|
كتب الكاتب الفاتح جبرا المتوفرة بمعرض الدوحة
|
|
 Re: صوّر من حفلة نانسي عجاج الأخيرة بتورونتو (Re: Yassir Tayfour)
|
| Quote: الكمندان مبارك عبد المنعم |
سيادتو مبارك عبدالمنعم الواااااااااحد ده
ياسلالالالالالام يااااااخ دي كم سنة ما شفت الراجل ده ....
من سنة 91 ياسيد مبارك ياااااااخ بتبالغ والله ...
ياحليل ايامكم وياحليل الاوسط الخرطوم (الجنوبي سابقاً)
تعرف يا ياسر ياااااخ صورة سيادتو مبارك دي اهم من صور نانسي ذااااته 
| |
  
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: حيدر بشير)
|
تحية شحمانة ليحى فضل الله وعبد الله نقد وعمر منصور
ونانسى وحسن مبارك ومصطفى مدثر
تحية ليك يا اجمل زول اول حرفه ياسر طيفور
ياخ فى ناس الواحد ليهو زمن ماشافهم
زى عبد الله نقد دا عليك الله بلغه سلامى
وتحياتى للكل
تنفعكم الحفلة
قول امين
| |
|
|
|
|
|
|
|
|
 Re: صوّر من حفلة نانسي عجاج الأخيرة بتورونتو (Re: حيدر بشير)
|
Quote: ليك حق تشخت لينا وتقول وداعاً
|
ماهو وداع أخير يا عمر، وانا مِتأكِّد
خلْ الشِين في بَكانا آياسر، إعتراض علي الصاد ماهو في
ثم يا ياسر،
حاسدك رسمي رسمي
عبدالله عبدالرحمن، يحي أبو حسن، ع نقد، مدثر، وكمان جابتلها علي سر الختم
مليون سلام ليكم كلكم
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: Osman Musa)
|
Quote: تعرف يا ياسر ياااااخ صورة سيادتو مبارك دي اهم من صور نانسي ذااااته
|
وكما ن صورة نوباتيا دي اهم من صورة نانسي ذاته
تعرف ياوجيه كل ما اقرا اسم حسن نوباتيا اضحك برااااااااااي
في مره يازول زعلان من واحد وكب نقه تقيلة وختمها قال .. اسفين للهبوط الاطراري ياجماعة
وتعال شوف صاحبك ود الصايم رفع السماعة وقال كاااااااااااااك
.
.
ايامك ياوجيه ... اهم شيء تكون غنت ليكم شقي ومجنون
| |
|
|
|
|
|
|
|
|
 Re: صوّر من حفلة نانسي عجاج الأخيرة بتورونتو (Re: طارق جبريل)
|
ود جبريل
مرة واحد من الأساتذة سألنا لما كنا في الإبتدائي، قال إنتو بتمشو الحفلات لي شنو؟
تعددت الإجابات، واحدين قالو بيمشو عشان الفنان، واحدين قالو بيمشو يرقصو، وآخرين كل واحد معجب بآلة موسيقية، أنا قلت ليهو: بمشي عشان البنات ؛)
__
ضحك وقال لي: أنت أظنك القاعد تكتب في أعمدة الكهرباء ؛)
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: Hussein Mallasi)
|
والله يا ود الصايم كنت جاي مخصوص عشان محمدية..
لكن ناس نانسي ديل عملوا لي عمل:)
بختكم قالوا الكلمة الوحيدة بالعربي كانت حقت الماذون:)
لكن شكلها فاتت عليك انت زاتك.. شايفك في الشريط شايل الشفع ولافي:)
-----------
وليد ان شاء الله دايما ضاحك يا قريبي..
انا هبطت اطراريا عشان انقي ليكم الاجواء:)
اما من ناحية غنت شقي ومجنون فهي غنت وما ابقت من وقارنا شيئا:)
وما اجمل من غناء نانسي الا صحبة ياسر المضياف فهو انسان كامل الدسم..
--------
والله يا ياسر حقو انزل ليك صور Quebec الجميلة عشان يكون البوست تلخيص لزيارة كندا:)
وختاما التحية لجالية تورنتو المنظمة والمثابرة وهي تختلق المناشط والاحتفالات وتجمع شتات السودانين
وتوحدهم في الافراح والاتراح..
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: محمد سنى دفع الله)
|
لا حولااااا يا ياسر طيفور، طيب نحنا بنتعارف شديد. صدقني تلاقينا في أكثر من مائة مناسبة ومناسبة في اقليم اونتاريو. سررت جدا لوجود أصدقاء طولنا منهم الغياب كالرجل الرائع علي سر الختم وقريبنا نوباتيا ومصطفى مدثر ويحى فضل الله وعبد الله نقد ووجوهٌ كثيرة أعرفها ولا تعرفني من بين الحضور.
أكثر شىء راق لي وجود سلطان كيجاب وهو في كامل أناقته وهو من مدينتي سانت كاثرين الرائعة وتحيات كبيرة للنجمة نانسي عجاج وصديقي العازف الماهر عمر منصور ورفاقه...
دمت بألف خير طيفور وكل عام وانتم بخير
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: عبدالأله زمراوي)
|
مولانا والشاعر الملتزم عبد الإله زمراوي
بالتأكيد جمعتنا مئات المناسبات، وبالمناسبة كيفك والأسرة في دوحة العرب.. اسأل الله لك التوفيق أينما كنت يا عبد الإله..
___
الأصحاب كلهم بخير، والسلطان كيجاب مليان بهجة وأناقة كما كانت دعوته وشعار حملته الإنتخابية ؛)
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: هيثم طه)
|
غايتو كل الحفل دا انا طلعته منو بحسين نوباتيا
اما الفنانه نانسي فبتفق مع الخال طارق جبريل
و بزيد معاها ما كندونلز و كنتاكي فوق البيعه
و برضو ما بوافق .
لكن عشان أنا ديمقراطي بقول :- حب الناس مذاهب
و للناس حق محبتها.
يا ياسر و الله البشوفك مبسوط ينبسط ياخ .
يا نوباتيا و الله (نبي) رسمي و التعيين
بتاع المساعدين دا فاتكم و مبروك كندنة
العيال ياخ اها حفظو نشيد العلم ههههههه
المشكلة فيك انت تحفظوا كيف لوووووول.
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: Ali Sirelkhatim)
|
| Quote: لا حولااااا يا ياسر طيفور، طيب نحنا بنتعارف شديد. صدقني تلاقينا في أكثر من مائة مناسبة ومناسبة في اقليم اونتاريو. سررت جدا لوجود أصدقاء طولنا منهم الغياب كالرجل الرائع علي سر الختم |
شاعرنا واستاذنا مولانا عبدالاله زمراوى
ياخى مشتاقـــــــــــــــــــين حد الثمالة والله
حفظكم الله
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: Ali Sirelkhatim)
|
Quote: ـــــــــــــ
على سر الختم دا بعرففففففففو
لكن اصلو ما عرفت من وين !
ابدا كان فى منيسوتا ؟؟ |
دنّوش يا فاكهة المنبر{ذكرا كنت ام انثى}
نعم كنت فى منيسوتافى 1991 لمدة عام بين Winona وSt.Paul لكن يا دنّوش حسب البروفايل بتاعك الوكت داك كان عمرك حداشر سنة بس !!كيف الكلام ده؟؟؟؟؟؟
ولا اقول ليك خلاس نحن كبرنا وكبرت احزاننا..
لكن الله ده ماكريم... المنبر ده بقدر مافيه ناس مسيخين وممصمصين ومومch رين {شفتى دى كيف} بقدر مافيهو ناس زيكم كده بضيفوا ليهو نكهة خاصة وطعم فريد
حفظكم الله
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: Ali Sirelkhatim)
|
معليش يا اخونا - طبعا الزول جا لبلد السواقي دي وطوالي ختا البردعة وربط خرتايتو ودور..
المحيرني انو ياسر دا في كل الصور بتاعتو دي واقف ومنزل يديهو مع انو الزول دا في الحلفة عشان تسلم عليهو لازم يمسكوه اتنين:)
وبعدين والله يا اخونا "سِكر في" بتاعت ياسر دي سلام بالنوبي حتى اسالو قريبي زمراوي..
ود الصايم حقين السعودية خليّهم انا بتكلم عن بتاعين السودان.. الصور واضحة ما في مجال للصلبطة في احمد المسكين:)
سلامي واشواقي لمولانا الشاعر الفذ زمراي..
هيثم طه ياخي تسلم على كلماتك التي وصفتني باكثر مما استحق ...
وعشان كلامك السمح دا هاك دليل لعيون ياسر العسلية:)
ابوسفيان طبعا اخوك النشيد الوحيد الحافظوا هو نشيد الغنم
بمناسبة كندنة العيال واحد قال ليّ طيب ديل ما نالوا الحسنيين النصر والشاهدة:)
راوية ..
اكستريم ميك اوفر شنو ياخي دي نفخة برد ساكت يومين في الساقية بتنفس:) بضرب ليك بكرة كان الله حيانا..
الحبيب على سر الختم .. تشرفت كثير بمعرفتك وربنا يجمعنا دوما في الافراح..
