|
|
|
 Re: لا لعودة الامنجي امين محمد سليمان (Re: Yassir Tayfour)
|
Quote:
امك لمن تقول ليك ات ما جناي عايزة تأكد انك جناها
|
يا ود البوش ما تتصلح معانا ياخ
بس انا ما ام الاصلع دا لكن!
انا ام اربعة و اربعين
------
بالمناسبة اي زول يقول رايو الحقيقي
المسألة ديموغراطية ؤ كدا
المافي شنو!؟
اها المع و الضد يعترف
يا معانا يا مع الخيانة عاد ..
لا توجد منطقتن وسطى ما بين الجنة و النار
| |
 
|
|
|
|
|
|
|
 Re: لا لعودة الامنجي امين محمد سليمان (Re: وليد التلب)
|
Quote:
لا لا لا ......... |
دا الشغل ..
(رفض) بالطريقة الصاح قليك
هاك اللاءات التلاتة دي يا بروف
-------
اكتر حتة عاجبــاني في اغنية " لو قايلة ريدتنا زي مهند و نور "
لمن يقول ليها : هسي يا مزة، انت بتشبهي نور!؟
الشيالة -شيالين الحال - من وراء الاستاذ المغني يرددوا :
لا لا لا
| |
|
|
|
|
|
|
|
|
 Re: لا لعودة الامنجي امين محمد سليمان (Re: قيقراوي)
|
Quote: قبل يومين صاحبك رسلت ليو بوست عشان يعلقو ..
رد لي بي رابط بوست معلق في نفس الموضوع
فتامل!! |
جنس شلاقه......!
برضو صوحيبك ده......
ما مجمع اصلو ..
يكون بوست نعي يكتب الف مبرووك وهلم جرا...!!
الفي شنو....!!
| |
|
|
|
|
|
|
|
|
Re: لا لعودة الامنجي امين محمد سليمان (Re: أيزابيلا)
|
قيقا بايت ..... القوى
بطل محاولاتك الرخيصة للنيل من علماءنا وال أكيد بروف أمين على ام رأسهم
تقول لى أمنجى ؟ شوف العلم دة
معليش يا بروف للصور
لكن فى سبيل كلمة حق لازم امرقها والقمم مستهدفة دايما .. احتسب بس
وبالنسبة لبوست قيقا البايت القوا شديييد دة زى ما قال المثل (سفيه نبذ الباشا )
أو .. ال###### ينبح .. زى الشرا فى القندول
والكلام دة لعناية ياسر طيفور فى الحر دة
تستهدفوا العلماء السامقين
من أنتم ؟؟؟
| |
|
|
|
|
|
|
|
|
|
Re: لا لعودة الامنجي امين محمد سليمان (Re: doma)
|
شكراً ماما دوما على الاختلاف
Quote:
ليته كان امنجيا
لتتشرف به هذه المهنه
في بلادنا حيث من مؤهلاتها
كل ما ينتفي في شخص
بروف امين الامين .
|
13/2
------
ماشين في السكة نعد
اتنين بس في كل البورد دا!؟
يا شماتة حمور فيك يا بروف
| |
|
|
|
|
|
|
|
|
|
Re: لا لعودة الامنجي امين محمد سليمان (Re: سمير شيخ ادريس)
|
سمير شيخ ادريس المحامي عن أمين
قضيتك خاسرة تماماً
الزول دا موضوعو مستحمي
Quote:
قيقا بايت ..... القوى
بطل محاولاتك الرخيصة للنيل من علماءنا وال أكيد بروف أمين على ام رأسهم
تقول لى أم
نجى ؟ شوف العلم دة |
و هل العلم نقيض الامن!؟
هو عالم ما قلنا شي ..
عالم أمن لكن
المافي شنو!؟
حصل يوم واااحد وراكم البي اتش دي بتاعتو دي ياتو مجال!؟
بعدين شغل انو بهزر في الموضوع دا .. دي انا ما بتنطلي علي
عندو دكتوراة في الامن .. و دي حركاتم ذااااتا
قايلنا ما ناقشنهم انا و جادات و لّ كيف!؟
حركات ذر الرماد في العيون دي بدرسوهم ليها قبل التغويص ذاتو ياخ!
-------
اما في مسألة السغافة فدي حظو فيها مثل حظه في الشعر معاي فيها ..
قول ليو كدي اسأل كافكا همسلف منو القال ليو اكتب الكتاب القاشر بيو البروف دا!؟
| |
|
|
|
|
|
|
|
|
|
Re: لا لعودة الامنجي امين محمد سليمان (Re: قيقراوي)
|
قيقا ... بايت .. ومقيل كمان
طبعا العلم نقيض الأمن .. ألم تسمع أحمد مطر وهو يصف جهل الامنجية وتضادهم مع العلم فقال :
( والغريب أنك تجد المخبر السرى فى كل دول العالم (سريا) الا فى اوطاننا العربية فهو (علنى )
يجلس فى المقهى منتصف الليل واضعا على عينيه نظارة شمسية سوداء ومخفيا وجهه فى (الجريدة)
وهكذا تجده على هذا الحال كل يوم فتقتنع تماما بأنه لا يقرأ الجريدة فلو قرأ كل مخبر سرى كل هذا الكم
الهائل من الصحف أثناء فترة خدمته لكان قد شبع ثقافة ووعيا ثم استحى وقدم استقالته فورا ..
يضع السيجارة بين شفتيه ويأتى ليسألك بكبرياء :عندك (ولعة ) ولأنك مهموم وحزين أبدا تقول له :
عندى ( لوعة ) .. وحينها يهب لتأدية واجبه الرسمى ويقبض عليك بتهمة شتم الحكومة ..
وعندما تتشاطر وتسأله بأى تهمة تقبض على يبتسم ابتسامة صفراء ويقول : شرطى سرى ...
..
منهى السرية
..
بعدين يا قيقا تقزم قامتك الفكرية قدام البروف هو سبب جلطاتك وفاضح جهلك لأنه الكتاب الشايلو البروف
فى الصورة اعلاه لمن غلبك تقرا اسم الكاتب لصقت فى كافكا .. ياخى كافكا دة العنوان ما المؤلف
..
اها بعد جهلك دة افتكر انك محتاج تقرا وممكن تخلى ابو تفة يحجز ليك فى الكنبة الاولى جنبو
فى فصل د.المكاشفى شيخو .. اها المكاشفى دة عالم وهل عندك شك ؟ اسال ابتفة لمن اتطاول عليه
قبل كدة قام فضحو وطلعوا أجهل الجهاليل ومن يومها بقى حوار للمكاشفى بدليل تأدبو فى مخاطبته
..
ياسر طيفور
هسة اخير ليك مباراة العلماء أمثال البروف وتشيل من كتبو الكتيرة دى ولا تشيل ابريق المكاشفى
مدد يا مكاشفى
مشتاقين أطنان والله يا ياسر
..
بالمناسبة يا قيقا مؤلف الكتاب اسمه ( هاروكى موراكامى ) غلبك تكتبو مسكت فى كافكا ابو خمسة حروف
| |
|
|
|
|
|
|
|
|
|
Re: لا لعودة الامنجي امين محمد سليمان (Re: سمير شيخ ادريس)
|
سميري العزيز
وأيم الله ليك وحشة كبيرة
أما في ما يختصّ بأمر المكتوب عنه، فهو شهراً ما عندي فيهو نفقة ولا بتجيني منو فاتورة، وأنا أصلاً عودي فيه عود مره ؛) والحمد لله؛ والكتب يا سميري تُحمّل على الدوالي والدواب ، بغير حساب، والدوالي جمع دالي، والكلمة إنقليزية، ولا تعرف الدوالي والدواب ماذا يحملن ولماذا، ولا حتى يعرفنّ قول الحق: ربنا لا تحملنا ... إلخ؛ وفي أحسّن الأحوال يا سميرى، نملة أو عنكبوت إتخذت من بين الكتب بيتا، أفلا تنظرون؟ ؛)
___
وفي الختام يا سميري، لو حرقنا جميع الكتب المحمولة عليه "كبخره"، وبخرناه بها، أو بللناها بالماء وسقيناهه عصارة حبرها " كمحاية"، وأتينا بشيخي المكاشفي ليشرف على عمليتي "التبخير" و"الشراب"، لما لما حفِظ منها غير عناوينها..
| |
|
|
|
|
|
|
|
|
|
Re: لا لعودة الامنجي امين محمد سليمان (Re: أيزابيلا)
|
ازا بلها و شرب ميطها
ازيك ياخ!
| Quote: ولا ضير لو اخطأ في ضربة البداية وكدة |
لا ضير كيف اذا كان داخل من باب الخروج!؟
تنكب جادة الحق و العدل و الصواب
ختا الدرب كلو كلو ..
