|
|
 سخافات البورد...
|
المقصود هنا - خلافا للمعتاد - نقد سلوكيات و ليس اشخاص
عشان كدا مافي امثلة بعينها و الحديث حيكون بصفة عامة
باللاي البلقى طاقية على مقاسو ما يلبسها ولا يتحسس
|
|
 
|
|
|
|
|
|
|
 Re: سخافات البورد... (Re: محمد البشرى الخضر)
|
شنو يا عمك ده زووووم اووووت لاسبوع السخف المدور في راسنا ده ولاشنو؟؟
في ناس هنا طبعا شغاليين سخيفيين
علي وزن شغلة الركبين الفي المواقف بتاعة التاكسي ديك..
وطبعا الية امتصاص السخف هي السخف المفاجي المضاد
عشان السخيف ياااااااامن ذاااتو وتاني ما يتساخف من طرف
| |
|
|
|
|
|
|
|
|
|
Re: سخافات البورد... (Re: عبدالكريم الامين احمد)
|
| Quote: باللاي البلقى طاقية على مقاسو ما يلبسها ولا يتحسس |
قر قر قر ررررر
او فى مقولة اخر كاااااااك (والله ود الصايم ما قصر معانا فى نجرها)
كلام جد ياود البشرى و بعد التحية
السخف الفى البورد ده كان ودر لو الناس ركزت على المكتوب وخلت الكاتب
ولكنها افتنا فى السودان السعى وراء الشخصى
والقصة ممارسة اصبحت عامة
كدى دور بوستيك المحترم ده و بنجيك بالمهلة
| |
|
|
|
|
|
|
|
|
|
Re: سخافات البورد... (Re: عزام حسن فرح)
|
كيكي يا عمك...Quote: في ناس هنا طبعا شغاليين سخيفيين
علي وزن شغلة الركبين الفي المواقف بتاعة التاكسي ديك..
وطبعا الية امتصاص السخف هي السخف المفاجي المضاد
عشان السخيف ياااااااامن ذاااتو وتاني ما يتساخف من طرف |
موضو الركيبين دا انا عندي تعريف تاني ليه
وللامانة لفظ " ركيبين " دا جاني في جرح , ما كنت لاقي الوصف المناسب للحاجة الفي راسي - باللاي تابع و اديني رايك لي قدام
اما عن آلية امتصاص السخف و حكاية السخف المضاد فدي معاك وما معاك فيها - التفسير لي قدام
بت المجمر يا هلا....Quote: السخف الفى البورد ده كان ودر لو الناس ركزت على المكتوب وخلت الكاتب
ولكنها افتنا فى السودان السعى وراء الشخصى
والقصة ممارسة اصبحت عامة |
كلامك سليم دي واحدة من الممارسات السخيفة و الخاطئة
لكن السخف الفي البورد اكتر من كدا
بالمناسبة قولة (كاااااااااااكـ) دي حقوقها محفوظة لبت الشيخ قبل ما تبدلها بـ( الليلة وووب)
عزام يا عمك
طب شلنا الواد م الأرض
الواد لسة بيعيط
حاولنا معاه نسقيه
ولإيد أبوه نديه
والواد لسة بعيط
اتنين
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
كونو يحصل خلاف في الراي بين عضوين او اكتر شي عادي و طبيعي
كونو الخلاف يتطور و يبقى مشكلة برضو شي طبيعي و ان كان به سخف
اثناء الشكلة يحصل تبادل للشتائم امر عادي و سخيف الى حد ما طالما الشتيمة تتناول الشي الانكتب
الغير عادي و قمة السخافة انو الشتائم و السباب يتعدوا حدود الشي المكتوب و يبقى فيها اهلك و تاريخك و جيرانك و اصلك و فصلك و عبط لا ليه اول ولاآخر
الله يهدينا و يهديكم كلنا هنا بنستخدم يوزرنيم و كيبور لكتابة آراءنا
و مفروض معرفتنا ببعض في حدود النيك نيم القدامنا يعني الشي البرا البورد ما عندو علاقة او دخل بالحاصل هنا
ولا مفروض يتم ذكر او ادراج المعرفة او العلاقة الشخصية ناهيك عن استخدام المعرفة دي كسلاح او وسيلة سخيفة لتصفية حسابات بدت في البورد ومفرض تنتهي فيه
| |
|
|
|
|
|
|
|
|
 Re: سخافات البورد... (Re: محمد البشرى الخضر)
|
تاني هام ..
صاح النت دا مفتوح واي شي وكلام سليم انو الصور البتنزل هنا انتفت ملكيتك ليها وممكن اي واحد يستخدمها
لكن الذوق العام و حقوق الزمالة بتفرض علينا مراعاة بعض قواعد الخصوصية بيننا
يعني فيها نوع من السخف انك تنزل صورة لزميلـ/ـة ليك من غير اذنه/ا
واسخف منها انك تحفظ صور الآخرين في جهازك و تعيد نشرها يعني حتى اذا صاحبـ/ـة الشان غير رايه
وقام بحذف الصورة المعنية من البوست او من البروفايل يتفاجأ بعد فترة بمن ينشرها ليه
توافر حسن النية لا ينفي السخف الحاصل
| |
|
|
|
|
|
|
|
|
 Re: سخافات البورد... (Re: محمد البشرى الخضر)
|
Quote: واسخف منها انك تحفظ صور الآخرين في جهازك و تعيد نشرها يعني حتى اذا صاحبـ/ـة الشان غير رايه
وقام بحذف الصورة المعنية من البوست او من البروفايل يتفاجأ بعد فترة بمن ينشرها ليه |
الكلام ده بينطبق علي البوستات المحذوفة مثلاً !!!
_
مافي زول قال بيتكم وين !!
| |
|
|
|
|
|
|
|
|
|
Re: سخافات البورد... (Re: mutwakil toum)
|
Quote: كونو يحصل خلاف في الراي بين عضوين او اكتر شي عادي و طبيعي
كونو الخلاف يتطور و يبقى مشكلة برضو شي طبيعي و ان كان به سخف
اثناء الشكلة يحصل تبادل للشتائم امر عادي و سخيف الى حد ما طالما الشتيمة تتناول الشي الانكتب
الغير عادي و قمة السخافة انو الشتائم و السباب يتعدوا حدود الشي المكتوب و يبقى فيها اهلك و تاريخك و جيرانك و اصلك و فصلك و عبط لا ليه اول ولاآخر
الله يهدينا و يهديكم كلنا هنا بنستخدم يوزرنيم و كيبور لكتابة آراءنا
و مفروض معرفتنا ببعض في حدود النيك نيم القدامنا يعني الشي البرا البورد ما عندو علاقة او دخل بالحاصل هنا
ولا مفروض يتم ذكر او ادراج المعرفة او العلاقة الشخصية ناهيك عن استخدام المعرفة دي كسلاح او وسيلة سخيفة لتصفية حسابات بدت في البورد ومفرض تنتهي فيه |
ود البشري
شكرا لك وانت تنير لنا الطريق نحو جعل البوست خاليا من السخافات
لكن مين يقرأ ومين يسمع
| |
|
|
|
|
|
|
|
|
|
Re: سخافات البورد... (Re: طارق جبريل)
|
كع يا عمك..
كل سنة وانت طيب Quote: اللهم استر علينا من الشكلة والمشاكل
والمناكفات والسباب.. |
اللهم آمين
و اضيف عليها : وكان اتشاكلنا نتشاكل مع زول بفهم يمتعنا بالشكل
ولا تسلط علينا جاهلا او عوقة يشاكلنا بطريقة رابعة إبتدائي
نوبي ياعمك ...
كل عام وانت بخير | Quote: الكلام ده بينطبق علي البوستات المحذوفة مثلاً !!! |
قطعا لأ
ردد وراي : اللهم لا تلَبِسنا لا تحسسنا
قول آمين 
اشكرك على المتابعة يا حسين
وكل سنة وانت طيب
هلا عزيم ياعمك
طلبت نقله اتمنى استجابة المعلم
في انتظار مشاركتك
روغيم يا عمك
حمدالله على السلامة و كل سنة وانت طيب
حتى ان لقيتلك طاقية او عمة قدرك اعمل رايح ابوي
متوكل توم يا عمك | Quote: أن يختلف اتنين خلاف في غاية الخصوصية علي مرمي نظر ميات الوف البشر المتصفحة |
اسكت ساي من مغستها دي بس
و الأدهى و أمر انهم يكونوا على مرمى حجر من بعض و ممكن يسووا امورهم بالتلفون اقلاها
كل عام وانتم بخير
عمر صديق ياعمك | Quote: لكن مين يقرأ ومين يسمع |
كل عام وانت بخير
زي ما قرينا السخف و لازلنا
يبقى من واجبنا تو هايلايت - حسب لو ما عارفين انو البقوموا بيه دا يعد سخف يكونوا عرفوا الآن
و يمكن يراعوا لينا شوية
ود جبريل يا عمك
كل سنة وانت طيب
وان كان ما فهمنا حاجة من( اهااااااا) دي
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
من السلوكيات بالغة السخف ايضا النقد بصورة جارحة او جافة اقرب للتهكم و السخرية او اثارة المشاكل
ومن المؤسف ان يكون الناقد ليس مؤهلا لا اخلاقيا لا علميا او عمليا لتوجيه النقد
او ان كون له مواقف او كتابات سابقة - او لاحقة - مثلا تؤيد او تصمت عن نفس ما ينتقده الآن
ايضا توجيه النصيحة العلنية بشكل مستفز يجرح المعني
في المسنجر رحمة و سترة لمن اراد ان يخلص النصح لوجه الله
و التناقض في المواقف و الكتابات و الزاوية الـ 180 درجة من مكان لآخر او على حسب الأشخاص
اعيد تاني ... حسن النية لا ينفي او يعفي السخف
ناس الإمارات مالكم صاحين لأسه
الحالة انا قلت اخليكم تنوموا حتى اكتبو 
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
عدم العروض جفا , و عروض البوست هو الترحيب و الرد عل المشاركين
لكن عندي تلاتة اربعة افكار تجي و تروح خلوني اكتبها و برجع لتعليقاتكم و مداخلاتكم الزينة باذن الله
__________________________________________
نواصل في السخافات
حكاية الوصاية و دا اكتبوا فيه ود لأ
و دا انصرافي و دا تهريج و دا بطيخ و سودو و بيضو و زرقو
و المنبر للسياسة ما لهلال مريخ و الونسة و التظارف مع البنات
وغيرها من الوهمات السخيفة و الوصاية و التصنيف و تفييم كتابات الآخرين
من حقك ترسم خطك و توجه كتاباتك كما تحب لكن ليس لك الحق توجه الآخرين يكتبوا شنو و متين ووين
ايضا من السخافات الشهيرة و الراتبة في البورد كل كم يوم ترتفع نغمة الحاصل في البورد شنو ووين الناس الزمان و وين المواضيع الجادة ووين فلان ووين علان
او الواحد يدخل بوست معين ويعلق بمنتهى السخف عن شنو الفائدة من البوست دا او لماذا في الوقت الحالي او اي شي يتفه البوست
في حين ببساطة ممكن يطلع منو لو ما عجبو او اساسا ما يدخل فيه بدل يمرض الناس
كمان عندك حركة دا جديد و دا قديم
ودا مشترك من سنة كم و مشاركاته حبة كدا ليه
و قصة مشاركاتك كلها ونسة و فارغة وينها اسهاماتك و بطيخك
الله يرضى علينا وعليكم البورد دا - رسميا - عندو مشرف واحد وهو زاتو ما من حقو يحدد للناس تكتب في شنو وما تكتب في شنو
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
Quote: واسخف منها انك تحفظ صور الآخرين في جهازك و تعيد نشرها يعني حتى اذا صاحبـ/ـة الشان غير رايه
وقام بحذف الصورة المعنية من البوست او من البروفايل يتفاجأ بعد فترة بمن ينشرها ليه
توافر حسن النية لا ينفي السخف الحاصل |
كاااااااااااااااااااااااااااكـ وتانى كاااااااااااااااااااااااااااااااكـ(الاستعاره من حبيبنا صاحب البوست)
غايتو صورتك الخايف عليها ونحن ما خايف علينا؟؟!! ..اوع تكون دى البجلابيه
القاعد ينشرها ليك هناى داك اب........بتاع الس......
________________________________________________________________________
يا دوب صدقتك يا ح...الع... انوا الصوره دى كان غايظاك شديد يا ودالبشرى..
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
السلام عليكم
ود البشرى كل عام انت وأهلك طيبين
تابعت البوست عشان دايرك تدينا أس السخافة ومنبع مشاكل البورد
وهو التصنيف المزاجي للناس
ده كوز وده شيوعي وده ما عارف ايه
ويعتمد التصنيف ده على مزاجو هو
لو .. ما شاركت في بوستات معينة
لو شاركت في بوستات معينة
لو كانت مشاركتك عكس ما يريده
أو لو ساندت فلان "المتهم بالكوزنة مثلاً" في موقف معين حتى لو كان حسب رأيك صاح
تعرف
واحد مرة صنفني كوز .. ولما زنقتو يوريني سبب التصنيف شنو
قال لي انت معلق لينا السلام عليكم دي " القعد ابدأ بيها مداخلاتي" دي ما كوزنة
ركزت على النقطة دي بالذات
ومع انو ده ممكن ندخلو ضمن تعريفك للوصاية والإرهاب
لأنها غالباً ما تمنع ناس كتار من قول الحق خوفاً من التصنيف والتميط الجاهز..
سلم لي على ناس رحلتكم
......
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
Quote: ناس الإمارات مالكم صاحين لأسه
الحالة انا قلت اخليكم تنوموا حتى اكتبو |
ود البشرى صباحك خير
أنا صحيت على صوت:
الله أكبر ولله الحمد
قلت بس خلاس الليلة العيد 
لمن لقيت الموضوع هلاويس ساكت دخلت البورد
لقيتك انت ورغيم بس المساهرين في الإمارات دي
على العموم عيد سعيد (بريبيد وكدة)
| |
|
|
|
|
|
|
|
|
|
Re: سخافات البورد... (Re: Amira Elsheikh)
|
آدم موسى ياعمك
كل سنة وانت طيب و عمرة مقبولة ان شاء الله
لما اتكلمت عن نزيل صور من غير اذن صاحبـ/ـتها ما كنت قاصد زي امور حمودي دي
بعدين ياعمك بتتكلم عن ياتو صورة
انا ما نزلت اي صورة لي هنا , الوهم ديل بجيبوا صور ناس تانين و يكتبوا عليها اسمي ما عارف ليه
تسلم انت اخ مدثر و كل سنة وانت طيب
اسعدتنا متابعتك
الزوول با عمك
العيد مبارك عليكم , كلامك سليم حكاية التصنيف الإنطباعي و العلى ضوؤه بيتم التعامل معاك ومع مواقفك فعلا حكاية جدا سخيفة
بل وتعتبر من اسخف التصرفات و السلوكيات السائدة في البورد بل و حياتنا نفسها
تشكر على المرور و سلامك يبلغ ان شاء الله
هلا اشرف طه ..
كل سنة وانت طيب
ما اديتنا رايك في الحاصل
بت الشيخ سلامات و كل سنة وانتي طيبة
خلفاء بكري في البورد ديل الله يدينا خيرهم ساي
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
ود البشرى .. سلامات و كل سنة و انت طيب و القابلة على امنياتك ...
البورد ده ايامات بيذكرني و نستي مع الحجة الله يديها طولة العمر و الصحة ..
الليلة بعد الفطور قاعد اونسها بالفي و المافي قلت ليها يا حجة قالوا سيلفاكير ماشي الشمالية
قالت لي : شنو ؟ منو؟
قلت ليها سلفاكير .. سلفاكير ..
قالت لي: شريفة هيري منو؟
ياهو ده حال الحورات في الفجة دي 
معليش يمكن ان كلامي يزعل البعض بس حاقوله و اللي يحصل يحصل و ان شاء الله ما حد حوش
أولا يا اخوي بالتبادي .. دي ما سخافات بورد .. دي أطباع بشر و امتداد لسلوكياتهم في العالم الحقيقي ..
يا اخوي هناك تعويل و تحميل لهذا الاسفير فوق طاقته، فهو إن كان فيه تأثير فهو للبلبلة و شق الصف لان الانسان بطبعه نزّاع للفرقة و الشقاق و قتل اخيه في أول معترك ... قد تخالفني و ترى بأن نفعه أكثر، و سأطلب منك العودة لما سطر في هذه الدورة الارشيفية من 3 أشهر و احكم بنفسك ... ذات البديهيات تناقش يوميا و ذات الحقوق تنتهك و تمعس معسا كعقب سيجارة ما قبل الامساك ...
الاعضاء هنا هم تصوير مصغر مكثف للسودان أو أفراده بشكل أو بآخر و أشك بأنهم يشاركون هنا بغرض تغير قناعاتهم و تبادل الأفكار، بل على العكس هم يشاركون للتبشير بما يظنونه صوابا و هنا تحصل الكلاشات و تطلع السكانين و الضرب في المليان و فعيص الكرعين ...
شخصيا .. شخصيا ... لم أغير ملميتر واحد من افكاري و معتقداتي منذ انضممت للمنبر، لا لصحتها بل لأنها بنيت على واقع معاش و تجربة حياتيه ومن الصعب على تبني أفكار تكتب على عجالة أو من تأثير اللحظة .. قد استفيد من كتابات البعض العميقة التي تتناول شئنا من زاوية أوفقها أو اتفق معها .....
يجد البعض منهم صعوبة في فصل الشخص ومكونه و خلفيته الاجتماعية و الثقافية و اختزاله في اسم تحته خط ... وهو لا يجانب الصواب لاننا جميعنا نتاج تلك العوامل بشكل او بآخر ...من الصعب في مقام تفاعل اجتماعي اسفيري كالمنبر أن نحصر الحوار في الفكرة المطروحة او (الآنية)، لان هذا التعاطي المتقدم و يتطلب وعيا أعمق بجدوى الحوار و أهداف الحوار و تقيما موضوعيا للآخر يخلو من المحاكمة و التجريم و يصب في خانة تقريب و جهات النظر أو على الاقل الاتفاق على الاختلاف ...
والأهم وجود أرضية مشتركة في الفكر ...
هنا الكتوف متلاحقة
و من يدري معه باسوورد
و من لا يدري برضو معاه باسوورد ...
ومن لا يدري لا يسمع لمن يدري علشان يستفيد لانه كما قلنا فووق الناس جاية هنا تنظر و تفضفض ..
علشان كده الحكاية زي السوق العربي البيجي ماشي بيهو زول بسيط و برضو ماشي بيهو زول يحمل عقلا بين كتفيه ..
الحل ؟؟ حتسألني الحل شنو؟
حأقول ليك روق نفسك (بفتح الفاء و السين) و تعامل مع ساقط القول بحسب مزاجك، رايق مشيها .. ما رايق جوطها بحدود جوطتك المسموح ليك بيها بينك و بين نفسك و اقفل الصفحة و امشي عوض ما فاتك من زمن مع أشخاص حقيقين ملموسين في أرض الواقع ..
الكلام البفيد احفظو في المفضلة و أرجع ليهو برواقة و أقراهو على مهل
هو العلينا هين نبقى كمان في مبارة ما تحته خط؟؟
أقول قولي هذا والجاي من الله حبابو ... و ريقي نشف من الكتابة زاااتو
وكل عام و انتم بألف خير و القابلة على امنياتكم ملموين و تامين .. آمين يا رب العالمين
| |
|
|
|
|
|
|
|
|
|
Re: سخافات البورد... (Re: عزاز شامي)
|
معقولة يا عزاز
تجيبي العلة والمشكلة حسب وجهة نظرك
| Quote: أشك بأنهم يشاركون هنا بغرض تغير قناعاتهم و تبادل الأفكار، بل على العكس هم يشاركون للتبشير بما يظنونه صوابا |
وتعملي ضدها
| Quote: شخصيا .. شخصيا ... لم أغير ملميتر واحد من افكاري و معتقداتي منذ انضممت للمنبر، لا لصحتها بل لأنها بنيت على واقع معاش و تجربة حياتيه ومن الصعب على تبني أفكار تكتب على عجالة أو من تأثير اللحظة |
عاد ده كلام عاد بودي لي قدام
!!!!
| |
|
|
|
|
|
|
|
|
|
Re: سخافات البورد... (Re: osman righeem)
|
| Quote: من حقك ترسم خطك و توجه كتاباتك كما تحب لكن ليس لك الحق توجه الآخرين يكتبوا شنو و متين ووين |
ده كلام سليم
____________________
وقل العروض جفا
وين الترحيب!!
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
ود البشري ..
لك المودة..والعشرة الآواخر عليك مباركة.. السخافة نوع من أنواع افعال المعارك مع الغير دونما فائدة منها.. وهكذا يعيش بعض الناس هنا.. ولا يستطيع العيش في مجتمع معافى وسوى..ولبعض هنا .. كلما خبأ اسمه. بادر بالهجوم علي أي شخص ما.. بدون اي مبررات.. ولا تلمهم .. فالشهرة عندما يغيب صاحبهاتترك اثرا سيئا لدى النفوس الضعيفة..
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
ودالبشرى
سلام وكل سنه وإنت وضيوفك طيبين
من مقاعد المتصفحين لناس جوه
ممكن أديك ملاحظه على خفيف
شهره بعض نجوم هذا البورد صنعتها
سخافتهم بمعنى إن الزوول بنى مجده وشخصيته على إفتعال المشاكل
وممارسه الشتم والهمز واللمز
وللمحافظه على هذه الشهره لابد من المحافظه على الصوت العالي
ومن هال تبدأ السخافه
البعض يملك لازمه وأحده يمكن أن يصرفها في أي بوست
على وزن دعك من سياسه بسمارك الداخليه ولنتحدث عن سياسه بسمارك الخارجيه
يعني تتكلم عن هلال مريخ يصرفها ليك
تتكلم عن أوكامبو يديك منها حبتين
تجيب سيره الغناء برضو نفس الوصفه
الحل كما تفضل الإخوه فوق
إعتبر نفسك ماسك ريموت وقدام التلفزيون وهنا الوضع أحسن شويه
يعني قدام التلفزيون لازم تجيب القناه عشان تعرف إنو الموضوع مخستك تقوم تقلب القناه
هنا بس شوف الموضوع كاتبه منو وماتحاول تفتح قزازه العفريت
ولو بطنك طامه شديد ممكن تشوف آخلر زوول كتب مداخله منو وبعده تقرر تفتح القمقم ولا تصرف نظر.
أقعد بألف خير
| |
|
|
|
|
|
|
|
|
|
Re: سخافات البورد... (Re: Mohamed Ibrahim Ahmed)
|
| Quote: حأقول ليك روق نفسك (بفتح الفاء و السين) و تعامل مع ساقط القول بحسب مزاجك، رايق مشيها .. ما رايق جوطها بحدود جوطتك المسموح ليك بيها بينك و بين نفسك و اقفل الصفحة و امشي عوض ما فاتك من زمن مع |
بعد التحيه لصاحب البوست ..
الأخت عزاز شامى ، لك التحيه .. ( ساقط القول ) أصبح سمة بكل أسف تصاحب هذا المنبر
وأصبحت أحد أدواته لدى الكثيرين وهذا داء يصعب علاجه لأنه تماما كما ذكرت
الأخت Rosemen osman الآتى : Quote: ولا أعتقد أنه من الممكن تغيير سلوك وأخلاق ولغة تطبع بها الآخرين
وهى نتاج تراكم ثقافى ومعرفى طويل
القراءة مفتوحة للجميع وحرية التعبير عما نكتب حق مكفول للجميع
لنا خيار أن نختار مع من نتعامل
وخيار الا نختار وهى أن يفرض الآخرين عليك سلوكا ولغة لا ترتضيها
الحسم مطلوب ولكن لايعنى هذا أن نندرج الى لغة مقززة لنا وللقراء |
وأقول هنا أنه نتاج تراكم (عللى ) خرب !! وفعلا أمثال هؤلاء يكون التعامل معهم
هو تجاهلهم تماما وعدم الرد عليهم ، ليس عجزا ، فما أسهل تناول ساقط القول ولكن من أجل ذاتى
وقدرى بين الناس ونظرة الآخرين الأسوياء فكرا ومنطقا لمن يترفع عن ساقط القول
وما أكثر من يزنون الناس ويعطونهم قدر حقهم بين القراء وكتاب المنبر المتميزين
وهنا أيضا حديث للأخ / محمد إبراهيم أحمد ، يقول فيه : Quote: شهره بعض نجوم هذا البورد صنعتها
سخافتهم بمعنى إن الزوول بنى مجده وشخصيته على إفتعال المشاكل
وممارسه الشتم والهمز واللمز
وللمحافظه على هذه الشهره لابد من المحافظه على الصوت العالي
ومن هال تبدأ السخافه |
بكل تأكيد مجد يتبرأ منه كل عاقل ورصين أخ إبراهيم .. وحقا قلت أمثال هؤلاء
يعلمون فى قرارة أنفسهم بأنهم غير محترمين إلا عند شاكلتهم وأمثالهم لذلك تجد
لهم مطبليهم وقارعى الدفوف من حولهم ... ويعرفون تماما .. سيماهم فى أفعالهم
وتشرذمهم ، وأيضا أقول ، علاجهم فى تجاهلهم لأنه لا يفلح العطار ما أفسده دهرهم ..
وتحيتى ...
محمد مختار جعفر
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
الإخوة الكرام تحياتي
قبل ما اعود لتعليقاتكم و مداخلاتكم الكريمة حابب اتكلم في نقطة معينة
فكرة البوست - وان كانت تبدو كذلك - الا انها بعيدة عن حكاية اصلاح حال البورد او الشكوى من العليه او ما شابه
كما انها ايضا بعيدة عن التشنيع و التهكم على زملاء بعينهم
زي ما قلت في الأول المعني هنا نقد سلوكيات و تصرفات غير مقبولة و سخيفة من وجهة نظري او غيري
قد يكون هناك من يراها تصرفات عادية و ليست سخيفة و قد يكون في الما منتبه ليها اصلا
الفكرة تسليط الضوء عليها و ابداء وجهة النظر و قد نختلف حولها مما يؤدي لنقاش و تبادل ىراء نطلع منه بفائدة
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
قد يكون هناك من يراها تصرفات عادية و ليست سخيفة و قد يكون في الما منتبه ليها اصلا
الفكرة تسليط الضوء عليها و ابداء وجهة النظر و قد نختلف حولها مما يؤدي لنقاش و تبادل ىراء نطلع منه بفائدة
يا محمد
من المشاكل والأشياء التي لا ينتبه لها البعض عند الكتابه هي إن عمليه التعبير بالكلمات تختلف عن التعبير اللفظي
بمعنى عندما تكتب لأحدهم رد وإنت تقصد المزح أو الهزار دون تهكم فتكتب كلمه واحده مثل ...( بالله)
وتعبيرات وجهك تدل على صفاء النيه القارئ أو الشخص المقصود قد يقرأها كلمه إستفزازيه وتبدأ رحى معرك لو لم تكن متواجد للرد الفوري
والأمثله كثيره عن الجمل التي تكتب ويكون المقصود شيئاً آخر أو مايصل للمتلقي شيئاً مختلف .
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
ود البشرئ كيفك ..
المحيرنى فى بوستاتك كل يوم بفكرة جديدة ...
كدة ركز معاى وشوف لينا طريقة لحل السخافات دئ ...
وما تنسئ تحاول تعمل لينا over time على شان نكون متابعيين ..
| |
|
|
|
|
|
|
|
|
|
Re: سخافات البورد... (Re: عاصم ابوبكر حامد)
|
عبود يا عمك
كل سنة وانت طيب
ابدا ماقصة تعبان ساي , الفكرة راينا و بنقولو و الله يقدم الفيها الخير
شروق ...
كل سنة وانتي طيبة ,خلاص اعتبريها اسابيع السخافة امي
كيف خالتي
و بت خالتي الصغيرة
هلا يا خلي
كل عام وانت بخير
دا الكلام
البورد ما حق زول و يومو السيدو يقول خلو دا وما تكتبوا في دا
بنفوتو ليه
حمووودي يا قفة...Quote: ياخ الزول دا قال ما تبلسوا الطواقي ساي
منتظرين النهاية شنو |
البس ابوي ... انت البس ساي
وان كنت اشك تلقى مقاس راسك الكبير دا
كل سنة وانت طيب يعود عليك بالخير و السعادة و التقلة ان شاء الله
ولي يا شفت
كل سنة وانت طيب
ما فهمنا حاجة
عزاز كل سنة وانتي طيبة
اشكرك على المداخلة الثرة و المحتاج اعود ليها لوحدها بالتاكيد بالذات الحتة دي | Quote: يجد البعض منهم صعوبة في فصل الشخص ومكونه و خلفيته الاجتماعية و الثقافية و اختزاله في اسم تحته خط |
كومندان ... كل سنة وانت طيب
خد عندك قصة (كومندان) دي زاتها من السخافات
حكاية فلان امنجي وما امنجي ... الله غالب بس
رحم الله الملازم / وداعة الله ابراهيم
اتفقنا او اختلفنا معه الا ان كلماته القوية (خلي عزة تعود عروس زاهية في مسك الختام)
لازالت في اذني
روزمين ...كل عام وانتي و اسرتك بخير
الفكرة قد تكون مكررة كما تفضلتي بشكل او بآخر
احيانا للتكرار فائدة | Quote: الحسم مطلوب ولكن لايعنى هذا أن نندرج الى لغة مقززة لنا وللقراء |
رغم اتفاقي معك لكن شخصيا اضطررت للجوء لهذه اللغة ردا على مثلها
و الغريب انها اثمرت حين فشل الحلم و التجاهل وان كانت خصما علي الى حد ما
نيستا يا عمك...
كل سنة وانت طيب
هسي دا شنو دا ؟ مالك ابوي , اديك باقيك تنزل ولا تصل آخر محطة و ترجع
استاذ صلاح الفكي...
كل عام و انت بخير, افتعال المعارك دونما سبب فعل و سلوك سخيف لا جدال حوله
لكن بشكل او بآخر قد تجد نفسك في خضم معركة او صراع لم تفتعلها بل فرضت عليك
كيف تخوضها هذا هو السؤال , للأمانة احد سببين رئيسات لكتابة البوست كانت عن النقطة دي
الصراع حصل حصل بسبب خلاف في الراي او اللإنتماء او غيرو
تفاجأ بواحد يقول ليك انا بعرفك و بعرف تاريخك و علاقاتك و بتاع و تلميحات سخيفة بغرض اسكاتك
اها في الحالة دي تقول شنو بس
محمد ابراهيم يا عمك
كل سنة وانت طيب و مرحب بيك و اعذرنا على التاخير
تعليقك ح ارجع ليه لوحدو ان شاء الله لاني ما معاك في دي Quote: الحل كما تفضل الإخوه فوق
إعتبر نفسك ماسك ريموت وقدام التلفزيون وهنا الوضع أحسن شويه
يعني قدام التلفزيون لازم تجيب القناه عشان تعرف إنو الموضوع مخستك تقوم تقلب القناه |
الأستاذ محمد مختار
كل عام وانت بخير و شكرا على المرور
عاصم يا عمك...
كل عام وانت بخير | Quote: كدة ركز معاى وشوف لينا طريقة لحل السخافات دئ ... |
بداية لنهدي لبعض عيوبنا بمحبة و بدون احراج او تهكم
وربك يهون
بالنسبة للاوفرتايم اكضب عليك لو قلت ليك فهمتك
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
Quote: يجد البعض منهم صعوبة في فصل الشخص ومكونه و خلفيته الاجتماعية و الثقافية و اختزاله في اسم تحته خط ... وهو لا يجانب الصواب لاننا جميعنا نتاج تلك العوامل بشكل او بآخر ...من الصعب في مقام تفاعل اجتماعي اسفيري كالمنبر أن نحصر الحوار في الفكرة المطروحة او (الآنية)، لان هذا التعاطي المتقدم و يتطلب وعيا أعمق بجدوى الحوار و أهداف الحوار و تقيما موضوعيا للآخر يخلو من المحاكمة و التجريم و يصب في خانة تقريب و جهات النظر أو على الاقل الاتفاق على الاختلاف ...
والأهم وجود أرضية مشتركة في الفكر ...
|
اختنا عزاز
مبارك عليك العيد
و كل العام انت طيبه وسعيده و بكامل الصحه و العافيه
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
كل عام و الجميع بخير ... القابلة ان شاء الله بورد خالي من - او اقل - سخافة
___________________________________________________
من السلوكيات السخيفة البتقطع القلب في البورد المضاراة و التدبي و التطبيل و التحميش
كيف؟
المضاراة و التدبي ...
يعني الواحد عندو معاك حاجة او سوء تفاهم او شكلة قديمة او ساي بس مكجنك لله كدا
لكن ما داير معاك مواجهة لسبب او لآخر
يقوم يـ(تضارى) وراء آخرين بينكم مشكلة او حتى لو بينكم مزاح يجي يـ(تدبى )براحة يقتبس كلام موجه ليك او صادر منك
يخته و يزرع ليه ابتسامتين تلاتة او وش وشين ضاحكات او تعليق ظاهره البراءة وباطنه الخبث او يكااااكي و يقرقر و يمشي
حركة جدا بايخة و في رايي تنطوي على جبن و هروب من المواجهة
فهو يكون قد (اتضارى) خلف صاحب الكوت الأصلي او الموجه له الحديث
و بالتالي ليس عليه حرج باعتبار ان ردك سيكون للآخر
التطبيل ...
لما يتماسخ عليك واحد او يسخر او يتهكم او حتى يمزح - لو كان بينكم ما يسمح
يقوم يجي الأتباع يشيلوا كلامو او سخريته و يحوموا بيها و يعيدوها ليك بمناسبة او بدون في رايي يعتبر تطبيل لا اكثر
قد يكون نوع من تحميش النيران او شكل من اشكال المضاراة و التدبي الورد ذكرهم اعلاه
او هو نوع من اتقاء الشر و تامين الجانب بابداء الإعجاب بسلاطة لسان او ذكاء هذا المتهكم او الساخر
خوف ان يقعوا في ايديه لاحقا
هذا السلوك جدا سخيف وتماما لا احترمه
التحميش ...
اوضح من اتطرق ليها بالشرح
لكن اتحدث عن آثارها
بدون ذكر تفاصيل لكن كثير من الخلافات العظيمة المرت على البورد كان يمكن تلافيها و احتواءها لولا تدخل طرف تالت
بحسن او سوء نية - لا فرق
لكني للامانة لا الوم المحمش - بكسر الميم الثانية - بقدر لومي للمحمش - بفتحها - لإستجابته
الحقيقة في بعض الناس يتعاملون مع البورد كانه شو امام الجمهور
يهتمون برغبة الجمهور و المظهر امامه باي وسيلة
هؤلاء لو الظروف شبكتك في واحد فيهم حتحس جليا باختلاف شكل تعاطيهم معك بين البورد والمسنجر
تلقاه مركب ليك وش ككو في البورد قدام الناس و يراسلك في الخاص في نفس الوقت بلغة ناعمة مهادنة
هذا السلوك السخيف ارثي لحال صاحبه فهو يتعامل مع البورد كشو لا اكثر
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
Quote: يقوم يـ(تضارى) وراء آخرين بينكم مشكلة او حتى لو بينكم مزاح يجي يـ(تدبى )براحة يقتبس كلام موجه ليك او صادر منك
يخته و يزرع ليه ابتسامتين تلاتة او وش وشين ضاحكات او تعليق ظاهره البراءة وباطنه الخبث او يكااااكي و يقرقر و يمشي |
كاااااااااااااااكـ
قر قر قر قر قر قر
الليلة ووووب
Quote: لما يتماسخ عليك واحد او يسخر او يتهكم او حتى يمزح - لو كان بينكم ما يسمح
يقوم يجي الأتباع يشيلوا كلامو او سخريته و يحوموا بيها و يعيدوها ليك بمناسبة او بدون في رايي يعتبر تطبيل لا اكثر |
مش شغلكـ
Quote: بدون ذكر تفاصيل لكن كثير من الخلافات العظيمة المرت على البورد كان يمكن تلافيها و احتواءها لولا تدخل طرف تالت
بحسن او سوء نية - لا فرق
لكني للامانة لا الوم المحمش - بكسر الميم الثانية - بقدر لومي للمحمش - بفتحها - لإستجابته |
الموضوع دا مافي طريقة ليهو نهائي
أصلوا ما بخليها تمشيهو
| |
|
|
|
|
|
|
|
|
|
Re: سخافات البورد... (Re: محمد عبد الماجد الصايم)
|
حمودي يا عمك...
دا نظام الترجمة على الشريط ولا شنو؟
طيب نسيت دي مالك Quote: او هو نوع من اتقاء الشر و تامين الجانب بابداء الإعجاب بسلاطة لسان او ذكاء هذا المتهكم او الساخر
خوف ان يقعوا في ايديه لاحقا |
Quote: الموضوع دا مافي طريقة ليهو نهائي
أصلوا ما بخليها تمشيهو |
إذا فــ وكدا
ابن العم محمد احمد الخضر (لاحظتها و حاتك)
كل سنة وانت طيب و مرحب بيك و اعذرنا على تاخيرها
كل دا وغيرو اكتر من كدا حاصل و بيحصل
اكيد بعد نيلك للعضوية لاحظت ان المنظر من جوة ما بنفس البريق و الجمال الذي يبدو عليه من برة
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
سلامات يا شباب و تعازينا لكل الوصيفاب
لحدي كدا السخافات العظيمة كفاها نتكلم عن حاجات لاترقى لمرحلة السخف عديل كدا لكن بها شيئ منه
الحركة بتاعة قدامى البورداب
يقوموا بمناسبة و بدون يقدونا ليك ببريات على شاكلة بورداب الزمن الجميل
و ياحليل البورد زمان كان ما عارف ايه و اسي بقى عامل كيف و لامي شنو و بتاع
و ايام كنا تايهين في سمر و بطيخ ما انزل الله به من سلطان
لكانك تحس ان البورد ايامها كان احدى جنان عدن في السايبر اللتي تجري من تحتها انهار الثقافة و بها قصور العلم و جنائن الأدب
و عامر بما لا اذن سمعت من احترام و لا عين رات من تقدير متبادل او خطر على قلب بوردابي من تهذيب
ولكأن البورداب القدامى كانوا على ارائك الذوق و الروعة متكئين يطاف عليهم باباريق الحوار الراقي وكؤوس من معين المواضيع القيمة و المفيدة
وليس بها من نصب الإساءات او رهق الشتائم و لغو اللغة السوقية
لكن بنظرة عامة و سريعة على الإرشيف لاتملك إلا ان تهز راسك متمتما :
"قوموا لفوا ياخ "
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
ودالبشرى
| Quote: لكانك تحس ان البورد ايامها كان احدى جنان عدن في السايبر |
والله مما لقيت مداخلتك في البوست داك عرفتك حا تجي هنا تاني
ياخي اقول ليك حاجه
اشهد انك ما غلطان علي الناس ديل
تحياتي
وليد دواش
| |
|
|
|
|
|
|
|
|
|
Re: سخافات البورد... (Re: waleed dawash)
|
ود امدرمان يا بتاع الكورة يا ركيك
اسوي شنو يا عمك
جابت ليها تصفية عديل بي خشم الباب
تعرف حركة بورداب الزمن الجميل دي قريبة من حركاتكم يا اولاد امدرمان نفس النظرية ولا كيف؟
هريتونا هري
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
Quote: تعرف حركة بورداب الزمن الجميل دي قريبة من حركاتكم يا اولاد امدرمان نفس النظرية ولا كيف؟
هريتونا هري |
اغرب حاجه يا ود البشرى اننا ما قاعدين نسيء لي مدينه او قريه ..
لكن العالم الوهم دي يكونو عندهم مشكله مع زول من امدرمان يخلو الزول و يشبكو في امدرمان
عالم مرض
| |
|
|
|
|
|
|
|
|
|
Re: سخافات البورد... (Re: ASHRAF MUSTAFA)
|
يا عمك : كل عام و أنتم بخير
النصيحة لي الله حاجات كتيرة من الذكرتهن فوق ديل أنا قاعد اعملن..بس مع
ملاحظة أنو برة البورد ده لا بغلط علي زول و لا بدي زول فرصة يغلط معاي
بس هنا الأمر مختلف..تجد نفسك مجبور تمارس السخف..و بيني و بينك في ناس
كده لو ما لعبت معاهم حسب قوانينهم و بادلتهم السخف باسخف منو ممكن
تموت كمد..آها يا عمك نتساخف و للا نموت بي مغستنا .
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
ودالبشرى يا عمك سلام
فكره لبوست مضاد لهذا البوست
وهي عن إشراقات الموقع
فبقدر مافي الموقع من سخافات
به من الإشراقات ما لا يعد ولا يحصى
فمني ليك باص أمام القون
لفتح بوست بالصفحات المشرقه لهذا الموقع
دون كسير تلج لصاحبه أو لأي شخص آخر
لكن إعتراف بجميل وفضل البعض هنا
وبما إنك زوول قديم ومحنك فشوف لينا الحكايه دي
وسيبك من قصه السخف التي لن تنتهي مادام في بورد
أقعد طيب
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
Quote: صاح النت دا مفتوح واي شي وكلام سليم انو الصور البتنزل هنا انتفت ملكيتك ليها وممكن اي واحد يستخدمها
لكن الذوق العام و حقوق الزمالة بتفرض علينا مراعاة بعض قواعد الخصوصية بيننا
يعني فيها نوع من السخف انك تنزل صورة لزميلـ/ـة ليك من غير اذنه/ا
واسخف منها انك تحفظ صور الآخرين في جهازك و تعيد نشرها يعني حتى اذا صاحبـ/ـة الشان غير رايه
وقام بحذف الصورة المعنية من البوست او من البروفايل يتفاجأ بعد فترة بمن ينشرها ليه
توافر حسن النية لا ينفي السخف الحاصل |
ود البشرى كل سنة و انت طيب،
رغم اتفاقي مع كل (الإضاءات) التي اوردتها، إلا ان هذه الجزئية بالذات رغبت ان اقتبسها و اعيد اقتباسها مرات و مرات بعدد ما دار التساؤل بذهني و انا ارى المشهد يتكرر..!
| |
|
|
|
|
|
|
|
|
 Re: سخافات البورد... (Re: Sana Khalid)
|
صديقي الجميل ود البشرى ( أبو حتحوت )
كل عام وأنت بألف خير والاسرة الكريمة تنعم بكامل الصحة والعافية ، عيد مبارك
اتفق معك في كل ما ذهبت إليه هنا .....
