|
|
 الالوان ودلالتها في الامثال والتعابير السودانية
|
طلب مني الدكتور عمر ان ادله على بعض الامثال والتعابير السودانية التي تستخدم اللون في الدلالة
وسيكون ذلك ضمن بحث ماجستير في الترجمة
فلم اتذكر الا بعض التعابير السودانية ووعدته بكتاب بابكر بدري للامثال السودانية
واتمنى ان تشاركوني في هذا البوست بما تذكرونه من امثال وتعابير
اللون الاخضر
السبت اخدر
وصف الكراع بانها خضراء ( فلان كراعو خضرا )
او الدعوة بان يخضر الله ضراعك
اللون الاسود
وصف القلب السيئ بالاسود
وكذلك السوق الاسود او كما يدلعه ناس الحكومة السوق الموازي
وكذلك وصف الحظ السيئ باللون الاسود
اللون الابيض
قلبو ابيض دلالة على الطيبة
او يوصف شخص بان قلبه ابيض من الدبلان
اللون الاحمر
سكينو حمرا دلالة على الكرم
|
|
  
|
|
|
|
|
|
|
|
Re: الالوان ودلالتها في الامثال والتعابير السودانية (Re: عبدالله ود البوش)
|
الاخ عبد الله شكرا ليك على الاضافة
بمناسبة المرة المشاية دي ذكرتني احد كبارنا في الاسرة الذي كبر وخرف
فمرة الصباح صحى ولف عمتو وقال ماشي لي بت ناس فلان يعقد عليها
فقال له خالنا بسياسة محاولا اقناعه للعدول عن تلك الفكرة
( ياخ بت ناس فلان دي العاجبك فيها شنو ؟ نحن نشوف ليك واحدة غيرها )
فرد له ( والله مشايتن)
فقال له خالنا ( مشاية ؟ انت داير تدقق فوقا؟)
| |
|
|
|
|
|
|
|
|
 Re: الالوان ودلالتها في الامثال والتعابير السودانية (Re: ود الخليفه)
|
Quote: بمناسبة المرة المشاية دي ذكرتني احد كبارنا في الاسرة الذي كبر وخرف
|
يعني انا خرفت يا ود الخليفة ؟ سمح
الحالة انا كنت داير اجيب عنقريبي واتفن في البوست دا
ما تقول كمان عندي كترة امثلة في اللوان .. اللحمر بس سبعطاشر
.
.
ود اختي كلمني عشان امشي معاهو نختب ليهو بت صاحبي
قلت ليهو سمح آخد لي نومة في العصرية دي وبعد المغرب نتوكل نمشي
وبعد ما صحيت دخلت الحمام استحميت وطلعت في الصالة الف في العمة قدام المراية عشان تكون زابطة
زي عمة السيد الصادق .... باقي الناس الماشين ليهن جعاص
اها ود اختي طبعا اصلو ما نام جاني عيونو حمرررررر
علي وين يا خال
افوووووو نطيت ولا شنو
نطيت شنو يا خال ات قايل الساعة كم؟
الساعة تلاتة ونص صباحا يا خال
مافي مشكلة صباحاتو بيض يا خال
بس ما قال خرفت
قال خرف قال
| |
|
|
|
|
|
|
|
|
|
Re: الالوان ودلالتها في الامثال والتعابير السودانية (Re: ود الخليفه)
|
سلام يا ود الخليفة ولعلّك بخير،
ياخي ما دام في دكتور تصدّى للألوان ودلالاتها في الأمثال والتعابير السودانية ضمن بحث ماجستير في الترجمة فليته يتصدّى وينوّرنا (عبرك، طبعاً) بفرزٍ لألوان هذه الألوان فيما يلي العامية السودانية (لهجة هذه الأمثال والتعابير السودانية) لاسيّما فيما يخص ألوان الناس فالمعلوم أن الأزرق يعني الأسود (أو الأسمر؛ نقول في لساننا موية زرقاء مثلاً؛ وفي لسان العرب "... وحكى ابن الأَعرابي السُّمْرَةَ في الماء" وفيه أيضاً "السُّمْرَةُ: منزلة بين البياض والسواد، يكون ذلك في أَلوان الناس والإِبل وغير ذلك مما يقبلها". والأخضر يعني درجة من الأسمر قبل الأسود ومنه "الخضرة النايرة" ونزعم أن الأسمر حق لسان العرب لا وجود له في لساننا (اللهم إلا في غناء المغنّين من وردي إلى مصطفى سيد أحمد إلى أبو اللمين؛ حداسة منّهم ساي) فهو إمّا أصفراني أو (لاحقا) قمحي والأزرق عندنا (وعند المصريين، لدهشتي) لبني؛ والقصّة جايطة وعلى جوطتها فالألوان المستخدمة في عاميتنا تكاد تكون محصورة في الأبيض والأسود والأخضر والأزرق والأحمر...والأغبش (ههه) وحتى هذا الاستخدام تغلب عليه الكناية عن صفات أكثر من التعبير عن ألوان (هل أستطيع أن أقول محسوسة؟!).
