|
|
 الحقوق محفوظة ...( مصطلحات , تعابير , أقوال وأفكار سايبرية)
|
التوابيت
تخريمة
صنفرة
لووووووول
الخور
(وجه يفعل شيئا ما)
وغيرها وغيرها
هذه المصطلحات و التعبيرات اللتي تنتشر في مختلف المواقع و المنتديات السودانية -و أحيانا- العربية
لها أب روحي أو مبتكر , قد يكون إستخدمها مرة و تركها ثم تلقفها الشباب و انتشرت في منتدى ثم آخر و هكذا
و لأنني و مجموعة كبيرة من الأعضاء الجدد يعتبر هذا المنتدى أول مشاركتنا السايبرية, و أيضا على شرف معاودة أعضاء مخضرمين الكتابة و على أمل عودة الباقين
رأيت أن يكون هذا البوست لجمع الـ Land Marks السايبرية و توثيقها و ردها لأصحابها و أيضا التوثيق لجانب من تاريخ السايبر السوداني
و أرجو من الإخوة تصويب أي معلومة غير صحيحة
و بسم الله نبدأ
|
|
 
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
نبدأ بالأستاذ عثمان محمد صالح
أسأل الله أن يمتعنا بقلمه و يرده للمنبر
أعتبره صاحب أعلى تريد مارك -من ناحية القيمة - في المنبر
فهو صاحب الوجوه اللتي تفعل و تعبر و تأتي بكل ما هو ليس موجودا في اللايبرري
وهي الفكرة اللتي انتشرت على طول المنبر و عرضه بل و المنتديات الأخرى أيضا
وهو صاحب التوابيت
( أرجو من الإخوة الأعضاء القدامى مدنا بالروابط)
و ماذا أيضا؟
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
تخريمة
تنشيبة
شنكل
تنهدات
لولوة
و غيرها
هذه التعابير اللتي تستخدم حتى لا يفسد ما يأتي بعدها سياق المداخلة و لكن لا بد من قوله -على حسب فهمي لها-
لا أدري من إبتدعها
و لكن هذه محاولة لرصد مستخدميها
-التخريمة... رجاء العباسي
-تنشيبة ... بيان
-شنكل و صنفرة ... ناذر
-تنهدات ... بدر الدين الأمير
-إنسانة... نصار
هذا ما جادت به الذاكرة أرجو مساهمة الإخوة في إكمال القائمة
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
الأخ الفاضل محمد البشرى الخضر
تحياتى و إحترامى.....
أقول ليك ما عاصرته ، و شاهدته
تخريمة (رجاء العباسى)
تابوت(عثمان محمد صالح)
الخور(ناذر الخليفة) كذلك ، شنكل و صنفرة ، و غيرها
تهريجة(فيصل نوبى)
التحايا النواضر( معتز تروتسكى)
الوشوش الضاحكة ( د. بيان لمن كانت داقسة بجيبوهم من وين ، ومرات ما بلبوا طلباتها زى عضمتين و جمجمة)
و برجع لو إتذكرت لى حاجة .....
ودّى ؛؛؛
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
Quote: الظلامي/ة و رفيق دربه المستنير/ة
ترى متى انتشر هذا التعريف و من صاحب الفضل في ابتكاره |
ظهرت الفاظ مستنير وظلامي بعد تلاتة بوستات
بوست الحجاب لتماضر وبوست شرعنة الاغتصاب في الاسلام وبوست لجمع توقيعات لايقاف حد زنا
ورقصة عرائس النيل.,,,
بعداك غزوات المونليزا واحدة سبت الانبياء انبرى لها الامير الظلامي
احمد الريح وجمال هبوفول..
بعدك بقيت انا ملكة الظلام الساحرة الشريرة..
والجدبر بالذكر لا دخل لظلامي بالكيزان او السياسة
فقط يطلق على كل من يقول ربي الله هنا
وبعكسها المستنيرين.. لا دخل لها بفكر معين..