مودتي
عماد
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
عفوا يا شباب إن نسينا أو تأخرنا في الرد عليكم
هلا اخونا أشرف
اسعدني مرورك و متابعتك
دكتور سيف...Quote: تجد نفسك مجبور تمارس السخف..و بيني و بينك في ناس
كده لو ما لعبت معاهم حسب قوانينهم و بادلتهم السخف باسخف منو ممكن
تموت كمد..آها يا عمك نتساخف و للا نموت بي مغستنا . |
والله يا دكتور ما في إجابة قاطعة إت دبندس
شخصيا بحاول أفرض على نفسي قواعدي المناسبة معاها
وإن كنت كثيرا ما أخرقها لسبب أو لآخر
و بتضايق جدا لما القى نفسي إتجريت ز اضطررت للعب بقواعد الآخرين
محمد ابراهيم يا عمك
فك الله اسر باسويردك و اتمنى تكون متابع من على البعد
الحديث عن الإشراقات جيد و مطلوب و من باب ضرب المثل
لكن الحديث عن السخافات و المساوئ أعتقد اكثر فاعلية و سرعة في الوصول للهدف
كلنا عيوب و قد لا نرى عيوبنا
بارك الله فيمن اهداها لنا
دكتورة سناء | Quote: ود البشرى كل سنة و انت طيب، |
ولنتي طيبة يا دكتورة (شوفي المفارقة برد على معايدة عيد الفطر بعد الأضحى - اجدد اسفي )
حكاية خصوصية الصور دي اعتقد حلها الوحيد عند اصحاب الصور بان لا يعرضوها من الأول
و يطلبوا ممن عرض صورا لهم ان يسحبها - إلى ان يقضي الله امرا كان مفعولا
عمدة البكّاي..| Quote: كل عام وأنت بألف خير والاسرة الكريمة تنعم بكامل الصحة والعافية ، عيد مبارك |
و انت بالف خير و يعيده عليك بالصحة و العافية إن شاء الله
وآسفين على التأخير
| |
|
|
|
|
|
|
|
|
|
Re: سخافات البورد... (Re: Abdlaziz Eisa)
|
هلا يا عزيز ...
صاح أخوك (رشلشة) وزعلان على هزيم الهلال
لكن دا علاقتو شنو بالبوست المكتوب من شهر تسعة الفات و ذكرتني ليه الأرشفة
لكن دا كلو كوم و قصة كوم تاني
صدق ضحكتني وأنا زعلان
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
الاخ محمد البشرى
جميل كتاباتك وقد اصبت لان الكتابة عبر النت يعد من اخطر انواع التواصل
الكتابة على النت يفتقد الكثير من عناصر المناقشة كمخاطبتك لشخص لا تراه امامك
كما انك لا تحس بردوده اى نبرات صوته بالاضافة الى ان الشخص يكتب الرد ولا يبالى كما هو فى هذا المنبر
اتفق تماما مع بعض الذين قالوا السخف تبيان لشخصية كاتبه
وفى النهاية قليله مقبول ولا والف لا للاساءة
ودمتم
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
سلام ود البشرى
في اسخف من تعليق زي
" لا تعليق لدي " من زول داخل زي السريحة
على بوست كاتبو واحد تاني و ما جايب فيهو سيرة صاحب تعليق اللاتعليق دا
و لا البوست موجهه ليه لا في زول عازمو ؟
غايتو هنا شفنا محن تمحن المحنة ذاتا
| |
|
|
|
|
|
|
|
|
|
Re: سخافات البورد... (Re: قيقراوي)
|
Quote: صديقي الجميل ود البشرى ( أبو حتحوت )
كل عام وأنت بألف خير والاسرة الكريمة تنعم بكامل الصحة والعافية ، عيد مبارك
اتفق معك في كل ما ذهبت إليه هنا .....
مودتي |
عماد محمود على
يا زول تتفق معاهو في كل ما ذهب اليه كيف و انت غرقان في السخف لي اضنيك..
انا غايتو ما ناسيك و انتظر مني كميات مهولة من السخف في قادمات الأيام.
طبعا ما مودتي.
| |
|
|
|
|
|
|
|
|
|
Re: سخافات البورد... (Re: سيف النصر محي الدين محمد أحمد)
|
د. سيف سلام يا حبيب
Quote: بس هنا الأمر مختلف..تجد نفسك مجبور تمارس السخف..و بيني و بينك في ناس
كده لو ما لعبت معاهم حسب قوانينهم و بادلتهم السخف باسخف منو ممكن
تموت كمد..آها يا عمك نتساخف و للا نموت بي مغستنا . |
أتفق معاك مليون في المية
البورد للاسف محكوم بقانون الغاب..حيث الانياب والاظافر والضرب تحت الحزام سرا وعلانية
انا شخصيا دخلت مدفوع بتشجيع مجموعة من اخوانا الادباء والفنانين ثم اكتشفت اني راكب غلط ببوستات
جادة وكتابات حالمة سرعان ما تندثر قلت فوق كم يا مان ركبت الموجة وتميتها فرفشة وضحك وونسة ..
وحاليا بمارس في سخف البورد على اصولو دخلت بوست ود البشر بدون تحية وتووووش خاشي في الموضوع
بس يا عمك عزاي ان الحالة واحدة
مكنة مقسمة مش
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
Quote: وحاليا بمارس في سخف البورد على اصولو دخلت بوست ود البشر بدون تحية وتووووش خاشي في الموضوع
|
خليل الكان بيهدي الغير
صبح محتاج يكوس هداي*
*(دي اسمها السخافه أم سيور
واحد يعملك كبير وعاقل)
| |
|
|
|
|
|
|
|
|
|
Re: سخافات البورد... (Re: osman righeem)
|
Quote: خليل الكان بيهدي الغير
صبح محتاج يكوس هداي*
*(دي اسمها السخافه أم سيور
واحد يعملك كبير وعاقل) |
اها يا عثمان يا عمك جيت في الموضوع
والكبير الله...
ابو حتحوت الليلة سلام مافي
سخافات وكده
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
والله يا عمك اعرف انه بوست بتاع سخافه
لكن بس كل يوم اخش اجد واحد يطالب
ويناشد ويقول البورد سوف يوقف حاله
اذا لم تنمح الحضويه للنحرير السهر روزي
حتي بالامارة عضو لم تمضي علي عضويته
اكثر من مائة اربع واربعين ساعة
ومطالب بالعضوية لاخر
طيب و ما دام دي الحاله يعني يمكن بعد
شوية تجي داخل تجد بوست حدادي مدادي
يطالب بسحب باسويرد فلان لانه كرهنا البلي
وحتي يمكن اخونا بقال ( عجل الله فرجه الشريف)
يعمل بوست بعنوان : معا لكف يد ذو اليد
موش ليه حقا برضك
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
سلام اخي ودالبشري
نعم اري ان من السخافات نقل الصراعات الشخصيه الي المنبر ,,
وكذلك مخاطبة العضو بما تعرفه عن حياته الشخصيه ,,,
ومن السخافات بل والمصائب ان تنقل حديث شخصي بينك واخر الي المنبر ,,,
مهما يكن من مبرر فلا بد من فصل بين الخاص والعام ,,,
ومن السخافه ايضا ان تعامل الناس علي ما تعتقد انهم عليه من دين او حزب ,,,
فعلينا معاملة بعضنا من خلال ما نكتب وليس من خلال ما نعرفه عنه في شخصه ,,,
وشكرا ودالبشري وكل عام وانت بخير
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
أخونا حامد محمد حامد إزي الحال و عساك بخير| Quote: وفى النهاية قليله مقبول ولا والف لا للاساءة |
يا ترى قاصد بقليل السخف المقبول ما تعارف عليه السودانيون بالمساخة
ولّ كيف؟
لأنو السخف أو التصرفات السخيفة ما ظنيتها مقبولة وعلى إطلاقها كتيرها و قليلها
نسمع منك يا عمك
قيقراوي ياااا عمك ...