طبعا مداخلتك المن الشمال لليمن دي قتلتني ضحكا فهون عليك يا صديق "اظن" ان حسين قالها مازحا
ليعكس حبه لنانسي ... عارف ... عارف لكن اهو مشي يا حبيب:)
ياسر طيفر انسان لا تمل منه ابدا .... هايبر لابعد الحدود لا يمكن ان يجلس في مكان اكثر من دقيقة
اجتماعي لابعد الحدود ... عزمني "هوكا" على بعد بضة امتار من دار الجالية لكنا وصلنا في نصف ساعة
لانه سلم على عشرات المارة .. اما نوعية السلام فاقول صدقت نبؤة استاذك فيك:)
تحياتي للجميع..
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: عبدالأله زمراوي)
|
ياسر..حبابك يا صديقي..
كتر خيرك على الصور دي.. لأنو الواحد مرات بيلاوز يقرا للناس من غير ما يشوفهم (ياخي انا نجيب محفوظ لمن شفت ليهو كم صورة حت بديت اقرا ليهو)..
سعيد بي شوفة الأصدقاء.. عمر منصور..مصطفى مدثر..على سر الختم..و يحي..
اما حسين نوباتيا..غايتو جنس غايتو..!
سنة 1997 في كافتيريا داون تاون بجامعة الخرطوم.. كان في زول اسمو حسين..و جاي من كندا..وواحدة صديقة (بتاعة مزازيك شديد) قالت لي ياخي في واحد جاي من كندا..تعال سلم عليهو..و جيت لقيت زول ياهو حسن نوباتيا..و اتونس معانا..و استاذن قال داير يشيل جوابات..اها من الشوفة دي.. بعد سنة تقريبا الواحد وصل كندا..!!
اها يا حسين اوعك تقول لي ما مشيت الخرتوم.. في الوكت داك.. لأنو ح نبدا نفتش في حسين تاني..!!
كنت اتمنى اشوف استاذنا حمد اسماعيل..
اما باقي الموضوع انا مع طارق جبرين (حلايب مصرية..و يعيش نضال الحزب الشيوعي ذاتو..!!)..و اقول بهذا الراي يا طارق (نو اوفنيس يا نانسي يا صديقة) و انا الذي اخدت كرت اصفر في نفس الموضوع..و الحيكومة سمعت بحكاية تورنتو.. عارف عملت شنو؟..و الله سوت رابطة عدييل عشان تجيب نانسي لمدينة كالقري..!!
شكرا يا ياسر..جاتني رغبة اسوي لي خنفس من تاني..
كبر
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: عبدالأله زمراوي)
|
مولانا عبد اللإله
تصل بالسلامة إن شاء الله وتلقى التلج لسة محتجب في سماهو، قبل فترة يا عبد الإله جانا صاحبك فقيري حمد، بالرغم من محبتنا ليهو، أديناهو الفيها النصيب، غايتو ضحكنا بفتحي خليلو وفتحي شيلتو..
___
علي سر الختم يا الله يا الله قدرنا وصلنا المسرح "يهِز" فوق نانسي، غايتو اليوم اليطلع المسرح ويغني دي، إلا يا عملات طارق شنقة نديهو "حبوب الشجاعة" ؛)
لكن السلطان كيجاب وناس وحكاي، زول على سجيتو..
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: حسين نوباتيا)
|
| Quote: وبعدين والله يا اخونا "سِكر في" بتاعت ياسر دي سلام بالنوبي حتى اسالو قريبي زمراوي.. |
بي حليفة كمان ؛)
خليهم بالمرة يسألوا ود الصائم بالرغم من إنو شهادة عربية ؛)
__
شكراُ يا أبو الحسن على السويعات القليلة التي قضيناها معك، وطالما الأولاد معانا هنا بنعمل ليك وجع وش بالطلة والخستكة..
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: Ali Sirelkhatim)
|
| Quote: سعيد بي شوفة الأصدقاء.. عمر منصور..مصطفى مدثر..على سر الختم..و يحي |
الحبيب كبر
بعد الاشواق والود افيدك باننى معزوم زيارة لكالقرى من الحبيب النصرى امين وان شاالله نتقابل قريب بس خلى التلج ده يتخارج ..هنالك اشياء كثيرة جميلة وذات مذاق خاص بالتلج بس السفر ما واحد منها..
تحياتى للحبيب منصور المفتاح و النصرى امين وكل من معك
تخريمة
لو عايز النصرى ده ماتشوف بوستاتو بتاعة تخفيف الوزن دى..لاوز ليهو بى شيش كباب كده والله يوقف ليك البص فى اخر محطة بى ركّابو و بجيك..
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: Ali Sirelkhatim)
|
Quote:
الحبيب على سر الختم .. تشرفت كثير بمعرفتك وربنا يجمعنا دوما في الافراح..
