Quote: تصاعد الخلافات داخل المؤتمر الوطني بجنوب كردفان حوازم مقدم
اشتدت حدة خلافات المؤتمر الوطني بجنوب كردفان وتبادل علي إثرها قيادات الوطني الاتهامات فيما بينهم مما أدى إلى تقديم أحد القيادات النافذه استقالته أمس من اللجنة المكونة لأبناء جبال النوبة داخل الوطني بالمركز العام (اللجنة السياسية) وتواترت الأنباء عن تصاعد الأصوات المنادية بإقاله الوالي أحمد هارون من الولاية فوراً كونه ليس من أبناء جنوب كردفان واتهامه بإضعاف الحزب بالولاية فيما اتهم تيار آخر موالٍ لأحمد هارون اللجنة السياسية التي يرأسها رئيس لجنة الأمن والدفاع بالبرلمان محمد مركزو كوكو بتكريس العنصريه وإقصاء معظم قيادات النوبة لصالح قلة منهم، ووصف مراد بلة مسؤول الإعلام باللجنة تياراً مكوناً من مركزو وأربعة أشخاص آخرين بالعمل على تهميشهم وبشكل عنصري داخل اللجنة واتهمهم بالإساءة للتنظيم وإثارة المشاكل وتحويل مشاكل الحزب إلى أزمة يصعب حلها والحياد عن أهداف الحزب على حد زعمه، وقال إن خلافات مركزو الأخيرة مع هارون ادت إلى اتخاذه خطوة العمل ضد الحزب والتحريض ضد الوالي، مؤكداً تقديمه استقالته من لجنة أبناء النوبة امس. ومن جهته وصف أمين التعبئة بالوطني بجنوب كردفان خليفة إبراهيم التيار المعارض لهارون بالطابور الخامس وأصحاب أجندة خفية تعمل ضد وحدة الصف وأسماهم بالأنانيين ومحبي النفس والذات. فيما أكدت مصادر للصحيفة علي مضي التيار المناهض لهارون في رفع مذكرته لإقاله هارون من منصبه كوالي وتأتي هذه الخلافات بعد تزكية أحمد هارون لوزيري الدولة بوزاره السياحة والتربية والتعليم.
12-16-2011, 10:54 PM
Kabar
Kabar
تاريخ التسجيل: 11-26-2002
مجموع المشاركات: 18537
ناس جنوب كردفان..وصفة الطابور الخامس تعني عندهم الكثير.. و الموصوف بالطابور الخامس هو اخونا محمد مركزو (الكان بيحلف بايمانو انو نصاب الإبادة في جنوب كردفان ناقص)..!
و هذا يؤكد ما كنا نقوله لمركزو و دانيال كودي... و غيرهم.. بانهم لو فعلوا ما فعلوا..سيظلون في وجهة نظر الأخر الذي يستخدمهم مجرد طابور خامس و يتعامل معهم بريبة..!
يا دانيال كودي مش يغشوك يقولوا ليك سجلنا ليك حزبك..و هاك عربية و مخصصات.. يومك التختلف معاهم و تقول البغلة في الإبريق ح تطلع فتوى ضدك بأنك طابرو خامس..و متمرد..و حاجات كتيرة تانية..
كبر
12-16-2011, 11:01 PM
Kabar
Kabar
تاريخ التسجيل: 11-26-2002
مجموع المشاركات: 18537
ما حدث أن اهل الولاية تضجروا كثيرا من سياسات مجرم الحرب احمد هرون..و المواجهة بقت تتجه نحو ناس المؤتمر الوطني..و قال ليهم لو بتشتغلوا بالمؤسسية و الشورى زولكم ده ما دايرينو..! البعض قالها صراحة أن احمد هرون و عبد العزيز الحلو سبب الأزمة و يجب أن يستريحوا شوية.. و البعض التاني.. كان مصدق برنامج المؤتمر الوطني بتاع رجوع ولاية غرب كردفان..اها المؤتمر الوطني بدل ما يرجع الولاية قام سوا الحرب..و قال لناس الولاية المؤودة تعالوا داوسوا لي الحركة الشعبية..اها الجماعة قال ليه (يا حلاوة لقلق.. ادينا ولايتنا و بعدين تعال اطلب مساعدتنا)..!! لكن الأخطر ما في الأمر .. أنو هرون شغال زي شغل قدوتو و ريئسو عمر البشير.. جايب اهلو و طالقهم في الولاية يمين و شمال..يعني بيقول للناس تعالوا نداوس الحركة الشعبية..و جايبو نسيبو قايد الفرقة اربعطاشر للولاية.. اها الناس هناك عرفت الموضوع ما موضوع سودان و شعب سوداني..و انما هرون داير يستغل الناس عشان اهلو يستفيدوا..!!
المؤتمر الوطني في جنوب كردفان فيهو ناس من اهل المنطقة ممكن يجيبوا السلام و يخلقوا الوئام بين شعوب الولاية..و هذا يعطله وجود الطابور الخامس امثال هرون و مركزو و دانيال كودي..! كبر
تحياتي - يا أخي الجماعة ديل براهم بقو الحكومة والمعارضة في كردفان وبدأ كل فريق يصطاد في مياه الثاني وبكافة الوسائل لدرجة الفقراء ( الفكي ) الجماعة ديل وصلوا بالقضية على حساب قضايا كردفان الحيوية . ولن نذهب بعيدأً في قضية ترشيح دكتور فيصل حسن إبراهيم وكيف فاز في الكلية الإنتخابية للمؤتمر الوطني وتدخلت مراكز كبيرة في الخرطوم لتميل الكفة للوالي الحالي معتصم ميرغني ثم جاءت تداعيات ذلك وجاطت الحكاية حتى هذه اللحظة.!!! ولذلك ليس مستغرباً أن يتهم بعضهم البعض بالطابور الخامس وممكن بعد شوية الذهاب أبعد من كده لقصة إنتماءهم للحركة الشعبية جناح الحلو ذاتو !!!!!! هل تصدق بأن هناك ناس مؤتمر وطني في ولاية شمال كردفان أعلنوا للملأ إنضماهم للمؤتمر بعد الإنفصال . لكن بعد ما إندلعت أحداث جنوب كردفان تم إستدعاءهم من قبل جهاز الأمن وتم التحقيق معهم . وهم ذاتهم ما عرافين أي حاجة . يعني كانوا منتسبيين فقط لحركة الشعبية قبل الإنفصال وإلتحاقهم بالمؤتمر الوطني!!
