الاخوة والاخوات... تعالوا نبارك لمظفّر حيدر (كابروس) التخرج من جامعة عين شمس قسم الحاسبات والمعلومات... مظفّر حيدر إبراهيم علي (لمن لا يعرفه) ذلك الفتى المبدع تخرج عن 21 سنة (ماشاء الله)... نجل الدكتور العلامة حيدر والاستاذة حياة...أخو أنديرا...
يطيب لي أن أكون أول المهنئين بتخرج كبروس.. فأنا خاله وعمه في نفس الوقت ولابد أن أكون سباقا للتهنئة.. وأرجو من ابننا مظفر نقل تهاني الخال والعم مامان أصالة عن نفسي ونيابة عن الأهل بالسعودية، للوالد د.حيدر والوالدة حياة عبيد
مع التحية
مامان
12-17-2004, 01:18 AM
bint_alahfad bint_alahfad
تاريخ التسجيل: 02-04-2002
مجموع المشاركات: 3522
الأخ كبروس يستاهل كل خير وربنا يوفقه لــ قدّام في الدنيا الما عندها راس ولا قعر دي. طبعاً يا كبروس أنا زبون دائم على "كابروس.كوم" .. وبكون هناك مخسوس عشان أبو داؤود وحسن عطية وعائشة الفلاتية. أها بقى عشان الناس ديل أنا ببارك ليك التخرج من الجامعة .. مع اني ما مقتنع بحكاية مباركة التخرج دي. أنا غايتو والله ما في زول بارك لي .. لا تخرج ولا دخول. ولو في طريقة أرجع الجامعة تاني .. المتخرجين ليها شني!!!!!!!؟
وتقبّل تهانيّ الجد جد ما هذار.
12-17-2004, 01:38 AM
محمد الامين احمد محمد الامين احمد
تاريخ التسجيل: 08-28-2004
مجموع المشاركات: 5124
والله ما كنت متوقع البوست ده .. طبعا الجامعة دي انت عارف انا عديتها كيف، عشان كده ولا حسيت اني اتخرجت ولا حاجة .. لدرجة انه النتيجة لما طلعت (قبل شهر)، قعدت تلاتة يوم حتى كلمت أهلي ..
شكرا ليك يا مان ... أها ... كده دايرين نفتح بوست "كبروس يبحث عن عروس"
(أوعى تصدق)
================================
الأخ المكاشفي
شكرا على التهنئة ... والمديح قريب حيكون في الموقع .. رسل لي ايميل على kabaros(at)yahoo.com .. لو عندك إيميل في الياهوو ممكن أرسل ليك الحاجات العندي
================================
العم مامان ...
الله يبارك فيك .. تحياتي وتحيات الوالدة والوالد لك ولأسرتك ..
================================
بنت الأحفاد ...
الله يبارك فيك ... الدكتوراه دي صعبة شوية .. احنا دي خلصناها بيا لطيف
================================
Shinteer ...
والله صحي المتخرجين ليها شنو .. الزول كان زمان اسمو ماشي الجامعة جاي من الجامعة .. أسع خلاص ... يوم داك باملا فورم .. جيت اكتب في الوظيفة طالب، اتذكرت اني بقيت عاطل، كتبت طالب على المعاش .. هيييييه خلاص عجزنا...
الله يبارك فيك
================================
محمد الأمين ..
الله يبارك فيك
================================
عقد اللؤلى ...
الله يبارك فيك ... وعقبالك قريب
================================
نصار ...
شكرا ليك
================================
العزيز عادل ...
شكرا ليك والله يبارك في الجميع
================================
zola 123
شكرا ليك أولا على المباركة .. وتاني على عقلية دي .. كيفتني شديد
شكرا
================================
العزيزة تماضر
شكرا على الكلام الحلو ..
تحياتي وتحيات حسام لك ..
================================
العزيز أحمد
الله يبارك فيك ... والله ماليزيا بقت لامة ناس عزاز علي شديد .. لكن أغلب الظن اني مفرتق على أبعد من كده ..
يا ماان .. نتلاقى كلنا في بلد تلمنا
تحياتي وعقبال عندك
================================
Ridhaa
الله يبارك فيك
تحياتي
================================
وليد ..
الله يبارك فيك ... العيال كبرت .. ولا انتو العجزتو ..
================================
أبو جهينة ..
الله يبارك فيك .. وعقبال الجميع
================================
العزيزة راوية ..
شكرا ليك .. ويسمع من بقك ربنا
تحياتي
================================
العزيزة راوية ..
شكرا ليك .. ويسمع من بقك ربنا
تحياتي
================================
وليد ..
الله يبارك فيك ..
عرس شنو يا زول ... انت قايلني أنور .. أنا عاقل
================================
معروف ..
الله يبارك فيك ..
اعذرني .. لكن ما قلت لي عرفت من وين خالي سيد احمد وخالتي عاطفة ؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
AnwarKing
المكاشفي الخضر الطاهر
Elmosley
maman
bint_alahfad
Shinteer
محمد الامين احمد
نصار
Abdel Aati
zola123
Tumadir
sari_alail
Ridhaa
Walid Safwat
ابو جهينة
Rawia
Marouf Sanad
kabaros
محمد عبدالرحمن
yasiko
Raja
Elsadiq
Ahmed Elsharif
garjah
ودالعباسية
معتز تروتسكى
Agab
nada ali
اسامة الخاتم
عبدالماجد فرح يوسف
فيس بوك
تويتر
انستقرام
يوتيوب
بنتيريست