شغلك دا بدورلو لنكات ابوي
بس النبي فيك إن بقى زولك دا هناي خليه
ما عندي ليه حيل ولا مزاج بالليل دا
خليل يا عمك ...| Quote: وحاليا بمارس في سخف البورد على اصولو دخلت بوست ود البشر بدون تحية وتووووش خاشي في الموضوع |
حاشاك السخف ابوي
كلامك صاح من الذوق تبادل التحايا و السلام و السؤال و المطايبة لكن تركها ما ظنيتو يصل لمرحلة السخف
قد يكون قلة ذوق جفا أي شي قريب من كدا
لكن سخف عديل لا ما ظنيت
الله عليك حاج العوض
جبت الكلام في محلو
والله امس ولّ متين قريت لي بوست سخيف بشكل ناس بحكوا في تفاصيل خاصة جدا جدا و بطاعنوا بيها هنا تصور
من غير تفاصيل لكن زهجني زهج و ندمت إني فتحتو من أصلو
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
أبوحتوت
تمشي من دربك ده تراضي حمودي في البوست البهناك داك، أراك أغلظت عليه
__
التساخف على الطيبين والمهذبين، عمل "منكور" وشائن، لا نفعله؛ ولكن التساخف على السخفاء والمتساخفين والمتتسخفين جريمة لا ننكرها، لا بل قد تجلب المتعّة في بعض الأحايين
| |
|
|
|
|
|
|
|
|
|
Re: سخافات البورد... (Re: Yassir Tayfour)
|
ياسر سا شقيق
شنو في البحرين ولا شنو .
شايف البروفايل الصياح شكل
ومنتصف النهار شكل
ربنا يجيب العواقب سليمه
علي كل حال اني كونجو
| Quote: التساخف على الطيبين والمهذبين، عمل "منكور" وشائن، لا نفعله؛ ولكن التساخف على السخفاء والمتساخفين والمتتسخفين جريمة لا ننكرها، لا بل قد تجلب المتعّة في بعض الأحايين |
ود الصايم لا يعتذر و لا يقبل الاعتذار
جضما معلم بال...............
| |
|
|
|
|
|
|
|
|
 Re: سخافات البورد... (Re: osman righeem)
|
سلامات يا شباب
يا صاحب البوست كل سنة و إنت طيب
الله يكفينا شر السخافات و السخيفين و المتساخفين!!!!
يا ود طيفور مشتاقييييييييييين و الله جد جد و كل سنة و كل السنوات الجاية و إنت و أسرتك بألف خير
| Quote: التساخف على الطيبين والمهذبين، عمل "منكور" وشائن، لا نفعله؛ ولكن التساخف على السخفاء والمتساخفين والمتتسخفين جريمة لا ننكرها، لا بل قد تجلب المتعّة في بعض الأحايين |
لوووووووووووووووووول عليك
و يا عثمان رغيم البحرين خبارها؟ شايفة الأيامات دي الناس طوالي جايبين سيرتها!!!
و يا هلا بمن يريد زيارتها إلا زول كدة بس ما يجي علينا بي هناك
دمتم و دام الود و الله يبعد السخف
| |
|
|
|
|
|
|
|
|
|
Re: سخافات البورد... (Re: نوسة)
|
نوسه
تحياتي
Quote: و يا عثمان رغيم البحرين خبارها؟ شايفة الأيامات دي الناس طوالي جايبين سيرتها!!!
|
بس مولد اسيادنا الاحباش
وحفلة أول جديد لمايكل جاكسون
بعد إسلامه
اها الزيارة كيف
| |
|
|
|
|
|
|
|
|
|
Re: سخافات البورد... (Re: نوسة)
|
نووووووووووووسة
معقولة ياصمام قلبي الشمال!
ليك وحشة، وحمداً لله على السلامة، وبركة بالشوفة
___
وكل سنة وإنت والأسرة بكل خير..
| |
|
|
|
|
|
|
|
|
|
Re: سخافات البورد... (Re: osman righeem)
|
رغيم يا شقيق
البروفايل ده لزول new resolution o kida
__
الربع الجاي ده دايرين نرجاهوا ناس حب وتظارف وتعارف، وتصاوير وأغاني، وحِسان، وأي حاجة تبعدنا من ناس "عووك عييك عااك وكاااك؛
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
Quote: جبت الكلام في محلو
والله امس ولّ متين قريت لي بوست سخيف بشكل ناس بحكوا في تفاصيل خاصة جدا جدا و بطاعنوا بيها هنا تصور
من غير تفاصيل لكن زهجني زهج و ندمت إني فتحتو من أصلو |
ياعمك سلام
وبيني وبينك في ناس بتونسوا علشان يلقوا موضوع بوست
والاسخف منه ,, تلقي واحدين مشابكين ليك عضو محدد وكل ما يدخل بوست تلقاهو دخل وراهو ,,,
واي شئ يكتبه يرد عليه بسخافه رغم حلاوة البوست وحلاوة كاتبه
وتسلم يا ريس ,,,
| |
|
|
|
|
|
|
|
|
|
Re: سخافات البورد... (Re: محمد البشرى الخضر)
|
| Quote: والله لا يلنكن ايامك..قول آمين |
آمين يا بت عمي
يختي كان باريتي عناوين الحبيب و كتابته بتتعبي ساي
egal أمي.....egal
ندوية ...
اها إنتي بالذات كان اتساخفتي ما تتساخفي شنو يعني
لاقينها وين احنا
عاملة بروفايلك العزاااااااب دا
لا يا شيخ
| |
|
|
|
|
|
|
| |
محمد البشرى الخضر
عبدالكريم الامين احمد
Siham Elmugammar
عزام حسن فرح
عبدالله كع
فيصل نوبي
حسين محي الدين
عبد العظيم احمد
osman righeem
عمر صديق
طارق جبريل
Adam Mousa
الزوول
ASHRAF TAHA
عبود عبد الرحيم
Ishraga Mustafa
khaleel
محمد عبد الماجد الصايم
وليد محمد المبارك
محمد حامد جمعه
rosemen osman
معتصم محمد صالح
محمد مختار جعفر
عاصم ابوبكر حامد
محمد أحمد الخضر
waleed dawash
ASHRAF MUSTAFA
Abdlaziz Eisa
حامد محمد حامد
قيقراوي
mohmed khalail
العوض المسلمي
Yassir Tayfour
نوسة
سارة علي
طارق عبد اللطيف نقد
فيس بوك
تويتر
انستقرام
يوتيوب
بنتيريست