|
乂 乂 من دغش الرحمن..乂 乂
|
طبعاً بجى ابونا- الله يديهو العافية- شيل ليك ترميس الشاى.مع وقع خطوات ونحنحة معلومة عشان الواحد يصحى..الواحد بيحاول يتحرك..لكن شنو..صباحات البلد ما ياها. وحاجات كتيرة من بداية اليوم بقت ما تجى..! احد الضيوف الذين يحبون النوم مثلى تماماً اقترح على الوالد فى لطف انو ينتهى من حكاية الشاى دى. ويصرفوهو ليهو بعد وجبة العشا مباشرة..
|
|
|
|
|
|
|
|
Re: 乂 乂 من دغش الرحمن..乂 乂 (Re: مُحَمَّدٍ عِوَضٌ احْمَدُ)
|
عمنا الحاج طبعاً فجأة كده بقوم يصحى ليك الجماعة من طرف . الا العبد لله. الضيف اياهو..طوالى فتح خشمو -اسمع يا حاج انتا بتصحى الناس دى كلها وتنسى محمد لى شنو؟ - شوف يا زول والله الزمن ده فى جنس اولاد كده كان سألتهم تخاف تخسرهم..خليهو نايم مع انى صاحى وبضحك من تحت البطانية..
| |
|
|
|
|
|
|
Re: 乂 乂 من دغش الرحمن..乂 乂 (Re: مُحَمَّدٍ عِوَضٌ احْمَدُ)
|
طبعاً الدنيا شتاااا وليلو طويل..والرقدة بقت اجبارى جوه,,وراحت متعة التأمل فى سما ربنا .., وتحاول كل مرة تحنس وتحتال على عيونك عشان تقدر تنوم. يعنى كأنك كاتل ليك رقبة. الف خاطر وخاطر يجوك طايرين تفكر فى بعد.. بعد.. بعد ..بكرة..وترجع تانى لأول نقطة..بلا فائدة. المشكلة البجد فى الصباح..... لما تبدى حكاوى زمان.من الناس الخبرات النايمة معانا. من بعد صلاة العشا تسمع صوت شخيرهم من الباب ومن الدغش. تلقاهم يتحسرو..ويحكو لينا عن ماضى الذكريات.. -رطل السكر كان بى خمسة قروش - انا عرستا بى تلات وخمسين جنيه ومعاى اخوى كمان - فى الجامعة كانو بصرفو لينا ساردين واناناس وطحنية وبندى منها اهلنا ..وكنا بناكل فى صفرة.. - قزازة البيرة عادى كان ممكن تدسها وتدخلها الداخلية برضو..نعنشة وقراية..وقلة ادب ونجاح..! -كانو بصرفو لينا اعانات ومستلزمات الدارسة كلها مجان حتى الورق - لحدى سنة 89 الحياة كانت سمحة الا لما جو الشواطين ديل - الجنيه السودانى كان بى 13 ريال سعودى لا يمكننى التأكد طبعاً من صدق هذه الاقاويل. باعتبار اننى لم اعيش فى ذلك الزمن. ولا فى هذا ايضاً.. لكن بصراحة بقيت اتحسس شديد من الحكاوى دى. مع اننى..وجيلى -الذى يتلقى كل يوم على قفاهو صنوف من العذاب المحكى - مرة اخرى- لم اتسبب فى الازمات الحالية.التى يمر بها هولاء الكبار. الحانهم الكلاسيكية هذه مزعجة. ومكررة..ومسألة القاء اللوم على زمان البؤساء من امثالنا شئ مضحك. ومحبط فى نفس الوقت. لم نملك كل هذه الفرص الثمينة التى تمتعو بها..لا بالحلال او بالحرام..سواعدنا فتية نعم..ولكنها كانت دائماً تحت سطوتكم انتم. لا غير..قصصكم ليست مغرية. ولا تعكس اى بطولات. .ولا تدعوكم لكل هذا الفخر.. كلنا تقريباً الان ندور فى نقطة واحدة.. مع اننا نفتقد قليلاً طعم البيرة..ومزاج الحرية.. يلا ح نشرب الشاى... ع قول عادل امام..
| |
|
|
|
|
|
|
Re: 乂 乂 من دغش الرحمن..乂 乂 (Re: مُحَمَّدٍ عِوَضٌ احْمَدُ)
|
اها نسيت اقول انو فى زمنا احنا..ديل.. شوفنا شراب الشاى بالبلح.. وبعد مرات كانو بدقو الحلاوة(دربس) عشان سكر مافى. اها لياليكم الزمان دى نفسى فى واحدة فيها. حفلة ماجنة كده صباحى.ومعاها اى حاجة من الشئ الفى القزاز.بيرة ابوجمل,,ابوحصان..؛؛ما مشكلة..؛؛ بالعدم حفلة زار..او رقيص عروس قطع رحط..طهارة انجال..اى حاجة بالله.
| |
|
|
|
|
|
|
Re: 乂 乂 من دغش الرحمن..乂 乂 (Re: مُحَمَّدٍ عِوَضٌ احْمَدُ)
|
Quote: من الشئ الفى القزاز.بيرة ابوجمل,,ابوحصان..؛؛ما مشكلة..؛؛ بالعدم حفلة زار..او رقيص عروس قطع رحط..طهارة انجال..اى حاجة بالله. |
أتاريك حكاااااااى ووناس ياولدى
وكمان حكاويك طاعمة يامحمد
غايتو الزمن الجميل دة حضرناه فى البلد ،
زمن الزمان زين والشعر مغتى الاضنين
علا انتوا ياولدى ماقصرتوا كمان,
ماتراكم حضرتوا زمن الانغاز والانجاز
والشامبيون وعوض الجااااز!!!!
أها عاد ياولدى شاحدة ربى تعرس وتقطع الرحط قبال نهاية السنة دى
قول آمين
تحياتى
| |
|
|
|
|
|
|
Re: 乂 乂 من دغش الرحمن..乂 乂 (Re: مهيرة)
|
Quote: أتاريك حكاااااااى ووناس ياولدى وكمان حكاويك طاعمة يامحمد غايتو الزمن الجميل دة حضرناه فى البلد ، زمن الزمان زين والشعر مغتى الاضنين علا انتوا ياولدى ماقصرتوا كمان, اتراكم حضرتوا زمن الانغاز والانجاز والشامبيون وعوض الجااااز!!!! أها عاد ياولدى شاحدة ربى تعرس وتقطع الرحط قبال نهاية السنة دى قول آمين تحياتى |
يعنى نجيب سيرة زمان تقوم تجينا مهيرة بى جلالة قدرها..! ياخ انا محظوظ..جداً طبعاً لما قامت الانقاذ كنت فى سادسة ابتدائى وكنت مبسوط منها فى الوقت داك لانها ريحتنا من جلسات البرلمان الكانو بنقلوها على الهواء مباشرة.وممسخة علينا التلفزيون بقيت احضر المسلسل العربى كامل. بس للأسف اصلو ما قدرت يوم الحق عالم السينما.لأنو الساعة 12 بالليل زمان اصلو ما كانت بتجى بالساهل. عليك الله ركزى ليا على دعوة العرس دى.لانو هو الخلاص الوحيد ربنا يسمع منك
| |
|
|
|
|
|
|
|