طبعا مداخلتك المن الشمال لليمن دي قتلتني ضحكا فهون عليك يا صديق "اظن" ان حسين قالها مازحا
ليعكس حبه لنانسي ... عارف ... عارف لكن اهو مشي يا حبيب:)
|
الحبيب نوباتيا كان كده نحنااسفين للهبوط الاضطرارى ده{اقتباس}..ولكن..بئس الطريقة لعكس الحب..كان يعكس كورنر احسن بدل البلنتى ده..
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: Ali Sirelkhatim)
|
يعني أصحابي الجـبناء علي السر ونوباتيا متجدعين في الصقيع!
ربنا يسألكم فيها شنو يعني لو واحد منكم كلمني بس؟
أما الشقيق الحردان تيفور.. فيا سيدي نانسي قالت لي ناس سودانيزأون لاين
ديل دايماً بيصوروها صور تعبانة.. حسع شوف بشتنتا الفستان ده كيف؟
أنا من عشاق فن نانسي.. وأتمنى إنها ترجع لينا بالسلامة مع العزيز أبوعلي
وتسعدنا في نيويورك قريباً.. عشان نشوف علي وحسين ديل بيجو ولا لع؟
مع خالص الود والمحبة..
_____________
الختم السر على.. أوعك تطرب لي تلفون بعد ما تقرأ كلامي ليك ده
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: Mohamed Yassin Khalifa)
|
اعادة لهدية ود طه :) كمرتك دي بتعسل عينوك براك:)
حبيبنا كبر سعيد ذاك الحسين الذي جمعه مكان واحد برجل موسوعي مثلك ..
انا اصلا مقيم في امريكا بدا عشقي لكندا عام 2005 فبدات احج لها بانتظام منذ ذاك الزمان...1997 كنت مقيم في دبي دانة الدينا وعشق ما له اَخر...
وعلاقتي مع كندا كانت اصبعيه - عندما كنت اتحسسها على الخريطة باصابعي :)
الكنديون يعتبرون من امهر صنّاع السياحة في العالم - وعكس ما قاله ابن طيفور فان السياحة في كندا 12 شهر في السنة .. وبعد زيارة دول عديدة في العالم
استطيع ان اقول ان مقاطعة الكيوبك الكندية الفرنسية من اجمل واروع بقع السياحة في العالم - السياحة التاريخية + السياحة الترفيهية وخاصة مدينة كيوبك العاصمة
ورغم ان الدخل الرئيسي للمدينة ياتي من السياحة واكبر مشغل هي الفنادق وشركات السياحة الترفيهية الا انها تعتبر ارخص مدينة في كندا وبها اعذب مياه شرب في شمال امريكا
واجمل نساء في شمال امريكا واقدم منزل في شمال امريكا وبها واحد من اضخم واجمل الفنادق والاكثر تصويرا في العالم وعييييييييييك على قول بشاشا..
فوصيتي لكل شباب امريكا وكندا وبقية الدول ان تقصدوا الكيوبك ما استطعتم لذلك سبيلا...
Quebec - المضيق - the place where the river narrows
حبيبنا ود الخليفة سلامات ومشتاقين..
وينك طولت من بوسطن؟ بالنسبة للصقيع انا كان لقيت طريقة فسحة الغدا بجري على الفرنسيين ديل:)
سمعنا صوتك..
تحياتي ..
| |
|
|
|
|
|
|
|
|
|
Re: صوّر من حفلة نانسي عجاج الأخيرة بتورونتو (Re: حسين نوباتيا)
|
Quote: يعني أصحابي الجـبناء علي السر ونوباتيا متجدعين في الصقيع!
ربنا يسألكم فيها شنو يعني لو واحد منكم كلمني بس؟
|
الحبيب محمد يسن
عساك بالف خير ياحبيب
وهذه دعوة لك لحضور الحفل القادم ليلة الكريستماس بنياجرا فولزالكندية{جيب جوازك وتعال لى نمشى سوا سوا}
تحياتى يا حبيب
| |
|
|
|
|
|
|
| |
Yassir Tayfour
omer osman
محمد المرتضى حامد
سلمى الشيخ سلامة
محمد عبدالرحمن محمد
Osman Musa
وليد عبد اللطيف
محمد عبد الماجد الصايم
Hussein Mallasi
طارق جبريل
حسين نوباتيا
محمد سنى دفع الله
Ali Sirelkhatim
هيثم طه
سفيان بشير نابرى
دينا خالد
Rawia
Kabar
Mohamed Yassin Khalifa
فيس بوك
تويتر
انستقرام
يوتيوب
بنتيريست