|
|
 ما تكجّوها ...
|
بداية التحية لطالبات وطلاب جامعة الخرطوم سيحفظ التاريخ لهم انهم من اطلق الشرارة - دا تحيز مني للجامعة ساي :)
نجي للموضوع:
دي ما أوّل مظاهرات تخرج لكن الظرف الإقتصادي و عوامل أخرى تقوّي من إحتمال أن تكون هي الأخيرة* في عهد الإنقاذ إن شاء الله
فالحركات بتاعة استلام و احتكار الثورة من اسي و عزل و ابتزاز الناس دي محض هبل ما أكتر
و العناوين المتفائلة التي تستبق الاحداث و الوقائع دا ما وقتها
الافضل ان تكون البداية محدودة لكن بثبات و استمرار و خطوات راسخة وتتزايد يوميا على القفز فوق الوقائع و التكبير الخيالي للاحداث الذي قد ينحسر عن خذلان
الفضل في المظاهرات الحالية و المتوقعة في الايام الجاية - إن أدت لثورة أو لم تفعل - لا يعود للاحزاب في الداخل أو للأسافير و ناسها في الخارج
يعود من بعد الله للشباب الغض الذين ولدوا في عهد الانقاذ ولا يعرفون غيرها والذين عانوا من الضائقة الاقتصادية والغلاء و قاسوا الامرين
وبصورة أخرى يعود للحكومة نفسها التي تسببت في الضائقة الاقتصادية بسياساتها الخاطئة و عجزها عن محاربة الفساد بل وتقنينها له
من ناحية تانية المظاهرات وحدها لن تكفي لسقوط النظام مالم يساندها عصيان مدني حقيقي يشل مفاصل الدولة ودا الاسقط نميري في ابريل
هنا دور الاحزاب الفاعل و المتوقع انو يحركوا القواعد في الوزارات و المصالح و الهيئات - المشكلة انو بعد تلاتة وعشرين سنة الله اعلم يكون لسة في قواعد ناشطة للاحزاب في الجهات الحكومية
________________________________________________
* كون المظاهرات "الأخيرة" إما لتطورها لثورة تنتهي بسقوط الإنقاذ أو لأنها إن فشلت - لا قدّر الله - واجتازت الإنقاذ الأزمة الإقتصادية الحالية فما في شي تاني بسقطها
|
|
 
|
|
|
|
|
|
|
|
Re: ما تكجّوها ... (Re: المر)
|
محمد سلامات
الشباب الكانوا اليوم طالعين وخصوصا الشابات ليهم رصيدهم السياسي كمان وفي بعض منهم بدون ودي الحقيقة الواضحة
الموضوع دا بدون فهم سياسي وترتيب ما ببقي
كلنا نكره كل الاخطاء والكوارث القديمة لكن من واقع الجامعات وكل الحركات الكانت بتحصل فيها بحركوها ناس سياسيين عديل كدا ومنظمين وواعين جدا
وما بقدموا اللون السياسي بتاعهم عشان احترام الناس المعاهم لكن دا ما بنفي انو المنتمنين سياسيا في تأريخ الجامعات في السودان هم
من الاكثر تعرض لوحشية النظام وهم الاكثر مبادرة ودي واقع بنعيشوا الان وبكرة وبعده
كلنا لينا راي في ما تقوم بيه الاحزاب المعارضة لكن لا ننكر انو كوادرها في الجامعات ليها التريقنرن اكشن
ودورهم بكون واضح
فرق كبير بين اخطاء السياسيين والقادة وبين كوادر تقدم وتضحي في ارض الواقع
| |
|
|
|
|
|
|
|
|
|
Re: ما تكجّوها ... (Re: الفاتح سليمان)
|
Quote: فالحركات بتاعة استلام و احتكار الثورة من اسي و عزل و ابتزاز الناس دي محض هبل ما أكتر
و العناوين المتفائلة التي تستبق الاحداث و الوقائع دا ما وقتها
الافضل ان تكون البداية محدودة لكن بثبات و استمرار و خطوات راسخة وتتزايد يوميا على القفز فوق الوقائع و التكبير الخيالي للاحداث الذي قد ينحسر عن خذلان