بحيراوي
12-17-2011, 11:52 AM
Kabar
Kabar
تاريخ التسجيل: 11-26-2002
مجموع المشاركات: 18537
صديقي صهيب..حبابك يا ول ابا.. كتر خيرك على المرور من هنا.. فعلا ما ذكرت له اثره.. خصوصا حكاية ترشيح هارون لبعض وزراء الدولة.. لكن المشكلة الأساسية ضغط هرون على البعض ليخوض حروب وكالة نيابة عن الخرتوم..و هذا البعض وعى الدرس تماما..و حلف يمين ما يدخل طرف في حرب ما ليها فهم تب..!! هرون استنفد اغراضه في جنوب كردفان..حرب و شارك فيها.. جرائم تطهير عرقي..و شارك فيها..تاني الباقي شنو؟ هرون عارف..و نحن ناس الولاية عارفين.. انو الرجل جابوهو الولاية لأنو خايفين منو شديد (طبعا ممكن يكون شاهد ملك قدام المحكمة الجنائية الدولية)..عشان كده لسع فاكر عندو سنون يعضي بيها ناس الخرتوم..و لكنه سوف يرمى كما رمي العظم..!! طبعا اخر حركات ناس الخرتوم في سبيل تخلصهم من هرون.. حكايات الكماين و الإغتيالات التي فشلت..و سواء شاء أم ابى فهذا هو المصير الذي ينتظره..!! الإعتقالات التي حدثت بين المسيرية بسبب رفضهم المشاركة في الحرب لها اثرها..و اذا هرون مصر على هذا النهج.. ح يبقى ليهو بمبي عى قول الحكامة..!!
كبر
12-17-2011, 11:57 AM
Kabar
Kabar
تاريخ التسجيل: 11-26-2002
مجموع المشاركات: 18537
البحيراوي..حبابك يا صديقي العزيز كتر خيرك على المرور من هنا.. يا اخوى القصة واضحة للغاية.. أي زول من كردفان أو دارفور في المؤتمر الوطني (حتى لو كان نائب رئيس جمهورية)..هو طابور خامس الى ان ثبت العكس..! و اهلنا ديل اسكرتهم خمر السلطة..و ما تجود به الخرتوم من فتات موائد اللئام..كلهم يا البحيراوي لا في العير ولا في النفير..فسية ديك ساكت.!! لا خير يا صديقي في دولة العنصرية.. و الإستعلاء.. التي تجعل من مواطنيها درجة تانية و تالتة حتى..!
كبر
12-17-2011, 06:21 PM
البحيراوي
البحيراوي
تاريخ التسجيل: 08-17-2002
مجموع المشاركات: 5763
Quote: يا اخوى القصة واضحة للغاية.. أي زول من كردفان أو دارفور في المؤتمر الوطني (حتى لو كان نائب رئيس جمهورية)..هو طابور خامس الى ان ثبت العكس..! و اهلنا ديل اسكرتهم خمر السلطة..و ما تجود به الخرتوم من فتات موائد اللئام..كلهم يا البحيراوي لا في العير ولا في النفير..فسية ديك ساكت.!! لا خير يا صديقي في دولة العنصرية.. و الإستعلاء.. التي تجعل من مواطنيها درجة تانية و تالتة حتى..!
تحياتي يا صديق
يا أخي جماعتنا ديل سكرتهم دي سكرة بالشم ساكت حيث تسمح لهم مسك القرون بدقة عالية ولعلك تابعت كافة متابعات أجهزتنا الإعلامية لحدث سوداني يخص سيادة الدولة وسلطانها طوالي يطلعوا ليك ولاية جنوب دار فور ولا جنوب كردفان ويعملوا ليك الناس دي هناك مع الدولة مية المية وكأن السودان هو غرب السودان . لكن حين تبرد ويحين أوان إلتهامها ما تلقى ليك زول من هؤلاء
بحيراوي
12-17-2011, 07:18 PM
البحيراوي
البحيراوي
تاريخ التسجيل: 08-17-2002
مجموع المشاركات: 5763
قبل قليل إستضاف تلفزيون الشروق في نشرة التاسعة مساء بتوقيت السودان وفق الوصف الذي أطلقة المزيع / الصحفي والمحلل السياسي يوف عبد المنان . ومن خلال حديثة أثبت أن هناك خلاف في داخل بيت المؤتمر الوطني بجنوب كردفان بل ذهب قريب من قضية الطابور الخامس دي حين ذكر بأن الوالي حالياً في صندوق المعركة بينما هناك آخرون يوجهون بنادقهم في الإتجاه الخطأ . وقال أن هؤلاء محتجون لعدم تمكينهم من السلطة بالخرطوم فما هي علاقة الخرطوم بجنوب كردفان في قضية سلطة مركزية يا حاج يوسف . لكن يبدو أن هناك قربة مليانة مويه في خشم الزول دا .!!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة