|
Re: غدا الخميس16 يناير بالرياض..الطيب صالح..حميــد..محمد سعيد دفع الله (Re: azza)
|
الأخت عزه بالعكس...إتصالك وإتصالات بعض الأخوات كان ليها أثر طيب في نفوسنا..بس عملت لي عقدة شعور بالذنب..حاسي أنه كان لازم أعوم ضد التيار وأخرج عن طوع لجنة الإتحاد وأعمل فيها قاسم أمين وأطالب باعطاء نصف السودان الحلو حقه في المشاركة في تكريم مبدعينا..بس كان قدرت أمرق من ديل...المطاوعه أمشي منهم وين؟؟؟؟ياااااا حليل بلدنــــا..سمحه وناسها سمحين ومتسامحين
| |
|
|
|
|
|
|
Re: غدا الخميس16 يناير بالرياض..الطيب صالح..حميــد..محمد سعيد دفع الله (Re: om ahmed)
|
أهلا يا أم أحمد و...يا أم أحمد دقي المحلب..فوق توب أحمد..وإن شاء الله تدقيلو المحلب وإنتي وهو في خيرين تلاته...شكرا على تحيتك لي..ولكن التحية أولا للسودان الذي أنجب هولاء الرجال الذين نحتفي بهم والتحية لهم إذ لبوا الدعوة ثم التحية والتقدير من حق إتحاد منطقة مروي..والتحية لأبناء السودان الذين لبوا النداء وأتوا مشاركين في التكريم....أما مسألة حقوقكم في تكريم المبدعين فلا يخفي عليك وعلى الجميع أنه شىء خارج عن إرادة الإتحاد وتعلمين إن سهم الجماعة إياهم كما أشرتي إليهم ماض فينا شئنا أم أبينا ولا بد لنا من التمشي مع ثوابتهم ما دمنا نعيش بينهم..أخشي أن تحمل سطورك بين طياتها تحريضا خفيا على آدم المسكين...فتنقلب كل حواء من زوجات لجنة إتحاد أبناء محافظة مروي على آدمها و..تطين عيشته ويصبح الغداء ويكه والعشاء عدس كله ملح...والشاي قرض ما بيتبلع...عموما أنا بره الحكاية دي...أنا دوري في المسأله دي صغير جدا لا يتعدي الشلاقة التي دفعتني للإعلان عن المناسبة..أنا قالوا لى أعلن واعلنت....إنتي قايلاني صاحب الجلد والراس وللا شنو؟؟؟؟لا...الإتحاد ليهو عمد وشيوخ ونظار وناس فطاحل وأنا لاني عمده ولاني شيخ ولاني ناظر...أنا...أنا تقدري تقولي من ناس قريعتي راحت...وزي ما بيقول ود خالتي ود العجمي....خلوها مستـــوره التحية لك ولنساء السودان..و..اعفوا مننا
| |
|
|
|
|
|
|
|