الفضل في المظاهرات الحالية و المتوقعة في الايام الجاية - إن أدت لثورة أو لم تفعل - لا يعود للاحزاب في الداخل أو للأسافير و ناسها في الخارج
يعود من بعد الله للشباب الغض الذين ولدوا في عهد الانقاذ ولا يعرفون غيرها والذين عانوا من الضائقة الاقتصادية والغلاء و قاسوا الامرين
وبصورة أخرى يعود للحكومة نفسها التي تسببت في الضائقة الاقتصادية بسياساتها الخاطئة و عجزها عن محاربة الفساد بل وتقنينها له |
Agree
| |
|
|
|
|
|
|
|
|
|
Re: ما تكجّوها ... (Re: علاء الدين يوسف علي محمد)
|
سلامات يا مر
عندي احساس انها مختلفة المرة دي مختلفة
إمكن لأنها نبعت فجأة بدون اعلانات و مواعيد و بطولات النت الخرقاء و الشو الأجوف بتاع كل مرة
إمكن لأنو عندها سبب حقيقي ملامس لعصب الحياة
إمكن لأنو زهجنا
إمكن ساي
سلامات يا الفاتح
نعم كلامك فيه وجهة نظر سليمة لا يمكن اغفال دور الكوادر المنظمة في الدعوة و تنظيم للمظاهرات بصفة عامة
لكن القدامنا دا الداعي الحقيقي ليه هو المعاناة و هو المستقبل القاتم و عدم الأمل في بكرة
اكبر من ان يتم اختزاله في نشاط حزب أو كادر أو اسفير
نعم الكل جزء منه بدون ان يتم اغفال دور اي مشارك فيه لكن لا يمكن نسب الفضل فيه للبعض دونا عن الكل
ياهلا بشاري
يا علاء انا أملي مش في المعارضة سواء الهناك أو الاسفيرية الهنا
أملي في الشباب دون العشرين القاموا و نشؤوا في عهد الحكومة دي وما سمعوا او قرأوا غير شعاراتها لكنهم اليوم و أمس وغدا إن شاء الله خرجوا و سيخرجون احتجاجا على الاوضاع و سوء إدارة الدولة و الفساد و المحسوبية و الفشل
حتى لو لم يتطور الأمر او يؤدي لسقوط النظام على الأقل الحكومة تعرف انو الشعب ما استكان ليها و لمظالمها و استهانتها بيه
وهناك من يرفع صوته بقولة لأ
يمكن تخاف الله فينا شوية
| |
|
|
|
|
|
|
|
|
|
Re: ما تكجّوها ... (Re: محمد البشرى الخضر)
|
عمنا ود البشرى :
| Quote: كون المظاهرات "الأخيرة" إما لتطورها لثورة تنتهي بسقوط الإنقاذ أو لأنها إن فشلت - لا قدّر الله - واجتازت الإنقاذ الأزمة الإقتصادية الحالية فما في شي تاني بسقطها |
فأل الله ولا فالك
عندي بوست شوفو معاك
فيه قلت : ان الثورة حلزونية تصعد وتهبط وان هذا يجب ان لايصيب الناس بالإحباط
انا متفائل ، ومع ذلك مستوعب التعقيدات
| |
|
|
|
|
|
|
|
|
|
Re: ما تكجّوها ... (Re: أبو ساندرا)
|
Quote: حتى لو لم يتطور الأمر او يؤدي لسقوط النظام على الأقل الحكومة تعرف انو الشعب ما استكان ليها و لمظالمها و استهانتها بيه
وهناك من يرفع صوته بقولة لأ
يمكن تخاف الله فينا شوية |
بإستصحاب المداخلة الرئيس للبوست و الكوت اعلاه , حيرتني عدييل و الله يا باشمهندس 
| |
|
|
|
|
|
|
|
|
|
Re: ما تكجّوها ... (Re: خدر)
|
فلنتفاءل خير
كونوا بدانا نقول لا وخرجنا الشارع
سنستمر فى اطلاق الشرارة تلوا الاخري حتى تلتهب النيران
| |
|
|
|
|
|
|
|
|
|
Re: ما تكجّوها ... (Re: الزنجي)
|
يا بو ساندرا ...
وانا كمان متفائل و متخوّف في نفس الوقت
ساكت مقارنة مع المظاهرات "الشو" السابقة بشهدائها الاسفيريين و خزعبلاتها تديك الاحساس بصدق وجدية الحاصل
الغبن حاصل و المعاناة موجودة وتطال الجميع و الأرض خصبة باقي التوفيق من الله
و الكج ما يشربوها لينا هههههههههههه
يا مولانا الله لا جاب حيرة
كدي ارجع اقرا الكلام تاني بسوء ظن - الحقوق لأبو التا - بتلقى ليك جالونين تلاتة سم في الدسم بتفك الحيرة ههههههههههه
هلا زنجي
نعم نتفائل بحذر ولا نكبر التوقعات
ولا نحبط ونعاين لي قدام
| |
|
|
|
|
|
|
|
|
|
Re: ما تكجّوها ... (Re: محمد البشرى الخضر)
|
Quote: الافضل ان تكون البداية محدودة لكن بثبات و استمرار و خطوات راسخة وتتزايد يوميا على القفز فوق الوقائع و التكبير الخيالي للاحداث الذي قد ينحسر عن خذلان
|
سلمت يداك اخي محمد البشرى
ولنزرع مزيد من التفاؤل والامل بانه التغيير واجب
اللهم لا تولي امر الشعب السوداني من لا يخافه ولا يخشاه
| |
|
|
|
|
|
|
|
|
|
Re: ما تكجّوها ... (Re: maia)
|
تسلم يا محمد
بعض اعضاء المنبر بفتكروا انهم من يقود الثورة
كثير من شباب الثورة فى الشارع الان لايعرفون من هو بكرى ابوبكر ولم يسمعوا بسودانيزاونلاين
لذلك اتوقع نجاحهم
هذا المنبر محبط جدا
| |
|
|
|
|
|
|
|
|
|
Re: ما تكجّوها ... (Re: عصام علي أحمد)
|
Quote: ولنزرع مزيد من التفاؤل والامل بانه التغيير واجب
اللهم لا تولي امر الشعب السوداني من لا يخافه ولا يخشاه |
والله يا مايا بعد الجمعة العظيمة الأمس حق لنا أن نتفاءل
حتى لو اسفرت الحكومة عن وجهها العنيف و اسرفت في العنف و القمع فوجوه الشباب الشفناها امس دي وضح انها كسرت حاجز الخوف و اللامبالاة وتخطت سؤال البديل
و الحكومة عرفت أن الله حق و ان نقطة اللاعودة قريبة أو تكاد و الخيار بيدها و الناس وعت و لن تنطلي عليها الاكاذيب و الشعارات الخيالية
سلامات يا عصام
اكيد شفت الفرق امس بين الفيديوهات و الصور الحقيقية و اثرها الإيجابي و بين تلك المفبركة و الملفوحة و التي لا داعي لها فالحقيقة مهما كانت هي الأفضل
العزاء ان دور المنبر لا بتعدى المنبر و الخرمجة حدها السايبر فقط
| |
|
|
|
|
|
|
|
|
|
Re: ما تكجّوها ... (Re: محمد البشرى الخضر)
|
أتفق معك ياود البشرى أن الثورة في الواقع من صنع الواقع المعاش الآن ...وكل مواطن سوداني عادي مكتوٍ بالحاصل سواء مؤتمر وطني أو من عامة الشعب لربما يتميز المواطن المنتمي للمؤتمر الوطني بأنه مدعوم ومسنود سواء بأحد أقاربه ممن في رتب علية او بتجريدة وهبة سنية ..لكنه في الآخر سيعاني أيضا إذا تقلصت حصته وحتما سيجد نفسه راكبا في سرج محمد المسكين وهنا المصائب تجمع المصابين ..الشباب الذين ولدوا وتربوا في كنف الإنقاذ هم ادرى من كتبة الأسافير على كثرتهم ولا نطعن في وطنيتهم وإن أخذ الحماس بهم أية مأخذ ..وكل يساهم في التغيير بما هو متاح أمامه ..والأهم في الأمر أن الحكومة الحالية قد صحت من نومها وعيشها المخملي ،وعرفت أن الأمر هذه المرة ليس أمرا يمكن قبوله والترضي عنه ..وأقولها لمؤيدي النظام ..أن النظام ليس هو الإسلام ...والإسلام باق إلى قيام الساعة ولا خير فيكم إن لم تقوموا المعوج وإزالته من النظام وهذا من مقاصد الشريعة والديموقراطية هي المخرج الأنسب لكم من هذه الورطة ..فشعار الإسلام والشمولية لا يلتقيان أبداً ..ومن يعتقد أنه بمناصرته للنظام أنه يناصر الإسلام عليه أن يراجع دينه .
شكرن ود البشرى
| |
|
|
|
|
|
|
|
|
|
Re: ما تكجّوها ... (Re: محمد البشرى الخضر)
|
| Quote: الحاصل شنو, كجّيناها ولاّ كيف ؟ |
كجوها المناضلين يا ودالبشرى ما عندك ذنب فيها لأنك لو كنت في السودان كنت حا تطلع الشارع
ياخ ثورة يبشر بيها دينق وهشام هباني وطه جعفر مساكين اختام صكوك النضال وسيف مساعد يجيب ليك بتاع العدل والمساواة يقول ليك دا الرئيس البديل وعقار عرمان يحرشوا وما تعرف مناوي يكورك والجنوبيين شايلين لافتات كيفين ما تنكج
الناس ديل براهنو على غباء الشعب ولا شنو نحنا حضرنا وشاركنا في ابريل يا ودالبشرى لافي حزب ولا بنعرف شيوعين ولا أولاد الميرغني والمهدي منو وسوينا ابريل برانا
| |
|
|
|
|
|
|
| |
محمد البشرى الخضر
الفاتح سليمان
الامين موسى البشاري
علاء الدين يوسف علي محمد
أبو ساندرا
خدر
الزنجي
Safia Mohamed
أبوبكر أبوالقاسم
عصام علي أحمد
عبدالرحمن الحلاوي
فيس بوك
تويتر
انستقرام
يوتيوب
بنتيريست