مافي زول هنا غير امين دا افسد اخلاقي المنبرية .. و خرب لي علاقتي (المميزة) مع ابصلعة (تقدس سره)
ياخ كنت مواطن اسفيري صااالح .. ماشي جمب حيطة المنبر العام دا سااي
نهتف بحياة الريس و اردد المواصلات فاضية و الرغيفة كبيييرة (ما زي تخرصات المهندس عالم "قدر الاضان")
اها جا اقنعني بالانحراف انو نبقى (معارضين) و لاحقاً بقينا معارضين المعارضين ذاااتم ..
المافي شنو!؟
-------
و الله يا هيثم اول مرة انتبه انك جديد ..
لو ختيت درب الاصلع دا ما بتجيك عوجة ..
افتح بوست كفر فيهو .. و انفي انك الكاتب البوست في صدر البوست دا ..
دا مستند ولي مزور بدينك بعدين!
| |
|
|
|
|
|
|
|
|
|
Re: لا لعودة الامنجي امين محمد سليمان (Re: عاطف عمر)
|
Quote:
بختك يا قيقا
تكرم البروف بالرد في بوستك هذا ( حصرياً )
أوووووع تجي تقول لى مافي علاقة بين البوستين
|
في علاقة بين البوستين ..
هي لكين تعيين الوزارة و ابو عشرين وااااحد يا سعادتك!؟
--------
* يحكى انو واحد متعلم و ما لقى شغل، قريبو في وزارة الزراعة جاب ليو تعيين (كاتب) في احدى صغار مكاتب مشروع الجزيرة
ذات مرة من المرارير، و هي كثيرة، و كذا المرارات، المفتش قرّظ تقريرو بانو على طول الخط ما لقى زيو
فاطلق صاحبنا عبارته الشهيرة التي سارت بها ركبان عربان الجزيرة، و الماشين كداري ذاتو!
فااا شنو!؟
تيك ات ايزي
شن جاب لجاب!؟
| |
|
|
|
|
|
|
|
|
|
Re: لا لعودة الامنجي امين محمد سليمان (Re: قيقراوي)
|
ابتفة الصابئ
Quote:
وفي الختام يا سميري، لو حرقنا جميع الكتب المحمولة عليه "كبخره"، وبخرناه بها، أو بللناها بالماء وسقيناهه عصارة حبرها " كمحاية"، وأتينا بشيخي المكاشفي ليشرف على عمليتي "التبخير" و"الشراب"، لما لما حفِظ منها غير عناوينها..
|
غراق الذمة دا ما بتخلوهو كلو كلو .. عشان صاحبك يعني!؟
حفظ شنو مع الزهايمر كمان!؟
قول لمن يجي يقرأ بتقع الكتب، فتنطبع عناوينها ساي، على وجهه الاصلع ياخي ..
كنكوجو الاصلع دا مافيو (ذاكرة) واحد قيقا ياخ!!
-------
نديك بريف يا بروف .. حاكم انت طولت ..
و الجسر الاصفر دا جرت مياه كثيرة من تحته ..
