طنطا- لغة إنجليزية
دخلت البوست على أمل إني ألقى زول من دفعتنا 76 - 1980 لكن لقيتكم كلكم برالمة
ولقيت نفسي سينير عليكم ..
لي ذكريات جميلة جداً في طنطا مع زملاء دراسة في كلية التربية أذكر منهم
عماد "إسكو" كان معاي في تربية لغة إنجليزية من أبناء مدني الجميلة ..
وعرفت إنه هاجر إلى أمريكا ومتمني أعرف أخبارو
وطارق عبد الحميدعتباني - علوم .. وبابكر سيد حسن والي - صيدلة، وبابكر حمد - صيدلة
وطارق نمر الدرديري - صيدلة من أبناء كسلا ..
بوست جميل .. والذكريات متزاحمة .. وأكيد .. أكيد حأرجع ليكم تاني إن شاء الله
بالونسة والحكي الجميل عن أيام طنطا ومولد السيد البدوي ..
وأتمنى إنه ناس دفعتنا يشوفوا البوست ويجو يحكو ويخلونا نتذكر الأيام الجميلة
ويا عاطف شايفك بتسأل عن فايز حسن ...
الراجل بقى تاجر كبير في سوق كسلا وفاتح محل لبيع وتسجيل الأشرطة السمعية
|
اهلا وسهلا عبدالله كسلا
يا مراحب وهلت الانوار بقدومك وكم كنت اتمنى ان اللتقيك ولكن نحن دفعة 84 --85
وانتو كنتوا غادرتوا طنطا
مداخلتك جميلة والبوست واحتنا واريحتنا ومنتدانا جميعا والحمدلله كمبوررة مواصل حوار جيد ومعاه عاطف مكاوى
دمتم بعافية
| |
|
|
|
|
|
|
Re: خريجوا وخريجات طنطا اجمعوا هنا (Re: ايمان بدر الدين)
|
شكراً يا إيمان على الترحيب بشخصي الضعيف بينكم هنا .. وأتمنى إنه ناس دفعتنا والدفعات القبلنا
والبعدنا من خريجي طنطا يجو ويحكوا عن ذكرياتهم في مصر بصفة عامة .. وفي طنطا بصفة خاصة ..
أخونا عاطف مكاوي .. بناءاً على طلبك عملت بعص الاتصالات ..
وقدرت اتصل بفايز حسن وإتبسط جداً جداً لمن عرف إنك بتسأل عنه
وطبعاً هو متشوق جداً لسماع صوتك وأخبارك .. وده رقم تلفونه:
249129566988+
وأكيد هو حيسعد جداً لو سمع صوت وأخبار أيِّ واحد من أبناء دفعتو
إجترار الذكريات يا عاطف مع أبناء الدفعة في أي مرحلة دراسية ليهو طعم خاص
ونحن في طنطا كانت لنا أيام .. وذكريات وحكاوي ومواقف مع السودانيين والمصريين
منها الطريف ومنهاالمزعج .. وطبعاً المشاكل كتيرة مع المصريين وأسئلتهم التعسفية المعروفة
على شاكلة "إنتو ما عندكوش كليات في السودان؟" .. "طيب قايين هنا ليه؟" وكنا بنزعل من السؤال ده
تحديداً في بادئ الأمر .. لكن بعد فترة .. وبعد تكراره من معظم المصريين ..
عرفنا إنه هم مابيقصدوا بيهو شئ معين أو إساءة لينا ..
وإنما هي أسئلة نابعة عن سذاجة وجهل وقلة معلومات عن السودان
وزي "إنتو ما عندكوش أصب سكر في السودان؟" " إنتو ماعندكوش شوارع أسفلت؟"..
الحكي كتير .. والذكريات أكتر ..
وأكيد لي عودة للبوست ده بإذن الله
شكراً ليك يا إيمان مرة تانية..
| |
|
|
|
|
|
|
Re: خريجوا وخريجات طنطا اجمعوا هنا (Re: Dr.Mohammed Ali Elmusharaf)
|
Quote:
أخونا عاطف مكاوي .. بناءاً على طلبك عملت بعص الاتصالات ..
وقدرت اتصل بفايز حسن وإتبسط جداً جداً لمن عرف إنك بتسأل عنه
وطبعاً هو متشوق جداً لسماع صوتك وأخبارك .. وده رقم تلفونه: |
شكرا جزيلا عزيزنا عبدالله ود كسلا علي هذا المجهود الكبير وسيكون لقاءا بعد ٢٧ سنة ......... لم نتقابل أو نتحادث فيها.
| |
|
|
|
|
|
|
Re: خريجوا وخريجات طنطا اجمعوا هنا (Re: عاطف مكاوى)
|
الاخت العزيزة ايمان الاخوان والاخوات الاعزاء ابناء طنطا
الاخوه المتداخلين الكرام
فى البداية الشكر اجزلة لك اختى ايمان على هذة اللفتة العظيمة والنداء الكريم لجميع الطنطاوية الذى جمعتهم ارض طنطا الخضراء ارض الفلاحين ..... وفرقتهم ظروف الحياة والارزاق التى سيرنا الله اليها
قمت بمداخلة امس وكان بجوارى الوجية الفاتح اويل من الرياض - السعودية
معنا الكثيرين من جحافل الزمن الماضى
مجدى الامين - صيدلية عبد الحفيظ زيطة - ابو الزيط تجارة عوض الجزار عادل حسن مرسى حمدى يوسف - علوم عماد الامين ابوسنينه- تجارة سراج تجارة طنطا الفكى ابراهيم - تجارة الجميع موجودين بالرياض
وسوف نوافيكم بالمزيد فى مداخلات اخرى
يا مرحب بجميع اهل طنطا ....... وبالاسماء اللامعة الكثيرة التى ظهرت لنا فى البوست والذى اعاد الينا الذكريا ت الحلووووة والايام التى لن تتكرر مرة اخرى ........
معى الكثير من اخبار اخواننا الزملاء وسوف تاتى تبعا
التحية لاختنا رباب الكارب للوجية الاخ الفاضل عاطف مكاوى الذى افتقدناه كثيرا....لوتواصلة من خلال هذا الحوش الكبير الذى جمعنا جميعا ..... الشكر لله اولا ثمالى الريس الوجية بكرى ابوبكر فقد كنت سببا لهذا التواصل الكريم
يوسف عبد الرحيم ابوسنينه
تجارة طنطا 82/1986 قبل الميلاد
| |
|
|
|
|
|
|
Re: خريجوا وخريجات طنطا اجمعوا هنا (Re: Yousif A Abusinina)
|
Quote: الاخت العزيزة ايمان الاخوان والاخوات الاعزاء ابناء طنطا
الاخوه المتداخلين الكرام
فى البداية الشكر اجزلة لك اختى ايمان على هذة اللفتة العظيمة والنداء الكريم لجميع الطنطاوية الذى جمعتهم ارض طنطا الخضراء ارض الفلاحين ..... وفرقتهم ظروف الحياة والارزاق التى سيرنا الله اليها
قمت بمداخلة امس وكان بجوارى الوجية الفاتح اويل من الرياض - السعودية
معنا الكثيرين من جحافل الزمن الماضى
مجدى الامين - صيدلية عبد الحفيظ زيطة - ابو الزيط تجارة عوض الجزار عادل حسن مرسى حمدى يوسف - علوم عماد الامين ابوسنينه- تجارة سراج تجارة طنطا الفكى ابراهيم - تجارة الجميع موجودين بالرياض
وسوف نوافيكم بالمزيد فى مداخلات اخرى
يا مرحب بجميع اهل طنطا ....... وبالاسماء اللامعة الكثيرة التى ظهرت لنا فى البوست والذى اعاد الينا الذكريا ت الحلووووة والايام التى لن تتكرر مرة اخرى ........