على أي حال، إليك شوية أمثال وتعابير:
البيضا ما تكفّها؛ يقال لمن يرد لبناً قُدّم له.
راسو قُطنة؛ يقال لمن اشتعل رأسه شيباً.
عينك حمرا وشرارة؛ كناية عن الشجاعة (على ما أعتقد).
وشّو بِقى أحمر زي الفشفاش؛ كناية عن الغضب (على ما أعتقد).
الغُبُش أبّان مسوحاً موية؛ تعبيراً عن اللون الأبيض المُشرَب بشيء من رمادي ورمادك.
لو داير تظهر ألبس أصفر...وهذا قول قد لا يعتدُّ به في موضوع البحث فهو غير شامل إذ إنّه مديني(؟) ولعل البقرة الصفراء (في لساننا) هي الغبشاء ولعلّك تعلم أن تلك البقرة الصفراء الفاقع لونها بسورة البقرة إنّما هي سوداء شديدة السواد، والله أعلم.
قد أعود، فإلى اللقاء.
| |
|
|
|
|
|
|
|
|
|
Re: الالوان ودلالتها في الامثال والتعابير السودانية (Re: Elbagir Osman)
|
الاخوة الكرام عادل والباقر
السلام عليكم وشاكر لكم مداخلاتكم واضافاتكم وقطعا سيستفيد منها الدكتور ويبلغكم شكره وهو على اطلاع قطعا لهذا البوست
بالنسبة للون البقرة في القران فالمذكور هو اللون الاصفر ولا خلاف في ذلك وان كان المقصود اللون الاسود فقد ذكر مجازا في تشبيه
القلوب يوم تبيض وجوه وتسود وجوه
فدلالة اللون الاصفر هنا مقصودة وبغير تاويل
وقد تناقشت مع احد الاخوه وهو نائب اخصائي في العيون حول لون البقرة ووصفه بانه يسر الناظرين
والمعروف عندنا في الفيزياء ان التعبير عن الالوان يكون باطوالها الموجية
ومدى الضؤ المرئي من اطولها وهو اللون الاحمر الى ادناها اللون البنفسج
وعندما يسقط الضؤ على العين تحدث انكسارات حسب الطول الموجي ويقع تبعا لذلك خلف الشبكية او امامها ويحدث اجهاد في عضلات لعدسة العين
حتى يقع الضؤ في الشبكية تماما
اما الانكسار الذي يعانيه اللون الاصفر فيقع مباشرة في الشبكية ولا تبذل معه العدسة اي اجهاد
| |
|
|
|
|
|
|
| |
ود الخليفه
عبدالله ود البوش
omer osman
Elbagir Osman
Gaafar Ismail
معاوية المدير
فيس بوك
تويتر
انستقرام
يوتيوب
بنتيريست