|
|
 تشييد تمثال لعمر البشير فى ميدان أبو جنزير
|
بعد إلإنتشار العجيب لصور المواطن عمر البشير فى كل مكان فى ما تبقى من أرض الوطن .
الأمر الذى صار يذكرنا بعراق صدام حسين ، ومصر مبارك، وليبيا القذافي .
أقترح على ناس المؤتمر الوطنى تشييد تماثيل لرئيسهم فى الميادين الرئيسية ، أسوة بالفراعين أعلاه ، لأنه لا يقل عنهم فى شئ .
|
|
  
|
|
|
|
|
|
|
 Re: تشييد تمثال لعمر البشير فى ميدان أبو جنزير (Re: AMNA MUKHTAR)
|
آي والله نشجع اللعبة الحلوة - عايزين لينا حاجة نكسرة بعدين. الصور دي ما بتكفي.
وممكن نتبرع بي قطعة الأرض من مال المعارضة - اصلو الكيزان ديل باقي بموتو في الواطة هه
ونكتب كل الشعب تعهد: ما في زول - بدون مؤاخذة - يبزغ على بعد 30 متر من التمثال
ونكون لجنة خاصة تمسك الرئيس من الرقيص لحدي ما التمثال يتم
غايتو لو عملوا كمان تماثيل صغيرة (للمستشارين الكبار الضغار) يكونو أحرجونا شديد والله
| |
|
|
|
|
|
|
|
|
 Re: تشييد تمثال لعمر البشير فى ميدان أبو جنزير (Re: فايزودالقاضي)
|
أيواااا ...بالضبط كدا ، لأنو ما ممكن ما نلقى تمثال نكسره بعدين ..
قطيع الصور ما كفاية ...التكسير دا أهم شى
وواضح إنو بريح الثوار نفسيا ..كما نشاهد فى الفضائيات .
| Quote: غايتو لو عملوا كمان تماثيل صغيرة (للمستشارين الكبار الضغار) يكونو أحرجونا شديد والله |
والله فكرة حلوة يا العوض أخوى ..
أنا غايتو بتبرع أمشى ليهم خان الخليلي وإتفق مع الصنايعية هناك إنو نعمل تماثيل صغيرة للبشير ومستشاريه عشان نزين بيها المنازل والمدارس .
وممكن نعمل كمان تماثيل للجيب ..وتماثيل محمولة ممكن تتخت فى جيب الموبايل .
| |
|
|
|
|
|
|
|
|
 Re: تشييد تمثال لعمر البشير فى ميدان أبو جنزير (Re: ود الباوقة)
|
| Quote: نحن عايزين واحد في ميدان الجمهورية في كسلا ..وواحد في اشارة جوفر القدام سجن بورسودان |
ذكرتنى يا ود القاضى بشارع المطار فى بروسودان
صورة للبشير صورة لإيلا ..صورة للبشير صورة لإيلا ..لغااااااية ما تصل بورسودان المدينة ..
غايتو جنس وجع وش !!
| |
|
|
|
|
|
|
|
|
|
Re: تشييد تمثال لعمر البشير فى ميدان أبو جنزير (Re: Elawad Eltayeb)
|
| Quote: ونكون لجنة خاصة تمسك الرئيس من الرقيص لحدي ما التمثال يتم |
هههه
انا برشح اربعة من كنبة وراء (يقدروا على كيف انا ما عارف رئيسنا ما شاء الله تبارك الله
بقى كلو كراضم)
غايتو دى مشكلة لو ما ثبت اثناء ما بينحتوا فى التمثال,بعدين يطلع مادى لينا حاجة كدا بى وراء
ما نعرف نودى وشنا وين!!!
| |
|
|
|
|
|
|
|
|
|
Re: تشييد تمثال لعمر البشير فى ميدان أبو جنزير (Re: Elmuiz Haggaz)
|
البوست ده ماشي ورا ورا كده شكلو ماشي الخور
قالو شافع ركب مع ابوهو المواصلات قام شاف صورة البشير معلقة قدامو قام قال لى ابوهو ياابوى دى صورة الراجل ال البجى فى التلفزيون وانت كل يوم بتف ليهو فى وشو فى التلفزيون ههههه الراجل قالو رفع الشافع قال ليهم ياخوانا الشافع دا ود منو ههههههههه
| |
|
|
|
|
|
|
|
|
|
Re: تشييد تمثال لعمر البشير فى ميدان أبو جنزير (Re: Elawad Eltayeb)
|
| Quote: قالو شافع ركب مع ابوهو المواصلات قام شاف صورة البشير معلقة قدامو قام قال لى ابوهو ياابوى دى صورة الراجل ال البجى فى التلفزيون وانت كل يوم بتف ليهو فى وشو فى التلفزيون ههههه الراجل قالو رفع الشافع قال ليهم ياخوانا الشافع دا ود منو ههههههههه |
سمحة يا العوض لعاب
ويا امونة خليك جادة
عشان نعمل من التمثال مصدر دخل للمفلسين
لازم يكون فى حارس عشان يجمع لينا "النقطة "
الكف بربع جنيه
وامدلدوم غالية عشان الواحد يده حتوجعو خمسة جنيه
واللعنة دى بالجنيه كامل لا ينقص
يعنى الواحد فى اليوم بدخل ليهو كم الف كدا
يديها لزول محتاج
عجبتنى عجب الفكرة
بعدين عشان نجيب حبل لمن يجى اليوم الراجنو نجر التمثال بالحبل فى الشوارع
زمان لمن انتفض الناس على نميرى الشباب جابو لامؤاخذة حمار
ولبسوه فركة وهتفنا ابعاج اهو
يلا خلونا نهيص بالتمثال
| |
|
|
|
|
|
|
|
|
|
Re: تشييد تمثال لعمر البشير فى ميدان أبو جنزير (Re: محمد أبوالعزائم أبوالريش)
|
ودى حاجة بتتنسى يا ابو الريش ؟
اطرف مافى المسالة مرة كنا مع زول صاحبنا "فنان كبير "
وكان معانا خالى رحمة الله عليه الفاضل الطيب
قوم يا السواق امشى فى شارع من شوارع امدرمان " تحديدا شارع ود البصير "
اها والعربية ماشة فى الشارع يقوم يظهر لينا حمار لامؤاخذة "هو الناس بتقول لامؤاخذة للحمار ليه ؟
المهم صاحبنا الفنان مد راسه من العربية وقال
ـ يا ابعاج وينك ياخ "
معليش يا امنة لكن الكلام جاب الكلام
| |
|
|
|
|
|
|
| |
AMNA MUKHTAR
فايزودالقاضي
osman righeem
Al-Shaygi
حمد عبد الغفار عمر
Elmuiz Haggaz
سلمى الشيخ سلامة
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست