|
|
 الحصة دي للكيزان ... ابعد يا مناضل ... The Feedback
|
في البدء يا كوز منك له، عاوزك تصفى لي ذهنك
تصفية الذهن دي ما حاجة صعبة في حالتكم، هو بيت شعر واحد تعلموا ليهو مسح من ذاكرتكم
ولو تعذر عليكم، حاولوا افهموه صاح
بيت القصيد بقول
سفينة الانقاذ سارت لا تبالي بالرياح
خلونا من الرياح، طالما هي سفينة فكان من باب اولى انو المعلمين الكبار ما يدقسوكم ومفروض ويقولوا ليكم اعملوا
حسابكم من السفينة تنقد بي تحت
|
|
 
|
|
|
|
|
|
|
|
Re: الحصة دي للكيزان ... ابعد يا مناضل ... The Feedback (Re: أحمد ابن عوف)
|
THE FEEDBACK
او بترجموها مرات بالتغذية المرتجعة وللا المرتدة ما عارف
خلوكم من المصطلحات وركزوا على الفكرة
الفكرة بتقول لمن تعمل ليك مصيبة او جليطة تجاه زول وللا ناس، بحصل رد فعل، دا ما عنده علاقة بقانون الفيزياء داك
دا عنده علاقة بالشرائع السماوية نفسها، بالمناسبة دي انتو كنتو بتدكو حصص الدين وللا شنو؟؟ حالتكم صعبة مع المادة دي
نرجع لموضوعنا
او قبل ما نرجع، نشرح ليكم ليه هي ما عندها علاقة بقانون الفيزياء بتاع لكل فعل رد فعل مساوي له في القوة ومعاكس له في الاتجاه
لان feedback في حالة التعمل بين حكومة وجماهير، او رد الفعل، ما بالضرورة يكون بنفس القوة او الاتجاه
اها، بي كده بنكون يا اولاد قطعنا نص المشوار في درسنا
| |
|
|
|
|
|
|
|
|
|
Re: الحصة دي للكيزان ... ابعد يا مناضل ... The Feedback (Re: عمر صديق)
|
عمر صديق
تحياتي
ممكن يكون عندك حق انني ما استاذ، لكن كفرد من الشعب الفضل، في حاجة اسمها مدرسة الحياة
القصة ما ديرا بروفيسور عشان الزول يقرر يطلع مظاهرة لو الحكومة رفعت سعر السكر مثلا
القصة ما دايرا دكتوراة عشان تقرر ترفع السلاح في وجه حكومة تقصف اهلك المسالمين بطائرات الانتنوف
بعدين ما قلت ليكم قادين دين
احنا بنتكلم عن قرارات حكومية تنظيمية سياسية اجرائية
الدخل قصة
ونعم بالله، ونسأل الله العلي القدير ان يجعل نهارنا وليلنا نورا برضو في السودان
لا يمكن ان تفتح بيوت اشباح وتعذب وتغتصب ولا تتوقع ان ياتيك من جراء هذا نور من الله
لا يمكن ان تتوقع مثلا ان تقتل 300 الف دارفوري وتضع 5 مليون في معسكرات وما يهب الشعب في وجهك
الخ
الخ
الخ
تايع معانا
| |
|
|
|
|
|
|
|
|
|
Re: الحصة دي للكيزان ... ابعد يا مناضل ... The Feedback (Re: أحمد ابن عوف)
|
| Quote: ممكن يكون عندك حق انني ما استاذ، لكن كفرد من الشعب الفضل، في حاجة اسمها مدرسة الحياة |
مادمت مقرا بذلك فضع الطباشيرة واجلس مع التلاميذ
Quote: القصة ما ديرا بروفيسور عشان الزول يقرر يطلع مظاهرة لو الحكومة رفعت سعر السكر مثلا
القصة ما دايرا دكتوراة عشان تقرر ترفع السلاح في وجه حكومة تقصف اهلك المسالمين بطائرات الانتنوف |
وطيب وكت عندك انجليزي قدر دا مالك قاعد مع مناضلي الكيبورد
Quote: احنا بنتكلم عن قرارات حكومية تنظيمية سياسية اجرائية
الدخل قصة
Quote: والله متم نوره
ونعم بالله، ونسأل الله العلي القدير ان يجعل نهارنا وليلنا نورا برضو في السودان |
انا افتكرتك ماعندك قدرة للتدريس لكن ما توقعت المشكلة في الفهم برضو
الله متم نوره
الدخلها هنا
انو في كل الدول العربية الحكم اصبح اسلاميا
ودي ماعاوزة درس عصر
ونصيحة لوجه الله
ماتتشابي للحاجة ان بقت ماقدرتك
او خليك مع النس العاوزين يقاطعونا
| |
|
|
|
|
|
|
|
|
Re: الحصة دي للكيزان ... ابعد يا مناضل ... The Feedback (Re: عمر صديق)
|
ومتى لم يكن الحكم اسلاميا في كل الدول العربية؟؟
Quote: انا افتكرتك ماعندك قدرة للتدريس لكن ما توقعت المشكلة في الفهم برضو
الله متم نوره
الدخلها هنا
انو في كل الدول العربية الحكم اصبح اسلاميا |
قلت لي المشكلة في الفهم
تابع الحصة
السؤال الفوق دا ما استنكاري، محتاج اجابة من عندك
ومن هسع بقول ليك اعمل حسابك، عشان نفتح صفحة الفرق بين الحكم الاسلامي وحكم الاسلاميين او من يسمون نفسهم كذلك
لكن كده بتجوط لي بوستي دا ساكت
انا في الـ feedback
شبشب على الطاير
حجر سلاخي
كرسي هوائي
ودا طبعا بحصل لمن يكون في تحدي على شاكلة
لحس الكوع
فتحدي لحس الكوع، جاب feedback شفتوهو عيانا بيانا
لو داير الفيديو كلمني
| |
|
|
|
|
|
|
|
|
|
Re: الحصة دي للكيزان ... ابعد يا مناضل ... The Feedback (Re: أحمد ابن عوف)
|
طيب، اخونا عمر ما جاوب
نواصل
قلنا يا كيزان سياسات على شاكلة
قتل
تعذيب
اغتصاب
تشريد
تجويع
افقار
تضليل
اكاذيب
سرقة
نهب
جرائم حرب
جرائم ضد الانسانية
جرائم ابادة
بلاوي زي دي يا كوز منك له، ما ممكن تعدي سااااكت كده
الطبيعة لوحدها تتحدث، بقوم بحصل رد فعل اللهو الـ feedback او التغذية المرتجعة، او بالرندوك ح تاكلوها في حنانكم
في شكل
اضرابات
مظاهرات
عصيان مدني
سب ولعن علني
شباشب وبراطيش
معارضة سلمية
معارضة مسلحة
معارضة كيبوردات
وعشان تحتوى الـ feedback ودا شيئ متوقع، مضطرين سيادتكم ان تعملوا بلاوي تانية على البلاوي الفوق دي
زي
تفتحوا بيوت الاشباح على مصراعيها وتمارسوا مزيدا من التعذيب
تولعوا جبهات قتال في كل اركان البلاد
وهكذا دواليك
ح نبقى مدورين كده لحد ما ينتصر الحق ويزهق الباطل
| |
|
|
|
|
|
|
| |
أحمد ابن عوف
عمر صديق
نجلاء سيد أحمد
فيس بوك
تويتر
انستقرام
يوتيوب
بنتيريست