معى الكثير من اخبار اخواننا الزملاء وسوف تاتى تبعا
التحية لاختنا رباب الكارب للوجية الاخ الفاضل عاطف مكاوى الذى افتقدناه كثيرا....لوتواصلة من خلال هذا الحوش الكبير الذى جمعنا جميعا ..... الشكر لله اولا ثمالى الريس الوجية بكرى ابوبكر فقد كنت سببا لهذا التواصل الكريم
يوسف عبد الرحيم ابوسنينه
تجارة طنطا 82/1986 قبل الميلاد |
اوووووه يا ابو سنينة يا هلا واهلا والف سلام وترحاب
زمن والله كيفك وكيف كل الذين ذكرتهم بجنبك بلغهم سلامى ولازم الطنطاوية كلهم يجوا يجمعوا هنا وفى انتظاردخولهم البوست انا عملت ايميل خاص بالبوست هو
[email protected]
معنا الكثيرين من جحافل الزمن الماضى
مجدى الامين - صيدلية عبد الحفيظ زيطة - ابو الزيط تجارة عوض الجزار عادل حسن مرسى حمدى يوسف - علوم عماد الامين ابوسنينه- تجارة سراج تجارة طنطا الفكى ابراهيم - تجارة
جحافل الزمن الماضى ديل نحن فى انتظارهم واهلا وسهلا بيكم جميعا
يمان
| |
|
|
|
|
|
|
Re: خريجوا وخريجات طنطا اجمعوا هنا (Re: عاطف مكاوى)
|
Quote: عن شخصي : في السودان أنا من قرية في الجزيرة اسمها المناصير ... ووالدى عليه رحمة الله فلاحا ذهبت الي مصر حيث بلاد الفلاحين ..... دلتا النيل الخضراء والباردة جئت بالصدفة الي أمريكا فكان حظي أن أنزل في احدى ولايات الهامش ... وبما أن ولايتنا الأقرب الي السماء من حيث الارتفاع .... أتمني أن أُحشر يوم القيامة مع الفقراء والمهمشين.
وبهذه المناسبة : في احدى محاضرات الادارة المالية بكليتنا ... قال الدكتور فيما قال : انتو محظوظين ... لأن التي تدرسكم مادة الاحصاء هي الدكتورة سهير .. وكانت د. سهير جميلة شكلا ومضمونا ... وعندما أكمل كلامه هاج وماج المدرج بطريقة المصريين تلك ... نوع ... ايه ده يا دُكتور؟ وبعد أن أكملوا مفردات الشارع كلها ..... قال لهم الدكتور :
آه أنا نسيت .......... ده أنا في طنطا بلد الفلاحين !!
وأدوني الشنطة ده أنا رايح طنطا.
----------------------
* وعاش كفاح الفلاحين من أجل الغاء قانون عام ٢٠٠٥ ومن أجل اعادة مشروع الجزيرة الي أهله.
|
شكرا يا عاطفعلى ماخلتك لكستاوى وهو من اعز اصدقائى وزوجتة نايلة
لكن كلمنا عن المناصير خاصة وان جالية واشنطن عملت ندوتين عنها وما حضرتهم
دكتورة سهير بتذكرها وبتذكر هوس طلاب طنطا خاصة المصريين واصعب منهم ناس اسيوط
تسلم وكل مداخلاتك جميلة خاصة الفييها معلومات عن طنطا ومن درس او درس فيها
والفيديو تسلم يا طنطاوى يا اصيل
| |
|
|
|
|
|
|
Re: خريجوا وخريجات طنطا اجمعوا هنا (Re: Mohamed Doudi)
|
Quote: اها يا جماعه اين كيزان طنطا الان؟؟؟؟
احمد الرشيد اليسع عرمان محمد مهدى يوسف السنجك احمد الربيع عبيد حسب الرسول ياسر الفنان هشام التهامى بابكر ام بوشه بابكر ابو القاسم ياايمان كملى لسته الكوزات
دودى |
وعب حفيظ الكوووز
| |
|
|
|
|
|
|
Re: خريجوا وخريجات طنطا اجمعوا هنا (Re: Yousif A Abusinina)
|
Quote:
المرحوم خالد حسن شريف (خالد الطويل) - كفر الشيخ (نسأل الله له الرحمة والمغفرة) |
يا الللللللللللللللللله يا عاصم لقد فُجعت بخبر وفاة الزميل خالد الطويل هذا الزميل الصنديد الذى كان يقوم بمقام فرع للجبهة الديمقراطية لوحده في فترة من فترات مجال كفر الشيخ لم يلين أبدا ... وبمفرده أيضا كون جماهيرا وأصدقاء للتنظيم تفوق مقدرات فرعا كاملا ... الي أن جاءته دُفعتكم يا عاصم ........ له الرحمة والمغفرة.
* وأيضا قد تتفاجأ بوفاة الزميل الجميل عماد حسن صديق ... مارنجان حلة حسن/ مدني .... وقد أكد لي الصديق والزميل صلاح نزلاوى هذا الخبر فيا لفقدنا فيهما..... لهما شآبيب الرحمة.
| |
|
|
|
|
|
|
Re: خريجوا وخريجات طنطا اجمعوا هنا (Re: عاطف مكاوى)
|
ياعلى عبدالحفيظ كان من اظرف الكيزان فى طنطا...رجل مسالم ويحبه الجميع اها نتذكر الاخوه الاشقاء
حامد محمد حامد تربيه حاتم سعد ابو النور
طبعا قالوا جمال الامام شريعه وقانون جبهه كفاح طلبه اصبح كوز ليهو ضل بمدنى
دودى
| |
|
|
|
|
|
|
Re: خريجوا وخريجات طنطا اجمعوا هنا (Re: Mohamed Doudi)
|
Quote: الللللللللللللللللله يا عاصم لقد فُجعت بخبر وفاة الزميل خالد الطويل هذا الزميل الصنديد الذى كان يقوم بمقام فرع للجبهة الديمقراطية لوحده في فترة من فترات مجال كفر الشيخ لم يلين أبدا ... وبمفرده أيضا كون جماهيرا وأصدقاء للتنظيم تفوق مقدرات فرعا كاملا ... الي أن جاءته دُفعتكم يا عاصم ........ له الرحمة والمغفرة.
* وأيضا قد تتفاجأ بوفاة الزميل الجميل عماد حسن صديق ... مارنجان حلة حسن/ مدني .... وقد أكد لي الصديق والزميل صلاح نزلاوى هذا الخبر فيا لفقدنا فيهما..... لهما شآبيب الرحمة |
يا لله يا عاطف مكاوي
إرتحل صديقي العزيز / عماد حسن الصديق ؟
خبر فاجعة يعلم الله
له الرحمة والمغفرة
بخصوص المرحوم خالد حسن شريف كان متزوجاً من د/ فايزة الجيلي (كفر الشيخ) وهي أستاذة في جامعة الجزيرة وللمرحوم بنتين
نسأل الله لهما الرحمة عماد وخالد
| |
|
|
|
|
|
|
Re: خريجوا وخريجات طنطا اجمعوا هنا (Re: Mohamed Doudi)
|
Quote: اها يا جماعه اين كيزان طنطا الان؟؟؟؟
احمد الرشيد اليسع عرمان محمد مهدى يوسف السنجك احمد الربيع عبيد حسب الرسول ياسر الفنان هشام التهامى بابكر ام بوشه بابكر ابو القاسم ياايمان كملى لسته الكوزات
دودى |
اهلا دودى ومعذرة للتأخير شايفة البوست ولع بالطنطاوية فى كل انحاء العالم واكيد قرأت مداخلات ناس السعودية وابوسنينة
المهم انا سكنت برة اكثر من بيت الطالبات والكوزات معظمهم فى البيت بيت الطالبات لكن
بعرف منهم هويدا العبيد ربنا يرحمها ويتغمدها بواسع رحمتة توفيت من سنة كدة
حنان وامان وهما اخوات من منطقة كريمة
وهدى عبدالقادر واقبال بنت تربية
| |
|
|
|
|
|
|
Re: خريجوا وخريجات طنطا اجمعوا هنا (Re: abedalhamied mamoun)
|
Quote: وأيضا قد تتفاجأ بوفاة الزميل الجميل عماد حسن صديق ... مارنجان حلة حسن/ مدني .... وقد أكد لي الصديق والزميل صلاح نزلاوى هذا الخبر فيا لفقدنا فيهما..... لهما شآبيب الرحمة. |
الاخ عاطف مكاوى - قريبنا وحبيبنا
نسال الله المغفرة والرحمة للاخ عماد حسن صديق
والرحمة باذن الله للمغفور له اخوانا السر بخيت - تجارة طنطا
بنسال عن اخواننا لبناء شريعة وقانون الاخ مصطفى وجمال طبعا كنا جيران فى السكن
صلاح نزلاوى وين فى بلاد الله الواسعة مفروض فى العراق هههههههههههههههه
بالله عليك الايميل عندك خلية يراسلنا والله الشوق ليه بحر ....
