رسالة هامة للسودانيين من/ محمد حسن عالم - فيديو .. بخصوص فيديو نافع

Quote: رساله للشعب السوداني البطل ؛؛ صباح الخير ياشباب يازينين ليكم التحيه والود ؛؛ حقيقه انا شاكر كل الوقفو معاي وشجعوني بالاتصال المباشر او برساله اوعبر الفيس اوعن طريق التعليق علي الفيديو في المنتديات ؛ بالجد انا عاجز عن شكركم ؛ ووالله وقفتكم جنبي دي تاج علي راسي واكيد حتكون لي دفعه لي قدام ودافع لمزيد من النضال بجانب كل الشعب السوداني صفا واحدا من اجل اسقاط نظام الجوع والفقر والمرض ؛؛اخيرا انا شايف انو في بعض الناس بقولو الزول ده في السجن وله بكون اتقتل ؛ عايز اطمئنكم واقول ليكم انا نصييييح وماعندي اي عوجه ؛ لأنو اكيد زول وراهو ناس زيكم مافي زول بقدر يمس شعره منو؛؛ وتقبلو خالص تقديري وودي ؛؛ محمد محمد حسن عالم شريف (بوشي)

Quote: محمد حسن عالم شريف , يا هذا الهمام .. صوت المقهورين , محمد حسن عالم شريف , يا هذا الهمام صوت من ليس لهم منبر صوت المغبونين صوت الشباب صوت دارفور صوت جبال النوبه صوت الجنوب صوت البجه صوت كجبار صوت الشعب تفج الدنيا ياما وتطلع من زحامها زي بدر التمام هذا الشبل منا من ارض الحضارات والبسالات ,,,, من دلقو .... حاضرة المحس كانت يومآ ما ملء العين بزرعها وضرعها وناسها شامخه كجبالها معطاءه كارضها ونخيلها .. حتي نفث فيها افاعي السحت (الانقاذ) سمومها فتورم النسيج الاجتماعي ومات الزرع وجف الضرع ولم يعد الحاج محمد سعيد الدسوقي يستورد الشاي من يلاد السند والهند تلغرافيا من بوستة دلقو المجاوره لدكانه .. بعد ثورة اللواء الابيض 1924 والذي كان احد ابطالها البطل سيد فرح ,, والذي اختفي بعد استشهاد عبد الفضيل الماظ خلف مدفعه ضرب الانجليز حصارا علي كل المخارج والمداخل واعلنوا جائزه ضخمه لمن يلقي القبض غليه ..\ واحالوا منطقة دلقو الي قاعده عسكريه بحثا عن البطل سيد فرح ,, فاذاقوا اهلها مر العذاب ,, وضربوا عليها كل انواع الحصار اقتصادي , ونفسي .. ومنع ابناءها من التعليم باغلاق مدرسة دلقو الابتدائيه من 1924 -حتي تم اعادة فتحها 1937 حتي لا تنبت الارض ثائرآ آخرآ ,,, ثم جاء التتار ناس نافع وجماعته ليقضوا علي ما تبقي فتم نقل معظم المنشاءات والمؤسسات الحكومبه الي محلية البركه استعدادآ لتشريد مهجري كجبار في الصحراء الكبري علي درب الاربعين وما سيرة المناصير ييعيده , فاحالوا دلقو الي مدينة اطلال حكم عليها شباطين الانقاذ نافع وزمرته بالتهميش المركب ليخرج لنا هذا المارد الاتي من رحم هذا الشعب الذي اخرسه الغبن والقهر ,, التحيه والتجله لكل من صاح في وجه الظلم لا لا شكرا محمد حسن عالم

Quote: عقب مهزلة نافع ،،محمد حسن عالم يتحدث : لا يشرفنا ان ننوم في بيوتنا والنظام يسقط بأخطائه ،، المفروض يكون لنا الشرف في اسقاطه.. من أكثر المدافعين عن النظام قال لي: بلا سير سير يالبشير بلا كلام فارغ. - شاهد الفيديو - تحدث المهندس محمد حسن عقب فرصة النقاش مع د.نافع : " عبد الرحيم حمدي لا يفهم انه غلط وقدم مخطط سنار دنقلا الابيض قائلا لماذا نعتمد وندعم قطاع انتاج لا ينتمي ولا يدين لنا بالولاء وعليه تم تدمير كل وسائل الانتاج،الى ان وصلنا الى استيراد " النبق "

Quote: رجل محفز لقيام ثورة ان كنا حقيقة نريد ان نثور! ما قصرت يا خوى رضيت ام ابيت انت دخلت التاريخ توشك من اوسع الابواب, محمد ابو عزيزى وغيرهم من شباب الربيع العربى لم يفعلوا ربع ما فعلت, و لكن تقول شنو بس دولاك لهم شعب يحترم قضيته و يحترم الناس البتتصدى لها فانطلقت الثورات

Quote: محمد زكريا up

(عدل بواسطة احمد محمد بشير on 12-19-2011, 02:12 PM)

Quote: شكرا بوشى ومزيدا من الصمود

Quote: ؛؛اخيرا انا شايف انو في بعض الناس بقولو الزول ده في السجن وله بكون اتقتل ؛ عايز اطمئنكم واقول ليكم انا نصييييح وماعندي اي عوجه

Quote: اليكم هذا الفيديو من صفحة المناضل محمد