|
|
 الوقفة قبل الاخيرة وراء المايكرفون لطبع حالة من الامل للعشق في الخيال
|
انتي وانا
مــــن حقنـــا
نفرح نطير زي الفراش لمكان
بعيد ما زارو زولا قبلنــــا
نلملم عقاب الذكريات
لو الذكرى تاني تلمنا
ونبقى عشاق للابد
نشيل الغرام في دمنا
لا انتي تنســــيو لا انــا
انتي وانا عاشقين رهاف ساكنين
ضفاف شتل الاماني وحبنا
ومن حقنا نسكن في الكواكب
في قصر لى غيرنا ابدا ما انبنى
نسامر النجوم ويزورنا القمر
الحتى لو جافا الظهور ما بغبنا
ورجعنا تاني لقينا الصبر
كان اصلو مزروع عندنا
انتي ما روحي واماني والزول
الجميل الاصلو مخلوق مننا
وشنو الفضل ما بقيت
انا وباقي الحكاية المحزنة
انسان بريد عينيك كتير
عشق حكايتك وادمنا
ولما رحع خطوي ولقاك
بق يكره الغربة المريرة ويلعنا
وياربنا وياربنا العشناه من
ظلم الهوي ما يعيشو زولا بعدنا
وانتي ونا نبقى عشاق
للابد نشيل الغرام في دمنا
لا انتي تنسيو لا انا
هاشم ميرغني
|
|
 
|
|
|
|
|
|
|
|
حالة عشق فى الخيال..متلفح وشاح حزن نبيل (Re: Hashim Merghani)
|
الأمنية.. أن تعيش لحظة ولادة تحفة فنية.. تطلع من بين أهات المحبين..والأعظم من تلك اللحظة ان تجد من يحمل بدوا خله آهات كل المتعبين .. فى ساحة العشق والرهافة.. الحسية.. يعبروا عن إحساس يعجز العادي ان يصوره حتى اذا كان هذا الاحساس يتملكه... ترددت للحظة عندما استوقفني اسم فنان الشجون السخية.. وعنوان دعوته.. المسيلة للعاب.. فى المرة الاولى..اطلعت على القصيدة.. الإحساس.. وتخيلت انها مشروع غنية إضافة لبحر الشجن والحزن.. تتصارع فى دواخل العبقرى.. لكى ترى النور .. كآهات.. تكمل آهات الحيارى.. والعاشقين... وكنت اراقب عن كسب حركة المساهمة.. حتى طلع اسم الخواض.. كاول مستجيب.. لهذا الرائع.. وانى متحلل فى حزنى من فرط شجن الاغنية لملمت بعض من قواى المنهوكة .. وقررت ان امهر بكلام كالرطين .. ما فاض من تقديري الذى لم اجد له مطرحا بداخلى ان يتحمله..
شكرا فنان مشاعرنا وممثل كل آهاتنا.. المرهف هاشم مرغنى وشكرا للخواض..
| |
|
|
|
|
|
|
|
|
|
يا مبدعنا الفنان هاشم مرغني (Re: Hashim Merghani)
|
صبحكم الله ومساك بالخير
وانشاءالله يعطيك الصحه والعافيه والشفاء
بس فعلا اختيار جميل كلمات حلوه لحن رقيق
ودائما كل يوم ادونا غنيه عشان نسمعها ونسجلها
وبارك الله فيك يا خواض عشان بتيح لينا التسجيل
وبالله يااستاذ هاشم
كل يوم غنيه
وما تنقطع
ام هاني
| |
|
|
|
|
|
|
|
|
|
Re: يا مبدعنا الفنان هاشم مرغني (Re: بكرى ابوبكر)
|
الأستاذ هاشم ميرغنى
ما اروعك وما ابدعك وانت تسعدنا بتلكم الكمات الرقيقة وذلك اللحن الرقيق الذى اعادنا الى الحانك الخالدات والذكريات الجميلة جدا
رعى الله ايامك سيدى وادامك لتجدد فينا كل جميل..
شكرا اخى الخواض وتسلم لينا سيدى
| |
|
|
|
|
|
|
| |
Hashim Merghani
sharnobi
قرشـــو
فيس بوك
تويتر
انستقرام
يوتيوب
بنتيريست