اخو الضاوى كان معنا فى جدة موبيل اويل ورجع السودان فى المجال
يوسف محمد الطريفى - الخال موجود بالبنك الاسلامى مدنى اخوانا قرشى موجود فى الرياض تجارة طنطا ......ولمن لم يتذكرة فهو الوحيد الذى تخرج بامتياز فى دفعتنا .......
ما زلنا فى بداية البوست وسوف نستمر فى البث بعد الفاصل الاعلانى ههههههههه
وكلة عشان خاطر الاونطجية الطنطاوية
| |
|
|
|
|
|
|
Re: خريجوا وخريجات طنطا اجمعوا هنا (Re: Asim Fageary)
|
Quote:
صلاح نزلاوى وين فى بلاد الله الواسعة |
العزيز ود أبوسنينة بعد التحية
نزلاوى في السودان ... تركته قبل عامين تقريبا ... نائبا للمدير العام لأحد البنوك السودانية والزول ده ما مضمون .... تلقاهُ الآن مديرا عاما. مستقر كويس وقد زرته في بيته ومكان عمله , كما أن اتصالاتنا لم تنقطع ..... طبعا كان من أشطر أبناء دفعتنا ... وأنا شخصيا مُدان لهم بالكثير .... أقصد جميع ناس شقتهم محمد الأمين ويوسف الطريفي وعثمان علي ومحمد علي وحيدر أبوالزيه... كنت عندما أنتهي من كل انتخابات الجمهورية وآخرها القاهرة نهاية فبراير وبداية مارس أأتي اليهم ليوجهوني لشراء الكتب والمذكرات وليحددوا لي أماكن التركيز حتي أجتاز الامتحانات ...... وأهلي الشيوخ ما كانوا بيقصروا معاى .....
التحية لهم أينما كانوا. والرحمة والمغفرة لزميلنا السر.
------------------------ راجع ايميلك ...... فلقد أرسلت لك ايميل نزلاوى.
| |
|
|
|
|
|
|
Re: خريجوا وخريجات طنطا اجمعوا هنا (Re: Yousif A Abusinina)
|
السلام عليكم جميعاً
يا عاطف إن شاء الله تكون إتصلت على فايز حسن وبليت شوقو وشوقك ليهو بعد الـ 27 سنة دي ؟
طنطا وما أدراك ما طنطا .. حكاويها كتيرة ومغامراتنا فيها وفي مصر أكتر .. طبعاً أنا كنت أول مرة أسافر بالطيارة .. ومن كسلا .. للقاهرة .. تصوروا ! أتذكر أني سافرت في شهر نوفمبر .. وطبعاً ما عندي فكرة إنه الطقس شتاء في مصر .. كنت لابس قميص نص كُم ومصيف تماماً .. ولمن وصلت الطيارة لمطار القاهرة حوالي الساعة 3 صباحاً ومديت راسي من باب الطيارة .. قربت أرجع لجوة تاني .. جاتني ليك لفحة هوا باااارد.. إضطريت أجري جري على البص .. وجري من البص لجوة الصالة .. إنتهت الإجراءات بسرعة وطلعنا الشارع .. والبرد شديد جداً
كنَّا مجموعة من الطلبة إتقابلنا في مطار الخرطوم.. ووحدنا الجهود مع بعض .. لمن طلعنا من المطار كانت الساعة 4 صباحاً تقريباً .. نمشي وين يا جماعة ؟ .. كلنا دايشين .. وأول مرة نسافر برة السودان .. أخدنا تاكسي وقررنا نمشي السفارة السودانية .. قلنا لبتاع التاكسي ودينا السفارة .. طبعاً هو عرف إننا دايشين .. فأخد بينا كم لفة كده والعداد شغال قبل ما يوصلنا جمب السفارة .. نزلنا من التكسي .. اتلفتنا حولينا .. نفتش في حتة تلمنا من البرد لحدي الشمس ما تطلع .. لقينا جراج في بيت بابو فاتح شوية كدة .. دخلنا شنطنا ودخلنا جواهو .. اتجدعنا في الأرض ورقدنا .. لمن الشمس طلعت شوية كده .. طلعنا لقينا طبلية لبيع الفول جمب الجراج .. ضربنا الفول والطعمية .. ومع البرد داك أكلنا بمزاج .. وشربنا الشاي .. والسفارة طبعاً بتفتح الساعة 9 .. خلصنا إجراءات التسجيل والتبليغ في السفارة حتى بعد داك مشينا على فندق في العتبة .. وطبعاً بمجرد ما ختينا شنطنا في الغرفة .. نزلنا نتمشى في القاهرة .. ومن ديك وأنا كسرت ركبة في قاهرة المعز .. وما شفت طنطا إلاَّ بعد 3 شهور .. تصدقوا ؟ بالصدفة قابلني ضابط جيش قريبنا كان في دورة في مصر .. وأصر إني أطلع من الفندق وأمشي أسكن معاهو ومجموعة من الضباط في شقة مؤجرة ليهم .. وطبعاً راحات شديدة .. وكل شئ متوفر في الشقة لواحد برلوم جاي من كسلا .. للقاهرة .. وما ادراك ما القاهرة في الأيام ديك ..
وللحكي بقية إن مدْ الله في العُمر ..
| |
|
|
|
|
|
|
Re: خريجوا وخريجات طنطا اجمعوا هنا (Re: عبد الله كسلا)
|
Quote:
يا عاطف إن شاء الله تكون إتصلت على فايز حسن وبليت شوقو وشوقك ليهو بعد الـ 27 سنة دي ؟ |
العزيز عبدالله كسلا تحياتي
لقد تم الاتصال بعد أكثر من رُبع قرن ...... آخر لقاء لنا كان في العام ١٩٨٤ شكرا لك .... وشكرا لعزيزتنا ايمان بدرالدين التي أتاحت لنا هذه الفرصة.