بقلم اساسي الذي خبا بريق كتاباته - و العهدة على ملاسي- بعد ان عرف القراء ان اسمه الحقيقي هو (السماني):
Quote:
اووووووو يا عمك مشتاقين وكدا
بالنسبة : وكيف حال الأوس والخزرج؟*
الحال علي ما و عليه الا بعض التغيرات الطفيفة التي لا تذكر سوي :
* تراجي بقيت مع مناوي في سرج واحد
* محسن خالد طلع اشتر في اللبس يعني فصاحة منابر ساكت
* ملاسي بقت بوستاته في الشراريب وانت طالع ^_^
* تمبس نزل ليهو صورة غريبة في بروفايله تقريبا مشي اكل سمك واتمسح بزيت الصاج كله واتصور
* عمر الفاروغ الحال علي ما هو عليه ما يزال يكتب ويتحري الكتابة في الدلاليك والغنايات الهابطات
*احمد التجاني الليلة عامل عيد ميلاده في سابقة عجيبة متجاهلا الصلعة وضاربا بها عرض الحنكشة
*خدر الفنان فقد البوصلة وبقي ما عارف يكتب في شنو
* محمد حيدر المشرف بدا في لبس قفطاان " كمال عباس" وبدأ في فرض الوصايا علي العالمين والخلق بكل برود مسببا مزيجا عجيبا من الرتابة والملل
* محمد البشرى خضر ما يزال يمارس الفزلكة وقلة الشغلة والمشاط
* دينا خالد بقت تطلع في التلفزيونات
* كبر اعتزل السياسة وبقي متابع عمر الفاروق في دلاليكه بس بدا من الاول خالص
*صديق الموج بقي نسخة سيئة الصنع من معاوية الصايم وفي الحالتين ود الباوقة ضايع ^_^
* ابتفة صبأ وباع القضية وبقي زيك واحد ماشي بلا مبدا ولا قيم ولا فكر ولا اخلاق ^_^
* امنة مختار سيصل بها الامر الي زراعة الجرجير والخدرة والسلج هذا في حال ما لم تقم لحزب الخضر قائمة
* عمر عثمان البوليص زعلان من صبأة ابتفة وفكة زعلتو في اليسار حيطو القصيرة
*عادل ابو الحسين بالانجلزي بقي يكتب البوست ويشيلو براهو مافي متداخلين غيره ^_^
* زهير عثمان لو شارب " نضيف" بيكتب في السياسة ولو تاميها من تام زينو تلقاهو يجدع في الشواكيش
* شباب من اجل التغير و بيت الفنون و مركز الخاتم عدلان بوستاتهم بقت ما بتتفرز من بوستات هشام هباني
* اخوك اساسي اسطورته انهارت لدرجة انه الشاعر صديق مهدي ما تعرف مين بقي يتجرأ عادي ويرشني
* اسامة الخواض بعد ان كان بيكتب عن خمر البارات رجع يكتب في المريسة والعسلية
* العوض المسلمي من اخد القيد الصحفي بقي ماخد البورد بجدية
* صلاح البندر فكا اخره وقال عازم اي زول بيجي لنضن سمك مع ملاحظة انه اشار الي هواية غريبة يتبناها
ملحوظة : الشاعر صديق مين ما تعرف من يوم اتجرأ علي اخوك لا هو لا البوست ما شفناهم في البورد ^_^
|
و كان السؤال من حمودي العسل : Re: وكيف حال الأوس والخزرج؟
لاحظ للشكل دا (^_^ ) .. ماشين في السكة نمد لجهة اننا ندخل دول مجلس التعاون الخليجي
| |
|
|
|
|
|
|
|
|
|
Re: لا لعودة الامنجي امين محمد سليمان (Re: Magdi Ahmed Elsheikh)
|
Quote:
مامكن يا ابصلعه كره وخرف مرة واحده كده...!!.....!!!
|
معليش يا د. مجدي يا صديقي الاصلع ..
و لا تزعل نفسك!
دي ضريبة المسئولية و امانة الكلمة
الزول يتحمل ما دام تصدى للمسئولية الجسيمة دي
-----
اسي البروف دا عندو من اسمو شنو!؟
لما جينا الدعوسية دي -رعاة- معاي صحبي شين زيو كدا
كنا مسغفين شديد، ما بنفوت جريدة كلو كلو ..
و نتبادل المعلومات السغافية بخصوص اعلانات الوظائف (همنا و مبلغ ثقافتنا)
مرة جاني ليك مستعج لافح ليو اعلان (وظيفة) المواصفات كالاتي:
- اجادة اللغة الانجليزية مخاطبتن و كتابتن! (بيييش)
- بيش
- بيش
-بيش
- حسن المظهر
- الامانة
احبطو ليك:
اها جاي جاري كدي اسي في الاعلان دا كلو غير (الامانة) عندك شنو من الصفات دي!؟
| |
|
|
|
|
|
|
|
|
 Re: لا لعودة الامنجي امين محمد سليمان (Re: قيقراوي)
|
دكتور مجدي
ود البوش
عمار ود الخليفة
دكتورة شذى
خالتو دوما
فدياس و الازميل
عم جعفر
عاطف حبيبنا
خالد العطا
و كل من سال عنا أو تكبد مشاق الأتصال أو (أبرق معزيا ) :  ...
و لقيقا و أبتفه (الهايبر) و سمير الخاين و وليد التلب و لكل الحاقدين و الحاقدات ، الأحياء منهم و الأموات ها أنا أعود (مثلما قال أمل) :
كعنقاء أحرقت ريشها
لتظل الحقيقة أبهى..
وترجع حلتها - في سناء الشمس - أزهى
وتفرد أجنحة الغد..
فوق مدائن تنهض من ذكريات الخراب !!
| |
|
|
|
|
|
|
|
|
|
Re: لا لعودة الامنجي امين محمد سليمان (Re: Magdi Ahmed Elsheikh)
|
كتبت موضوع و قلته أخليهو لحدى ما البروف يجى و يتوهط فى المنبر..
العنوان: هل فشلت جرعات (البرفآمين)..Prof.Amin.. فى مواجهة ( التقعر الحداثوى المزمن).
جاء فيه:
من وحى المتابعة اللصيقة (لغضبة الرعاع)، و التى حشدت فيها الطاقات للتصدى ( لزهايمر النصوص) المزمن؛ و الذى تفشى بصورة و بائية فى
المنابر "المجاورة". و أصبحت كائناته الدقيقة تناوش هذه "القلعة الغير حصينة" و تمارس الاستعلاء اللا أدبى، بصورة تكتيكية على الأمصال الوقائية
البالية" الذائقة المضطربة" و تهدد أعضاء الجسد المتحور " كوطن للجميع". ينظر الجميع للقاح البروفأمين(Prof.Amin) لهزيمة "التقعر الحداثوى المزمن"
و استئصال زهايمر النصوص، بعد تعرية كائناته الدقيقة و فضح الخواء الفكرى و اللغوى، من ثم تحطيم بنية نصوصها القصفة..
المـهم الموضوع طويل، حينزل فى الربع القادم إحتفاءً بالبرف. عله يجد لنا حلاً ناجعاً.
| |
|
|
|
|
|
|
|
|
|
Re: لا لعودة الامنجي امين محمد سليمان (Re: Magdi Ahmed Elsheikh)
|
تلك امانيكم يا د.مجدي
تلقوها عند الغافل .. بتعرف دربو!؟
اتلبستني روح كديسة الميز* .. فعّن لي ارجع اتم الطين الخمجتو دا :
Quote:
يا سميري الشتلوك في ضميري وييييين سميري
ياخ في فرق بين الضد و النقيض
الضدين بجتمعوا - و العهدة على ماركس و ابو داؤد* وابن حزم الاندلسي -لكن النقيضين .. ابداً ما بجتمعوا
الامن نقيضو الاخلاق .. ديل الما بتلمن .. واحدة بترفع التانية
لكن الامن و العلم بتلمو تب .. البروف نموذجن
* مش هو الغنا : الليل و القمرا ضدين و اجتمعوا !؟
|
كدي باللول نجيب العدة ..
كتب سمير شيخ ادريس المحامي و موثق العقود
Quote:
طبعا العلم نقيض الأمن .. ألم تسمع أحمد مطر وهو يصف جهل الامنجية وتضادهم مع العلم فقال :
( والغريب أنك تجد المخبر السرى فى كل دول العالم (سريا) الا فى اوطاننا العربية فهو (علنى )
يجلس فى المقهى منتصف الليل واضعا على عينيه نظارة شمسية سوداء ومخفيا وجهه فى (الجريدة)
وهكذا تجده على هذا الحال كل يوم فتقتنع تماما بأنه لا يقرأ الجريدة فلو قرأ كل مخبر سرى كل هذا الكم
الهائل من الصحف أثناء فترة خدمته لكان قد شبع ثقافة ووعيا ثم استحى وقدم استقالته فورا ..
يضع السيجارة بين شفتيه ويأتى ليسألك بكبرياء :عندك (ولعة ) ولأنك مهموم وحزين أبدا تقول له :
عندى ( لوعة ) .. وحينها يهب لتأدية واجبه الرسمى ويقبض عليك بتهمة شتم الحكومة ..
وعندما تتشاطر وتسأله بأى تهمة تقبض على يبتسم ابتسامة صفراء ويقول : شرطى سرى ...
..
منهى السرية
|
و ما قولك عن د. نافع علي نافع الاستاذ السابق بجامعة الخرطوم!؟
انا مصرّ انو الامنجية نقيضها الاخلاق .. و ضدها العلم
انت قايل بعذبوا الناس عشان هم ما عارفين مثلاً!؟
ابداً .. عارفين كلو شئ .. و قاااصدين
صديقنا علاء الدين شنكل، ايام الجامعة و عشية امتحانئذٍ .. و المادة اقتصاد
اقنعني ليك انو نمشي السينما .. و قد كان .. دبرنا نفسنا في حق التذاكر، و سندوتشين طعمية تليق..
و في المشوار قبل و بعد العرض اتكلنا على فضل الظهر، و اتباع (المسلمين) لسنة المصطفى (ص).
دا كلو لانو ماعندنا ملخصات نقرا منها ذاتو .. جينا بالليل حجزنا (فضل) مذكرات و نمنا نومة سيدنا عمر بعد ان حكمنا فعدلنا فامنا (الديسميسد، والربييت، السبستتيود ..اللخ) فنمنا .. المافي شنو ياخ!؟
قمنا من دغش فاطنة على ابوها محمد دقشنا حجر الدغش في طريقنا لقيفة النيل الازرق .. و ذاكرنا
بعد الامتحان اتلاقينا..
كيف؟ .. نيف!
قال لي: تعرف أي زول قادر يستوعب الصراع الاجتماعي بشكل جيد .. قادر يجتاز أي امتحان.
من وكتها و انا شاغل بالي الكلام دا ..
الكلام دا (اخلاقياً) ما صحيح .. او على وجه الدقة الـ(.) ما صحيحة ..
ما فائدة علم لا يتبعه عمل!؟
مفروض الزول ينحاز للطرف الصاح مش!؟
مش يستغل علمو دا لتكريس التناقض!
ناس الامن عارفين .. عارفين اي حاجة .. ودي المصيبة!!
انت قايلم بعملوا كدا عشان ما عارفين انو غلط، عيب، وحرام!؟
------
* كديسة الميز قدر ما يطردوها .. تجي راجعة تااااني
| |
|
|
|
|
|
|
|
|
|
Re: لا لعودة الامنجي امين محمد سليمان (Re: سفيان بشير نابرى)
|
Quote:
اجيك من الاخر بخصوص الووووب الفوق دا
دا اسطورة ثقافة وسط ساااااكت
|
لووووووووب
مازلنا في اول ساعات الربيع العربي ياخ!
-------
بالمناسبة انت يساري!؟
اما اذا دار محور سؤالكم عنا، فنحن و الحمد لله لعبت باك لفت طول عمري الكروي ..
حتى منتخب بزنس جامعة الخرطوم 1996م.
| |
|
|
|
|
|
|
|
|
|
Re: لا لعودة الامنجي امين محمد سليمان (Re: قيقراوي)
|
Quote:
بالمناسبة انت يساري!؟
اما اذا دار محور سؤالكم عنا، فنحن و الحمد لله لعبت باك لفت طول عمري الكروي ..
حتى منتخب بزنس جامعة الخرطوم 1996م. |
تعرف بشار الكتبي ولا عديته كلها باك لفت ؟
لووووووووووووب
بخصوص الكورة اوعه تسمع البجعجعو في المنبر ديل
لو الله قسم و اتلاقينا في ميدان بفهموا حاجة .
بخصوص الأمنجي
لامن يجي .. رأسو بلف من التغيرات الكونية الحصلت هنا دا
و بيني و بينك انا عاااااارفو هسي لافي ببرا و يقرأ سااااي
و بقول :-
يا للهوووول ... يا للهووووووول
| |
|
|
|
|
|
|
| |
قيقراوي
Magdi Ahmed Elsheikh
عبدالله ود البوش
ود الخليفه
Yassir Tayfour
وليد التلب
أيزابيلا
سمير شيخ ادريس
doma
فدياس نجم الدين
أمين محمد سليمان
سفيان بشير نابرى
Gaafar Ismail
عاطف عمر
Abuzar Omer
فيس بوك
تويتر
انستقرام
يوتيوب
بنتيريست