|
|
|
 Re: مطعم دارفــــورى فى قلب تل ابيب (فــــيديو (Re: ناصر المحسى)
|
Quote:
مطعم دارفــــورى فى قلب تل ابيب
|
آ ناصر خلنا من مطعم دارفوري بيقدم الحمص الماهو دارفوري...
الجرسونه دي مش تجيب الزباين،،، والله تجيب الطاشي.....
تقولي حمص....
ما تشوف لينا درب نمشي نسوي قراصتنا أم ملاحاً أخدر دي  والله إلا تعجب اليهود......
زمان وأنا طالب في مصر مشيت اليونان وقعدت لي زي تلاته شهور (شي شغل وشي ركلسة) وكنا بنأوي أبو الرقيع عمل خير يعني، وأبوالرقيع تسمية الطلاب السودانيين في أثينا لـ(السائحات الشابات من أروبا الفوق وأمريكا واستراليا بعد يطردوهم من بيوت الشباب "مفلسات وبيدوهم 3 أيام مجان وبعد داك يا تشوف ليها فندق وما عندها قدره ليه ولا تدخل في كيس النوم وتبيت في الحدائق العامة والبوليس ما بيخليها" وبنعمل حلة القطر قام نرجاه قدام بصل وبطاطس ولحمة ولا جداد ومرات بلا بروتين والزمن داك الماجي مافي ومعاها علبة صلصة، ويشهد الله العالم ديل بيضربوا فيها جنس ضرب وباليدين وكل الأصابع وآخر الصحن شكلة في آخر لقمة وفي الآخر يلحسوا أصابعم، أتقول عارفين السنة....
صدقني القراصة بالملاح الأخدر إستثمار ماهو هين بس إت شدلي حيلك ودبر لي الدرب....
تعبنا من الغربة يابا.....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
 
|
|
|
|
|
|
|
|
Re: مطعم دارفــــورى فى قلب تل ابيب (فــــيديو (Re: ناصر المحسى)
|
Quote:
بمناسبة القراصة يا الشايقى انت عارف ام سيدنا موسى اسمها يو كابد اسم نوبى (ام القراصة )
|
تعرف يا ناصر أنا عندي قناعة بأن اللغة النوبية القديمة هي أم اللغات عبر التاريخ
كثيراً ما أتحاور مع أخوتي النوبة المهتمين بالشأن التاريخي، ومن الأشياء التي عرفتها ولا أدري مدى صحتها تماماً رغم قناعتي بها مثلاً اسم زمزم (اصله نوبي، وبالتأكيد لأن هاجر أم العرب نوبية الأصل)، كذلك اسم قناة السويس أصله نوبي كما حكي لي صديق نوبي منذ سنوات وأذكر أنه قال أنها تعني أرض الحجر،،،
بما أنك محسي نوبي،، بس أوعك تكون من محس توتي وأمضواً بان النسوا لغتهم، صححني، وإن كان لديك باع في هذا المجال ياريت في الربع القادم تفتح لينا بوست تجمع فيه هذه المعلومات القيمة....
شكراً
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: مطعم دارفــــورى فى قلب تل ابيب (فــــيديو (Re: Al-Shaygi)
|
| Quote: مثلاً اسم زمزم (اصله نوبي، وبالتأكيد لأن هاجر أم العرب نوبية الأصل)، |
نعم يا شايقى كلمة زمزم تخربف لكلمة قم قم اى اتلم
يقال ان السيدة عند انفجار الماء من بئر زمزم كان تهف بكلمة قم قم
وايضا اسم ام سيدنا موسى اسم نوبى والثابت ان سيدنا موسى ولد فى
المنطقة النوبية بما ان عاصمة فى طيبة اى ابوسبل والنيل يجرى من
الجنوب الى الشمال مهما حاول المصريين من تزوير التاريخ
وكان عمنا الراحل احمد سليمان المحامى قد ذكر انه بصدد اصدار
فى موضوع مولد سيدنا موسى فى ارض النوبة لا ادرى اصدر الكتاب ام لا
| |
|
|
|
|
|
|
|
|
Re: مطعم دارفــــورى فى قلب تل ابيب (فــــيديو (Re: ناصر المحسى)
|
الاخ ناصر ....
أنا مناي في الكون إنو إسرائيل دي تتملي سودانيين لمن تقول بس ... يبيعو فول ... قراصه ..عصيده.....ياكلو كول. يسفو تمباك... يشدو حلل قطر قام..... يتحاومو في الحوش و الشارع بفنلاتهم الداخليه... .و الله صحي
بالمناسبه في واحد تاني عندو محل كمبيوتر
...
ا!Quote: و الزبائن مقبلين لو بيكرهوا السود ما يقاطعوا المطاعم دي؟!
الا مواهيم العروبه يفلحوا في لفحي الاخبار بس
ويجيبوا لك اي تحرك للعنصرين المحدودين
ويتفاصحوا! |
تراجي بت مصطفي...رئيسه جمعيه الصداقه السودانيه الاسرائيليه:
الاسرائيليين كغيرهم من خلق الله فيهم المتطرف و فيهم الوسطي...
دولتهم دوله منافقه...تدعي حمايه اللاجئين و الان تريد طردهم ... و تمت دعوه سلفاكير لاسرائيل للتباحث في هذا الموضوع و للمساعده في طرد الافارقه من إسرائيل ..وصدقت الحكومه الاسرائيله بصرف 400 مليون دولار لبناء سجن للمتسللين الافارقه
إذا لم يحدث تحرك سريع سيتم طرد هؤلاء السودانيين و الافارقه...
إسرائيل أعطت 500 دارفوري فقط إقامه مؤقته
يجب علي إسرائيل أن تعطي كل لاجئ دارفور إقامه دائمه كذلك يجب أن لا تنافق و تقوم بتجنيسهم و لا ترسلهم لدوله ثالثه
ألمجاهرين بقضيه دارفور لو كان عندهم إيمان بقضيتهم لاسمعو صوتهم... و لوقفو ضد إسرائيل في موقفها العنصري هذا... و لكن عملو أضان الحامل طرشا....و لم نسمع منهم أي تذمر
ياخي الجامعه العربيه خلت موضوع الاستنكار و الشجب.... إنتو لسه إستنكار أو شجب ما عاوزين تعملوه
هنا البوست الذي بسببه بقيت أنا حسب حكم تراجي من مواهيم العروبه (و إن كان بوشي بتاع حزب البعث مكيفني) و بتاع لفحي أخبار.... !!! و الله صحي
أنا هنا بتهمها بأنها عملت أضان الحامل طرشا.... و إنها و من لف لفها لمن تجي سيره إسرائيل ما بقدرو يقولو تلت التلاته كم ...
فيديو مظاهره تل أبيب التي نادت بطرد السودانيين من إسرائيل
| |
|
|
|
|
|
|
| |
ناصر المحسى
Al-Shaygi
Tragie Mustafa
مدثر صديق
Mohamad Shamseldin
فيس بوك
تويتر
انستقرام
يوتيوب
بنتيريست