| |
|
|
|
|
|
|
Re: خريجوا وخريجات طنطا اجمعوا هنا (Re: نصر الدين عثمان)
|
Quote: فوق عشان خاطر الطنطاوية |
اخونا ابوسنينة تحياتي
ياخي اخبار اخونا فيصل بابكر ( ابودقن )
واخبار معتصم الزيدابي الحقنا بيها
اما اخونا النعيم محمد حمزة مستقر بالسودان
وابو النور كذلك مستقر بالسودان ومكتبه بام درمان
واخونا محمد علي القوس -صيدلة - معانا بالدوحة
وخليل الحلبي - تربية - ايضا بالدوحة
| |
|
|
|
|
|
|
Re: خريجوا وخريجات طنطا اجمعوا هنا (Re: Asim Fageary)
|
Quote: محمد دودي) .. دودي أكاد استحضر بعض من ملامحك .. وأظنك كنت من نجوم الكورة اللامعين .. وإن لم تخني الذاكرة فإنني أظن كذلك بأن هناك (صورة فوتوغرافية) تم أخذها على هامش تخريج (تربية) .. كانت تجمعني بك والإخوة (باب الدين أبسام)، (مصطفى محمد سليمان – جزيرة الفيل) و(أسامة التوم) و(برير يوسف) .. وألف مرحب بالإخوة (عاصم فقيري) ..(عبد الله كسلا) ..(أبو سنينة) ..(عبد الحميد مامون) .. |
الاخ نصر الدين ايوه كنت بتاع كوره, شطرنج واركان نقاش وندوات (حزب امه)
شكرا على الزمن الجميل
دودى
| |
|
|
|
|
|
|
Re: خريجوا وخريجات طنطا اجمعوا هنا (Re: Mohamed Doudi)
|
Quote: عزيزي أبو سنينة
هاكم رقم جوالي 0504986935
هو أنا مين عشان أرسل ليك رقم الجوال بالإيميل |
انت مااااك ساهل عاصم فقيرى
بس يالحبيب رسلى الرقم الناقص بالايميل وين مكان بعد الخمسة او قبل الخمسة ههههههههههههههههه
الرقم نااااااقص يا بالحبيب ..... كم بالايميل
| |
|
|
|
|
|
|
Re: خريجوا وخريجات طنطا اجمعوا هنا (Re: Yousif A Abusinina)
|
نتذكر بقيه احباب طنطا
عوض حسن كفر الشيخ فتح الرحمن ودالرهد كفر الشيخ اسامه الطيب الحديبه شرق مدنى اسامه ود الغبشه اسحق موسى الجزيره ابا عبدالغنى دارفور تربيه علوم عبدالقادر تربيه ( المحيريبا) ابراهيم محمد ابراهيم تربيه حاليا بالسوكى
| |
|
|
|
|
|
|
Re: خريجوا وخريجات طنطا اجمعوا هنا (Re: نصر الدين عثمان)
|
Quote: إن لم تخني الذاكرة فإنني أظن كذلك بأن هناك (صورة فوتوغرافية) تم أخذها على هامش تخريج (تربية) .. كانت تجمعني بك والإخوة (باب الدين أبسام)، (مصطفى محمد سليمان – جزيرة الفيل) و(أسامة التوم) و(برير يوسف) .. وألف مرحب بالإخوة (عاصم فقيري) ..(عبد الله كسلا) ..(أبو سنينة) ..(عبد الحميد مامون) .. |
نصرالدين عثمان
سلام ليك يا اصيل وعلى مشوار التواصل فى طنطا و مع اهل طنطا الحلوين
لو عندك صور من الارشيق زين لينا بها البوست وستكون لفتة بارعة وجميلة وتعيدنا لأيام زمان
وتسلم لينا
ايمان بدرالدين
| |
|
|
|
|
|
|
Re: خريجوا وخريجات طنطا اجمعوا هنا (Re: عبد الله كسلا)
|
Quote: السلام عليكم جميعاً
يا عاطف إن شاء الله تكون إتصلت على فايز حسن وبليت شوقو وشوقك ليهو بعد الـ 27 سنة دي ؟
طنطا وما أدراك ما طنطا .. حكاويها كتيرة ومغامراتنا فيها وفي مصر أكتر .. طبعاً أنا كنت أول مرة أسافر بالطيارة .. ومن كسلا .. للقاهرة .. تصوروا ! أتذكر أني سافرت في شهر نوفمبر .. وطبعاً ما عندي فكرة إنه الطقس شتاء في مصر .. كنت لابس قميص نص كُم ومصيف تماماً .. ولمن وصلت الطيارة لمطار القاهرة حوالي الساعة 3 صباحاً ومديت راسي من باب الطيارة .. قربت أرجع لجوة تاني .. جاتني ليك لفحة هوا باااارد.. إضطريت أجري جري على البص .. وجري من البص لجوة الصالة .. إنتهت الإجراءات بسرعة وطلعنا الشارع .. والبرد شديد جداً
كنَّا مجموعة من الطلبة إتقابلنا في مطار الخرطوم.. ووحدنا الجهود مع بعض .. لمن طلعنا من المطار كانت الساعة 4 صباحاً تقريباً .. نمشي وين يا جماعة ؟ .. كلنا دايشين .. وأول مرة نسافر برة السودان .. أخدنا تاكسي وقررنا نمشي السفارة السودانية .. قلنا لبتاع التاكسي ودينا السفارة .. طبعاً هو عرف إننا دايشين .. فأخد بينا كم لفة كده والعداد شغال قبل ما يوصلنا جمب السفارة .. نزلنا من التكسي .. اتلفتنا حولينا .. نفتش في حتة تلمنا من البرد لحدي الشمس ما تطلع .. لقينا جراج في بيت بابو فاتح شوية كدة .. دخلنا شنطنا ودخلنا جواهو .. اتجدعنا في الأرض ورقدنا .. لمن الشمس طلعت شوية كده .. طلعنا لقينا طبلية لبيع الفول جمب الجراج .. ضربنا الفول والطعمية .. ومع البرد داك أكلنا بمزاج .. وشربنا الشاي .. والسفارة طبعاً بتفتح الساعة 9 .. خلصنا إجراءات التسجيل والتبليغ في السفارة حتى بعد داك مشينا على فندق في العتبة .. وطبعاً بمجرد ما ختينا شنطنا في الغرفة .. نزلنا نتمشى في القاهرة .. ومن ديك وأنا كسرت ركبة في قاهرة المعز .. وما شفت طنطا إلاَّ بعد 3 شهور .. تصدقوا ؟
بالصدفة قابلني ضابط جيش قريبنا كان في دورة في مصر .. وأصر إني أطلع من الفندق وأمشي أسكن معاهو ومجموعة من الضباط في شقة مؤجرة ليهم .. وطبعاً راحات شديدة .. وكل شئ متوفر في الشقة لواحد برلوم جاي من كسلا .. للقاهرة .. وما ادراك ما القاهرة في الأيام ديك ..
وللحكي بقية إن مدْ الله في العُمر .. |
اهلا وسهلا بيك يا عبدالله كسلا
زينت البوست بمداخلاتك الجميلة الرائعة وذكرياتك الحلوة وهذا هدف البوست
طبعاعايزين نتعرف على كل واحد منكم بدفعتة وكل الاحداث التى حدثت لة او ( لها ان كانت زميلة دراسة ايضا )بعد التخرج واين يستقر او تستقراوويعمل
ثم القصص الجميلة و والاحداث السالبة فى طنطا للأستفادة فى الحياة العامة
طبعا حكاوى البرد خليها ساكت وصاحباتى الكانو بقولوا لى احنا عندنا بلوفرات يا ايمان وجواكت ممكن نديهالك لو مماعكييش ها ها ها وصحبتك لابسة ثوبها تلبس معاه جكت كيف ما تعرف !111
المهم بقنا نلبس الجاكت الكبير داك من فوق للثوب شبكونى ليك اللفة بتاعتكم دى جميلة جدا يا ايمان بس مش بتكعبلك؟وانا ماشة ليك اسرع منهم للجامعة لكن يا عبد الله المصريين فى السنوات الفاتت عرفوا عن السودانيين الكثير
كثير من السودانيين استثمروا فى بلادهم واشتروا شقق كثيرة جدا وكمان ثقافتنا اتفرضت عليهم فرض بحكم وبكثرة المهاجرين والمستقرين معهم منذ بداية هجرة المعارضين و المهاجرين المنتظرين برامج الامم المتحدة
وما تنسى الفنانات الائى غنن باللهجة المزدوجة السودانية المصرية بالموسيقى والالحان السودانية وتطور الثوب السودانى ونقلة وهجرتة لهم بزخم كبير وبحجم عدد السودانيين بالاعداد الكثيرة وملفتة مما جعلهم اى المصريين يحبوا تراثنا ويتعرفوا علية بصورة اوضح واكبر
وعاداتنا بطقوسها الجميلة لليلة الحنة والرقص والحنة وكل الثقافات الجميلة مما دفع بالكثيريين للعمل فى صالونات الفن لاقامة ليالى الحنة للعروس المصرية بالطقوس السودانية فتواصلنا واندماجنا معهم كرس لهذة المخرجات الجميلة والتى افتقدناها فى ايام الثمانينيات
ونواصل يا عبدالله كسلا
| |
|
|
|
|
|
|
Re: خريجوا وخريجات طنطا اجمعوا هنا (Re: abedalhamied mamoun)
|
Quote: ال طنطا. سلام. وأشواق. شكرًا ايمان علي البوست. اخوكم. عبد الحميد. مأمون. صيدلة |
اوةةةةةةةة ولدنا عبد الحميد صيدلة
نورت البوست ولك تحيات آل طنطا منهم ومنى ليك عاطر السلامات يا زميل ويا حبيب وين انت ؟ شايفة صورة وليدك اظنة صورة معبرة وجميلة تحياتى لأسرتك الزوجة العزيزة والابناء
عرف اهل البوست بأخبارك يا عزيز وواصل معانا
نكرر تحياتنا وشوقنا لسماع اخبارك ومعاك عماد ويوسف ابو سنينة يزودوك باخبار ناس الرياض وجدة وطبعا اللتقينا فى حفلة نانسى عجاج بواشنطن واظنك بنيويورك ابقى بعافية يا حميد صيدلة
ايمان الزمن الجميل
| |
|
|
|
|
|
|
Re: خريجوا وخريجات طنطا اجمعوا هنا (Re: Rabab Elkarib)
|
Quote: ستجديننى مرابطة هنا متى ما توفر الوقت
لك تحايا كثيرات يا إيمان رباب |
وين يا مرابطة يا اصيلة وما انسى اعزيك فى عماد وخالد وفقدهم جلل
وبرضو عادل سالمين توفى من سنة وفجعنا فية ربنا يرحمهم جميعا والقائمة فيها شباب كثير يا رباب من خريجى طنطا
ربنا يرحمهم جميعا
| |
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
الأخوة الكرام. عاطف مكاوي /كمبورة/عاصم فقيري/دودي (وين وافي)/رباب الكارب/نصر الدين. وبقية. المتداخلين الكرام. لقد اهجتم الشون والذكريات طنطا.و أيامها الحمد لله علي نجحات ابنا طنطا مدرا بنوك. و عيني باردة. علي ناس كفر الشيخ. اربعة دكاترة. محاضرين. منو من ابنا طنطا بأمريكا خلاف. ايمان/عاطف/عمر أبوبكر .علي فكرة الفاتح ساكو لسه موجود بطنطا. عندو موقع باسم ميدان الحرية علي. وزن ميدان. الساعة. شكرًا. أخوكم عبد الحميد. 19. شارع. الأمين (خلف بيت. الطالبات)
| |
|
|
|
|
|
|
Re: خريجوا طنطا اجمعوا هنا (Re: abedalhamied mamoun)
|
العزيز د. عبدالحميد
لك التحايا
أعرف أن عبدالله عبدالكريم )عبدالله الناصرى) من أوائل ناس طنطا بأمريكا ولكن لا أعرف أين يتواجد ولكني بالمقابل أعرف أن مجدى قرشي في كاليفورنيا منذ أكثر من عشرين عاما وقد أجرى عملية قبل فترة .... قرأت عن ذلك في هذا المنبر .... لذلك لم يتداخل حتي الآن .... فترقبوه ! ... مع أُمنياتنا له بالصحة والعافية.
| |
|
|
|
|
|
|
Re: خريجوا طنطا اجمعوا هنا (Re: عاطف مكاوى)
|
Quote: أعرف أن عبدالله عبدالكريم )عبدالله الناصرى) من أوائل ناس طنطا بأمريكا ولكن لا أعرف أين يتواجد ولكني بالمقابل أعرف أن مجدى قرشي في كاليفورنيا منذ أكثر من عشرين عاما وقد أجرى عملية قبل فترة .... قرأت عن ذلك في هذا المنبر .... لذلك لم يتداخل حتي الآن .... فترقبوه ! ... مع أُمنياتنا له بالصحة والعافية |
سلام يا عاطف والاخ عبدالحميد
حسين البرلموم الناصرى موجود بنورث كارولانيا وكان موجود بدلاس وكذلك الاخ عادل تاج الدين ولكنه موجود الان بالخليخ وانا موجود بدترويت متشجغن وهناك على الطيب و امير عطار بكالفورنيا
| |
|
|
|
|
|
|
Re: خريجوا طنطا اجمعوا هنا (Re: عاطف مكاوى)
|
سلامات واهلا وسهلا عبد الحميد وعاطف مكاوى
ناس طنطا فى فرجينيا
حاتم سعد
عمر ابو بكر
ايمان بدرالدين
صلاح ابوجبر
اما عبد الله الناصرى فقد التقيتة منذ بداية مجيىء لأمريكا وقال لى بنيو جرسى
انت يا عبد الحميد فى نيويورك صحيح؟
عاطف مكاوى فى كليفورنيا صحيح والان فى قطر صحيح؟
دودى فى اوهايو اذا لم اكن مخطئة على تاج الدين فى كليفورنيا
سامية اسحاق بنت تربية فى اوهايو
والرجاء تصحيحى حتى نكون خريجين طنطا بأمريكا
ثم خريجين طنطا بالسعودية
ثم اوربا ثم كندا ثم استراليا
ثم افريقيا ثم العالم نجوبة ونرجع تانى لطنطا
| |
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
Quote:
صلاح ابوجبر
عاطف مكاوى فى كليفورنيا صحيح والان فى قطر صحيح؟ |
هاتان المعلومتان تحتاجان لتعديل :
أولا : الصديق صلاح أبوجبر أجبر من خريجي الأزهر بالقاهرة. ثانيا : أنا بولاية كلورادو وليس كاليفورنيا ... وقد جئتها من قطر ... وكنت قبل فترة بقطر أيضا ... ولكني الآن بكلورادو.
| |
|
|
|
|
|
|
Re: خريجوا طنطا اجمعوا هنا (Re: عاطف مكاوى)
|
التحية لكم جميعاً والتحية لأبو سنينة أدانا سلك صباح اليوم
من الساعة 7:30 صباحاً شفتوا نشاط الطنطاوية دا حالتوا بدون سحلب أم سعيد
وقايلني نايم لقاني في عربيتي ماشي أودي الأولاد المدارس
له التحية ________
بالمناسبة يا محمد دودي، أخونا عوض حسن (كفر الشيخ) كان معانا هنا في جدة وحالياً إستقر في مدني وهو رجل أعمال في سوق مدني وعلى ما أعتقد أن لديه أيضاً نشاط بأم درمان
ولم ألتقيه في إجازتي الماضية في سبتمبر ولكن كان بيننا تواصل عبر الهاتف
| |
|
|
|
|
|
|
Re: خريجوا طنطا اجمعوا هنا (Re: Asim Fageary)
|
اختنا ايمان بدرالدين التحايا كلها
اخواتي واخواني الطنطاويين لكم التحايا
عندي سؤال
اين كانت اول دار اتحاد للطلاب السودانيين بطنطا ؟
ومن هو رئيس اول اتحاد للطلاب السودانيين بطنطا ؟
همتك معانا ياود كسلا .
| |
|
|
|
|
|
|
Re: خريجوا طنطا اجمعوا هنا (Re: عاطف مكاوى)
|
الاخت ايمان التحية لك والتحية لكل الاخوة والاخوات الطنطاوية فى كل ارجاء العالم والرحمة والمغفرة لكل من غادر الفانية الحقيقة تابعت بشوق كل المداخلات وشكرا لك ايمان على المجهود الرائع وانت تجمعين كل الطنطاوية ومن كل مكان ويا ابوزر مامعقول تكون فى امريكا وانت بالامس القريب كنت بيننا فى السعودية بعدها انقطعت اخبارك وياريت نتواصل جميعنا ومرة اخرى يديك العافية اختنا ايمان والى القاء اخوكم :الفاتح محمد احمد الامين_اويل خريج علوم طنطا 1989
حبيبنا الفاتح الامين وولدنا ولد دفعتنا
كيفك وتسلم يا حبيب
رسالتك وصلت تب !!!!