الى ان اتى زمن الخلط بعد ظهور بعض الناس فظنوا ان مرادف ظلامي كوز’’
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: fadlabi)
|
عليك الله بث دي جابها طيفور
لو تعرف غايظاني كيف - بالذات عند منعم ما جاية أبدا
لكن بصراحة دي الماركت فاليو بتاعها عالي جدا
ومنتشرة في كل المنتديات اللاقتني
طيفور بالغت لكن
| Quote: فبدوا الناس الإتهرشوا يعملوها |
ما دايرين نعرف الناس ديل منو؟
و مين صاحب الحق الأدبي ؟
لأنوا الإتهرشوا كتار لكن المبتكر واحد
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
ود البشرى ... تحياتى لك و لأسرتك الكريمة ، ثم لروحك الأجمل
هاك :
التحايا النواضر ( معتز تروتسكى )
تخريمة ( رجاء العباسى)
و ش ماعارف حسب الوصف ( د. بيان)
ط ز .... ( تراجى مصطفى)
حباب الأصدقاء و الصديقات ( كبّر )
ناموس الإسلام السياسى ، لبخ الحكم العثمانى ، سلعلع الفكر الخديوى ، أرباب الخديوية ( بشاشا ) و دا محتاج بوست برااااه
مثلك لا يستحق الإحترام ( خالد كودى )
مستلب ثقافياً ( دينق)
الكرمبا ن الخردة (كوستاوى)
وغد (خضر ، طارق أبوعبيدة)
البرتكان ( دكين الوجيه)
و برجع ليك ، مشكلتك بتغيب كتير مالك الكفيك زاريك و لا شنو ؟
تحياتى ....
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
Quote: هذه التعابير اللتي تستخدم حتى لا يفسد ما يأتي بعدها سياق المداخلة و لكن لا بد من قوله -على حسب فهمي لها-
لا أدري من إبتدعها
و لكن هذه محاولة لرصد مستخدميها
-التخريمة... رجاء العباسي |
العزيز محمد البشرى..
سلام وتحية..
فعلا (التخريمة) هي ما فهمته أنت اعلاه..
من أنواع التخريمات وهو الـ (تخريمة واجبة).. ودي لأهمية الكلام الحيتقال وكده..
قواسيب مودتي (أظن بتاعت ود الحسين)
تخريمة واجبة: مرات في جماعة بيفرغو التخريمات من معناها .. وتيقى مسيييييخة (حقو ندفعهم غرامة )
دمت
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
بيان
أسعدتنا مشاركتك
طبعا لو قلت ليك جيبي روابط البوستات الذكرتيها دي , اكون بالغت معاك
لأنها من عناوينها النوع البتكون ذهبت إلى ما وراء الخور , لكن تشكري على الملخص
و بالنسبة للوجوه اللتي تعبر
نأسف للخلط, لكن بتصويبك يكون هدف البوست تحقق
أحييك على هذا الإبتكار ذو القيمة العالية اللتي لا يضاهيه في إنتشاره في البورد و المنابر الأخرى إلا تعبير الخور لناذر
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
أول وهمة
و لأنها موجودة بكثرة الأيام دي تحديدا
وهمة:
يا كوز
كلما واحد يختلف معاك تقول ليه يا كوز
خلاص الكلام كمل, و كدا عندك المبرر تكيل ليه السباب و الشتم و كل ما يخطر على بالك
لو قالوا ليك ياخ الزول دا ما كوز و بيكره الكيزان و متضرر منهم
تقوم تواصل الوهمة و تقول
" الكوزنة ما تنظيم بل سلوك و فكر"
المهم أي حاجة تبرر مواصلة الهجوم
دي حقوقها محفوظة لعموم قبيلة المستنيرين
و بعض مناضلي الكيبورد
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
الوهمة التالتة
لما تحصل شكلة بين عضوين او أكتر , و يبدأ الضرب تحت الحزام
يحصل تجاوز من أحد الأطراف
كلمة ما في مكانها أو تعرض لامور خاصة ....إلخ
تجي إنت يا المسكين بكل حسن نية عاوز تنبه المعني بخطأ تصرفه
القيامة تقوم
كييييييف إنت ما تكون متابع الموضوع تجي تتدخل
و إنت ما قريت كلام الطرف التاني في الأول
و ليه الكيل بمكيالين
و زمان لمن قالوا فينا كيت و كيت كنت وين
و شنو و شنو
تضطر يا المسكين تحشي خشمك و تقعد تتفرج
و الله يقدرها عليك تاني تتدخل في شكله إنت ما متابع تاريخها و جذورها لغاية الجد الرابع
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
-مصطلح ولضمي (ولد امي)-عثرنا عليه عند الاخ البينو اكينو ابراهيم.
-مودتي/ معزتي/ تستخدمها الاستاذة عواطف اسماعيل ادريس.
-والله يا فلان/ ة/ يستخدمها الاخ طلال عفيفي.
-ختري لاكن وجدته عند محمد البشرى الخضر
- قرقرقرقر قرقر قرقر - دي دكتورة بيان قال لمن تكون اخر رواقة في النقاش.
-مسكاقمي - حمزاوي.
-هانت الزلابية- ابو الريش.
-لوووووووووووول- لا ادري من قام بنجرها.
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: elhilayla)
|
الأخوان
محمود الدقم
و الهلالية
مشكورين على الإضافة
----------------------------------
نواصل في الوهمات السايبرية
الوهمة الرابعة
التهديد و الوعيدالسايبري بنوعيه المادي و المعنوي
المادي - غالبا عدوان جسدي و قد يصل التهديد بإراقة الدماء
- انا حا أصلك في مكانك
- أرجاني لما ألاقيك
و هكذا
و الغريبة يكون البهدد دا في سقط و المهدد (بضم الميم) في لقط
و لا إتلاقوا قبل كدا و لا بيعرفوا شكل بعض
(سؤال للأعضاء القدامى , طول حياتكم المنبرية حصل سمعتوا بتهديد زي ده إتنفذ؟)
و المعنوي - تهديد عن طريق المنبر و الكتابة
- حا أكشف زيفك و إدعاءاتك و كذبك قدام الناس
- أوريك حجمك الحقيقي
- أحسن تختاني
- هسي نجيب المسنجرات القديمة و نسمع التسجيلات
و على هذه الشاكلة يتواصل الوهم
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: elhilayla)
|
زين العابدين
أدينا خاترك
العتب على العجلة و العمر و النظر و حاجات تانية حامياني
و بهديك الوهمة الجاية دي
---------------------------------
الوهمة الخامسة
كتابة الإنجليزي
عديد من الأعضاء يتداخلوا باللغة الإنجليزية و المكنة ياها ذاتها
"آي هاف نو آكسس تو آرابيك كيبورد ناو"
عادي
لكن الوهمة لما العضو العندو "آكسس" و بيكتب بالعربي يقوم يرد عليهم بالإنجليزي
يعني كأنهم ما عندهم "آكسس" لمونيتر عربي
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: Ahmed Alrayah)
|
ود الريح
و ضح الكاتيقوري بتاعها
ما تفكها طاقية ساي و تمشي
------------------------------
كفاية وهمات
نجي لل(حركات) السايبرية
و دي لأنها ما بتصل لمرحلة وهمة
حركة التبرير للتعديل
عُدِل لـــ
- إضافة كلمة
- تصحيح خطأ إملائي
- للتكرار
- بناء على رغبة فلان
و غيرها
الحركة في إنو ما في داعي للتبرير أصلا,عدل تعديلك و خلاص , حتى لو غيرت كلامك - وغالبا هي كدة- دا من حقك
بتاعة....
ما تثقوا في حُذف للتكرار دي , غالبا مكنة
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
| Quote: الحركة في إنو ما في داعي للتبرير أصلا,عدل تعديلك و خلاص , حتى لو غيرت كلامك - وغالبا هي كدة- دا من حقك |
بوست لطيف اكثر ماتابعت فيه المصطلحات التي اخترعها استعمالها الأعضاء في كتاباتهم حتي أصبحت بصمه تدل عليهم..
وددت ان اعلق علي اهميه ذكر سبب التعديل..لأني اراه بشكل مختلف..
أري فيه فعلا راقيا وحساسا..لأنه يشرح في محيط تسوده في أوقات كثيره العداوات وسـوء التفسير.. سبب التعديل ..هو فعل يحاول عن طريق شرحه ابعاد المتاهات الغير ايجابيه في تفسير الغير..
خاصه اذا كان موضوع النقاش فيه احتلافات قاسيه..هو فعل اختاري لطيف لتجنب ضيق الغير...
تحياتي لك..
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
الأخ محمد البشرى الخدر
سلام واحترام
متابعة بوست ابو دم خفيف دا
لكن بصراحة بتاعتك دي زعلتني
Quote: بتاعة....
ما تثقوا في حُذف للتكرار دي , غالبا مكنة |
إمكن اكون اكتر زولة بتستخدمها في البورد دا
بالجد كدا ، من شفقتي بضغط مرتين ، لمن زهجت ليك ناس البورد القدامى
واساسي قال لي : شيلي ورقة الكربون دي كرهتينا
كانت اي مداخلة عندي بتكرر
ويمكن السبب كان بالاضافة للعجلة انه اتصالي كان عبر التلفون
لما عملنا دي اس ال ارتحت وريحت الناس
لكن واحاة اولادي ما مكنة
ولا بعرف للمكنات
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: الجندرية)
|
الجندرية
مرحب بيك
معاك كل الحق
مرة قريت مداخلة في البورد على بال رفرشت الموضوع لقيتها إتعدلت بحجة التكرار و أنا متأكد تماما إنها ما كانت مكررة
و الحكاية دي حصلت مرة تانية من عضو آخر
دا الأداني الإنطباع إنو الحكاية مكنة
بس أنا أخطأت في تعميم الموضوع بالشكل ده
لك كل الحق و العتبى ولكل الزملاء
تدينا خاطرك
و مبروك الـDSL
| |
|
|
|
|
|
|
|
|
|
وهمة جديدة لنج (Re: محمد البشرى الخضر)
|
بكري قال شنو عن المواضيع الفارغة
وهمة جديدة لنج ظهرت اليوم و حتكررفي الأيام القادمة
بمناسبة كلام عمك عن البوستات اللتي لاتضيف شيئأ يذكر و حذف الإدارة لما لا قيمة له - من وجهه نظرها
فكل ما واحد ما يعجبه موضوع أو تعليق أو في سابق خلاف أو عدم إستلطاف بينه و بين صاحب الموضوع
يقوم يلصق ليه الوهمة دي
بس اتمنى أي واحد يجي يستعملها ما ينسى إنه أرشيفه قاعد, و ما أسهل المقارنة بين كتاباته و بين الموضوع البينتقد فيه
| |
|
|
|
|
|
|
|
|
|
Re: وهمة جديدة لنج (Re: محمد البشرى الخضر)
|
.
الأخ الحبيب محمد البشرى
ســلام
اكتشفت البوست دة هسع..و استمتعت..التحية ليك
أظن أن أصل لووووول..هو البوردات الأولى ..الخواجاتية..يكتبون للضحك LOL إختصارآ لجملة طويلة هي Laughing Out Loud و أظن أن تكرار الواو في لوووووول على وزن هاهاااااااي أو شيء مثل ذلك..
بدرالدين الأمير برضو كان عندو (زبدة كلام) ..
و الفنان خضر الطيب (كت آآووت) ..عند المخرجين قشرة كدة..
أظن الأستاذ عثمان محمد صالح عدا التوابيت هو أيضآ صاحب الكارت الأحمر (آآوت) حين يدخل في بوستاته شخص لا يرغب بوجوده.
برضو حبيبنا فتحي البحيري بدأ طريقة كتابة المفيد في سبع أو عشرة (ردود) على نفسه..أخذها بعد حين حسين ملاسي و اشتهر باستعمالها..أظن أحمد الريح برضو بيعملها..يكتب سطرآ تلو سطر للتشويق..
برضو طريقة تانية ما عارف صاحبها..البوست الأول فااااضي..بعد العنوان يديك فرصة تتنفس؟..تفكر..آآبعرفو..لكن أول مساهم يكتبها بعد العنوان نجمة..نقطة..أو كمان فااااضية كدة انت تحلها بمعرفتك.
الحبيب عبدالله عقيد هو صاحب (ترابلة البوستات)..و صار صبي المعلمين هنا يقال له تربال!
في بوست مشابه بسودانيات كتبت أن المجاملين يردون بعبارة (لي مدة بدخل هنا و ما عاوز أرد)
أو (بمشي و بجيك)..غالبآ ما بيرجع..
تعبير القرية المجاورة في إشارة للمنتديات الأخرى أدخله إسماعيل التاج في قصة شائكة يهمنا منها هنا أن التعبير صار يستعمل كثيرآ.
المحن كتيرة ..لكن ضحكتنا الليلة..
.
| |
|
|
|
|
|
|
|
|
|
Re: وهمة جديدة لنج (Re: الطيب بشير)
|
أخ الطيب
الله يديك العافية
ريحتني في تفسير لول دي جدا
بعد كدا ممكن أستعملها بكل ثقة و ان كنت لا أحبذ
لكن حيرتني في دي| Quote: برضو طريقة تانية ما عارف صاحبها..البوست الأول فااااضي..بعد العنوان يديك فرصة تتنفس؟..تفكر..آآبعرفو..لكن أول مساهم يكتبها بعد العنوان نجمة..نقطة..أو كمان فااااضية كدة انت تحلها بمعرفتك. |
تشكر يا ملك
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
نواصل في الحركات السايبرية
التتلح
يعني مثلا لما يكون سنة2002 في واحد إختلف معاك في نقاش سياسي و حصل شد و جذب و إساءات
تقوم سنة 2003 يتداخل في بوست بتاع ترحيب بعضو جديد تروح مكيل ليه و مذكره بي كلامه بتاع السنة الفاتت
و تاني سنة 2004 في بوست بتاع عزاء تقول ليه جيب الكوت البثبت إدعاءاتك يا كذاب
يقوم سنة 2005 يعمل ليه بوست عن كورة الهلال الأخيرة تروح داخل فيه شمال و تقوليه إنت كذاب و الفهمك في الكورة شنو ثم إنو أبوك و أمك معروفين مريخاب , وإحنا عارفين تاريخك كويس.
أها يتوقف حساب العضو دا سنة 2006 كلها
يجي راجع سنة 2007 في العفو الجماعي يا دوب يكتب بوست يشكر فيه بكري , تقوم تيقى ليه في حلقه و تجي خامي كوتاتك - الأيام دي بقت صور - و تكرهو البلي ذاتو
أها قس على ذلك , دا ما يعرف بـحركة التتلح
منتشرة في البورد و البوردات الأخرى, و لها اكثر من صاحب إمتياز
نواصل (على قول شهاب)
| |
|
|
|
|
|
|
|
|
|
وداعا (Re: محمد البشرى الخضر)
|
بمناسبة الأرشفة و نهاية الرحلة
هدية الوداع
عمال يشتغلون
الحقوق الحصرية لعماد عبدالله
تخريج لطيف
و تستخدم عادة عند الضيق من غلاسة ملاسي
------------------------------------------
هنا نقول وداعا على امل لقاء قادم
مع ما يستجد من مصطلحات و تعابير سايبرية
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
محمد البشري خضر..حبابك
غابة الأشباح..
و هو توصيف للمنتديات الإسفيرية..وانطلقت من منتدى سودانيز اونلاين..و اطلقتها حينما كنت اتحاور/اتعارك مع اخونا بشاشا..و ادعي انها هي التي بسببها قام اخونا بشاشا بكتابة اسمه كاملا في البروفايل..
السبارة..
و كتبت عنها نبذة تفصيلية في بوست موجود في الإرشيف و مكتبتي..و المفهوم مرتبط برياضة المصارعة (الصراع) في جنوب كردفان..
ignored
ابتدعتها بيان..و كانت تكتبها بالون الأحمر..و بعدها استخدمها دكتور مصطفى محمود بالعربي ..(التجاهل) و يكتبها ثلاثة مرات (واحدة عند اللزوم)..
نهاركم بنكهة القرنفل..الزنجبيل..البرتقال..
للعضو شرير و البرتقالة..
اول الحكي..
شيري
الأختام..
دي اسأل منها ناذر الخليفة..
و دمتم
كبر
| |
|
|
|
|
|
|
|
|
|
Re: الحقوق محفوظة ...( مصطلحات , تعابير , أقوال وأفكار سايبرية) (Re: محمد البشرى الخضر)
|
طبعاً بالضرورة يا ود البشرى شرح بعض المصطلحات ، حتى يسهل إستخدامها فى مكانها الصحيح
وارجو تصويبى فى شرح بتتوني وتصريفاته إن لم أحالف جادة الصواب.
فـ " بتتوني " على ما أعتقد تعبير عن الخــــواء فى كل شىء.
أى اللا موضــــوع
فيمكنك أن تقول فى مثل هذه البتننة
أو فى اول بتنة فى التاريخ
أو باتنى دايماً مبتسم ، و ما الى ذلك من تصريفات . . .
فهى كلمة مطاطية ، يٌستحب إستخدامها لإفراغ الموضوع عن محتواه
لمزيد من الشرح يمكن الإستعانة بود الصايم
او يمكن مراجعة البوست الخاص بتفريخ هذه المفردة فى ارشيف الربع الأول 2008
تحياتى للأخ سيف صاحب الحقوق الأدبية
وتسلم ياود البشرى
شيخ العرب
(بس دى ما مصطلح )
| |
|
|
|
|
|
|
| |
محمد البشرى الخضر
خدر
عبدالرحمن عزّاز
إيمان صالح
bayan
doma
fadlabi
ناذر محمد الخليفة
عبدالمنعم الرزوقي
عبد المنعم سليمان
Raja
Sidig Rahama Elnour
lana mahdi
ابوعبيدة حسن محمد
Gaafar Ismail
محمود الدقم
elhilayla
Muna Khugali
الجندرية
اساسي
الطيب بشير
أبو الحسين
Kabar
mohmed khalail
عادل سهل
طارق جبريل
فيس بوك
تويتر
انستقرام
يوتيوب
بنتيريست