|
|
|
 Re: مشتاقين يا Hatim Ibrahim (Re: محمد البشرى الخضر)
|
يا حاتم ابراهيم.. يا أزرقا .. يا أزرقا في الأصيلين
.. نفتقدك بشدة.. تفتقدك هذه المشاوير الجديدة في
رحم أمنا الرؤوم؛ افريقيا و سيدا و أخوانه يستعدون
لإمتاعنا بالدهشة.. لكن صدقني.. في غيابك- وعساه يكون
خيرا- ستكون المتعة ناقصة..
و مهما يكن عزاؤنا بوجود ناس ود البشرى و القردابي
و دكتور ياسر و ود الريح و اسماعيل عباس و عباس و
كاجوري و الفاروق و بقية الزرق الميامين، فستظل
الدهشة ناقصة و المتعة ناقصة و انبهار افريقيا كلها
بشبابنا ناقصا..
عد يا صديقي إلينا أزرقا و أصيلا كما أنت.. و متع نفسك
و متعنا بالدهشة..
سلامات يا ود البشرى في الأصيلين و اسيادها..
| |
 
|
|
|
|
|
|
|
|
Re: مشتاقين يا Hatim Ibrahim (Re: محمد البشرى الخضر)
|
يا سلام يا ود البشري
حاتم ابراهيم زول جميل وملح هذا المنبر بدون شك
وافتقده حقا فهو هلالابي كبير ورجل به روح موغلة في الجمال وتمنحك الدهشة
.
والله مشتاقين ياحاتم
Quote: يا صاحبي أنا من قولة تيت قلت ليك انا ما معاك
ماااااااااا بقدر على فراقو (( دي أيام زمان خمسين ما بتتفوت ))
بس قلت ليك معجب بقرارك الشجاع
ومنتظرك - بعد نجاحك -
تنشر لينا ( تجربتك ) في كتاب
سافر ليهو بيروت عشان تطبعو
وانا الدروس المستوحاة من الكتاب
ححاول أطبقها :
أولا :في التخلص من ولهي بـ( الهلال ) الداير ( يكتلني ) اليوم داك مع السكري بتاعي ده
ثانيا : في التلخص من ( وردي ) الساكن فيني ويخليني كل ما استمع ليهو وأكون براي أقعد أبكي زي العوير
بعد اتخلص من ( الأدمان ) ده
مش التمباك ده .. بسيب ليك حنانو
أخوك برضو ( صنديد ) وعزيمتو ( حديد |
حاتم في تجليات هلالية ممزوجة بخرمة تمباكية
ياخليل خلاص... انتهي ماتش صديقي التمباك!!!
| |
|
|
|
|
|
|
|
|
|
Re: مشتاقين يا Hatim Ibrahim (Re: عبدالكريم الامين احمد)
|
سلامات الأخ محمد البشرى وكل المتداخلين... كل عام وأنتم بخير
حاتم أحمد إبراهيم إبن خالتي؛ وأكثر من صديق... لنا ذكريات رائعة في الخرطوم في الثمانينات (الزمن الجميل لنا) وبداية الإهتمامات بعزف العود والخط؛ وقراءة الأدب؛ ... لم أستطع جرّه إلى السياسة (موضة ذلك الزمان)
زرته في حلب اكثر من مرة أيام دراسته القانون بجامعتها العريقة؛ وداخلياتها الأنيقة؛ وطبعاً حسانها فوق الوصف... كان ذلك منتصف التسعينات
أمس الجمعة 21/3 هاتفني بعد إنقطاع لعدة شهور... سألته مصادفةً عن مشاركاته في المنبر...
أجابني (وياللأسف بانه منقطع تماماً عنه)...
لأنه في زيارته الأخيرة للسودان...
لاحظ أن الناس هنالك بعيدين كل البعد عن مايثار من قضايا؛ ولم يعد ضمن دول جدول أعمالهم الإلتفات لما يحدث في البلاد ومحاولة تغييره... لذا أحس أن كل جدال موضوعي دار هنا؛ اهل الدار بعيدين عنه
تحدثت معه عن أن الزمرة الحاكمة نجت في إلهاء الناس بأكل العيش...
أمن على هذا...
ولكني لم أحس أنه أمن على فكرة العودة ليصول ويجول
أضم صوتي لكم
ولكني أشك في أنه سيقرأ حتى هذا البوست
لذا فلنكثف عليه الحملة عبر كل الوسائط الأخرى المتاحة
| |
|
|
|
|
|
|
|
|
|
Re: مشتاقين يا Hatim Ibrahim (Re: محمد البشرى الخضر)
|
...