معاكم الفاتح اويل علوم طنطا يا رباب الكارب اجمعى هنا وتحيات سلامات يا الفاتح
| |
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
سلام وتحايا يا إيمان
وأهل طنطا أجمعين
سلام من أول شارع البحر لغاية ما يتلاقى مع شارع النحاس ويجرى ميمما وجهه شطر الشمال
وسلام يعبر كل الشويرعات الرابطة شرق وغرب بين شارع الحلو وشارع سعيد وتعظيم سلامين للوالدة ام سعيد
وسلام معطر بريحة الميادين، من الساعة المليانة وهارون الرشيد المتحكر وسط وسائد الحارات والبطراويشى الأقرب من حبل الوريد لى ناس المعهد الصحى وآداب وتربية، وريفولى والجمهورية
وسندويتش طعمية من عواد وقزازة شويبس من هانى وام هانى
ويا طنطا ليلك جن معشوقك نوح وأن
فول حار من اسكندرانى يساوى وليمة هنية فى اجعص مطعم امريكانى
وكومين بطاطس وربطة خس من كفر عصام تعادل كنوز الدنيا والأيام
ويا حليلك يا فائز يا اب بقالتن مليانة قزايز (وش خجلان) لكين ما خجل كدى يقولو عليهو
والعجب عمارة الحاجة فى زول جاب سيرة عصام ابو الليل ؟
والله يكطعك يا مدحت السمسار كان ضيقت علينا الفجة ومسخت الديار
المكوجى داك اسمو منو القاعد ياجر الشقق ؟
وتانى سلامين وحتة من قحافة، محل البلاوى والقهاوى امات شايا بوخو يلاوى والفتوات ناس جمعة وفائز وبقية النوضرجية الهميمين
من قحافة شمال القلب لحدى سيجر وستوتة جنوب الروح
غايتو مجاهل واحراش ستوتة دى مافى زول قدر يخترقها ويسكن فيها غير متوكل تجارة
ما هو اصلا متوكل جان
جان مسلم هههههههههههههههههه
الله يطراهو بالخير، كان بعزمنى والله ويصر يعزمنى
وبعد امش ليهو العشا وبقية المستلزمات تكون على حسابى
الله ينعل ابو دى عزومة ياخ
والشوارع فاتحة فى كل جهات الروح الجوه الزول
لكين يوسف الصديق، الزول ساعة يدخلو بيرجع بصير، زى كأنه شم ريح يوسف، وجدعو فى وشو قميصه داك
بجيكن بى مهلة لى الناس
الناس اللقيناهم قدامنا والجو معانا والجو بعدنا والفتنا خليناهم
الناس ال
مأواهم القلب مع المصطفين والمحبوبين
وحسن اؤلئك صديقا
| |
|
|
|
|
|
|
Re: خريجوا طنطا اجمعوا هنا (Re: أبوذر بابكر)
|
Quote: هاتان المعلومتان تحتاجان لتعديل :
أولا : الصديق صلاح أبوجبر أجبر من خريجي الأزهر بالقاهرة. ثانيا : أنا بولاية كلورادو وليس كاليفورنيا ... وقد جئتها من قطر ... وكنت قبل فترة بقطر أيضا ... ولكني الآن بكلورادو. |
عاطف مكاوى سلامات وشكرا للتعديل والتصحيح
اولا يا زميل يا رايع انا لاقيت اهل زوجتك فى الرهد قبل 45 يوم وقالوا عندهم قريبهم فى امريكا وذكروا لى اسمك وانا اهل زوجى من الرهد ناس خليل حامد خليل
وعرفت منهم على ما اظنة المعلومة خطأ رغم انك ذكرتها لى فى المسنجر
صلاح ابو جبر كنت معزومة معا ة عشاء السبت الفات بعد ندوة قدموها ناس التحالف الديمقراطى بواشنطن وكملناها عنداسرة ابراهيم الحاج وانوار المهم اللخبطة حصلت وطبعا صلاح زى ما هو مصر وحكاياتها واركان النقاش لكن قدم ندوة جيدة جدا
عموما شكرا تانى وتسلم يا محاسب يا جيد
ابو ذر جاياة بعد الشغل برواقة
| |
|
|
|
|
|
|
Re: خريجوا طنطا اجمعوا هنا (Re: ايمان بدر الدين)
|
Quote: يا الللللللللللللللللله يا عاصم لقد فُجعت بخبر وفاة الزميل خالد الطويل هذا الزميل الصنديد الذى كان يقوم بمقام فرع للجبهة الديمقراطية لوحده في فترة من فترات مجال كفر الشيخ لم يلين أبدا ... وبمفرده أيضا كون جماهيرا وأصدقاء للتنظيم تفوق مقدرات فرعا كاملا ... الي أن جاءته دُفعتكم يا عاصم ........ له الرحمة والمغفرة.
* وأيضا قد تتفاجأ بوفاة الزميل الجميل عماد حسن صديق ... مارنجان حلة حسن/ مدني .... وقد أكد لي الصديق والزميل صلاح نزلاوى هذا الخبر فيا لفقدنا فيهما..... لهما شآبيب الرحمة. |
نصيبة السجم يا أخوانى
خالد الطويل??!! له رحمة واسعة
وبعدين عماد حسن صديق ما قالوا حى يرزق قبال كدة لما نشر خبر وفاته اتاريهو الخبر صاح?? ربنايرحمك يا عماد رحمة واسعة
غايتو خبرين زى السم
ربنا يهون
| |
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
كم هي قصيرة رحلة الحياة هذه
ألا ليت يدرك ذلك من يظلمون ويسرقون ويقتلون ويأكلون عرق الغلابة
ألا ليت أولئك المتناسين يدركون مدى قصر هذه الرحلة ويتركون الأنا
قصيرة هذه الحياة
فالننصر فيها المظلومين ونسعى لرفع الظلم
فالنقف فيها وقفة يحفظها لنا التاريخ
ما بين برهة وأخرى يرتحل من بيننا كثيرون إلى المعالي
| |
|
|
|
|
|
|
Re: خريجوا طنطا اجمعوا هنا (Re: Asim Fageary)
|
Quote: بالمناسبة يا محمد دودي، أخونا عوض حسن (كفر الشيخ) كان معانا هنا في جدة وحالياً إستقر في مدني وهو رجل أعمال في سوق مدني وعلى ما أعتقد أن لديه أيضاً نشاط بأم درمان |
لو تكرمت اخى عاصم تلفون عوض حسن....كنا على اتصال عندما كان بجده لكنى سمعت من الاحباب بانه استقر بمدنى
دودى
| |
|
|
|
|
|
|
Re: خريجوا طنطا اجمعوا هنا (Re: Mohamed Doudi)
|
Quote: اخونا ابوسنينة تحياتي
ياخي اخبار اخونا فيصل بابكر ( ابودقن )
واخبار معتصم الزيدابي الحقنا بيها
اما اخونا النعيم محمد حمزة مستقر بالسودان
وابو النور كذلك مستقر بالسودان ومكتبه بام درمان
واخونا محمد علي القوس -صيدلة - معانا بالدوحة
وخليل الحلبي - تربية - ايضا بالدوحة |
الاخ العزيز كمبورة
التحية باحسن ما قلت ......ايمان الله يديها العافية ما قصرت لمت الناس واحيت الذكريات الحلووووة ذات الطعم والمذاق الخاص ....ودتنا لام سعيد للسحلب والشاى وناس بدوى وعرمان ويحيى وابراهيم من مختلف الاطياف جمعتنا جميعا عروس الدلتا طنطا ..