يا سلاااااااااااااام عليك يا ود البشرى يا أصيل
كدي في الأول قبل ما اجيك
خليني ( أكشر ) وشي بصورة ما ممكن الرسومات التعبيرية توصلها
وخليني ( أنكت ) من مختار الصحاح ( كل ) عبارات اللوم الموجودة في اللغة العربية
وأمشي أقابل الشايقي الغتيت  ( والغريبة انو زول فنان ) الاسمو طارق جبريل
لأنو بسببو أكيد بتكون اخدتوا انطباع اني زول ( لئيم )
ياخي معقووووولة يا طارق يا جبريل ...
اوكي ...لو بتتزقرم< دي كلمة مغربية معناها تتجلدن > وما داير تتصل .. ما مشكلة
الجأ لاضعف الأيمان ..واكتب لي رسالة عبر الموبايل
قول لي في ناس بتسال عنك .. وفي بوست بحالو
معقولة عشان ببهدلك في التمارين تقوم تعمل عمليتك الشينة دي
< طارق مدافع فشنك وأخوكم مهاجم خطير:) >
غايتو لو لاقيتك في خلال يومين << قبل ما يفش زعلي >> أكيد حأعضيك
حاول تتحاشاني غايتو ...
ونفس العبارات << بس بأقل حدة لأنها لود خالتي :D >> بوجهها لصديق الصباوالشباب والكهولة أكرم عثمان عبده ...وهو الذي يعرف كيف أنني لا يمكن أن اتجاهل تحبة شخص لا أعرفه التقيه في الاتوبيس مصادفة ناهيك عن نداءات أخوة أعزاء استقبلوني في ديارهم العامرة وأكرموا وفادتي .....
..
| |
|
|
|
|
|
|
|
|
|
Re: مشتاقين يا Hatim Ibrahim (Re: محمد البشرى الخضر)
|
..
وبعد أيها الشفيف ود البشرى
تالله .. والله .. وكل أدوات القسم
بالأمس فقط .. وأثناء عشرة كوتشينة
هاجمني فجأة الأخ الشاعر البوردابي صلاح الأحمر :
كيف يا زول انت ما ترد على ناس بيسألوا منك ...
اعتقدت أنه يتحدث عن بعض الموجودين بالرباط
فإذا به يحدثني عن هذا البوست ...
ولكن معلوماته كانت ناقصة حيث لم يتذكر كاتب البوست
دخلت الدار في وقت متأخر من الليل
ودخلت للمنتدى ...
هي المرة الثانية فقط منذ وصولي للرباط في نهاية ديسمبر 2007
وبحثت حتى الصفحة العاشرة ولم أجد أثرا لأي بوست
...
نهار اليوم أيضا
قمت بالبحث حتى تزغللت عيوني
ولا أثر للبوست
...
وعصر اليوم ... في التمرين الأسبوعي الذي غاب عنه طارق جبريل
سألت المدافع الخطير عمر عبد السلام
وعرفت منه بأنك صاحب البوست
...
قبل قليل فقط
عثرت على البوست
يبدو أنني في حاجة لتغيير النظارة
.....
| |
|
|
|
|
|
|
|
|
 Re: مشتاقين يا Hatim Ibrahim (Re: محمد البشرى الخضر)
|
الحبيب حاتم إبراهيم
ما تتصور مدى سعادتي لما قريت إسمك كاتب آخر مداخلة في البوست
طبعا بعد اللوم و الذي منه
طارق و أكرم طمنونا عليك ما قصروا
كنت متوقعك تظهر مع بداية مشوار الزعيم وكدا
وياخي جبنا ليك وردي حبيبك صورة وصوت
هسي اول حاجة تمشي تطلب نقل بوست أمتع نفسي بالدهشة للمنبر الجديد و تراجع اللنكات وكدا
مرحب بيك كتير ياحاتم و تقبل تحيات حتوت ايضا
| |
|
|
|
|
|
|
| |
محمد البشرى الخضر
محمد عبد الماجد الصايم
ابوعسل السيد احمد
عامر تيتاوى
عبدالكريم الامين احمد
اكرم عثمان عبده
طارق جبريل
alfatih
فيصل محمد خليل
فيس بوك
تويتر
انستقرام
يوتيوب
بنتيريست