اخوانا فيصل ابودقن كان معنا فى الرياض الى وقت قريب ولكنه اختار اجمل الطرق الدعوة فى سبيل الله نسال الله ان يتقبل منه فكثرت اسفاره خارج المملكة وانقطعت عنا اخبارة فهو فعلا اسم على مسمى
يحيى النويرى مقيم حاليا فى السعودية بالقرب من جدة
معتصم والله لم اسمع عنه شى
اخوانا الطيب الحضرى اسال الله له الشفاء مما الم به .....مساه حقيقة يحزن لها القلب وتزرف علية الدموع جمرا واسال الله ان ينتقم مما كان سببا فى ذلك ....فقد اصبح بدون عقلا تماما ...اسال يعوضة خير فى ذلك ........ والبيب بالاشارة يفهم
عصام بلال - تجارة طنطا مدنى الطيب - تجارة طنطا خالد محمد على - تجارة طنطا كلهم بجده
وكما ذكرت سابقا سوف نواصل بعد الفاصل
وعشان خاطر الطنطاوية فوووووووووق همات السحب دائما
الصلاة والسلام على النبى كلهم يسر القلوب ويفتحوا النفوس ههههههههههههههه
| |
|
|
|
|
|
|
Re: خريجوا طنطا اجمعوا هنا (Re: Yousif A Abusinina)
|
Quote:
فول حار من اسكندرانى يساوى وليمة هنية فى اجعص مطعم امريكانى |
يا أباذر لا أعتقد أن عمنا اسكندراني علي قيد الحياة ... علي كل له الرحمة حيا أو ميتا. ولكن ... ألا تذكر بأن فوله كان مسوسا رغم طعامته ...... وجميل أنك لا تزال تذكر صديقك فائز القبطي .... وأبو الليل كنا في سيرته قبل شهور طارق العيدروس وشخصي ..... يا له من شخص بديع!
------------------- ايمان : فعلا خيلان زوجتي بالرهد وأحد أبناء خليل حامد خليل صديقا لشقيقها الأكبر عبدالعظيم محمد علي .... وصديقه هذا علي ما تعتقد يسكن في شمبات الأراضي وقد زارها في عام ٢٠٠٨ مع شقيقها في منزلنا بشمبات الهجرة. ........... السودان ضيق يا ايمان علي الرغم من اتساع رقعته.
| |
|
|
|
|
|
|
Re: خريجوا طنطا اجمعوا هنا (Re: Yousif A Abusinina)
|
سلام يا إيمان وكل الشباب من خريجي طنطا ..
حقيقة أيامنا في طنطا لا تنسى .. والذكريات تتزاحم وتتصارع راغبة في الخروج للحكي .. زحمة من اللحظات الجميلة والسعيدة والحزينة .. مرت سنين طويلة والذكريات ما زالت رطبة وطرية كإنها حصلت أمبارح .. المشكلة الحقيقية في تذكر الأسماء من أبناء وبنات الدفعة .. فالذاكرة لم تعد كما كانت بالأمس .. والزهايمر على الأبواب .. هذا إن لم يكن قد وصل بالفعل .. وبالرغم من الزهايمر إلاَّ أن هنالك مواقف لا يستطيع الزهايمر محوها من الذاكرة .. وبالذات مواقف لا أنساها أبداً حصلت تحديداً مع الأخ طارق عبد الحميد عتباني .. وكنا ساكنين مع بعض في سنة من السنين .. أتمنى من كل قلبي إنه يكون بخير .. وياريت أسمع أخبارو وأطمئن عليهو .. كان إنسان ذكي .. شاطر .. نشيط وطيب حد الدروشة .. بس مشكلتو الأساسية كانت إنه بيدخن بشراهة .. بشراهة لدرجة تسببت ليهو في مشكلة وموقف حأرجع وأحكيهو ليكم .. وهو موقف عبرة لمن أراد أن يعتبر ... الغريبة إني متذكر المواقف مع طارق بالتفصيل الدقيق .. ما عارف ليه؟ إمكن لأنها طريفة وفي نفس الوقت فريدة في نوعها ..
وفي أيامنا ديك وأول ما جينا سنة 1976 .. كانت الحكومة السودانية تدفع للطالب دعم مالي قدره 10 جنيه مصري فقط .. آي والله عشرة جنيه مصري فقط شهرياً .. ما عارفها هسي بتدفع كم لكل طالب .. كنا نمشي نصرفها من البنك كل آخر شهر .. ومعظمنا بيكونو مقشطين ع الآخر .. ومنتظرين آخر الشهر بفارغ الصبر .. لأنه أحيانا المصاريف البتترسل من الأسرة ما بتصل لينا في مواعيدها .. ويصادف كل الجماعة الفي الشقة الواحدة ما يكون عندهم مصاريف نهائي .. كنا نمشي البنك عشان نصرف الدعم الحكومي .. ونكون في صفوف طويلة قدام الصراف .. لمن الصراف يديك العشرة جنيهات ورقة واحدة بس .. تختفها زي السارقها وتتخارج سريع للإحساس بالحرج .. لأنه الطالب الفلسطيني بيكون واقف جمبك مع الصراف التاني عشان يستلم الدعم بتاعو .. ويفضل الصراف يحسب ويعد للفلسطيني 7 ورقات من ابو عشرة أو أكتر .. عشان كده الفلسطينين كانو عايشين في عز ونغنغة أثارت عليهم حفيظة وحقد الكل وبالذات الطلبة من المصريين لأن الفلسطينين كانوا بيصرفوا ببذخ على أجمل الطالبات المصريات وعايشين في شقق راقية .. وسايقين عربات فارهة .. والدراسة كانت آخر إهتماماتهم .. وعلى كل حال برضو كتر خيرها الحكومة السودانية .. لأنه العشرة جنيه دي كانت أحياناً بتحل جزء من المتطلبات الضرورية والعاجلة للطلبة في الغربة .. بس بالتأكيد .. ما كان في طالب بيعتمد عليها بشكل كامل .. وفي سنة تخرجنا زادت الحكومة السودانية المبلغ لعشرين جنيه مصري .. وبرضو طارق عندو موقف طريف متعلق بالمصاريف دي .. حأحكيهو ليكم برضو إن شاء الله ..
على فكرة .. كنت قبل قليل بتكلم مع الأخ الحبيب خليفة نوري .. وهو كان من الطلبة السودانيين الرواد في طنطا.. وهو حالياً في أبو ظبي .. وأنا سألتو ليك يا كمبورة عن أسئلتك المتعلقة بمكان أول دار للاتحاد في طنطا.. واول رئيس اتحاد .. وقال إنه أول رئيس لاتحاد الطلاب كان إسمو موسى عبدو موسى .. وهو من المستقلين، ودرس طب وعمل كطبيب في مدينة الأبيض لأنه أصلاً من هناك .. لحدي ما بقى رئيس مستشفى الأبيض .. وأول رئيس إتحاد عمل دار للاتحاد كان اسمه عبد الله خالد بشير وهو برضو طبيب .. جبهة دموقراطية .. بس حاول يتذكر مكان أول دار للاتحاد .. وخانتو الذاكرة .. بس حيحاول يتذكر المكان .. وهو بالمناسبة بيسلم عليكم كلكم .. وجراب الحاوي بتاعو مليان بالحكاوي والمواقف .. وإن شاء الله حيتواصل معانا هنا بالرغم من إنه ما عضو في سودانيزاونلاين .. لكنه وعد بالكتابة ليكم عبر إيميلي أو الأخ عاطف مكاوي .. وبالمناسبة يا عاطف .. خليفة قال ما عندو تلفون ولا عنوان لإبن دفعتي عماد إسكو .. ووصاني بأني أرجع ليك عشان تشوف لي عنوان عماد أو تلفونو .. خاصة وإنه عماد معاكم هناك في بلاد العم سام .. يا ريت تقدر تخدمني في الحتة دي .. والإيميلات بتاعتي هي: [email protected] – or [email protected]
ونواصل كان ربنا مدْ في العُمر ..
| |
|
|
|
|
|
|
Re: خريجوا طنطا اجمعوا هنا (Re: عبد الله كسلا)
|
معليش يا جماعة .. المداخلة الفاتت دي كانت طويلة بالحيل .. أعذروني
الكلام والحكي بيتدافع عشان يطلع ليكم .. في المداخلة دي عايز أحكي ليكم عن حبيبنا طارق عتباني ..
طارق سكن معانا على ما أعتقد في العام الدراسي 78-1979 .. كنَّا 3 أو 4 طلاب ساكنين في شقة واحدة .. كل واحد بغرفة منفصلة .. وعلى ما أذكر إنه أرضية الغرفة بتاعت طارق كانت من الخشب لأني متذكر تماماً منظر الأرضية وهي منقَّرة بأثار السجاير .. وبالذات حول موضع المخدة .. طارق كان بيدخن بشراهة غير طبيعية .. لا يتوقف أبداً عن التدخين .. يولع السجارة بأختها .. وخاتي صندوق السجاير تحت المخدة لأنه أول ما يقوم من النوم.. بيولع سجارة وهو لسه في السرير ..
أذكر في مرة من المرات .. كنا برة الشقة وجينا راجعين لقينا طارق مذهول ومندهش لأنه كل ما يحاول يفتح الماسورة الفي الحوض يحس بتيار كهربائي وما يقدر يلمس الماسورة نهائي .. ولمن نلمسها نحن بيكون الوضع طبيعي .. وما نحس بأي حاجة .. وبعد شوية بدأ ينزف من الأظافر .. إنزعجنا شديد وأخدناهو ومشينا لعيادة طبيب راجل كبير في السن .. بعد أن سمع الأعراض من طارق .. أذكر إنه قال لطارق: أنا من أربعين سنة شغال كطبيب دي أول مرة تمر علي حالة زي حالتك دي .. وحسينا بأنه محتار فعلاً .. لكنه بعد شوية سأل طارق: إنت أول حاجة بتعملها إيه لمن تصحى من النوم؟ .. وقبل ما طارق يرد عليهو .. إبتدره بالإجابة في شكل سؤال تاني: بتدخن سجارة؟ .. وكانت دي هي الحقيقة .. وطارق أكدها فعلاً للدكتور .. وعلى ما أذكر من كلمات الدكتور ده .. قال لطارق .. أنا ما عنديش تشخيص لسبب حالتك دي غير إنك بتسمم أعصابك .. لأن أعصابك بتكون مسترخية لما تكون نايم.. وأول ما تصحى بتفاجئها بسموم .. بس الشئ الأقدر اقولو ليك .. صلي .. "الصلاة تدي الإنسان ثقة في النفس لا يعلى عليها" .. ودي كانت كلامتو بالنص .. ودي كانت وصفتو العلاجية لحالة طارق .. والغريبة إني حافظها حتى اليوم !!
أتمنى إنه يكون بخير وصحة جيدة ..
ولنا عودة إن شاء الله
| |
|
|
|
|
|
|
Re: خريجوا طنطا اجمعوا هنا (Re: عبد الله كسلا)
|
Quote: لو تكرمت اخى عاصم تلفون عوض حسن....كنا على اتصال عندما كان بجده لكنى سمعت من الاحباب بانه استقر بمدنى
دودى |
الأخ/ محمد دودي
ىسف لعدم وجود رقم جواله معي حيث أن جوالي كان قد تعرض لعطل بعد حضوري من السودان 0فايروس سوداني) وفقدت كل الأرقام ولكن أحد الزملاء من كفر الشيخ إتصل علي من السودان بعدها ومعي جواله وهو يمكن أن يمدك بجوال بعوض حسن
وهو مبارك الطاهر عبد الرحيم من الخرطوم - الإمتداد
ولكم التيحة والتقدير
| |
|
|
|
|
|
|
Re: خريجوا طنطا اجمعوا هنا (Re: Asim Fageary)
|
وصلتى هذه الرسالة من الاخ عبدالوهاب دفع الله -تجارة طنطا انشرها هنا الرحمة والمغفرة لكل زملاءناالذين توفاهم الله 'وانا لله وانا اليه راجعون'
نص الرسالة
الاخت الكريمه رباب الكارب تحياتي لكم جميعا وعلي كل خريجي جامعه طنطا قرات بعض مداخلاتكم عبر صفحة الزميله ايمان بدر الدين وبما انني لست مشارك في هذا الموقع لم يسمح لي بالتعليق ارجو ان اعلق من خلالك بالنسبه لناس طنطا الذين توافهم الموت رحمهم الله جميعا لقد كانوا اعزاء اضيف اليهم 1-احمد قاسم النور تجارة طنطا 2-محجوب خالد تكونه تربية طنطا 3-عمار مبارك اداب طنطا 4- محمد عثمان نوري علوم طنطا )توفي قبل اسبوع 5-نور بشير الحلو طب طنطا6- 6- هشام الحاج حقوق طنطا 7-الشريف الطيب الشريف صحي طنطا 8-الطيب من اولاد الجنيد الحله معهد تجاري 9-محجوب عبداللطيف تجارة طنطا 10- عبدالهادي ادريس تجارة طنطا 11- جمال الامام شريعه وقانون طنطا قولي للاخ دودي بعد تحياتي سوف اوافيك باخبار كيزان طنطا قريب لكم كل الود عبدالوهاب دفع الله -تجارة طنطا
| |
|
|
|
|
|
|
Re: خريجوا طنطا اجمعوا هنا (Re: Rabab Elkarib)
|
Quote: وصلتى هذه الرسالة من الاخ عبدالوهاب دفع الله -تجارة طنطا انشرها هنا الرحمة والمغفرة لكل زملاءناالذين توفاهم الله 'وانا لله وانا اليه راجعون'
نص الرسالة
الاخت الكريمه رباب الكارب تحياتي لكم جميعا وعلي كل خريجي جامعه طنطا قرات بعض مداخلاتكم عبر صفحة الزميله ايمان بدر الدين وبما انني لست مشارك في هذا الموقع لم يسمح لي بالتعليق ارجو ان اعلق من خلالك بالنسبه لناس طنطا الذين توافهم الموت رحمهم الله جميعا لقد كانوا اعزاء اضيف اليهم 1-احمد قاسم النور تجارة طنطا 2-محجوب خالد تكونه تربية طنطا 3-عمار مبارك اداب طنطا 4- محمد عثمان نوري علوم طنطا )توفي قبل اسبوع 5-نور بشير الحلو طب طنطا6- 6- هشام الحاج حقوق طنطا 7-الشريف الطيب الشريف صحي طنطا 8-الطيب من اولاد الجنيد الحله معهد تجاري 9-محجوب عبداللطيف تجارة طنطا 10- عبدالهادي ادريس تجارة طنطا 11- جمال الامام شريعه وقانون طنطا قولي للاخ دودي بعد تحياتي سوف اوافيك باخبار كيزان طنطا قريب لكم كل الود عبدالوهاب دفع الله -تجارة طنطا |
لا حول ولا قوة الا بالله نسال الله لهم الرحمة جميعا ويسكنهم فسيح جناتة مع الصديقين والشهداء وحسن اولئك رفيقا ويلهمنا واهلهم وذويهم الصبر والسلوان
| |
|
|
|
|
|
|
Re: خريجوا طنطا اجمعوا هنا (Re: نصر الدين عثمان)
|
سلام للجميع .......
Quote: لو عندك صور من الارشيق زين لينا بها البوست وستكون لفتة بارعة وجميلة وتعيدنا لأيام زمان
|
إيمان .. أخشى أن مخزوني منها ليس وفير.. وسأحاول إنزالها .. بالطبع هي صور من عصر (التحميض) .. حيث لا ديجتال ولا فيسبوك ...
| |
|
|
|
|
|
|
|